August 15, 2010

እነ ወ/ሮ እጅጋየሁ የ “ሐውልቱ ሥር ቁማርተኞች ”መጽሐፍ ደራሲን ለመክሰስ በዝግጅት ላይ ናቸው

  • ሊቀ ትጉሃን ዘሪሁን ሙላቱ በሀገረ ስብከቱ ጽ/ቤት ቀርበው ሪፖርት እንዲያደርጉ ማሳሰቢያ ወጣባቸው፤  
(ደጀ ሰላም፤ ኦገስት 15/2010፤ ነሐሴ 8/2002 ዓ.ም):- በቅርቡ ‹‹የሐውልቱ ሥር ቁማርተኞች›› በሚል ርእስ፣ ፈታሔ በጽድቅ በሚል የፈጠራ ስም የሊቀ ማእምራን ፋንታሁን ሙጬን፣ የወ/ሮ እጅጋየሁ በየነን፣ የበጋሻው ደሳለኝን እና የያሬድ አደመን “ገመና፣ ኀጢአት እና የሙስና ድርጊቶች” በማጋለጥ ባለ ኀምሳ ገጽ ጽሑፍ ያወጣው ስውሩ ጸሐፊ ዘሪሁን ሙላቱ ከዓርብ ነሐሴ ሰባት ቀን 2002 ዓ.ም (ኦገስት 13/2010) ጀምሮ በሚታሰቡ አምስት ተከታታይ የሥራ ቀናት ውስጥ በአዲስ አበባ ሀገረ ስብከት ጽ/ቤት ቀርቦ ሪፖርት እንዲያደርግ የሚያዝዝ ማሳሰቢያ ወጣበት፡፡

የአዲስ አበባ ሀገረ ስብከት ሥራ አስኪያጅ በሆኑት አወዛጋቢው ሊቀ ማእምራን ፋንታሁን ሙጬ ትእዛዝ በቁጥር 8785/2467/02 በቀን 7/12/02 መውጣቱ የተገለጸው ይኸው ማሳሰቢያ “ሊቀ ትጉሃን ዘሪሁን ሙላቱ የሕዝብ ግንኙነት ሐላፊ ኾነው እንዲሠሩ በተመደቡበት የቦሌ ደብረ ሳሌም መጥምቁ ዮሐንስ እና ደብረ መድኃኒት መድኃኔ ዓለም ካቴድራል ለረጅም ጊዜ በሥራ ገበታቸው ላይ እንዳልተገኙ” በመግለጽ አገልግሎቱን ሲበድሉ መቆየታቸውን ያመለክታል፡፡ ስለሆነም ሊቀ ትጉሃን ዘሪሁን ከዓርብ ነሐሴ ሰባት ቀን 2002 ዓ.ም ጀምሮ በሚታሰቡ አምስት ተከታታይ የሥራ ቀናት ውስጥ ወደ ሀገረ ስብከቱ ጽ/ቤት ቀርበው ሪፖርት እንዲያደርጉ፣ በእነዚህ ቀናት ውስጥ ሪፖርት ካላደረጉ ግን ሥራቸውን በገዛ ፈቃዳቸው እንደ ለቀቁ ተቆጥሮ በቦታው ላይ ሌላ ሰው የሚሾም መኾኑ ተገልጧል፡፡ በአድራሻ ለሊቀ ትጉሃን ዘሪሁን ሙላቱ፣ በግልባጭ ለሀገረ ስብከቱ የአስተዳደር መምሪያ እና ለቦሌ ደብረ ሳሌም መጥምቁ ዮሐንስ እና ደብረ መድኃኒት መድኃኔ ዓለም ካቴድራል ሰበካ ጉባኤ ጽ/ቤት ግልባጭ የተደረገው ይኸው ማሳሰቢያ በሀገረ ስብከቱ ጽ/ቤት መግቢያ እና በካቴድራሉ ሰበካ ጉባኤ ጽ/ቤት በትላትናው ዕለት እንዲለጠፍ ተደርጓል፡፡
በሊቀ ትጉሃን ዘሪሁን ላይ ከተመደበበት ካቴድራል ለሀገረ ስብከቱ ርምጃ መነሻ የሚሆን ውሳኔ ባልተላለፈበት ሁኔታ ይህ ዓይነቱ ማሳሰቢያ መውጣቱ፣ “ተገቢ አካሄዱን ያልጠበቀ እና ለግለሰቦች ቂም በቀል ለማመቻቸት ታስቦ ነው” ሲሉ  ሂደቱን በቅርበት የሚከታተሉ የካቴድራሉ አገልጋዮች ተችተዋል፡፡
በአንጻሩ ‹ስውሩ› ጸሐፊ ዘሪሁን ሙላቱ ጽሑፉን አሳትሞ ካወጣበት ዕለት ጀምሮ የወትሮ መኖርያውን በመቀያየር እና ዳናውን በማጥፋት የ‹መጽሐፉ›ን ሥርጭት በማጧጧፍ ላይ መሆኑ ታውቋል፡፡ ‹መጽሐፉ› እስከ አሁን ድረስ በ10‚000 ኮፒ እንደ ታተመ የተነገረ ሲሆን በተለይም በሐዋሳ እና በአዲስ አበባ ምእመናን ለሱባኤው በከፍተኛ ቁጥር በተሰባሰቡባቸው እንደ እንጦጦ ኪዳነ ምሕረት ባሉ አብያተ ክርስቲያን እንዲሁም በጠቅላይ ቤተ ክህነቱ እና በሀገረ ስብከቱ ጽ/ቤቶች፣ በቅድስት ሥላሴ መንፈሳዊ ኮሌጅ በከፍተኛ ቁጥር በመሠራጨት ላይ ይገኛል፡፡ በአንዳንድ ሥፍራዎች ሥርጭቱ በባለሀብቶች የታገዘ ሲኾን 15.00 ብር የኾነውን የሽፋን ዋጋ ከኻያ እስከ ኀምሳ ብር በኾነ ዋጋ የሚሸጡ ነጋዴዎች እና ግለሰቦችም አጋጥመዋል፡፡
መጽሐፉ በአጭር ጊዜ ባገኘው ከፍተኛ ሥርጭት እና ተነባቢነት በእጅጉ የተደናገጡት እነ ሊቀ ማእምራን ፋንታሁን ሙጩ እና ወ/ሮ እጅጋየሁ በየነ ጽሑፉ በይፋ ታትሞ መውጣቱን ከሰሙበት ካለፈው ማክሰኞ ጀምሮ የ‹ስውሩን› ጸሐፊ መግቢያ እና መውጫ በማጥናት እና በማስፈለግ ሲባዝኑ፣ የሚያሳርፉበትን የበቀል ብትር በተመለከተ ሲመክሩ ሰንብተዋል፡፡ እነ በጋሻው ደሳለኝ በበኩላቸው፣ ‹‹እኛ የጌታ ነን፤ ከጌታ ጋራ የሆነ እንኳን ኀምሳ ገጽ አመስት መቶ ገጽ ቢጻፍበትም አይፈራም፤›› በማለት ካፈርኩ አይመልሰኝ ዓይነት ምላሽ በመስጠት ክሳደ-ልቡናቸውን ማደንደናቸው ተሰምቷል፡፡
ቀደም ሲል ወይዘሮ እጅጋየሁ እርሳቸውን የሚመለከተው የጽሑፉ ረቂቅ እንዲደርሳቸውና ጽሑፉ እንዳይታተም ከ150‚000 - 200‚000 ብር ጉቦ እንዲሰጡ በጸሐፊው መጠየቃቸው የተነገረ ቢሆንም ጸሐፊውን በማስፈራራት እና “ደፍሮ አያሳትመውም” በሚል ተዘናግተው እንደ ቆዩ ተነግሯል፡፡ ከስድስት ወራት በፊት ስውሩ ጸሐፊ አገር ለቅቆ መሄድ እንደሚፈልግና ይህን የውጭ ጉዞውን ከፓትርያርኩ ጋራ ተነጋግረው እንዲያመቻቹለት ያቀረበላቸውን ተማፅኖ ባለመፈጸም ቂም ያተረፉት ወ/ሮ እጅጋየሁ፣ የአዲሱ ‹መጽሐፍ› ኮፒ ማክሰኞ ዕለት ሲደርሳቸው የጸሐፊውን ‹‹አከርካሪ እንደሚሠብሩ›› አልያም ‹‹ራሳቸውን እንደሚያጠፉ›› በመዛት ጸሐፊውን አድኖ ለመያዝ ወደ ሕዝብ ደኅንነት እና ጸጥታ ቢሮ ያመለክታሉ፡፡ ከቢሮው የተሰጣቸው ምላሽ ግን አፋቸውን የሚያሲዝ፣ ጆሯቸውን ጭው የሚያደርግ ነበር፡፡
ቢሮው ባለፈው ዓመት በተመሳሳይ ወቅት ዘሪሁን ሙላቱ “ተከሥተ ዘሪሁን” በሚል የፈጠራ ስም፣ ‹‹የጳጳሱ ቅሌት›› በሚል ርእስ በወቅቱ የአዲስ አበባ ሀገረ ስብከት እና የፓትርያርኩ ረዳት ሊቀ ጳጳስ በነበሩት እና የአቡነ ጳውሎስን ቅጥ ያጣ ቤተ ዘመዳዊ አስተዳደር ለማረም ሌሎች ብፁዓን አባቶችን በማስተባበር በተጋደሉት ብፁዕ አቡነ ሳሙኤል ላይ አባቶችን የሚያዋርድ ስም አጥፊ ጽሑፍ ባወጣበት ወቅት ወይዘሮዋ በጸሐፊው ላይ የነበራቸውን አቋም አስታውሷቸዋል፡፡
በወቅቱ ለቤተ ክርስቲያን ሥር የሰደደ አስተዳደራዊ ችግር የሠለጠነ መፍትሔ ለመሻት እና የፓትርያርክ አቡነ ጳውሎስን ዓምባገነናዊነት ለመግራት የተባበረ አቋም የነበራቸውን ብፁዓን አባቶች የማስደብደብ ሙከራ ያደረጉት ወይዘሮ እጅጋየሁ፣ ስም አጥፊው ጸሐፊ በፖሊስ ቁጥጥር ሥር ውሎ በሕግ እንዲጠየቅ በብፁዕ አቡነ ሳሙኤል ፊርማ በወጣ ደብዳቤ በተጠየቀበት ወቅት ‹‹የቤተ ክርስቲያን ልጅ ነው፤ እኔ ዐውቀዋለኹ፤ ለፈጸመው ተግባር ሐላፊነቱን እወስዳለኹ፤›› በማለት ተከላክለውለት(ታድገውት) ነበር፡፡ ‹‹በሰፈሩት ቁና...›› እንዲሉ ‹‹ያ ምስክርነትዎ የት ደረሰ?›› የተባሉት ወይዘሮዋ በብስጭት ለሌላ የበቀል ሙከራ በመዘጋጀት ላይ ናቸው፡፡
በዚህም መሠረት ሊቀ ትጉሃን ዘሪሁን በቦሌ ደብረ ሳሌም መጥምቁ ዮሐንስ እና ደብረ መድኃኒት መድኃኔ ዓለም ካቴድራል የሕዝብ ግንኙነት ሐላፊ ሆኖ ያለ አንዳች ሥራ በየወሩ የሚያገኘውን 1600.00 ብር በስልክ በሰጡት ትእዛዝ ለማሳገድ ሞክረው በካቴድራሉ አስተዳደር ተቃውሞ ካልተሳካላቸው ሊቀ ማእምራን ፋንታሁን ሙጬ ጋራ ዐርብ ዕለት መምከራቸው የተዘገበው ወይዘሮ እጅጋየሁ በስውሩ ጸሐፊ እና ‹‹ግብረ አበሮቹ ናቸው›› ባሏቸው ሌሎች ግለሰቦች ላይ ክስ ለመመሥረት መወሰናቸው ታውቋል፡፡ በክሱ የማይካተቱትን እና የ‹መጽሐፉ›ን ዝግጅት፣ ኅትመት እና ሥርጭት ረድተዋል በሚል የተጠረጠሩ ሌሎች ሠራተኞችም ከደረጃቸው ዝቅ የማድረግ ወይም ወደማይፈልጉት ቦታ የማዘዋወር ዕጣ ፈንታ እንደሚጠብቃቸው ተሰምቷል፡፡
የክስ ዶሴ እየተሰናዳባቸው ከሚገኙት ግለሰቦች መካከል ለጸሐፊው ዳጎስ ያለ ገንዘብ አስቀድመው በመስጠታቸው እንደ እነ ወ/ሮ እጅጋየሁ እና በጋሻው ከመጋለጥ ለጊዜው ያመለጡት እና ‹‹መጽሐፉን በማዘጋጀት እና በማሳተም ሂደት መርዳታቸው በእነ ሊቀ ማእምራን ፋንታሁን ተደርሶባቸዋል፤›› የተባሉት ሊቀ ካህናት ጌታቸው ዶኒ ይገኙበታል፡፡ ቀደም ሲል ሊቀ ካህናት ጌታቸው ዶኒ ከሚፈለጉባቸው በርካታ የወንጀል ተግባራት መካከል በአስተዳዳሪነት በሚሠሩባት የሰፋሪ ገነት አቃቂ ደብረ ቁስቋም ቅድስት ማርያም እና ቅዱስ ሚካኤል ቤተ ክርስቲያን ለጠበል ቤት ማሠርያ ተብሎ በምእመናን ገንዘብ የተገዙትን የቤት ክዳን ቆርቆሮዎች መዝረፋቸው እየታወቀ በዝምታ ታልፈው ነበር፡፡ ሊቀ ትጉሃን ዘሪሁን ሙላቱ በብላሽ ሲበላው የቆየው የካቴድራሉ ደሞዝ አሁን እነርሱ ሲነኩ ትዝ ያላቸው ግለሰቦች፣ የቁስቋም ምእመናን በሊቀ ካህናት ጌታቸው ዶኒ ላይ ከዘመን በፊት ያቀረቡት የክስ አቤቱታም የታወሳቸው አሁን ከጀርባ እንደ ተወጉ ሲሰማቸው ነው፡፡ በመሆኑም አቤቱታውን የሚያጣራ ልዑክ ወደ ሥፍራው በመላክ ክሳቸውን ለማጠናቀር ተስማምተዋል፡፡
እነ ወ/ሮ እጅጋየሁ በጸሐፊው እና ተባባሪዎቹ ናቸው በሚሏቸው ላይ ለመመሥረት ለሚያስቡት ጠቅላላ የክስ ሂደት የሀገረ ስብከቱ የሕዝብ ግንኙነት ሐላፊ ቀሲስ ሳሙኤል እሸቱ፣ የፈረንሳይ ደብረ ሰማዕት ቅዱስ ጊዮርጊስ ቤተ ክርስቲያን አስተዳዳሪ ቀሲስ በቀለ እና የደብረ ነጓድጓድ ቅዱስ ዮሐንስ ቤተ ክርስቲያን ሰበካ ጉባኤ ጽ/ቤት ጸሐፊ መምህር ሰሎሞን በቀለ በእማኝነት መዘጋጀታቸውን እና በምክር በኩል እየረዱ መሆኑ ታውቋል፡፡

20 comments:

selamawi said...

በስመ ስላሴ አሃዱ አምላክ አሜን

ወይ አምላኬ ብለው ብለው እርስ በራስ መናቆር ጀመሩ ? ሌባ ሲሰርቅ ይፋቀራል ሲካፈል ይጣላል እንደሚባለው ሆነ ማለት ነው? አይ የኔ መድኃኔ ዓለም ,, ወርእየት አይንየ በጸላእትየ (ዓይኔም በጠላቶቼ ላይ አየች፥ ጆሮዬም በእኔ ላይ በቆሙ በክፉዎች ላይ ሰማች። መዝ92፥11) እንዳለ ቅዱስ ዳዊት ,,እዚሁ ሲናቆሩ አሳየን ገና ብዙ እናያለን ትግስት ብቻ ነው የሚያስፈልገው ለማንናውም አንድ በሉልኝ እንግዲህ በነገራችን ላይ ወ/ሮዋ እንዴት ነው ትዳርም የላቸው እንዴ ለመሆኑ ከየት የመጡ ናቸው ርዓተ ቤተክርስቲያን የቅዱስ ሲኖዶስ አማካሪ ጋለሞታ መሆን ይችላል እንዴ ? እረ እባካችሁm ቅርብ የሆናችሁ ሰዎች ምከሯቿው ሰው አጥተው ነው ባሏን ፈታ በምንዝር የምትኖር ሴት አማካሪ የሚያደርጉት ? ምናለ ለሷስ መሰናክል ባይሆኑባት ወደ ንስሃ እንዳትትመጣ መንገዱን ባይዘጉባት

ኦሪት ዘሌዋውያን 21፥7 ለአምላኩ የተቀደሰ ነውና ጋለሞታን ሴት ወይም የረከሰችውን አያግባ ወይም ከባልዋ የተፈታችውን አያግባ።

ኦሪት ዘዳግም 23፥17 ከእስራኤል ሴቶች ልጆች ሴት ጋለሞታ አትገኝ፥ ከእስራኤልም ወንዶች ልጆች ወንድ ጋለሞታ አይገኝ።

ዘዳግ 23፥18 ስለ ተሳልኸው ስእለት ሁሉ የጋለሞታይቱን ዋጋና የውሻውን ዋጋ ወደ አምላክህ ወደ እግዚአብሔር ቤት አታቅርብ ሁለቱም በአምላክህ በእግዚአብሔር ዘንድ የሚያጸይፉ ናቸውና።


መጽሐፈ ምሳሌ 2፥16 ከጋለሞታ ሴት አንተን ለመታደግ፥ ቃልዋን ከምታለዝብ ከሌላዪቱም ሴት

ምሳ 5፥3 ከጋለሞታ ሴት ከንፈር ማር ይንጠባጠባልና፥ አፍዋም ከቅቤ የለሰለሰ ነውና

ምሳ 5፥20 ልጄ ሆይ፥ ስለ ምን ጋለሞታ ሴት ትወድዳለህ? የሌላይቱንስ ብብት ለምን ታቅፋለህ?

ምሳ6፥26 የጋለሞታ ዋጋ እስከ አንዲት እንጀራ ነው አመንዝራም ሴት የሰውን ሕይወት ታጠምዳለች።

ምሳ 7፥5 ከጋለሞታ ሴት ትጠብቅህ ዘንድ ቃልዋን ካለዘበች ከሌላይቱ ሴት።

ምሳ 7፥10 እነሆ፥ ሴት ተገናኘችው የጋለሞታ ልብስ የለበሰች፥ ነፍሳትን ለማጥመድ የተዘጋጀች።

ምሳ22፥14 የጋለሞታ ሴት አፍ የጠለቀ ጕድጓድ ነው እግዚአብሔር የተቈጣው በእርስዋ ይወድቃል።

ምሳ23፥27 ጋለሞታ ሴት የጠለቀች ዐዘቅት ናትና፥ ሌላይቱም ሴት የጠበበች ጕድጓድ ናትና።

ምሳ23፥33 ዓይኖችህ ጋለሞታዎችን ያያሉ፥ ልብህም ጠማማ ነገርን ይናገራል።

selamawi said...

በስመ ስላሴ አሃዱ አምላክ አሜን

ወይ አምላኬ ብለው ብለው እርስ በራስ መናቆር ጀመሩ ? ሌባ ሲሰርቅ ይፋቀራል ሲካፈል ይጣላል እንደሚባለው ሆነ ማለት ነው? አይ የኔ መድኃኔ ዓለም ,, ወርእየት አይንየ በጸላእትየ (ዓይኔም በጠላቶቼ ላይ አየች፥ ጆሮዬም በእኔ ላይ በቆሙ በክፉዎች ላይ ሰማች። መዝ92፥11) እንዳለ ቅዱስ ዳዊት ,,እዚሁ ሲናቆሩ አሳየን ገና ብዙ እናያለን ትግስት ብቻ ነው የሚያስፈልገው ለማንናውም አንድ በሉልኝ እንግዲህ በነገራችን ላይ ወ/ሮዋ እንዴት ነው ትዳርም የላቸው እንዴ ለመሆኑ ከየት የመጡ ናቸው ርዓተ ቤተክርስቲያን የቅዱስ ሲኖዶስ አማካሪ ጋለሞታ መሆን ይችላል እንዴ ? እረ እባካችሁm ቅርብ የሆናችሁ ሰዎች ምከሯቿው ሰው አጥተው ነው ባሏን ፈታ በምንዝር የምትኖር ሴት አማካሪ የሚያደርጉት ? ምናለ ለሷስ መሰናክል ባይሆኑባት ወደ ንስሃ እንዳትትመጣ መንገዱን ባይዘጉባት

ኦሪት ዘሌዋውያን 21፥7 ለአምላኩ የተቀደሰ ነውና ጋለሞታን ሴት ወይም የረከሰችውን አያግባ ወይም ከባልዋ የተፈታችውን አያግባ።

ኦሪት ዘዳግም 23፥17 ከእስራኤል ሴቶች ልጆች ሴት ጋለሞታ አትገኝ፥ ከእስራኤልም ወንዶች ልጆች ወንድ ጋለሞታ አይገኝ።

ዘዳግ 23፥18 ስለ ተሳልኸው ስእለት ሁሉ የጋለሞታይቱን ዋጋና የውሻውን ዋጋ ወደ አምላክህ ወደ እግዚአብሔር ቤት አታቅርብ ሁለቱም በአምላክህ በእግዚአብሔር ዘንድ የሚያጸይፉ ናቸውና።


መጽሐፈ ምሳሌ 2፥16 ከጋለሞታ ሴት አንተን ለመታደግ፥ ቃልዋን ከምታለዝብ ከሌላዪቱም ሴት

ምሳ 5፥3 ከጋለሞታ ሴት ከንፈር ማር ይንጠባጠባልና፥ አፍዋም ከቅቤ የለሰለሰ ነውና

ምሳ 5፥20 ልጄ ሆይ፥ ስለ ምን ጋለሞታ ሴት ትወድዳለህ? የሌላይቱንስ ብብት ለምን ታቅፋለህ?

ምሳ6፥26 የጋለሞታ ዋጋ እስከ አንዲት እንጀራ ነው አመንዝራም ሴት የሰውን ሕይወት ታጠምዳለች።

ምሳ 7፥5 ከጋለሞታ ሴት ትጠብቅህ ዘንድ ቃልዋን ካለዘበች ከሌላይቱ ሴት።

ምሳ 7፥10 እነሆ፥ ሴት ተገናኘችው የጋለሞታ ልብስ የለበሰች፥ ነፍሳትን ለማጥመድ የተዘጋጀች።

ምሳ22፥14 የጋለሞታ ሴት አፍ የጠለቀ ጕድጓድ ነው እግዚአብሔር የተቈጣው በእርስዋ ይወድቃል።

ምሳ23፥27 ጋለሞታ ሴት የጠለቀች ዐዘቅት ናትና፥ ሌላይቱም ሴት የጠበበች ጕድጓድ ናትና።

ምሳ23፥33 ዓይኖችህ ጋለሞታዎችን ያያሉ፥ ልብህም ጠማማ ነገርን ይናገራል።

selamawi said...

በስመ ስላሴ አሃዱ አምላክ አሜን

ወይ አምላኬ ብለው ብለው እርስ በራስ መናቆር ጀመሩ ? ሌባ ሲሰርቅ ይፋቀራል ሲካፈል ይጣላል እንደሚባለው ሆነ ማለት ነው? አይ የኔ መድኃኔ ዓለም ,, ወርእየት አይንየ በጸላእትየ (ዓይኔም በጠላቶቼ ላይ አየች፥ ጆሮዬም በእኔ ላይ በቆሙ በክፉዎች ላይ ሰማች። መዝ92፥11) እንዳለ ቅዱስ ዳዊት ,,እዚሁ ሲናቆሩ አሳየን ገና ብዙ እናያለን ትግስት ብቻ ነው የሚያስፈልገው ለማንናውም አንድ በሉልኝ እንግዲህ በነገራችን ላይ ወ/ሮዋ እንዴት ነው ትዳርም የላቸው እንዴ ለመሆኑ ከየት የመጡ ናቸው ርዓተ ቤተክርስቲያን የቅዱስ ሲኖዶስ አማካሪ ጋለሞታ መሆን ይችላል እንዴ ? እረ እባካችሁm ቅርብ የሆናችሁ ሰዎች ምከሯቿው ሰው አጥተው ነው ባሏን ፈታ በምንዝር የምትኖር ሴት አማካሪ የሚያደርጉት ? ምናለ ለሷስ መሰናክል ባይሆኑባት ወደ ንስሃ እንዳትትመጣ መንገዱን ባይዘጉባት

ኦሪት ዘሌዋውያን 21፥7 ለአምላኩ የተቀደሰ ነውና ጋለሞታን ሴት ወይም የረከሰችውን አያግባ ወይም ከባልዋ የተፈታችውን አያግባ።

ኦሪት ዘዳግም 23፥17 ከእስራኤል ሴቶች ልጆች ሴት ጋለሞታ አትገኝ፥ ከእስራኤልም ወንዶች ልጆች ወንድ ጋለሞታ አይገኝ።

ዘዳግ 23፥18 ስለ ተሳልኸው ስእለት ሁሉ የጋለሞታይቱን ዋጋና የውሻውን ዋጋ ወደ አምላክህ ወደ እግዚአብሔር ቤት አታቅርብ ሁለቱም በአምላክህ በእግዚአብሔር ዘንድ የሚያጸይፉ ናቸውና።


መጽሐፈ ምሳሌ 2፥16 ከጋለሞታ ሴት አንተን ለመታደግ፥ ቃልዋን ከምታለዝብ ከሌላዪቱም ሴት

ምሳ 5፥3 ከጋለሞታ ሴት ከንፈር ማር ይንጠባጠባልና፥ አፍዋም ከቅቤ የለሰለሰ ነውና

ምሳ 5፥20 ልጄ ሆይ፥ ስለ ምን ጋለሞታ ሴት ትወድዳለህ? የሌላይቱንስ ብብት ለምን ታቅፋለህ?

ምሳ6፥26 የጋለሞታ ዋጋ እስከ አንዲት እንጀራ ነው አመንዝራም ሴት የሰውን ሕይወት ታጠምዳለች።

ምሳ 7፥5 ከጋለሞታ ሴት ትጠብቅህ ዘንድ ቃልዋን ካለዘበች ከሌላይቱ ሴት።

ምሳ 7፥10 እነሆ፥ ሴት ተገናኘችው የጋለሞታ ልብስ የለበሰች፥ ነፍሳትን ለማጥመድ የተዘጋጀች።

ምሳ22፥14 የጋለሞታ ሴት አፍ የጠለቀ ጕድጓድ ነው እግዚአብሔር የተቈጣው በእርስዋ ይወድቃል።

ምሳ23፥27 ጋለሞታ ሴት የጠለቀች ዐዘቅት ናትና፥ ሌላይቱም ሴት የጠበበች ጕድጓድ ናትና።

ምሳ23፥33 ዓይኖችህ ጋለሞታዎችን ያያሉ፥ ልብህም ጠማማ ነገርን ይናገራል።

Anonymous said...

ደጀ ሰላሞች በክሱ ዙርያ የነገራችሁን መረጃ ትክክለ ቢሆንም በስተመጨረሻ የጠቀሳቸሁት የግለሰቦቸ ስም ግን ፈጽሞ የተሳሳተ መሆኑን ልጠቅስላችሁ እፈልጋለሁ
በመጀመርያ መልአከ ጸሀይ በቀለና መምህረ ሰሎሞን በቀለ የቤተ ክሀነቱን የቤተሰብ አስተዳደር ተቃውመወ ከአቡነ ሳሙኤል ጋር በመሰለፋቸው እስከዛሬ በአይነ ቁራኛ የሚታዩ ሲሆኑ ሀሙስ እለት በወይዘሮ እጅጋየሁ ቢሮ የተገኙበት ምክንያት ቀሲስ ሳሙኤልና እጅጋየሁ መስክረልኝ አልመሰክርም በሚል እነ ያሬድ አደመ ባዘጋጁት ወጥመድ መሰረት በመጣላታቸውና ይህንለመሸምገልና ክፉውን ቀን ቄሱ በብለሀት እንዲያልፉት ለማድረ የተደረገ ውይይት ነበር።በዋናነት ምስክር በመሆንና ጉዳዩን እያስተባበያሉት ግን
1. ዲ፡ መሀሪ አድማሱ የሲኤምሲ ጸሀፊ
2. መሬጌታ ሀይለማርያመ የልደታ ጸሀፊ
3. ጸጋዬ ጌደይ ግቢ ገብርኤል
4. ዘላለም ነጋሽ ግቢ ገብርኤል
5. መምህረ ሰናይና ቀሲስ ዳዊት ግቢ ገብርኤለ ናቸው

Anonymous said...

ወገኖቼ በእርግጥ ሴትየዋ እጅግ የዋህ ሰው መሆናቸውን ስነግራችሁ በእግዚአበሄር ስም ነው።
ከዘህ በፊት አቡነ ሳሙኤልና ፓትርያሪኩ ሲጣሉ ከአቡነ ሳሙኤል ወገን ናቸው ብለው እነ ያሬድ ክበደው ባዋከቡ ጊዜ እርሳ አስታርቃ ነው ልጆቹን ከመመታት ያዳነቻቸው ።ከዚያም እያንዳንዱ ጳጳስ በግፍ እያባረረ የሚጥለውን ሁሉ ፓትርያሪኩ ጉዳዩን እንዲረዱት እያደረገች ብዙ ወገኖችን አስታርቃለች ወደስራቸውመ እንዲመለሱ አድርጋለች።እግዚአብሄር ግፍን ያያልና እባካችሁ ያለአግባብ አትፍረዱባት በዋናነት የተጠላችው አቡነ ሳሙኤል ከፓትርያሪኩጋር ሲጣሎ ለፓትርያሪኩ በመወገና ነው

Dan said...

"ፓትርያሪኩ ጉዳዩን እንዲረዱት እያደረገች ብዙ ወገኖችን አስታርቃለች"

ይገርማል::
የምትለውን ሰማንህ::

በየትኛው ሥልጣን ከማን በተሰጣት ኃላፊነት በቤተ ክርስቲያን አስተዳደር ውስጥ
ገብታ ይህን ሁሉ ንትርክ የገንዘብ ዘረፋ ከዚያም አልፎ ቀኖና ቤተ ክርስቲን የሚያፈርስ
የጣዖት ሃውልት ገንቢ አስገንቢ የሆነችው?

ነገ "እቴጌ እጅጋየሁ" ብላችሁ እንዳትጠራት::

የቤተ ክርስቲያናችን አዘቅጥ መውደቅን ያወቅነው ጵጵስና በገንዘብ የተሸተና የተገዛ እለት ነው::

Anonymous said...

የተከሳሽ ከሳሽ ከእስር ያመለጠሽዉ የሐሰት ደራሲዉ የዘሪሁን ባለሟል እጅጋየሁ ይህን ማጭበርበርሽን ብታቆሚ የተሻለ ነዉ። እዚህ ግቢ የማትባይ ወንበዴ በቤተ ክርስቲያን አዉድ ላይ መታየትሽ ለአንቺ ዝና ሆኖ ለዚህ እድል በር ለከፈቱልሽ ሁሉ እግዚአብሔር የእጃቸዉን ይስጣቸዉ ከማለት ሌላ አማራጭ አይኖረኝም። ሊቃዉንቱን ስታስደበድቢ ስታሳድጂ ቅር የማይልሽ የአባቶቻችን ነቀርሳ ተበደልኩ ብለሽ የክስ ብዕርሽን ማሾልሽ በማ እንዲታዘንልሽ ነዉ። ከሆዳም ምሥክሮቻችሁ ጋራ ቤተ ክርስቲያነን ለቀቅ አድርጉና እዚያዉ አባታችሁ ፊት ቅረቡና እንዳለፈዉ ጊዜ ወይን ዉስኪያችሁን እየቀዳችሁ ታረቁ። ቤተ ክርስቲያንን የሚያደሙትን ቀላቢ አባታችሁ ለእናንተ ቦታ አላቸዉና። ብዕሩ ዘአትላንታ

GUD FELA said...

የምድር በምድር ያልቃል።

በሰው ቁስል እንጨት ስደድበት ብለሽ፣
የማታውቂበትን ቤተ ክህነት ገብተሽ፣
ላትገፊው ጀምረሽ አማካሪ ሆነሽ፣
የአንቺ ስም ሲነሣ እንዲህ አባነነሽ።
ለአንቺ አይሆንምና ጓዝሽን ጠቅልለሽ፣
እጅጋየሁ ውጪ ማማከሩን ትተሽ።
እንዲህ ነው ሽፍንፍን ያመኑት ይክዳል፣
ለሠራሽው በደል የምድር በምድር ያልቃል።
ቤተ ክህነት ገብተሽ ስታደሪ ወሬ፣
የእጅሽን አገኘሽ እጅጋየሁ ዛሬ።
ምን ዓይነት ሞኝ ነው የለየለቱ ጅል፣
አንቺን ከአንቺ በላይ የሚያውቅሽ ይመስል፣
እሱ ተጃጅሎ እኛን ሊያጃጅለን፣
አስታራቂ እንደሆንሽ አንድ የዋህ ነገረን።
ይቅር በሉት እያልሽ ጳጳስ አናጋሪ፣
ሰው ማሩልኝ ስትይ ምነው አንቺ አትምሪ?
ይቺማ ምን አላት ምን አሉሽ ምን ሰማሽ፣
የኤልዛቤል እድል ይመጣል ሲመሻሽ።

ቀርበንህ ነበረ አጣንብህ ፍሬ፣
ሐውልት አጋለጠህ አሳፈርከን ዛሬ፣
ቁማርተኛ ብለህ ከሰደብከው ጋራ፣
ቆምረህ ተገኘህ አንተም ደርሶህ ተራ።
የሚጣፍጥ ጽሑፍ ገጽዋን አሳንሰህ፣
ዋናው ቁማርተኛ ሰው ቋማሪ ብለህ፣
ስትሳደብ የኖርክ ደፋሩ ወስላታ፣
የጌታ ልጅ ነኝ አልክ የየትኛው ጌታ?
ቀጥፏል ሰርቋል ብለህ ትናንት የሰደብከው፣
ያሻህን ጻፍበት እሱም የጌታ ነው።
ለአንተም ተጻፈብህ ቀን ሲጥል እንዲህ ነው፣
ዘርተህ ነበር አጨድክ ለብቻህ ሰብስበው።
ለአንተም በጥቂት ገጽ ጽሑፍ አሳምሮ፣
መልሶ ገረፈህ ጉድ ፈላ ዘንድሮ።
የሰማዩን ነገር አምላካችን ያውቃል፣
አሁን ላለንበት የምድር በምድር ያልቃል።

Anonymous said...

እናንተ ደጀሰላሞች
በእዉነት ፍረዱ ተምረናል ከሚሉት በቤተ ክርስቲያን ላይ አጸያፊ ተግባር እየፈጸሙ ካሉት ከእነሊቀ መምህር ፋንታሁን ሙጨ እና ከእነሊቀካህናት ጌታቸው ዶኒ ይልቅ በእኒህ ሴት ላይ ብዙ ስትሉ አያለሁ ምናልባት እኮ ሴትዮዋ ለቤተ ክርስቲያን የሚጠቅም ሥራ የሠራሁ መስሏቸው ሊሆን ይችላል ምክንያቱም ሴትዮዋ እነሱ የሚነግሯቸውን እንጅ የውስጡን የቤተ ክህነት አሠራር አይረዱት ይሆናል
ልብን እና ኩላሊትን የሚመረምር ፈጣሪ ለሁላችንም ቅን ልብ ይስጠን

Anonymous said...

thank you GUD FELA
it is very interesting getem

YES የምድር በምድር ያልቃል።

God Bless Our Church

Anonymous said...

በስመ አብ ወወልድ ወመንፈስ ቅዱስ አሐዱ አምላክ አሜን ፡፡
ፍታኅ ሊተ እግዚኦ ወተበቀል በቀልየ የቤተክርስቲያን አምላክ ስለቤተክርስቲያን ግፍ ፍርድን ሳይሰጥ አያልፍም፡፡ ግና ብዙ እናያለን፡፡ እነዚህ እንደ ፈርኦን ልባቸው የደነደነ አረመኔዎች ገና በመከራ ባህር ውስጥ ሳይሰጥሙ አይቀሩም ነገሩ ቢሰጥሙ ሃጢያት ብርቃቸው ስላልሆነ የሚጸጸት ልብ የላቸውም ፡፡ የእግዚአብሔርን ቤት የወንበዴ ፣የመናፍቅ፣ የአመንዝራዎችና የቤተዘመዶች መሰብሰቢያ አድርገዋታልና፡፡ አምላካችን ግን ለየዋሁና አገር ወዳዱ ሕዝብ በስርዓት የሚያመልክበት ጊዜ እንደሚሰጠው የቅዱሳን አምላክ በበረሃ ደማቸውን በማፍሰስ አጋንንትንና አራዊትን በመዋጋት የተጋደሉለት ሰማዕታት ጻድቃን ስለእምነታቸው ተስፋ ኢትዮጵያን ዝም አይላትም ተዋሕዶንም ቸል አይላትም፡፡ ሁሉም ከተቀመጠበት ወንበር በሰራው ግፍ በምድር እንካን ሳይቀር በወንበሩ ስር ደሙን ማፍሰስ ይችላል እግዚአብሔር፡፡ እንዲህ ከመቆሳሰል የምንላቀቅበት ጊዜ እንዲቀርብ አምላካችንን ቀርበን እንለምነው፡፡
ክፍለ ኢየሱስ ዘቀለበት ሥላሴ

Anonymous said...

እስከ መቼ ድረስ እንዲህ ሽንታቸውን እየሽኑብን በዝምታ ልናያቸው ነው?

“People get the government (leaders) they deserve.”
THIS is to say, if people don’t demand what is good and right for them, and took the trouble to organize and throw out the corrupt and bums out of power then they get what they deserve.


This is true for politicians/government as well as church leaders.

We have heard what they do and say:
የሀገረ ስብከቱ ሊቀ ጳጳስ ሐምሌ 12 ቀን 2002 ዓ.ም የሀገረ ስብከቱን አጥቢያ አብያተ ክርስቲያን አለቆች እና ካህናትን በመንበረ ጵጵስናው ሰብስበው፣ ‹‹በሀገረ ስብከቱ ወሳኙ እኔ ነኝ፤ አላያችኹም እንዴ አለቃውን [አባ ገብረ ዋሕድን] መንቅሬ እንዳስወጣኹት፤ በጠቅላይ ቤተ ክህነቱም ቢኾን በሲኖዶሱ ያለኹት እኔው ነኝ፤... “(ሊቀ ጳጳስ ፋኑኤል )
‹‹ምእመኑ ቤተ ክርስቲያን ተሳልሞ ከመመለስ ውጭ የሚያገባው ጉዳይ የለም፤ የቅዱስ ሲኖዶሱን ሕገጋት የማወጣም ኾነ የምሽር እኔ ነኝ፤›› (አቡነ ፋኑኤል)


We let them do this to us and our church.
HOW LONG? እስከ መቼ ድረስ እንዲህ ሽንታቸውን እየሽኑብን በዝምታ ልናያቸው ነው?

Anonymous said...

ቤተክርስቲያን የወንበዴዎች ዋሻ የሆነችው መሪዎቿ ጌታ የሰጣቸውን አደራ ጥለው ለጥቅም ያደሩ በመሆናቸው ነው፡፡ አውነተኛው እረኛ የተነሳ ቀን ሸቃጮችን እስከ ሸቀጣቸው ገለል ያደርጋቸዋል፡፡ አዎን እርሱ ያለ አድልዎ ይሰራል አሜን ይሁንልን ይደረግልን፡፡ ይህ ግን ማህበረ ቅዱሳንንም ይጨምራል፡፡ አትቆጡ ረጋ ብላችሁ ሃሳቤን አላምጡና ስህተት ከሰራሁ አርሙኝ፡፡ እኔም ለመታረም የተዘጋጀሁ ነኝ፡፡ እናም ማህበሩ የቤተክርስቲንን መዋቅር ተገን አድርጎ ወደ ውስጥ ሳይገባ በመፈርጠም ላይ ያለ ተቋም ነው፡፡ በሰንበት ት/ቤቶች ማደራጃ መምሪያ ስር የተደራጀ ነው ይላል ግን ያለመቀላቀል ያለመለያየት አንድ ሳይሆን መስሎ እያስተማረ እየረዳና እየነገደም ያለ ነው፡፡ የማደራጃውን አቅም በማሳደግ ስራውን የቤተክህነቱ ከማድረግ ይልቅ የቤተክርስቲያኗን መዋቅር ወደ ማህበረ ቅዱሳን መጠቅለልን ዓላማው ያደረገ ይመስላል፡፡ ምክንያቱም መምሪያው በአሰራሩ እያደገ ከመጣ አይመችማ፡፡ በሀገረስብከትማ ሰንበት ት/ማደራጃ ክፍል ጨርሶ ማህበሩን ምኑንም አያውቅም፡፡ ማህበሩም ይህ ነባራዊ ሁኔታ ተመችቶታል፡፡ አባላቱ ከቤተክርስቲያን በፊት ማህበሩን ያስቀድማሉ፡፡ ለዛ ነው ሁሌም ችግር ሲከሰት መጠቆም እንጂ ከእኛ ምን ይጠበቃል ሲሉ የማይታየው፡፡ ኢህአዴግ ና ማህበሩ እኩል እድሜ አላቸው እኩል ያደጉ ግን አይመስለኝም፡፡ በገንዘብ እና የንግድ ተቋማት በኩል አድጓል ግን የቤተክርስቲያኗን ችግር ግን ለመፍታት አስተዋጽኦ አየደርግም ምክንያቱም ችግሩ ይፈለጋል፡፡ዛሬ የሚያወድሱት መጋቤ ብሉይን ያኔ ቅስሙን የሰበረ ማን ነው? ማህበሩም እኛም እግዚአብሔርም ያውቃል፡፡ እኔ ይህን የምለው ሁላችንም አማኞች ከሆንን ለምን የሁሉንም ችግር በእኩል አናነሳም? ለምን አንዱን ሰይጣን ከሐዲ ወዘተ ብቻ አድርገን እንፈርጃለን ሌላው ደግሞ የቁርጥ ቀን ልጅ፤ለምን? ይህ ሃይማኖት አይደለም፡፡
ለምሳሌ የአንዲት ድሃ ቤተክርስቲያን አባል የሆነ አማኝ የማህበረ ቅዱሳን አባል በዓመት 24 ብር ለቤተክርስቲያን ይከፍላል፡፡ለማህበሩ ደመወዙ 1000.00ብር ቢሆን 120ብር በዓመት ይከፍላል፡፡ አጠገቡ ያለችው ቤተክርስቲያን ለካህናት ደመወዝ አንሷት ስትጨነቅ ማህበሩ በዛ በኩል ሌላ ቤተክርስቲያን ሆኖ እርፍ…..ታድያ እነ ማፍያ ትበዬዎች ብቻ ናቸው ወይስ ሁሉም መስተካከል የለበትም? ተወያዩ…
kerlos2010@gmail.com

Anonymous said...

እባካችሁ ደጀሰላሞች የዚህችን የምትሉአትን ሴትዮ ማንነት ወይም ጥንተ ታሪክ… እንዴትስ ከቤተክህነቱ ጋር ንክኪ ውስጥ እንደግባች…ሌላም ሌላም ካለ ..በደንብ ፈልጋችሁ አቅርቡልን…ገና ብዙ ጉድ ሳታፈላ አትቀርም…ሴት የላከው ሞት አይፈራም አይደል የሚባለው….

Anonymous said...

የዘሪሁንን አዲሱን መጻፍ አንብቤዋለሁ ይሁን እንጅ በደፈናው የምነኮንነው አይደልም። በእውነት ለመናገር በአዲስ አበባ ሀገረ ስብከት እየተፈጸመ ያለውን ብልሹ አሰራር መልክ ባለው ሁኔታ ባይገለጠውም ብዙ እወነቶቸ እዳሉት ግን ተመልክቻለሁ።ለምሳሌ ያህል እነ ቀሲስ ሽታ የቀጨኔ ጸሀፊ ናቸው በሻንጣ ዶክመንትና ገንዘብ ይዘው በመምጣት በሀገረ ስበከቱ ቢሮ ህጋዊ ንግድ እስኪመስለ ድረሰ ግብይት ሲፈጽሙ ይታያሉ አን ተራ ሰው ለማሰቀጥር እስከ ስምነት ሺ ብረ ድረሰ የሚቀበሉ ሲሆን በእዝ ሰነሰለቱ መሰረተ ፓራፍ ለሚያደርጉት አቶ በእደ ማርያምና ቀሲሰ ዳዊት ለእያነዳንዳቸው ከብር 500 እስከ 1000 ብር የሚደረሳቸወ ሲሆን በሂሳብና በጀት መምርያ የተቀመጡት ሊቀ ጠበብት ኤልያሴ ደግሞ ከ 2000 ሺ እስከ 3000 ብር ቀሪውን ስራ አስኪያጁና ቄስ ሽታ የሚቀራመቱት ነው
በዚህ ብቻ አያበቃም ጸሀፊና የሂሳብ ሰራተኛ ደንበኝ ዘረፋ ወደሚካሄድበት ደብር ለማዛወር ከ 15000 እስከ 20 ሺ ብር ድረስ የሚጠየቅ ሲሆን ከፍተኛውን ድርሻ የሂሰብና በጀት ሀላፊ የሆኑት ሊቀ ጠበብት ኤልያስና ስራስኪያጁ የሚካፈሉ ሲሆን እነቀሲስ ሽታ ደግሞ ከፓራፍ አድራጊዎቹ ከነ አቶ በእደ በለጥ አድርገወ ይወሰዳሉ።
በየአድባራቱ ያለው ሙስናም የትየ ለሌ ነው። እነ አቶ ዲያቆነ ምሩጽ፤ አሁን የራጉኤል ጸሀፊ ፤ እነ ሩፋኤለ የማነ የሳሪስ አቦ ጸሀፊ፤ እነ መርጌታ ሀይለማርያም የልደታ ጸሀፊ ፤እነ ዲያቆን ወንዶሰን የቅድስተ ማርያም ጸሀፊ ፤ እነ ዲያቆን ሙሉጌታ ዋለ የበአታ ጸሀፊ፤ አቶ ሰናይ የዑራኤል ጸሀፊ ፤ እነ ጸጋዬ ግደየ የግቢ ገብርኤል ጸሀፊ፤ እነ ወይዘሮ ሳራ የስላሴ ሂሳብ ሹም፤ እነ አቶ ዘራ ብሩክ የሳሪስ አቦ ሂሳብ ሹም፤እነ አቶ ወንዶሰን የብስራተ ገብርኤል ሂሳብ ሹም ፤ እነ አቶ ባዩ የግቢ ገብርኤለ ጸሀፊ፤ ስማቸውን ለግዜወ የዘለልካቸው የአድባራት ሀላፊዎች ደመዎዛቸው 1200 እሰከ 1450 ብር ሆኖ ሳለ መኪናና ከአንድም ሁለት ቤቶች ከይት አምጥተው ይሆን የገዙት? እነ ዲያቆን የማነ ዘመንፈስቅዱስ ቀደም ሲል የአዲስ አበባ ሀገረ ስብከት ጸሀፊ የነበሩትና በኤልሻዳይ ስም ቤተ ክርስቲያንን አርባ አርባ ሺ ብር የዘረፉት እስቴሺነሪ ፤ የምክረ አገልገሎት ድርጅት፤ የአንድ ትልቅ ሆስፒታል ሼር እና መገናኛ አካባቢ የሚገኝ ግሮሰሪ ባለሀብት የሆኑት በ1500ብር ወርሀዊ ደሞወዝና የአጥብያ ቤተ ክርስቲያን ጸሀፊነት ወይስ የምድዋይ ምጽዋት ገንዘብ? እባካችሁ ዘሪሁን በአጉራ ዘለልነት ቢጽፍም መጽሀፉ እውንት መያዙን ግን አንዘንጋ ደግሞስ በአዋሳ የአቶ ያሬድ አደመ ሁከት መፍጠረ የዳቦቤት ነጋዴ ሆኖ ሳለ የሰንበት ትቤት መምርያ ሀላፊ እነዲሆን በዚህ ሰሞን ደብዳቤ መውሰዱ ለዝረፊያወ እንዲያመቸውና ከነአቶ በጋሻው ጋር ኑፋቄ ለማስፋፋት ካልሆነ ምንትርፍ ሊያገኝ ነው? የቀድሞ አባ መላኩ የአሁኑ አቡነ ፋኑኤል ቅዳሜ ቅዳሜ የሚታረደው የፍየል ቁርጥ እንዳይቀርባቸው ብልው እንጀ ይህን ሁሉ ሜስ የሚፈጥሩት ሌላ ለምን ይሆን? ስለዚህ ሀዋርያው እንዳለወ ብርሀን ከሌለወ የጨለማ ስራ ጋር አትተባበሩ ይልቁን ነግለጡት እንጀ እንዳለ የእነዚሀ ነውረኞች ስራ በመገለጡ ልናፍር አይገባንም።

Anonymous said...

ወዳጆቼ በዚህ ዘመን አንድ ስንከ ለቤተ ኬስቲያነ የሚቆረቆር ሰው ማኘት አለመቻላቸን ያሳዝነኛል ቅዱስ ፓውሎስ እንዳለው ሁሉ ለጥቅሙ እንጅ ለክርስቶስ ቤተ ክርስቲያን አይደለም እየሰራ ያለው
ከዚህ ቀደም አቡነ ሳሙኤል አቡነ ፓውሎስ እየፈጸሙት ያለውን የቤተሰብ አስተዳደር እንዲያቆሙ አብረው እንዲታገሉ በሚጠየቁበት ወቅት እናንተ ተናገሩ እያሉ እሳቸው ስለ ሜሮን መፍላትና ስለሻማ ፋብሪካ መሰራት ና ስለ መሳሰሉት ነገሮች ብቻ ፓትርያሪኩን ላለማስቀየም ይናገሩ ነበር። ነገር ግን በቤተሰቡም ሆነ በወይዘሮዋ ጠንሳሽነት አዲሳባን ሊያጡ እንደሚችሉ ሲያውቁ የቤተሰብ አስተዳደር የሚለውን ፈሊጥ ይዘው ተነሱ ከዚያም ሀሳባቸውን ደግፈው ብዙ አባቶች አብረው ቢሰለፉም የአቡነ ሳሙኤልን ስህተት ሳያዩ ቀርተው ሳይሆን ሀሳቡ ተገቢ መሆኑን በማማን ነብር ከዚያም ባኋላ ደግሞ ጉዳዩን በዋናነት ይዘው ሲመሩ የነበሩ
1. አቡነ ፋኑኤል
2. አቡነ ሳዊሮስ
3. አቡነ ሉቃስ
4. እና የመሳሰሉት ገላዊ የሆነ ጉዳያቸው መልስ ሲያገኝ ፓትርያሪኩን ማን ነክቶ ማለት ጀመሩ በተለይም አባ ፋኑኤል እኝህ ሰውዬ አብደዋል ሆስፒታል ይግቡ እንዳላሉ ዜሬ በፓትርያሪኩ ፍቅር ተነድፈው እርሳችውን የነካ ሞቴ ነው እያሉ ነው ለምን ቢባል አዋሳ ያለቸውን ጥቅማችውን በሴትየዋ አማለጅነትና በያሬድ አደመ አምታችነት ተከናውነልና አቡነ ሳዊሮስን ሉቃስም የመኪና መግዛት ጥያቄያቸው መልስ ሲያገኝ የቤተክርስቲያንን ጉዳይ ትተው ፓትርያሪኩን ማወደስ ጀመሩ አባቶች የተባሉትነ እንተውና ወጣትና የነገይቱ ቤተ ክርስቲያን ተስፋ ይሆናሉ የተባሉትን ደግሞ እንመልከት ከዚህ በፊት የአቀም መግለጫ አውጥተው በመንግስት ቢሮዎች የፓትርያሪኩን የቤተሰብ አሰራር የተቃወሙ ሁሉ ዛሬ ደሞ አባ ሳሙኤል ሸውደዋቸው እንደ ነበርና ፓትርያሪኩ ትክክለኛ ናቸው እያሉ ሲሟገቱ ማየት ይቻላል ለምሳሌ ያህል ፤
5. መሀሪ አድማሱ
6. ሩፋኤል የማነ
7. ቀሲሲ ዳዊት የግቢ ገብርኤለ ሰባኪ
8. ቀሲስ ሽታው
መምህር ውድነህ
9. ጸጋዬ ግደይ

የመሳሰሉት ሁሉ ዛሬ የሚሰሩትን የመልቲ ሲስተም ስራ ስንመለከት በእጅጉ አሳፋሪ ነው። እንድም ለክርስቶስ ቤተ ክርስቲያን ብሎ የሚሰራ የለም ለእራሱ ጥቅምና ዝና እንጅ ለዚህ ደግሞ መሰረታዊው ምክንያት በቤተ ክርስቲያን ተቀጥሮ የሚሰራ ሰው የቤተ ክርስቲያን ሰራተኛ የሚያስመስለው ዋስትና በማጣቱ ነው በተለይም በግለሰብ ቸሮታ ላይ የተመሰረተ ስለሚመስል ነው ።ስለዚህ ማን ነው አቋም ይዞ ቤተ ክርስቲያንን ሊሞትላት የሚችል?

Anonymous said...

ወዳጆቼ በዚህ ዘመን አንድ ስንከ ለቤተ ኬስቲያነ የሚቆረቆር ሰው ማኘት አለመቻላቸን ያሳዝነኛል ቅዱስ ፓውሎስ እንዳለው ሁሉ ለጥቅሙ እንጅ ለክርስቶስ ቤተ ክርስቲያን አይደለም እየሰራ ያለው
ከዚህ ቀደም አቡነ ሳሙኤል አቡነ ፓውሎስ እየፈጸሙት ያለውን የቤተሰብ አስተዳደር እንዲያቆሙ አብረው እንዲታገሉ በሚጠየቁበት ወቅት እናንተ ተናገሩ እያሉ እሳቸው ስለ ሜሮን መፍላትና ስለሻማ ፋብሪካ መሰራት ና ስለ መሳሰሉት ነገሮች ብቻ ፓትርያሪኩን ላለማስቀየም ይናገሩ ነበር። ነገር ግን በቤተሰቡም ሆነ በወይዘሮዋ ጠንሳሽነት አዲሳባን ሊያጡ እንደሚችሉ ሲያውቁ የቤተሰብ አስተዳደር የሚለውን ፈሊጥ ይዘው ተነሱ ከዚያም ሀሳባቸውን ደግፈው ብዙ አባቶች አብረው ቢሰለፉም የአቡነ ሳሙኤልን ስህተት ሳያዩ ቀርተው ሳይሆን ሀሳቡ ተገቢ መሆኑን በማማን ነብር ከዚያም ባኋላ ደግሞ ጉዳዩን በዋናነት ይዘው ሲመሩ የነበሩ
1. አቡነ ፋኑኤል
2. አቡነ ሳዊሮስ
3. አቡነ ሉቃስ
4. እና የመሳሰሉት ገላዊ የሆነ ጉዳያቸው መልስ ሲያገኝ ፓትርያሪኩን ማን ነክቶ ማለት ጀመሩ በተለይም አባ ፋኑኤል እኝህ ሰውዬ አብደዋል ሆስፒታል ይግቡ እንዳላሉ ዜሬ በፓትርያሪኩ ፍቅር ተነድፈው እርሳችውን የነካ ሞቴ ነው እያሉ ነው ለምን ቢባል አዋሳ ያለቸውን ጥቅማችውን በሴትየዋ አማለጅነትና በያሬድ አደመ አምታችነት ተከናውነልና አቡነ ሳዊሮስን ሉቃስም የመኪና መግዛት ጥያቄያቸው መልስ ሲያገኝ የቤተክርስቲያንን ጉዳይ ትተው ፓትርያሪኩን ማወደስ ጀመሩ አባቶች የተባሉትነ እንተውና ወጣትና የነገይቱ ቤተ ክርስቲያን ተስፋ ይሆናሉ የተባሉትን ደግሞ እንመልከት ከዚህ በፊት የአቀም መግለጫ አውጥተው በመንግስት ቢሮዎች የፓትርያሪኩን የቤተሰብ አሰራር የተቃወሙ ሁሉ ዛሬ ደሞ አባ ሳሙኤል ሸውደዋቸው እንደ ነበርና ፓትርያሪኩ ትክክለኛ ናቸው እያሉ ሲሟገቱ ማየት ይቻላል ለምሳሌ ያህል ፤
5. መሀሪ አድማሱ
6. ሩፋኤል የማነ
7. ቀሲሲ ዳዊት የግቢ ገብርኤለ ሰባኪ
8. ቀሲስ ሽታው
መምህር ውድነህ
9. ጸጋዬ ግደይ

የመሳሰሉት ሁሉ ዛሬ የሚሰሩትን የመልቲ ሲስተም ስራ ስንመለከት በእጅጉ አሳፋሪ ነው። እንድም ለክርስቶስ ቤተ ክርስቲያን ብሎ የሚሰራ የለም ለእራሱ ጥቅምና ዝና እንጅ ለዚህ ደግሞ መሰረታዊው ምክንያት በቤተ ክርስቲያን ተቀጥሮ የሚሰራ ሰው የቤተ ክርስቲያን ሰራተኛ የሚያስመስለው ዋስትና በማጣቱ ነው በተለይም በግለሰብ ቸሮታ ላይ የተመሰረተ ስለሚመስል ነው ።ስለዚህ ማን ነው አቋም ይዞ ቤተ ክርስቲያንን ሊሞትላት የሚችል?

Anonymous said...

ወዳጆቼ በዚህ ዘመን አንድ ስንከ ለቤተ ኬስቲያነ የሚቆረቆር ሰው ማኘት አለመቻላቸን ያሳዝነኛል ቅዱስ ፓውሎስ እንዳለው ሁሉ ለጥቅሙ እንጅ ለክርስቶስ ቤተ ክርስቲያን አይደለም እየሰራ ያለው
ከዚህ ቀደም አቡነ ሳሙኤል አቡነ ፓውሎስ እየፈጸሙት ያለውን የቤተሰብ አስተዳደር እንዲያቆሙ አብረው እንዲታገሉ በሚጠየቁበት ወቅት እናንተ ተናገሩ እያሉ እሳቸው ስለ ሜሮን መፍላትና ስለሻማ ፋብሪካ መሰራት ና ስለ መሳሰሉት ነገሮች ብቻ ፓትርያሪኩን ላለማስቀየም ይናገሩ ነበር። ነገር ግን በቤተሰቡም ሆነ በወይዘሮዋ ጠንሳሽነት አዲሳባን ሊያጡ እንደሚችሉ ሲያውቁ የቤተሰብ አስተዳደር የሚለውን ፈሊጥ ይዘው ተነሱ ከዚያም ሀሳባቸውን ደግፈው ብዙ አባቶች አብረው ቢሰለፉም የአቡነ ሳሙኤልን ስህተት ሳያዩ ቀርተው ሳይሆን ሀሳቡ ተገቢ መሆኑን በማማን ነብር ከዚያም ባኋላ ደግሞ ጉዳዩን በዋናነት ይዘው ሲመሩ የነበሩ
1. አቡነ ፋኑኤል
2. አቡነ ሳዊሮስ
3. አቡነ ሉቃስ
4. እና የመሳሰሉት ገላዊ የሆነ ጉዳያቸው መልስ ሲያገኝ ፓትርያሪኩን ማን ነክቶ ማለት ጀመሩ በተለይም አባ ፋኑኤል እኝህ ሰውዬ አብደዋል ሆስፒታል ይግቡ እንዳላሉ ዜሬ በፓትርያሪኩ ፍቅር ተነድፈው እርሳችውን የነካ ሞቴ ነው እያሉ ነው ለምን ቢባል አዋሳ ያለቸውን ጥቅማችውን በሴትየዋ አማለጅነትና በያሬድ አደመ አምታችነት ተከናውነልና አቡነ ሳዊሮስን ሉቃስም የመኪና መግዛት ጥያቄያቸው መልስ ሲያገኝ የቤተክርስቲያንን ጉዳይ ትተው ፓትርያሪኩን ማወደስ ጀመሩ አባቶች የተባሉትነ እንተውና ወጣትና የነገይቱ ቤተ ክርስቲያን ተስፋ ይሆናሉ የተባሉትን ደግሞ እንመልከት ከዚህ በፊት የአቀም መግለጫ አውጥተው በመንግስት ቢሮዎች የፓትርያሪኩን የቤተሰብ አሰራር የተቃወሙ ሁሉ ዛሬ ደሞ አባ ሳሙኤል ሸውደዋቸው እንደ ነበርና ፓትርያሪኩ ትክክለኛ ናቸው እያሉ ሲሟገቱ ማየት ይቻላል ለምሳሌ ያህል ፤
5. መሀሪ አድማሱ
6. ሩፋኤል የማነ
7. ቀሲሲ ዳዊት የግቢ ገብርኤለ ሰባኪ
8. ቀሲስ ሽታው
መምህር ውድነህ
9. ጸጋዬ ግደይ

የመሳሰሉት ሁሉ ዛሬ የሚሰሩትን የመልቲ ሲስተም ስራ ስንመለከት በእጅጉ አሳፋሪ ነው። እንድም ለክርስቶስ ቤተ ክርስቲያን ብሎ የሚሰራ የለም ለእራሱ ጥቅምና ዝና እንጅ ለዚህ ደግሞ መሰረታዊው ምክንያት በቤተ ክርስቲያን ተቀጥሮ የሚሰራ ሰው የቤተ ክርስቲያን ሰራተኛ የሚያስመስለው ዋስትና በማጣቱ ነው በተለይም በግለሰብ ቸሮታ ላይ የተመሰረተ ስለሚመስል ነው ።ስለዚህ ማን ነው አቋም ይዞ ቤተ ክርስቲያንን ሊሞትላት የሚችል?

Anonymous said...

ወዳጆቼ በዚህ ዘመን አንድ ስንከ ለቤተ ኬስቲያነ የሚቆረቆር ሰው ማኘት አለመቻላቸን ያሳዝነኛል ቅዱስ ፓውሎስ እንዳለው ሁሉ ለጥቅሙ እንጅ ለክርስቶስ ቤተ ክርስቲያን አይደለም እየሰራ ያለው
ከዚህ ቀደም አቡነ ሳሙኤል አቡነ ፓውሎስ እየፈጸሙት ያለውን የቤተሰብ አስተዳደር እንዲያቆሙ አብረው እንዲታገሉ በሚጠየቁበት ወቅት እናንተ ተናገሩ እያሉ እሳቸው ስለ ሜሮን መፍላትና ስለሻማ ፋብሪካ መሰራት ና ስለ መሳሰሉት ነገሮች ብቻ ፓትርያሪኩን ላለማስቀየም ይናገሩ ነበር። ነገር ግን በቤተሰቡም ሆነ በወይዘሮዋ ጠንሳሽነት አዲሳባን ሊያጡ እንደሚችሉ ሲያውቁ የቤተሰብ አስተዳደር የሚለውን ፈሊጥ ይዘው ተነሱ ከዚያም ሀሳባቸውን ደግፈው ብዙ አባቶች አብረው ቢሰለፉም የአቡነ ሳሙኤልን ስህተት ሳያዩ ቀርተው ሳይሆን ሀሳቡ ተገቢ መሆኑን በማማን ነብር ከዚያም ባኋላ ደግሞ ጉዳዩን በዋናነት ይዘው ሲመሩ የነበሩ
1. አቡነ ፋኑኤል
2. አቡነ ሳዊሮስ
3. አቡነ ሉቃስ
4. እና የመሳሰሉት ገላዊ የሆነ ጉዳያቸው መልስ ሲያገኝ ፓትርያሪኩን ማን ነክቶ ማለት ጀመሩ በተለይም አባ ፋኑኤል እኝህ ሰውዬ አብደዋል ሆስፒታል ይግቡ እንዳላሉ ዜሬ በፓትርያሪኩ ፍቅር ተነድፈው እርሳችውን የነካ ሞቴ ነው እያሉ ነው ለምን ቢባል አዋሳ ያለቸውን ጥቅማችውን በሴትየዋ አማለጅነትና በያሬድ አደመ አምታችነት ተከናውነልና አቡነ ሳዊሮስን ሉቃስም የመኪና መግዛት ጥያቄያቸው መልስ ሲያገኝ የቤተክርስቲያንን ጉዳይ ትተው ፓትርያሪኩን ማወደስ ጀመሩ አባቶች የተባሉትነ እንተውና ወጣትና የነገይቱ ቤተ ክርስቲያን ተስፋ ይሆናሉ የተባሉትን ደግሞ እንመልከት ከዚህ በፊት የአቀም መግለጫ አውጥተው በመንግስት ቢሮዎች የፓትርያሪኩን የቤተሰብ አሰራር የተቃወሙ ሁሉ ዛሬ ደሞ አባ ሳሙኤል ሸውደዋቸው እንደ ነበርና ፓትርያሪኩ ትክክለኛ ናቸው እያሉ ሲሟገቱ ማየት ይቻላል ለምሳሌ ያህል ፤
5. መሀሪ አድማሱ
6. ሩፋኤል የማነ
7. ቀሲሲ ዳዊት የግቢ ገብርኤለ ሰባኪ
8. ቀሲስ ሽታው
መምህር ውድነህ
9. ጸጋዬ ግደይ

የመሳሰሉት ሁሉ ዛሬ የሚሰሩትን የመልቲ ሲስተም ስራ ስንመለከት በእጅጉ አሳፋሪ ነው። እንድም ለክርስቶስ ቤተ ክርስቲያን ብሎ የሚሰራ የለም ለእራሱ ጥቅምና ዝና እንጅ ለዚህ ደግሞ መሰረታዊው ምክንያት በቤተ ክርስቲያን ተቀጥሮ የሚሰራ ሰው የቤተ ክርስቲያን ሰራተኛ የሚያስመስለው ዋስትና በማጣቱ ነው በተለይም በግለሰብ ቸሮታ ላይ የተመሰረተ ስለሚመስል ነው ።ስለዚህ ማን ነው አቋም ይዞ ቤተ ክርስቲያንን ሊሞትላት የሚችል?

Anonymous said...

የአባ ፋኑኤል አምባ ገነንነት እማ ልክ አጥቷል:: ምንያርጉ እሳቸው ሁለት ቤት አላቸው አንድ ቤት ብቻ ያላቸውን መሄጃ እንደሌላቸው ስለሚያውቁ ያስጨንቋቸዋል:: ከዚህም የባሰ ባላደረጉ:: ከሳቸው ፍላጎትም ቤተ ክርስቲያናችንን ይጠብቅልን:: የሙስናው ባላባት እኮ ናቸው:: አንድ ወዳጄ ቦሌ አለቃ ሁነው እንደተመደቡ አስራ ሰባት ብዙም የቤተ ክርስቲያን አገልግሎት የመይገባቸውን ሁሉነው የቀጠሩት:: ከቦሌስ እንኳን በእድገት ለቀቁ እንጂ ለውጭ አገር ተወላጆችንም በስራ ፈቃድ ሊቀጥሩ ይችሉ ነበር ( ያንን ከዲ ሲ ሚካኤል የተባረረውን ወዳጃቸውን) የሚያሳዝነው የቦሌ ምእመናን ጸሎታቸው እሳቸው እንዲያነሳላቸው እንጂ ደህና ሰው እንዲሰጣቸው አልነበረም መሰል የሴት አለቃ ( እጅጋየሁን) አመጣባቸው ይሄው ጣኦት በጣኦት አደረገቻቸው ::

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)