August 5, 2010

የብፁዕ አቡነ እስጢፋኖስ መኪና በድንጋይ ተደበደበ፤ በሰዎች ላይ ምንም አደጋ አለመድረሱ ታወቀ

(ደጀ ሰላም፤ ኦገስት 4/2010):- ከአገልግሎት በመመለስ ላይ በነበሩት በጅማ ሀገረ ስብከት ሊቀ ጳጳስ በብፁዕ አቡነ እስጢፋኖስ መኪና ላይ በተሰነዘረ የድንጋይ ውርወራ የመኪናቸው መስተዋት ሲረግፍ በእርሳቸውም ሆነ መኪናው ውስጥ በነበሩት በሌሎች ሰዎች ላይ ምንም አደጋ አለመድረሱ ታወቀ።

አደጋው የደረሰው ብፁዕነታቸው ሰኞ (26/11/2002) ከቀኑ 10፡00 ላይ ጦላይ ኪዳነ ምሕረት በነበረ ጉባኤ ላይ ቡራኬ ሰጥተው ወደ ጅማ ሲመለሱ መሆኑን እማኞች ገልፀዋል።
ከጅማ አዲስ አበባ መስመር  ኦሞ ናዳ ወረዳ በደነባ እና አሰንዳቦ መካከል በምትገኝ ቦታ ላይ በተደራጀ ሁኔታ የብፁዕነታቸው መኪና ላይ አደጋ የጣሉት ሰዎች ከድንጋይ ውርወራ ባለፈ ሌላ ዓላማ ይኑራቸው አይኑራቸው ለጊዜው የታወቀ ነገር ባይኖርም ጉዳዩ ግን ለጅማ ፖሊስ ሪፖርት እንደተደረገ ተነግሯል።

በጅማ ከተማ የሚገኘው ሕዝበ ክርስቲያን ማክስኞ ከ8፡00-12፡00 ሰዓት ውይይት አድርጓል የተባለ ሲሆን ጉዳዩ በ1999 ዓ.ም በአካባቢው ከተፈጠረው የክርስቲያኖች ጭፍጨፋ አንጻር በቀላል እንዳልታየ ታውቋል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)