July 29, 2010

በአዋሳ የምእመኑ ተቃውሞ፣ የፓትርያርኩ ምላሽ እና የብፁዕ አቡነ ፋኑኤል ማስፈራሪያ

(ደጀ ሰላም፤ ጁላይ 29/2010):- የቅዱስ ሲኖዶስን ውሳኔ ለማስፈጸም እነበጋሻውንና ቡድኑን እንዳያስተምሩ የከለከሉት የአዋሳ ቅ/ገብርኤል የቀድሞ አስተዳዳሪ በፓትርያርኩ ቀጥተኛ ጣልቃ ገብነት ከቦታቸው ከተነሱ ጀምሮ ምእመኑ ይህንኑ በመቃወም የተለያዩ እርምጃዎች ወስዷል። የገዳሙ አስተዳዳሪ መልአከ ምሕረት አባ ገብረ ዋሕድ ወልደ ሳሙኤል ወደ ቦታቸው እንዲመለሱ ለሀገረ ስብከቱ ሊቀ ጳጳስ ብፁዕ አቡነ ፋኑኤል ያቀረቡት ጥያቄ ተቀባይነት ባለማግኘቱ ወደ መንበረ ፓትርያርክ  ጠቅላይ ቤተ ክህነት በመምጣት ጉዳዩን ለጠቅላይ ቤተ ክህነቱ ዋና ሥራ አስኪያጅ ብፁዕ አቡነ ፊልጶስ አመልክተው ነበር፡፡ የምእመናኑን ማመልከቻ የተቀበሉት ብፁዕነታቸው ምእመናኑን በማስከተል ወደ ብፁዕ ወቅዱስ ፓትርያርኩ ዘንድ ቀርበው ጉዳዩን ለማስረዳት ጥረት ቢያደርጉም ምእመናኑ ከሥፍራው በማይጠበቅ መንፈሳዊነት የጎደለው አኳኋን በመገፋታቸው እና በጎ ምላሽ በማጣታቸው አዲሱን የገዳሙን አስተዳዳሪ የአባ ኀይለ ጊዮርጊስን ሹመት እንደማይቀበሉት በመግለጽ፣ ያለምንም ውጤት በከፍተኛ ኀዘን ተውጠው ወደ ሀገረ ስብከታቸው ለመመለስ ተገደዋል፡፡

የቀድሞው የገዳሙ አስተዳዳሪ ከፍተኛ የልማት ተግባራትን ያከናወኑ በመኾናቸው ከቦታቸው ያለአግባብ መነሣት እንደሌለባቸው እንዲሁም ከቦታቸው ከተነሡ በኋላ ያለምንም አገልግሎት እየደረሰባቸው ያለውን እንግልት በመቃወም ለፓትርያርኩ ባቀረቡት ጥያቄ በጎ ምላሽ ያላገኙት ተወካዮቹ፣ የበርካታ ምእመናንን ፊርማ በማሰባሰብ ሐምሌ አራት ቀን 2002 ዓ.ም ለጠቅላይ ሚኒስትሩ እና ለሌሎች ከፍተኛ የመንግሥት ባለሥልጣናት ባለስምንት ገጽ ደብዳቤ ጽፈዋል፡፡ በዚህ ጥያቄቸው መሠረት በፌዴራል ጉዳዮች ሚኒስቴር የሃይማኖት ጉዳዮች ዳይሬክቶሬት ዳይሬክተር የኾኑት አቶ መረሳ ረዳ ብፁዕ ወቅዱስ ፓትርያሪኩን ማነጋገራቸው ተመልክቷል፡፡
ሐምሌ 19 ቀን 2002 ዓ.ም በአዋሳ በተከበረው የቅዱስ ገብርኤል በዓል ላይ ከዋዜማው ጀምሮ የተገኙት ፓትርያርኩ ለዚህ የምእመናኑ ጠንካራ ግፊት ምላሽ እንደ ኾነ በተገመተው ንግግራቸው፣ ‹‹አዋሳ ብሔር ብሔረሰቦች ተቻችለው የሚኖሩበት ከተማ ነው፤ መቻቻል ያስፈልጋል፤. . . በራችን ለውይይት ክፍት ነው፤ መክሰስ መከሰስ ለማንም አይጠቅምም፤ የቤተ ክርስቲያን ጉዳይ የሚፈታው በራሳችን እንጂ ሌላ ማንም ሊፈታው አይችልም፤ ላይ ታች ማለት ተገቢ አይደለም፤›› በማለት ኀይለ ቃል አዘል ማሳሰቢያ መስጠታቸውን በበዓሉ ላይ የተገኙ ደጀ ሰላማውያን ተናግረዋል፡፡ ከዚህ ቀደም ሲል የሀገረ ስብከቱ ሊቀ ጳጳስ ብፁዕ አቡነ ፋኑኤል ሐምሌ ሰባት ቀን በተከበረው የቅድስት ሥላሴ በዓል በአዋሳ ቅድስት ሥላሴ ቤተ ክርስቲያን በመገኘት ባሰሙት ተግሣጽ አዘል ንግግር፣ ‹‹የአጥቢያ አስተዳዳሪዎች ለተቀመጡበት ቦታ ብቁ ኾነው ሳይገኙ ሲቀሩ እነርሱን መሻር፣ ማዘዋወር እና በምትካቸው ሌላ መሾም የሀገረ ስብከቱ ብቸኛ ሥልጣን ነው፤ ምእመናን በዚህ ውስጥ ድርሻ የላችሁም፤ በቃ፣ ለእኔ ተመችቶኛል፤ የሾምኩላችኹን ተቀብላችኹ መኖር ነው፤›› ሲሉ ተደምጠዋል።
በሀገረ ስብከቱ ሊቀ ጳጳስ እና በሥራ አስኪያጁ መካከል በቤተ ክርስቲያንን ንብረት እና ሀብት ላይ የተመሠረተ ከፍ ያለ የጥቅም ትስስር መኖሩን የሚናገሩት አንዳንድ ምእመናን ጉዳዩ ሊጋለጥ እንደሚገባው አሳስበዋል፡፡
ውዝግቡ ያሳሰበው የክልሉ ጸጥታ ቢሮ፣ ‹‹ችግሩ ማን ጋራ እንዳለ ተረድተነዋል፡፡ ጉዳዩ የጸጥታ ጉዳይ ነው፤ ሰዎቹ ይኹነን ብለው ችግር ለመፍጠር የሚፈልጉ ናቸው፤. . . ፓትርያሪኩ ለውይይት በራችን ክፍት ነው ካሉ መንገድ መዝጋት አያስፈልግም፤ ውይይቱ ውጤት የማያመጣ ከኾነ ግን ጣልቃ ለመግባት እንገደዳለን፤›› በማለቱ የምእመናኑ ተወካዮች በዛሬው ዕለት ጠዋት ብፁዕ ወቅዱስ ፓትርያርኩን ለማነጋገር ቀጠሮ በተያዘላቸው መሠረት ማነጋገራቸውን እነዚሁ ደጀ ሰላማውያን ጨምረው ገልጸዋል፡፡

ይህ በእንዲህ እንዳለ የሲዳማ ሀገረ ስብከት ሥራ አስኪያጅ መልአከ ሕይወት ፀሐይ መልአኩ ትናንትና ሐምሌ 21 ቀን 2002 ዓ.ም ከስም ማጥፋት እና ‹‹ለአዋሳ ከተማ ጸጥታ ስጋት ኾነዋል፤›› በሚል በፖሊስ ቁጥጥር ሥር ውለው ማምሻውን መፈታታቸውን  የደጀ ሰላም ምንጮች አመለከቱ፡፡ የእስራቸው ምክንያት በሀገረ ስብከቱ የሚገኘው የአዋሳ ደብረ ምሕረት ቅዱስ ገብርኤል ገዳም አስተዳዳሪን ያለአግባብ መነሣት እና በሕገ ወጥ ሰባክያን የሚካሄዱ ጉባኤያትን በመቃወም ለብፁዕ ወቅዱስ ፓትርያርክ  አቡነ ጳውሎስ አቤቱታ ያቀረቡትን ቁጥራቸው 39 የሚደርሱ ምእመናንን፣ ‹‹አሸባሪዎች እና ፀረ ሰላም ኀይሎች ናቸው፤›› ብለው በመወንጀላቸው መኾኑ ታውቋል፡፡
በሥራ አስኪያጁ ስማቸው ተጠቅሶ ለፌዴራል ጉዳዮች ሚኒስቴር እና ለክልሉ ፖሊስ ውንጀላ የቀረበባቸው ሠላሳ ዘጠኙ ምእመናን ታዋቂ ግለሰቦች፣ የአገር ሽማግሌዎች እና ባለሀብቶች ናቸው፡፡ በሀገረ ስብከቱ በተለያዩ የልማት ሥራዎች እየተሳተፉ የሚገኙ ከመኾናቸውም በላይ፣ የሐዋሳ ቅዱስ ገብርኤልን፣ በዓለ ወልድን፣ ኪዳነ ምሕረትን፣ ቅዱስ ሩፋኤልን እና የቅዱስ ጊዮርጊስ አብያተ ክርስቲያናትን በማነፅ ከፍተኛ አስተዋፅኦ ማበርከታቸውን የደጀ ሰላም ምንጮች ይናገራሉ፡፡

9 comments:

Anonymous said...

እኔ መንግሥት በቂ ጥያቄ ከቀረበለት መፍትሄ ይሰጣል ብየ አምናለሁ:: በመሆኑም የአባ ጳውሎስን ነገር አስተባብረን ከመንግሥት ዘንድ ማድረስ ይገባል:: የአዋሳው ጥሩ መንገድ ነው ስለዚህ ብሔራዊ ጥያቄ ለምን አናደርገውም:: መንግሥት የሚከተለው ጸረ ሙስና ፖሊሲ በአገሪቱ ውስጥ በሙሉ ተፈጻሚ ነው:: ከቤተ ክርስቲያናችን እየዘረፉ ስጦታ ተሰጣቸው ሀውልት ቆመላቸው፣በነማን እንደት፣ገንዘቡን ከየት አመጡት፣ ይህን ያክል ገንዘብስ ግለሰቦች ስጦታ መስጠት ከቻሉ የሃብታቸው ምንጭ ከየት ነው፣ ቀረጥስ ከፍለውበታልወይ የመሳሰሉትን ጥያቄዎች እኮ ትኩረት እንድያገኙ ማድረግ አይኖርብንም ትላላችሁ:: አሁን የሚያስፈልገን ይህንን የሚያስተባብር ነው::

Anonymous said...

Please guys don't involve yourself in this conflict .Naive followers,civilians were kidnapped and killed from similar events.Remember what happened in lideta in the past.We lost life ...with no outcome.Abune paulos &current Betekehenet have so many experience handling the same event in the past than the people who are fighting. Let's stop involving ourself in this complicated administrative stuffs.Prayer has a power and we all will get the answer!!!.

Anonymous said...

ደጀሰላሞች ምነው ሰላሙን ብታወሩ?...

Agnatiwos ze gascha said...

እኔ በጣም ያሳዘነኝ ነገር ቢኖር ወገኖቸ የአቡነ ፋኑዔል ማስፈራሪያና ተግሳጽ ለአዋሳ ማዕመናን መስተላለፋቸው ነው:: ይህ በእውነቱ እጅግ አሳፋሪና ከአንድ የቤተክርስቲያን አባት ነኝ ከሚል
ሰው የሚጠበቅ አይደለም:: በቤተ ከርስቲያን ሃብት ላይ የ ሚቀልድን ሰው መተባበር በራሱ ሃጢአት ነው:: ስለዚህ አንድ ነገር መናገር የምፈልገው ቢኖር ለቤተ ከርስቲያን የቆመ አንድ እንኳ ጠንካራ መንፈሳዊ አባት የለንም(ከአቡነ ሳሙዔል እና ከጥቂቶች በቀር):: በመሆኑም ለቤተ ከርስቲያናችን እግዚአብሄር ሰው እስከሚሰጣት ድረስ ሁላችንም ዘወትር እንጸልይ :እናልቅስ እባካችሁ

Dan said...

መጽሐፈ ነገሥት ቀዳማዊ።ምዕራፍ 18።

17፤ አክዓብም ኤልያስን ባየው ጊዜ። እስራኤልን የምትገለባብጥ አንተ ነህን? አለው።

18፤ ኤልያስም። እስራኤልን የምትገለባብጡ፥ የእግዚአብሔርን ትእዛዝ ትታችሁ በኣሊምን የተከተላችሁ፥ አንተና የአባትህ ቤት ናችሁ እንጂ እኔ አይደለሁም።
ማን ነው እነማን ናቸው ዛሬ በተ ክርስቲያንን የሚገለባብጥ የሚገለባብጡ ?


የሐዋርያት ሥራ ምዕራፍ 8

14 በኢየሩሳሌምም የነበሩት ሐዋርያት የሰማርያ ሰዎች የእግዚአብሔርን ቃል እንደተቀበሉ ሰምተው ጴጥሮስንና ዮሐንስን ሰደዱላቸው።

15 እነርሱም በወረዱ ጊዜ መንፈስ ቅዱስን ይቀበሉ ዘንድ ጸለዩላቸው፤

16 በጌታ በኢየሱስ ስም ብቻ ተጠምቀው ነበር እንጂ ከእነርሱ በአንዱ ላይ ስንኳ ገና አልወረደም ነበርና።

17 በዚያን ጊዜ እጃቸውን ጫኑባቸው መንፈስ ቅዱስንም ተቀበሉ።

18 ሲሞንም በሐዋርያት እጅ መጫን መንፈስ ቅዱስ እንዲሰጥ ባየ ጊዜ፥ ገንዘብ አመጣላቸውና።

19 እጄን የምጭንበት ሁሉ መንፈስ ቅዱስን ይቀበል ዘንድ ለእኔ ደግሞ ይህን ሥልጣን ስጡኝ አለ።

20 ጴጥሮስ ግን እንዲህ አለው። የእግዚአብሔርን ስጦታ በገንዘብ እንድታገኝ አስበሃልና ብርህ ከአንተ ጋር ይጥፋ።

21 ልብህ በእግዚአብሔር ፊት የቀና አይደለምና ከዚህ ነገር ዕድል ወይም ፈንታ የለህም።

22 እንግዲህ ስለዚህ ክፋትህ ንሰሐ ግባ፥ ምናልባትም የልብህን አሳብ ይቅር ይልህ እንደ ሆነ ወደ እግዚአብሔር ለምን፤

23 በመራራ መርዝና በዓመፅ እስራት እንዳለህ አይሃለሁና።


24 ሲሞንም መልሶ። ካላችሁት አንዳች እንዳይደርስብኝ እናንተው ወደ ጌታ ለምኑልኝ አላቸው።

25 እነርሱም ከመሰከሩና የጌታን ቃል ከተናገሩ በኋላ ወደ ኢየሩሳሌም ተመለሱ፤ በሳምራውያን በብዙ መንደሮችም ወንጌልን ሰበኩ።

26 የጌታም መልአክ ፊልጶስን ። ተነሥተህ በደቡብ በኩል ከኢየሩሳሌም ወደ ጋዛ ወደሚያወርደው ምድረ በዳ ወደ ሆነ መንገድ ሂድ አለው።

27 ተነሥቶም ሄደ። እነሆም፥ ህንደኬ የተባለች የኢትዮጵያ ንግሥት አዛዥና ጃንደረባ የነበረ በገንዘብዋም ሁሉ የሠለጠነ አንድ የኢትዮጵያ ሰው ሊሰግድ ወደ ኢየሩሳሌም መጥቶ ነበር፤

28 ሲመለስም በሰረገላ ተቀምጦ የነቢዩን የኢሳይያስን መጽሐፍ ያነብ ነበር።

35 ፊልጶስም አፉን ከፈተ፥ ከዚህም መጽሐፍ ጀምሮ ስለ ኢየሱስ ወንጌልን ሰበከለት።

36 በመንገድም ሲሄዱ ወደ ውኃ ደረሱ፤ ጃንደረባውም። እነሆ ውኃ፤ እንዳልጠመቅ የሚከለክለኝ ምንድር ነው? አለው።

37 ፊልጶስም። በፍጹም ልብህ ብታምን፥ ተፈቅዶአል አለው። መልሶም። ኢየሱስ ክርስቶስ የእግዚአብሔር ልጅ እንደ ሆነ አምናለሁ አለ።

38 ሰረገላውም ይቆም ዘንድ አዘዘ፥ ፊልጶስና ጃንደረባው ሁለቱም ወደ ውኃ ወረዱ፥ አጠመቀውም። ገንዘብ ወርቅ ስጠኝ አላለም

39 ከውኃውም ከወጡ በኋላ የጌታ መንፈስ ፊልጶስን ነጠቀው፤ ጃንደረባውም ሁለተኛ አላየውም፥ ደስ ብሎት መንገዱን ይሄድ ነበርና።

40 ፊልጶስ ግን በአዛጦን ተገኘ፥ ወደ ቂሣርያም እስኪመጣ ድረስ እየዞረ በከተማዎች ሁሉ ወንጌልን ይሰብክ ነበር።

ዛሬ ሐዋርያት ነን በሐዋርያት ቦታ ተተክተናል የሚሉትን የዛሬዎቹ እነ አባ መላኩን "ሊቀ ጳጳስ ብፁዕ አቡነ ፋኑኤል" ማስፈራራት ስሙ የዛሬዎቹን እነ አባ መላኩ "ሊቀ ጳጳስ” አባ ፋኑኤል ማስፈራራት ዛቻ ስሙ::

“የሀገረ ስብከቱ ሊቀ ጳጳስ ብፁዕ አቡነ ፋኑኤል ሐምሌ ሰባት ቀን በተከበረው የቅድስት ሥላሴ በዓል በአዋሳ ቅድስት ሥላሴ ቤተ ክርስቲያን በመገኘት ባሰሙት ተግሣጽ አዘል ንግግር፣ ‹‹የአጥቢያ አስተዳዳሪዎች ለተቀመጡበት ቦታ ብቁ ኾነው ሳይገኙ ሲቀሩ እነርሱን መሻር፣ ማዘዋወር እና በምትካቸው ሌላ መሾም የሀገረ ስብከቱ ብቸኛ ሥልጣን ነው፤ ምእመናን በዚህ ውስጥ ድርሻ የላችሁም፤ በቃ፣ ለእኔ ተመችቶኛል፤ የሾምኩላችኹን ተቀብላችኹ መኖር ነው፤›› ሲሉ ተደምጠዋል።
አባ መላኩ አባ ፋኑኤል በአሜሪካ ከአንዲት አጥቢያ ቤተ ክርስቲያን ያለ ተቆጣጣሪ ሰብስበው ካካበቱት ደብቀው ካሸሹት ውስጥ ለአባ ጳውሎስ $50,000 ዶላር ጉቦ ሰጥተው ከአባ ጳውሎስ ጵጵስና የገዙ፤

አባ ጳውሎስም - ይሄማ ገንዘብ ካለበት ሀገረ ስብከት ባስቅውምጠ ብዙ ሰርቆ ያካፍለኛል ብለው አዋሳ ያስቀመጡአቸው::



ይሄና ሌሎችም ወደፊት ተዘርዝረው በማስረጃ ተደግፈው ይጻፉና የነ አባ ጳውሎስ ዘመን ሥራ ይህ ነበር ብለን እናነበው ይሆናል::

ያባ ጳውሎስ መዘባበት ማስፈራርያና ዛቻን ስሙ:
"የአዋሳ ብሔር ብሔረሰቦች"
እውነተኛ የክርስቲያኖች አባት የቤተክርስቲያን አባት "ብሔር ብሔረሰቦች" ሳይሆን አዋሳ ክርስቲያኖች ይል ነበር::


"ተቻችለው የሚኖሩበት ከተማ ነው፤ መቻቻል ያስፈልጋል፤"
ብትበድሉም መቻል አለባችሁ.
.
"በራችን ለውይይት ክፍት ነው፤ መክሰስ መከሰስ ለማንም አይጠቅምም፤
ለማን ልትከሱን ንው?"
ወደ ሰማይ ወደ እግዚአብሔር ብታንጋጥጡ ወደምድር ብትወርዱ የትም አትደርሱ ሥልጣኑ የኔ ነው:


"የቤተ ክርስቲያን ጉዳይ የሚፈታው በራሳችን እንጂ ሌላ ማንም ሊፈታው አይችልም፤ ላይ ታች ማለት ተገቢ አይደለም፤››

ከኔ በላይ ማንም እንደሌለ እስከዛሬ አታእቁም “ሲኖዶስ ሕገ ቤተክርስቲያን” ብትሉ ሥልጣኑ የኔ ነው: ከኔ በላይ ማንም የለም::

የሥልጣኔን ዝርዝር ተመልከቱ::
1. ብፁዕ
2. ወቅዱስ
3. ፓትርያርክ
4. ርእሰ ሊቃነ ጳጳሳት ዘኢትዮጵያ
5. ሊቀ ጳጳስ ዘአክሱም
6. ወእጨጌ ዘመንበረ ተክለ ሃይማኖት
7. የዓለም አብያተ ክርስቲያናት ምክር ቤት ፕሬዚዳንትና
8. የዓለም ሃይማኖቶች ለሰላም የክብር ፕሬዚዳንት፤

selamawi said...

በስመስላሴ አሃዱ አምላክ አሜን

,,ኩሉ ፃድቅ በጊዜ እርቱዕ ,, በሰላም ጊዜ ሁሉ ጻድቅ ነው እንደተባለው ቤተክርስቲያን ዛሬ እውነተኛ አባት እንደሌላት እያየን ነው ,,ሆዳቸው አምላካቸው ,, እንደተባለው ለካ የኛ አባቶች የራሳቸው መብት ሲነካ ነው ዘራፍ የሚሉት? መቸም እግዚአብሔር አንደበቴን ከክፉ ይጠብቅልኝ አቡነ ፋኑኤል ትክክል ስራ እየሰሩ አይመስለኝም ቤተክርስቲያን ለዚህ ማእረግ አብቅታቸው የቤተክርስቲያንን ነገር ወደ ኋላ ትተው በቤተክርስቲያን ላይ የሚያላግጥ ጎረምሳ መጋቤ ሀዲስ ብለው ሰይመው የቤተክርስቲያንን ክብር ማጉደፋቸው በእውነቱ እግዚአብሔርን አለመፍራት ነው ቀደም ሲል እሳቸውም አሜሪካ በነበሩበት ጊዜ አቡነ ጳውሎስን አንተ እያሉ ሲሳደቡ እንደነበረ ሁላችንም የምናውቀው ነው እድሜ ለየዋሁ ህዝባችን አስታቅፎ በላካቸው ዶላር ለአቡነ ጳውሎስ እጅ መንሻ በማቅረብ ይህንን ስልጣን እንዳገኙ ሁላችንም እናውቃለን ታዲያ ቤተክርስቲያን የማይገባቸውን ክብር ሰጥታ ትልቅ ቦታ ላይ ስላስቀመጠች ወንበዴ ያደራጁባታል? የቤተክርስቲያን አምላክ የዘገየ ቢመስልም የሚቀድመው የለም እኔ ግን ለእነርሱ አዘንኩ

Dan said...

ቅዱስ ሉቃስ የጻፈውን
የሐዋርያት ሥራ ልብ ብለን እናንብብ

የሐዋርያት ሥራ ምዕራፍ 8 ቁ14

በኢየሩሳሌምም የነበሩት ሐዋርያት የሰማርያ ሰዎች የእግዚአብሔርን ቃል እንደተቀበሉ ሰምተው ጴጥሮስንና ዮሐንስን ሰደዱላቸው።

ይህም ማለት 12ቱ ሐዋርያት መክረው ተስማተው ጴጥሮስንና ዮሐንስን ሰደዱላቸው ይላል እንጂ ጴጥሮስና ዮሐንስ በራሳቸው ተነሳስተው ወደ ሰማርያ ወደ ሰማርያ ሰዎች ሄዱ አይለንም::

ዛሬ ሲኖዶስ የምንለው የሐዋርያት ስብስብ: በኢየሩሳሌምም የነበሩት ሐዋርያትም የመጀመሪያው ሲኖዶስ ነበር::

ቅዱስ ጴጥሮስም የ12 ሐዋርያት ተቀዳሚ ሲሆን "እኔ እምለው ብቻ" አይልም ነበር:: ሁሉም እኩል ሲሆኑ እሱ ተቀዳሚ ነበር::

የኛዎቹ ግን ቀድሞ ለነገሥታቱ ታዛዦች ዛሬ ያሉት በአባ ጳውሎስና በመለስ ሥር ያሉ ሆነው ነው ያገኘናቸው::
የዛሬ አመት JULY 2009 ይህን ዘገባ እርስታችሁ እንይሆን: ከሮም ጣሊያን ጉብኝታቸው ባለፈው ረቡዕ ወደ አዲስ አበባ የተመለሱት ብፁዕ ወቅዱስ አቡነ ጳውሎስ ያለ ቅዱስ ሲኖዶስ ፈቃድ መጓዛቸውን ተቃውሞ ደብዳቤ የጻፈባቸው የቅዱስ ሲኖዶስ ሥራ አስፈጻሚ ላይ “ጦርነት መጀመራቸውን” የአዲስ አበባ ምንጮቻችን ገለጹ።
ለጂ-8 ጉባዔና ለ”ኢትዮጵያ ቀን” ዝግጅት ሮም የሰነበቱት ፓትርያርኩ በራሳቸው ፈቃድ ካደረሱት ጉዞ በተመለሱበት ዕለት የአዲስ አበባ ሊቃውንት ከ6ኤ.ኤም ጀምረው ተሰልፈው እንዲጠብቋቸው የተደረገ ሲሆን ተቃዋሚዎቻቸው የተባሉ ብፁዓን አባቶችንና ዜናዎች ያወጡ ጋዜጦችን የሚሰድቡ ዘለፋ አዘል “ቅኔዎች” ሲቀርቡ ተሰምቷል።


"ቤተ ክርስቲያኔን ትጠብቋት ዘንድ -
ለመንጋውና ለራሳችሁ ተጠንቀቁ!" ማለት ምን እንደሆነ የናቁ ወይም ያልገባቸው እንዴት የበጎች እረኞች ናቸው እንላለን::
እስቲ ተናገሩ ዝም አትበሉ የበጎች እረኞች ያልሆኑ ምኖች ናቸው??

የምክር ቤት ፕሬዚዳንትና የዓለም ሃይማኖቶች የክብር ፕሬዚዳንት፤
የዓለም ሃይማኖቶች ??
ክርስትና የዓለም ሃይማኖት ነው እንዴ?

ተናገሩ ዝም አትበሉ
ተናገሩ ዝም አትበሉ
ተናገሩ ዝም አትበሉ

Anonymous said...

ልብስ መስፋት ለመሆኑ የየትኛው ወንበር ስልጠና ነው:: አሁን እኮ ያሉት አባቶች ለስልጣን ሲታጩ ዋና ዋናዎቹ መመዘኛወች
፩ የቤተ ክርስቲያኒቱ የሆነውን የወንበር ትምህርት ያልተማረ
፪ ስርዓተ ቤተ ክርስቲያን የማያውቅ ወይም በታወቀ ሁኔታ ስርዓተ ቤተ ክርስቲያንን በመጣስ ልምድ ያለው
፫ ለቤተ ክርስቲያን ሊቃውንት ደንታ የሌለው
፬ በዘመናዊ ትምህርት እንደካድሬ መናገርን ብቻ የሚችል
፭ የተደበቀ ኃጥያቱን በኑዛዜ ያስረከበ ( ማስፈራርያ)

ከብዙ በጥቂቱ እነዚህን ያሟሉ ናቸው የሚሾሙት:: መናጆ ከመሆን ያለፈ ምን እንድሰሩ እንጠብቃለን:: ከላይ የዘረዘርኳቸውን በተቃራኒው ያሟሉ ከሆኑ ደግሞ ወደአዲስ አበባ ቶሎ ቶሎ እንዳይመጡ በዝናብ መኪና ወደማይጋባበት ጠረፋማ ቦታ ይላካሉ::

Anonymous said...

The only option we have is to clearly understand and fight against these people. Do you realy think Abune Paulos benefited from erecting this monument? Do you expect him that he didn't know it is contrary to the teachings of the church? do you think he didn't speculate the oposition that follows? .....No.I don't think he is so stupid to understand these. If that is not the case, what initiated him then? I think it is more than what people think.It is TEHADESO
It seems for me that this is a strategy to denounce the saints we respect in Ethiopian Orthodox Church by saying that "yes, even Abune Paulos who have been involved in many scandals, has been rewarded and considered as a saint by the church......so are the others...etc. and secondly who knows there is a plan to build a church in his name.Is it possible to say AYIDEREGIM ? In my opinion why not? Anything can happen anytime....in the church. I believe we have two important measures to take, as a soltion, from the congregations side.
1.No donation to the church...NEVER NEVER, unless there is a drastic change, including the removal of the Patriarich with his monument and pictures erected in the church compound.Identifying and clearing the church from the "Tehadisos" will be the next step.
2.Pray,Pray...in our respective family with our children before us...only for three days like the people of "Nenewe" then everything will be changed.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)