July 23, 2010

'ከቤተ ክርስቲያኒቱ ልጆች ለቅዱስ ሲኖዶስ አባላት" ከሚል መልእክት የተገኘ


በስመ አብ ወወልድ ወመንፈስ ቅዱስ አሐዱ አምላክ አሜን።

ቀን 29/10/2002

ከቤተ ክርስቲያኒቱ ልጆች  
ለኢትዮጵያ ኦርቶዶክስ ተዋሕዶ ቤተ ክርስቲያን
ቅዱስ ሲኖዶስ አባላት
አዲስ አበባ
ብፁዓን አባቶች ሆይ፦
·         በቤተ ክርስቲያናችን ቅዱስ ሲኖዶስ እየተባለ የሚታወቀውና የሃይማኖታችን ሞገስ የሆነው ቅዱስ ጉባዔ አለ ወይስ ጠፍቷል?
·         ቤተ ክርስቲያኒቱ የአቡነ ጳውሎስ የግል ንብረት ሆናለች ወይስ የጋራችን?
·         በአሁኑ ጊዜ ቤተ ክርስቲያናችን ተቆርቋሪ የሌላትና የግል ማላገጫ ስትሆን ብፁዐን አባቶች እያያችሁ ታዝኑላታላችሁ ወይስ አያገባንም ብላችሁ በግድየለሽነት እየተመለከታችሁ ነው?
የሚሉ ጥያቄዎች ስላሉን ከአባቶቻችን መልስ የምንጠብቅ መሆናችንን እየገለጽን የበኩላችንን ሐሳብ ከዚህ ቀጥሎ በመመዝገብ አቅርበናል። እናንተም ስለ ቤተ ክርስቲያናችንና ስለ እግዚአብሔር ብላችሁ እስከ መጨረሻው ድረስ በጥሞና እንድታነቡት በእግዚአብሔር ስም እንጠይቃል።
በመጀመሪያ ደረጃ ሃይማኖታችንና ቤተ ክርስቲያናችንን እንጠብቃለን ብላችሁ በሕዝበ ከርስቲያኑና በእግዚአብሔር ፊት ቆማችሁ ቃል ገብታችሁ፤ ምላችሁ በቤተ ክርስቲያኑ ላይ የተሾማችሁ ጳጳሳት ፣ ሊቃነ ጳጳሳት፣ የቅዱስ ሲኖዶስ አባላት እየተባላችሁ መኖራችሁን እኛም እናውቃለን፤ እንኮራባችኋለንም። ቅዱስ ሲኖዶስ የሚባለው ጉባዔ ግን አለ ብለን በጭራሽ አናምንም፤ ቤተ ክርስቲያኒቷም ተቆርቋሪ የሌላት መሆኗንም ሙሉ በሙሉ እየተከሰቱ ካሉ ጉዳዮች በመነሳት ማረጋገጥ ችለናል። ዝርዝር ምክንያቱንም ከዚህ ቀጥለን የመዘገብነው ስለሆነ መመልከት ይቻላል።
ክፍል አንድ ሕገ ወጥ አሠራር
1.      ብፁዕ ወቅዱስ አቡነ ጳውሎስ ከቤተ ክርስቲያኒቱ ቀኖና ውጭ በሆነ መንገድ በየቤተ ክርስቲያኑ ሥዕላቸውን እያቆሙ በመሆናቸው ወደ ቤተ ክርስቲያን ስንመጣ የምንሰግደው ለእግዚአብሔር ነው ወይስ ለአቡነ ጳውሎስ ሥዕል በማለት እየተሳቀቁና እያዘኑ የሚኖሩ የቤተ ክርስቲያናችን አባላት እጅግ ብዙ ከመሆናቸውም በላይ በተለይ በአሁኑ ጊዜ ቃልቲ አካባቢ በምትገኘው በቁስቋም ቤተ ክርስቲያን በዐውደ ምሕረት ፊት ለፊት ማለትም ታቦት ሲቆም ሊቃውነቱ ከሚያስረግጡበት አጠገብ በአደባባዩ ላይ በልዩ ብረት ታጥሮ የአቡነ ጳውሎስ ሥዕል ቆሟል። በሥዕሉ ራስ ላይ ‘ስምከ ሕያው ዘኢይመውት’ የሚልና ከሥዕሉ በታች ‘ሰማዕት ዘእንበለ ደም ብፁዕ ወቅዱስ አቡነ ጳውሎስ’ የሚል ጽሑፍ አለበት። በቦሌ መድኃኔዓለም ቤተክርስቲያን ደግሞ በልዩ ሁኔታ በሲሚንቶና በአርማታ ሐውልታቸው ተሰርቶ ቆሟል። በሐውልቱ ላይ ‘ስምከ ሕያው ዘኢይመውት’ የሚለውና ‘ሰማዕት ዘእንበለ ደም’ የሚለው ቃል አለበት።
ይህንኑ ሐውልትም የሙዚቀኛው የመሐሙድ ሚስት የነበሩት ወ/ሮ እጅጋየሁ እና ‘የመስቀሉ ስር ቁማርተኞች’ የሚለውን መጽሐፍ የጻፈው ከሌሎች ጓደኞቻቸው ጋር በመሆን እንዳሰሩት እየተነገረ ነው። በመሆኑም የአቡነ ጳውሎስ ሥዕልና ሐውልት ቀኖና ቤተ ክርስቲያናችንን በእጅጉ የሚፈታተን ከመሆኑም በላይ ወ/ሮ እጅጋየሁ የተባሉት ሴት ዘፋኝ ባላቸውን ከፈቱ በኋላ የአቡነ ጳውሎስ ጉዳይ አስፈጻሚ እንዲሆኑ የሾማቸው ማነው? ከአቡነ ጳውሎስ ጋር ያላቸው ግንኝነትስ ምንድነው? የሚሉ አጠራጣሪ ጥያቄዎችን የሚያስነሳና ስሙ ራሱ የቤተ ክርስቲያናችንን ክብር የሚነካ ስለሆነ ተገቢነት የሌለውና ቅጥ ያጣ ግኑኝነታቸው አሳፋሪ አካሄድ ነው።
እኒሁ ወ/ሮ እጅጋየሁ ከአሁን በፊትም በ2000 ዓ.ም. የሚሊኒየሙ በዓል በሚከበርበት ጊዜ በአንገት የሚጠለቅ ወርቅ ለአቡነ ጳውሎስ የግል ሽልማት ሲሰጡ “ሰማዕት ዘእንበለ ደም”’ ብዬ ሰይሜዋለሁ ብለው የቤተ ክርስቲያኒቱን ቀኖና በመጋፋት የተናገሩ ሰው ናቸው። በመሠረቱ አንድ ቅዱስ ፓትርያርክ እንደዚህ ባለው ቅሌታዊ አካሄድ ተሰማርቶ መገኘት መረገም እንጂ የጤንነት አይመስለንም። ቤተ ክርስቲያኒቱንም የሚያሳስብ ጉዳይ ነው።

2.    የአቡነ ጳውሎስን የግል ታሪክ በሐሰት አጉልቶ የሚያሳይ የሚያወድስ ዶክመንተሪ ፊልም በራሳቸው ተዘጋጅቶ የአዲስ አበባ ካህናት እየተገደዱ እየገዙ ናቸው።

ከመሰረቱም ቢሆን የአቡነ ጳውሎስን ታሪክ መመስከር ያለባት ራሷ ቤተ ክርስቲያኒቱ እንጂ ራሳቸውን በራሳቸው ታላቅ መንፈሳዊ አባት አስመስለው ማቅረብ ፈጽሞ ነውር ነው። ምክንያቱም የክርስቲያኖች መንፈሳዊ ሕይወት የሚመራው ራስን ዝቅ በማድረግና በትሕትና ብቻ መሆኑን ምዕመናን ሁሉ የሚያውቁት ጉዳይ ነው።

እኒህ ሰው ግን መጥፎው ታሪካቸውና ጉዳቸው ራሳቸው ባዘጋጁት ፊልምና በአቆሙት ሐውልት ተደብቆ (ተሸፍኖ) ካህናቱም ትክክለኛውን እና እውነተኛውን ታሪክ ሳይሆን ተገደው የገዙትን ፊልምና የቆመውን ሐውልት ውበት እየተመለከቱ ቅዱስ ናቸው እያሉ ሲያመሰግኗቸው እንዲኖሩ የተደረገ የብልጥነት ተግባር ነውና ሙሉ በሙሉ ጥፋት ነው።

3.    በራሳቸው በአቡነ ጳውሎስ ስም የተዘጋጀው መጽሐፍም የሃይማኖታችንን አቋም የነካ ሆኖ እያለ በፁዓን አባቶች እያያችሁና እየሰማችሁ ዝም ማለታችሁ ካህናቱንም ሆነ ምዕመናኑን የሚያሳፍር ሆኗል።

4.    ከቅዱስ ፓትርያርኩ ጀምሮ ማንኛውንም ቤተ ክርስቲያኒቱን ወክሎ ወደ ውጭ የሚላክ (የሚመጣ) የቤተ ክርስቲያኒቱ አባል ሁሉ በመጀመሪያ በቅዱስ ሲኖዶስ ሊፈቀድለት እንደሚገባ በሕገ ቤተክርስቲያን መደንገጉ ይታወቃል።

አሁን ጳውሎስ ግን ከሕግ በላይ የሆኑ ወይም የቤተ ክርስቲያኒቱን ሕግ እርሳቸውን የማያውቃቸው ይመስል ስራዬ ሙያዬ ብለው የያዙት ወደ ተለያዩ አገሮች መሄድ፣ መምጣት፣ መዞር፣ መንከራተት፣ መዝናናት ነው። በተለይ ደቡብ አፍሪካ የናት ቤት ሆኗል።

ለመሆኑ ግን አቡነ ጳውሎስ ደቡብ አፍሪካ ምን አስቀምጣል? ምን አላችው? በአጠቃላይ ነጋ ጠባ ደቡብ አፍሪካ የሚሉበት ምክንያት አጠያያቂ ስለሆነ ሊታሰብበት ይገባል እንላለን።

5.    አምና የዛሬ ዓመት ብፁዓን ጳጳሳት በጸሎት ቤታቸው እንዳሉ ተደብድቧል። በዚህም ቤተ ክርስቲያናችን ራሷ ከራሷ ጋር ስትደበደብ የመጀመሪያ ጊዜዋ መሆኑ ነው። ምንም እንኳ በአቡነ ጳውሎስ ዘመነ ስልጣን ቤተ ክርስቲያናችን ለውርደት የተጋለጠች ዘመን መሆኑ በዓለም አደባባይ የታወቀ ቢሆንም በዚሁ በብፁዓን ጳጳሳት ላይ በተፈመው የድብደባ ወንጀል የሃይማኖታችን ክብርና ታሪክ ተደፍሯል። የሕዝበ ክርስቲያኑ ሞራልም ተነክቷል።
“ይህ ጉዳይ ይጣራና ወንጀሎች ለሕግ ይቅረቡ ወደፊትም በቤተ ክርስቲያናችን እንዲህ ዓይነቱ አሳፋሪ ተግባር እንዳይታይ ይሁን”ተብሎ ሲጠየቅ አቡነ ጳውሎስና በወቅቱ ጠቅላይ ሥራ አስኪያጅ የነበሩት አቡነ ይስሐቅ ጉዳዩን አፍነው አስቀርተውታል። ከዚህ ጋር በተያያዘ ሁኔታ የሚያስገርመው ደግሞ፣ ስም መጥቀስ አያስፈልግም እንጅ፣ በዚህ ወንጀል መፈጸም ምክንያት ይደሰቱ፤ ይዘፍኑ የነበሩ ግለሰቦች እየተፈለጉ በየመምሪያውና በየቁልፍ ቦታው እንደዚሁም በየታላላቅ አድባራቱ መሐይምነታቸውን እንደተጎናጸፉ እየተሾሙ የስልጣን ባለቤቶች መሆናቸው ነው። በተለይ ዱርየና ስርዓተ አልበኛ የሆኑት ባለጌዎች በመብራት እየተፈለጉ ነው ባለስልጣናት የሆኑት፤ እንዲህ አይነቱ አሰራር ደግሞ ነውረኛነት ነው። ለቤተ ክርስቲያኒቱም ከፍተኛ ውድቀት ለመሆኑ አጠራጣሪ ነገር የለውም።

ክፍል ሁለተ፡ ሕገ ወጥ ብዝበዛዎች
1.    ከዚህ በላይ በተጠቀሰው በአንቀጽ 1/4/ ላይ በገለጥነው መሰረት አቡነ ጳውሎስ ወደ ውጭ አገር እሄዳለሁ እያሉ ከአንጋቻቸውና ከአጨብጫቢዎቻቸው ጋር በተመላለሱ ቁጥር ለትራንስፖርት፤ ለአበል፣ ለክብር መጠበቂያ እየተባለ የሚጨፈጨፈው የቤተ ክርስቲያናችን ገንዘብ በእጅጉ የሚያሳዝን ነው። ለቤተ ክርስቲያናችን አላችሁላት ተብሎ የሚታመንባችሁ እናንተ ብፁዓን አባቶችም ዝም ብላኋችል። ምን ይሻላል?

2.    አቡነ ጳውሎስ በደቡብ አፍሪካና በጋምቤላ ስራ እሰራለሁ በሚል ቅዱስ ሲኖዶስ የማያውቀው የገንዘብ መበዝበዣ ዘዴ ፈጥረው ቅዱስ ሲኖዶሱም በቤተ ክርስቲያኒቱ ምንም ምን እንደማያገባውና ለቤተ ክርስቲያኒቱ ብቸኛ አሳቢ እርሳቸው ብቻ በማስመሰል አሳምነው ከአዲስ አበባ አድባራትና ገዳማት ያለ ታዛቢ ገንዘብ እየሰበሰቡ ናቸው። ይህ አሰራራቸውም “የነቃ የለም፣ ማንም አያውቅብኝም” በሚል የንቀት መንፈስ ተሞልቶ ጠያቂ በሌለበት ሁኔታ የተዘረጋ የብዝበዛ መረብ ስለሆነ አደገኛ ብልጥነት ነው።


3.    አቡነ ጳውሎስ “ኤልሻዳይ” የሚል አዲስ ፕሮግራም ፈጥረው ከአዲስ አበባ አድባራት ገንዘብ እየበዘበዙ መሆናቸውንም ከቅዱስ ሲኖዶስ አባላት መካከል ብዙዎቻችሁ እያወቃችሁ የእግዚአብሔር ገንዘብ የጠላት ገንዘብ የሆነ ይመስል በዝምታ ማየታችሁ የሚያሳዝን ጉዳይ ነው። እርሳቸው ግን በገንዘብ ብዝበዛ በኩል ክፉኛ የተመረዙና በአጠቃላይ ከመንፈሳዊ አባትነት ባህርይ አጥብቀው የራቁ አሳፋሪ ሰው ናቸው። “ተዉ አይገባም ” የሚል ተቆርቋሪም ጠፍቷል። ሁሉም ነገር ክፉውን ተግባር ለማከናወን በሚመች መልኩ ጨለማ ሆኗል። ብቻ እግዚአብሔር ይሁነን።

ክፍል 3 ቤተ ክርስቲያናችን የቤተሰብ ብቻ መጠቀሚያ ስለመሆኗ
አቡነ ጳውሎስ ቤተ ክርስቲያኒቱ በሀብቷ፣ በንብረቷና በቀኖናዋ ላይ ሁሉ ከንቀት ጋር እየተጫወቱበትና እየረገጧት ከመሆናችውም በላይ ለቤተሰብ መጠቀሚያ እያደረጓት እንደሆነ በተደጋጋሚ የገለጥነውና የታወቀ ጉዳይ ቢሆንም በአሁኑ ጊዜ እየተደረገ ያለውን ብቻ ጥቂቶቹን ለመጠቆም እንሞክራለን።
1.    የአንጋቻቸው የሙሉጌታ በቀለ ወንድም አሰፋ በቀለ የተባለ ሰው ያለምንም ውድድር የቤተክርስቲያኒቱ ሊቃውንት ቁጭ ብለው እየተመለከቱ በከፍተኛ ደመወዝ በልማት መምሪያ እንዲቀጠር አደርገዋል፤
2.    አሁንም ሊቃውንቱ ተመልካቾች ሆነው እየሳሱና እየጓጉ አቡነ ጳውሎስ አንድ ዘመዳቸውን አምጥተው ያለምንም ውድድር በከፍተኛ ደመወዝ በልማት መምሪያው እንዲቀጠር አድርገዋል፤
3.    ተክሉ የተባለው የቅርብ ዘመዳቸውና አንጋቻቸው በልማት መምሪያው እየሰራ ያለ ቢሆንም ከማንም ጋር ሳይወዳደር ከፍተኛ እድገትና ከፍተኛ ደመወዝ እንዲያገኝ ተደርጓል፤
4.    በልዩ ጽ/ቤት አካባቢ የቤተ ክርስቲያኒቱ መዋቅር በማያውቀው ሁኔታ አንዱ ተርጓሚ፣ አንዱ አጥኚ ወዘተ በሚል የውሸት የስራ መደብ እየተፈጠረ ምንም ነገር ሳይሰሩ አራት ሺ፤ ስድስት ሺ ፤ ስምንት ሺ፤ የሚከፈላቸው ዘመዶቻቸውም እየተፈለፈሉ ናቸው። በአጠቃላይ ግን ስለ ቤተ ክርስቲያናቸን ጉዳይ መልስ ያላገኘንላቸው ብዙ ቢሆንም መሰረታዊ የሆኑ ሁለት ጥያቄዎችም አሉን። ማለትም፦
ሀ.  እግዚአብሔር ይችን ቤተ ክርስቲያን በእኒህ ሰው አማካይነት እየቀጣ ነው?   ወይስ ሰውየው ከሌላ የተሰጣቸውን ተልዕኮ እያከናወኑ ነው?
ለ. ቤተ ክርስቲያኒቱ እንደዚህ ባለ በከፋ ውድቀት ላይ እያለች መሆኗን ብፁዓን አባቶች እያዩ ምንም አያገባንም ብለው ዝም እንዲሉ እግዚአብሔር ልቦናቸውን አደነደነው ወይስ የግል ችግር ያለባቸው አባቶች በዙ
የሚሉ ናቸው።

በበኩላችን ግን በቤተ ክርስቲያናችን ውስጥ ያለው ጭካኔ ስላሳዘነን ለዋናው ዳኛ ለእግዚአብሔር አቤቱታችንን እያቀረብን መሆናችንን እየገለጥን ምናልባት ብፁዐን አባቶቻችን የቤተ ክርስቲያኒቱን ጉዳይ ለማየትና ለመዳኘት የምትፈቅዱ ከሆነ ሊፈጸም ይገባል ብለን ያቀረብነውን የማጠቃለያ ሀሳባችንን ከዚህ ቀጥለን መዝግበነዋል።

ክፍል አራት የውሳኔ ሐሳብ
1.    ‘ስምከ ሕያው ዘኢይመውት’ እየተባለ እግዚአብሔር የሚከብርበትና የሚቀደስበትን ቅዱስ ቃል አቡነ ጳውሎስ ዘርፈው ወስደው ለራሳቸው ማድረጋቸውና በስለት ወይም በእሳት ወይም በውግረተ ዕብን ወይም በሌላ ሁኔታ መከራና ስቃይ ሳይቀበሉ ደምም ሳይፈሳቸው፣ የሰማዕትነት ማዕረግም ከቤተ ክርስቲያኒቱ ሳይፈቀድላቸው እንዲሁ በንጥቂያ እና በጉልበት ሰማዕት ሆኛለሁ ማለታቸው የቀኖና ጥሰት ስለሆን ራሳቸውም ተባባሪዎቻቸውም ሊቀጡ ሊወገዙ ይገባል እንላለን። ምክንያቱም ጤናማ እና የተደላደለ አእምሮ ያለው መንፈሳዊ ነኝ ባይ ሰው ያልሆነውን ነገር ሆኛለሁ በማለት ሰውን ግራ ለማጋባት እና ሥርዓትን ለማፋለስ ሙከራ ካደረገ የተሟላ ጥፋት ፈጽሟል ማለት ነውና ይህ ከግምት ገብቶ ሐውልቱም ጭምር መፍረስ እንዳለበት እናሳስባለን። በየቤተ ክርስቲያኒቱ የቆሙ ፎቶዎቻቸውችም ተነስተው መውረድ አለባቸው እንላለን፤

2.    ታሪካቸውን በውሸት የሚያንጸባርቀውና በአዲስ አበባ ካህናት እንዲገዙት የሚገደዱት ፊልም እንዲታገድ፤


3.    ቅዱስ ሲኖዶስ በማያውቀው ሁኔታ በደቡብ አፍሪካ እና በጋምቤላ ሥራ እሰራለሁ እያሉ የሚያካሂዱት የገንዘብ ዘረፋ እንዲቆም፣

4.    በጠቅላይ ቤተ ክህነቱ የአስተዳደር ኃላፊ ተብሎ ከተሾመው ከአቶ ያሬድ ጀምሮ በልዩ ጽ/ቤትም ሆነ በልማት መምሪያው ያለ አግባብ የተሾሙትና አዲስ ተቀጣሪዎችም እንዲታገዱና እንዲጣራ፤


5.    ከአሁን በፊት ሚያዝያ 19 እና ሰኔ 24 ቀን 2002 ዓ.ም. ጽፈን በአቀረብነው መግለጫ መሰረት ብፁዕ አቡነ ይስሐቅም በቤተ ክርስቲያናችን ላይ ከፍተኛ የአስተዳደር በደልና የገንዘብ ብዝበዛ የፈጸሙ ስለሆን የአቡነ ጳውሎስንና የአቡነ ይስሐቅን ጥፋት የሚያጣራ ኮሚቴ በቅዱስ ሲኖዶስ እንዲቋቋምና የኮሚቴው ውጤት እስኪገለጥ ድረስም አቡነ ጳውሎስ በአስተዳደር ሥራ እንዳይገቡ እንዲታገዱ እየጠየቅን ከዚህ ጋር የምንገልጠው ከአሁን በፊት ቅዱስ ሲኖዶሱ የቤተ ክርስቲያኒቱን ጉዳይ ማጣራት አይችልም፤ በገለልተኛ አጣሪ ኮሚቴ ነው መታየት ያለበት በሚል ሐሳብ ስራ ተከናውኖ የቤተ ክርስቲያኒቱን ቀኖና የማያውቁ ግለሰቦች በኮሚቴ ደረጃ ተቋቁመው በቤ ተክርስቲያኒቱ ሀብት ያለ አግባብ የተጠቀሙ መሆናቸውን ማንም ሰው ያውቃል። እንደ እውነቱ ከሆነ ግን በተለያዩ የሀገር መንግስታት መካከል የተፈጠረ የድንበር ጥያቄ ወይም ጦርነት ቢሆን ኖሮ ወይም በአንድ ሀገር መንግስትና የፖለቲካ ድርጅት መካከል የሚፈጠር የአገዛዝ ጥያቄ ያለበት ቢሆን በእርግጥ ገለልተኛ ያጣራ ማለት ይገባ ነበር። ከዚህ ውጭ ግን አንድ መንግስት የራሱ አስተዳደርና የሀገሩን ሀብት መቆጣጠርና ማጣራት አይችልም? ቤተ ክርስቲያኗም በበኩሏ ቀኖናዋን፣ ሃይማኖቷን፣ የቤተ መቅደሷን አሰራርን፣ ሀብቷን፣ ንብረቷን መቆጣጠርና ማጣራት አትችልም ተብሎ የተደነገገ ሕግ በሀገራችን በጭራሽ የለም። ብቻ ‘ያይዘጌን ቤት ውሻ ታውቀዋለች’ እንደሚባለው ሁሉ የተለያየ ምክንያት ተፈጥሮላቸው ግለሰቦች እናጣራለን ብለው ገብተው በቤተ ክርስቲያኒቱ ሀብት ተረዳጅተውበታል። የሆነ ይሁንና ያለፈው እንደ ታሪክ ተቆጥሮ ለዚህች ቤተ ክርስቲያን ከእናንተ ከብፁዓን አባቶች የሚቀርባት የለምና እባካችሁ ዳኝነት እዩላት፤ ፍትህም ስጡ በማለት በቤተ ክርስቲያን ስም እንማጸናችኋለን።

ከቤተክርስቲያኒቱ ልጆች
 

30 comments:

Anonymous said...

Ohh my God! I really feel bad about the big MESS.Please pray for Abune Paulos and for the rest.He is also a human being ...come on too much for him."ABAT HOYE YEMIYADERGUTEN AYAWKUMNA YEKERBELACHEW!!!"

Anonymous said...

ለካስ ሃዉልት ኖፘል፡

በሰንበት በጧት ቤተክርስቲያን ልሳለም፣
እግሬ እንደመራኝ ሄድኩኝ መድኃኔዓለም፣
ገና ከሩቅ ቆሜ አንድ ነገር ታየኝ፣
ወደፊት ተራመድኩ ፈራ ተባ እያልኩኝ።
ዝም ብዬ እንዳላልፈዉ መስቀል ይታየኛል፣
ወይ እንዳልጠጋዉ በአየር ላይ ተተክሏል፣
ምነዉ የማይባርክ እጅ መስቀል መሸከሙ፣
አይሳለሙት ነገር አደባባይ መቆሙ፣
ብዬ ሳሰላስል ይበልጥ እየገረመኝ፣
ምንነቱ ጠፍቶኝ ስጨንቀኝ ስጠበኝ፣
ለካስ ሃዉልት ኖፘል አባት የመሰለኝ።

(ለአባ ጳዉሎስ ሃዉልት ማስታወሻ)
ከብሪታኒያ

Anonymous said...

Why dont we prepare such kind of petition and present to the so called Sinodos? Let us try to test this Sinodos if they are willing to answer our question at all.

Anonymous said...

Dear brothers and sister,

Why dont were write such a petition to the so called Sinodos???

desa said...

egiziabhier yerdan.gen l abatoch bacal dercuachwal?

Anonymous said...

amem....amen....amen

Anonymous said...

May Peace of our Lord and Our Mother Virgin Mary be with all of you.

After I read through the all thouroughly, What I have understood is despite the detailed mentioning of the issues, The writer or group of writers brought what they/he/she decided should be done ASAP. This would seem they/he/she are/is acting "Synode" by it self. This paper actually denounced the dignity of our Fathers in the Holy Synode and the authority of the Holy Synode. I am afraid we are crossing our limit in the Church.
I don't mean we don't have to raise our concerns and bad feelings. But this is too much. I feel the writers went var far beyond their limit. If we think we are children of the church, we need to know that our fathers have a brave and balanced Brain to handle. Their abscence from the media opposing to what is wrong doesnot mean that our fathers are all not representing our church.
Please let's know our limits.

Cher yigtemen.

Anonymous said...

In the church I was grown up there was a picture of His Holiness the late Abune Tekelehaimanot and His Holiness Abune Merkorewos. What is wrong if the picture of Abune Paulos is posted? I am not saying about Hawelt.

Anonymous said...

"ሳይቃጠል በቅጠል ይሉሀል ይህ ነው"። ቃለ ህይወትን ያሰማልን ይህን የመሰለ የሁላችንን እሮሮ ላሰማችሁልን የተዋህዶ ልጆች። የማንወጣው ጥልቅ አዘቅት ውስጥ እየገባን እንደሆነ ለሁላችን ግልጥ ነው። ቅዱስ መጽሐፍ ለሁሉ ጊዜ አለው ይላል፤ ለዝምታውም ጊዜ ነበረው፤ አሁን ለመናገሩ ደግሞ ጊዜው ነው። እርግጥ ነው ሴምና ያፌት አባታቸው ኖኅ አእምሮውን ቢስትና እርቃኑን ቢሆን ገበናውን ሸፈኑለት፤ ባንጻሩ ደግሞ ካም የአባቱን ገመና ስላጋለጠ አባቱ ወደ አእምሮው በተመለሰ ጊዜ ካምን ረገመው ሴምና ያፌትን ደግሞ መረቃቸው፤ እኛም ታዲያ እንደ መልካሞቹ እንደ ሴምና ያፌት እንሆናለን የፓትርያርኩንና የእሳቸው የስህተት ሥራ ተባባሪዎችን ገመና እንሸፍናለን ብንል እነርሱ በአደባባይ እርማችንን(ነውራችንን) ካላያችሁልን፤ ከእኛ ጋርም ካልተባበራችሁ ይሉናል።ይህንን መቃወም በእውነቱ ካምን መሆን ማለት አይደለም፤ በሌላም በኩል የቅዱሳን ሐዋርያትና የእውነተኞቹ አባቶች አደር አለብን። ቅ. ጳውሎስ ለገላትያ መህመናን በላከው መልእክቱ ላይ እኛ ካስተማርነው ትምህርት የተለየ ትምህርት የሚያስተምሩትን የሰማይ መል አክት እንኳን ቢሆኑ አትቀበሏቸው እንርሱም ደግሞ የተረገሙ ይሁኑ ብላል። የአሁን የምናየው የጣኦት ትምህርት ታዲያ ልንቃወመው አይገባም፤ በጣም ይገባል እንጂ።

Anonymous said...

TO the author who mentioned that our fathers are brave & blablabla ...Hey Christianity is about truth and we should go beyond the limit. sorry I don't have respect and special care for those Fathers who are damaging the true Orthodox church in the name of Jesus Christ and St.Mary.I will call "THE FATHERS" brave & balanced if they live up to death for Christianity.

Eleni said...

In the name of the holy trinity one divinity amen!

Dear all, It is really very nice to see that there are brothers & sisters who are zealous for our church. I completely agree that we have to have a way to communicate with our fathers concerning the problems with evidences as you did. But we shouldn't fail in to the same problem that we think they failed. We were saying that a father should be humble in what he does etc. but the letter is not written in humility there fore I suggest that this letter should be re-written in a way that considers the ordination of our fathers, in a way that they can read & find a solution than hurting their feelings, generally make it a spiritual letter seeking a solution.

Let God & his mother's mercy up on us & tewahedo!

Anonymous said...

+++
I think this is a good start. However, who can hear our voice ? who is concerned to the concern of the church? to even consider it as an issue? The holy Synode fathers, I think are in a serious denial which is very dangerous to our mother church but God will respond in time unless we repent and serve Him in spiritual zeal!
I think no body reads this as usual."Awko yetegna bekeskisut aysemam" Endilu.
I am suggesting to all church children all over the world to organize themselves in Ethiopia and abroad, gather all the facts and call a meeting with their Archbiship to demand the true answer and urgent response. If this doesn't work, I don't know what the church Canon allows us except pray to almighty God.
"Ere eskemech new be Egze'abihere ena Be'Betu Eyafezin yeminorew?!
Libona yisten!
Ebakachihu yetewahido lijoch Betselot, belimena Egze'abiheren kemelemen gar Korten eninessa yetebelashewin lemastekakel!!!

Amlake Kidusan Ayleyen!!!

Anonymous said...

Please guys help us to contribute our part in saving our holly church.
Petition is the least that we can do.

ሲላስ said...

ከላይ የተስጣችሁን ሃይማኖታዊ ግዴታችሁን ለመወጣት ጥንካሬን ላጣችሁት ብፁኣን ኣባቶች ።
ለመሆኑ ምንኩስና መግደልን አንጂ መሞትን ይከለክላል አንዴ? የምንኩስናስ ትርጉሙ ምን ይሆን? አንግዲህ ትርጉሙ በቅርብ ቀን ካልተቀየረ በስተቀር ከኣለምና ከዘመድ ኣዝማድ ከመፍቀሬ ገንዘብ ራሱን ለይቶ ኣስኬማውን ደፍቶ ጧትና ማታ በፆምና በፀሎት ራሱን ገዝቶ የሚኖር መናኒ ማለት ነው። በመፃህፈ ህግጋት ስለ ምንኩስና ካሰፈራቸው ትአዛዛት ውስጥ ኣንዱ ፥ መነኮሳት መንፈሳዊ ጌጥን ሁሉ ያጊጡ፣ሴቶችንም ኣይጎራበቷቸው። ይልና መነኩሴ ሹመት ኣይውደድ ይላል፤ የሹመት ፍቅር ስይጣናዊ በሽታ ነው ይላል ።አንዲያውም ምነኮሳትም ምድራውያን መላአክት ናችው ብሎ ይደመድማል።

አንግዲህ የኛ ኣባቶች ይህንን ፀጋ ነው ያጡት ። ቤተ ክርስቲያኒቷ ላይ አንደ መዥገር ተጣብቀው ደሟን አየጠቡ ካሉት መዥገሮች ልማስጣል ኣቅሙን ኣጣችሁት ሳይሆን ግማሾቻችሁ ምን ቸገረኝ ነት ሲሆን ግማሾቻችሁ ደግሞ ኣስቀድሞ ሹመቱን ስትሾሙ የነበረባችሁ ኮተት ተምዝግቦ የተቀመጠ ክፉ የሞት መዝገብ ስለሆነ ያንን ክፉ ግዝት ተሻግሮ ስለ አውነት ለመጮህ አስከ ሞት የሚደርስ መስዋትነት መክፈል ሊያስፈልጋችሁ ይችል ይሆናል። ግን እኮ መግደል አን ጂ የማትችሉት መሞትማ ምላችሁ የገባችሁበት ነበረ አኮ።

ለመሆኑ ስለ እውነት አንደጮሁ አንዳለቀሱ ስለቤተ ክርስቲያናቸው አና ስለህዝባቸው አንደጮሁ በአናንተው የሞት ፍርድ ተፈርዶባቸው በብስጭት ለህልፈት የተዳረጉትን ክቡር ሊቀ ሊቃውንት ኣያሌውን አናንተ ረስታችኃችሁ ይሆናል በተዋህዶ ኣማኞች ልብ ውስጥ ግን ዘላለማዊውን ንፁህ የኣባትነትን ፍቅር ኣግኝተው ይኖራሉ። ንጉሰ ነገስት ኣባ ጳዉሎስ በቁማቸው ካሰሩት የድንጋይ ሃውልት ይልቅ በእጥፍ በሚያስቀና መልኩ በልባችን ውስጥ በወርቅ ዙፋን ኣስቀምጧቸዋል። ኣለቃ ኣያሌው ነብይ ነኝ ብለው ባያውቁም በህይወት ዘመናቸው የተናገሯቸው ነገሮች ሁሉ ኣሁን በህይወት ያለነው ልጆቻቸው ተፈፃሜተ ትርኢቱን ግን አያየነው ነው።
በርግጥ ሰውየው በመሳሪያ የተደራጀ ሃይል አንዳላቸው ይነገራል ግን ኣሁንም መግደል አንጂ መሞትን ማንም ኣይከለክላችሁም። ማን ያውቃል በአናንተ ሞት የቤተ ክርስቲያናችንን ትንሳኤዋን አናይ ይሆናል። ኣንድ የማምንበት ሌላው ጉዳይ መንግስት በርግጥ በሃይማኖት የውስጥ ጉዳይ ላይ ኣልገባም የሚለው ኣባባል ኣለው ። ለኔ ግን ይህ ነገር ኣይዋጥልኝም ። መንግስት የህዝብ ገንዘብ ሲዘረፍ አና ሲበተን የጥቂት ሌቦች መጫወቻ ሲሆን ይህንን አያየና አየሰማ ዝም ብሎ ይመለከታል የሚል ሃሳብ የለኝም ስለዚህ ስለዚህ ጉዳይ የፊርማ ኣሰባሳቢ ቡድን ቢመሰረትና ፊርማችንን ኣሰባስበን ለጠቅላይ ሚንስትሩ ቢሮ ማስገባት የምንችልበትን መንገድ ብናመቻች ኣንድ አርምጃ ወደፊት መራመድ አንችላለን ብዪ ኣስባለሁ። በተረፈ ኣባቶቻችን ስለ አውነት ብላችሁ ውጊያውን ጀምሩ አኛ አንከተላለን። የሰማአትነት ጊዜው ኣሁን ነው። ሌላ ጊዜ ኣትጠብቁ። የምንኩስናውንም ቆብ ስሩበት ። አግዚኣብሄር ከናንተ ጋር ነው።
ወስብሃት ለአግዚኣብሄር።

ሲላስ said...

ከላይ የተስጣችሁን ሃይማኖታዊ ግዴታችሁን ለመወጣት ጥንካሬን ላጣችሁት ብፁኣን ኣባቶች ።
ለመሆኑ ምንኩስና መግደልን አንጂ መሞትን ይከለክላል አንዴ? የምንኩስናስ ትርጉሙ ምን ይሆን? አንግዲህ ትርጉሙ በቅርብ ቀን ካልተቀየረ በስተቀር ከኣለምና ከዘመድ ኣዝማድ ከመፍቀሬ ገንዘብ ራሱን ለይቶ ኣስኬማውን ደፍቶ ጧትና ማታ በፆምና በፀሎት ራሱን ገዝቶ የሚኖር መናኒ ማለት ነው። በመፃህፈ ህግጋት ስለ ምንኩስና ካሰፈራቸው ትአዛዛት ውስጥ ኣንዱ ፥ መነኮሳት መንፈሳዊ ጌጥን ሁሉ ያጊጡ፣ሴቶችንም ኣይጎራበቷቸው። ይልና መነኩሴ ሹመት ኣይውደድ ይላል፤ የሹመት ፍቅር ስይጣናዊ በሽታ ነው ይላል ።አንዲያውም ምነኮሳትም ምድራውያን መላአክት ናችው ብሎ ይደመድማል።

አንግዲህ የኛ ኣባቶች ይህንን ፀጋ ነው ያጡት ። ቤተ ክርስቲያኒቷ ላይ አንደ መዥገር ተጣብቀው ደሟን አየጠቡ ካሉት መዥገሮች ልማስጣል ኣቅሙን ኣጣችሁት ሳይሆን ግማሾቻችሁ ምን ቸገረኝ ነት ሲሆን ግማሾቻችሁ ደግሞ ኣስቀድሞ ሹመቱን ስትሾሙ የነበረባችሁ ኮተት ተምዝግቦ የተቀመጠ ክፉ የሞት መዝገብ ስለሆነ ያንን ክፉ ግዝት ተሻግሮ ስለ አውነት ለመጮህ አስከ ሞት የሚደርስ መስዋትነት መክፈል ሊያስፈልጋችሁ ይችል ይሆናል። ግን እኮ መግደል አን ጂ የማትችሉት መሞትማ ምላችሁ የገባችሁበት ነበረ አኮ።

ለመሆኑ ስለ እውነት አንደጮሁ አንዳለቀሱ ስለቤተ ክርስቲያናቸው አና ስለህዝባቸው አንደጮሁ በአናንተው የሞት ፍርድ ተፈርዶባቸው በብስጭት ለህልፈት የተዳረጉትን ክቡር ሊቀ ሊቃውንት ኣያሌውን አናንተ ረስታችኃችሁ ይሆናል በተዋህዶ ኣማኞች ልብ ውስጥ ግን ዘላለማዊውን ንፁህ የኣባትነትን ፍቅር ኣግኝተው ይኖራሉ። ንጉሰ ነገስት ኣባ ጳዉሎስ በቁማቸው ካሰሩት የድንጋይ ሃውልት ይልቅ በእጥፍ በሚያስቀና መልኩ በልባችን ውስጥ በወርቅ ዙፋን ኣስቀምጧቸዋል። ኣለቃ ኣያሌው ነብይ ነኝ ብለው ባያውቁም በህይወት ዘመናቸው የተናገሯቸው ነገሮች ሁሉ ኣሁን በህይወት ያለነው ልጆቻቸው ተፈፃሜተ ትርኢቱን ግን አያየነው ነው።
በርግጥ ሰውየው በመሳሪያ የተደራጀ ሃይል አንዳላቸው ይነገራል ግን ኣሁንም መግደል አንጂ መሞትን ማንም ኣይከለክላችሁም። ማን ያውቃል በአናንተ ሞት የቤተ ክርስቲያናችንን ትንሳኤዋን አናይ ይሆናል። ኣንድ የማምንበት ሌላው ጉዳይ መንግስት በርግጥ በሃይማኖት የውስጥ ጉዳይ ላይ ኣልገባም የሚለው ኣባባል ኣለው ። ለኔ ግን ይህ ነገር ኣይዋጥልኝም ። መንግስት የህዝብ ገንዘብ ሲዘረፍ አና ሲበተን የጥቂት ሌቦች መጫወቻ ሲሆን ይህንን አያየና አየሰማ ዝም ብሎ ይመለከታል የሚል ሃሳብ የለኝም ስለዚህ ስለዚህ ጉዳይ የፊርማ ኣሰባሳቢ ቡድን ቢመሰረትና ፊርማችንን ኣሰባስበን ለጠቅላይ ሚንስትሩ ቢሮ ማስገባት የምንችልበትን መንገድ ብናመቻች ኣንድ አርምጃ ወደፊት መራመድ አንችላለን ብዪ ኣስባለሁ። በተረፈ ኣባቶቻችን ስለ አውነት ብላችሁ ውጊያውን ጀምሩ አኛ አንከተላለን። የሰማአትነት ጊዜው ኣሁን ነው። ሌላ ጊዜ ኣትጠብቁ። የምንኩስናውንም ቆብ ስሩበት ። አግዚኣብሄር ከናንተ ጋር ነው።
ወስብሃት ለአግዚኣብሄር።

Anonymous said...

“ንቁም በበኅላዌነ እስከ ንረክቦ ለአምላክነ”

ዘ ሐመረ ኖሕ said...

በስመ ሥላሴ ፩ዱ አምላክ አሜን
ሰላም ለደጀ ሰላምና ለደጀ ሰላማውያ የውስጤን ጭንቀት ቃጠሎና ጥያቄ አውጥታችሁ ለቅ/ሲኖዶስ በማቅረባችሁ ከልቤ አመሰግናችኋለሁ የቅ/ሲኖዶስ አባላት በሕይወት አሉ?የኢ/ኦ/ተዋሕዶ አንድ እንኳን እውነተኛ አባት ትጣ ዘመኑ ነው ወይስ እኛ ምን አባቴ ይሻለኛል?

Kesis tetemke said...

Dears
This issue is the concern and heartfelt of all believers. In my opinion the action of the Paul is that of mindless person. I don't know why other fathers prefer silence, b/c from the beginning they were monks and now appointed for the highest church's title. I don't know do they fear for their life on earth. If so, their beginning was just not for the concern of spirituality, but of money. If things continue in this way I fear for our lives, but God will do everything to keep the church from such difficult temptations. Hence, all of us Let's pray and pray to God and St Mary to keep our church from such actions of unbeliever church leaders. Thank you.

Anonymous said...

Dears
This issue is the concern and heartfelt of all believers. In my opinion the action of the Paul is that of mindless person. I don't know why other fathers prefer silence, b/c from the beginning they were monks and now appointed for the highest church's title. I don't know do they fear for their life on earth. If so, their beginning was just not for the concern of spirituality, but of money. If things continue in this way I fear for our lives, but God will do everything to keep the church from such difficult temptations. Hence, all of us Let's pray and pray to God and St Mary to keep our church from such actions of unbeliever church leaders. Thank you Kesis Tetemke

Tesfa said...

Thank you dears,

I do not think the Holly Synod members will be able to fix this. I believe this is something done not only because the church management is wrong. It is because they believe as far as EPRDF is in power nobody will stop them from doing what they wanted to do. Learning from last year experience and watching what they are doing now, I can imagine things will get worse and worse before getting better. Because they believe that as far as EPRDF is in power they are above the rules and regulations of the church and they see the Holly synod as their political tool to implement their ambitions. So I came to the conclusion that all this anti_Tewahedo activities are the by-products of bad governance in the country and political intervention in the church. So my suggestion is to consider how to stop the root cause of all this, i.e, the bad politics and intervention by EPRDF. In my opinion it is important to tel and show to EPRDF that this is not something that we (Church followers) accept in our religion. And if EPRDF do not take off its hand from the church and let it be free and independent, we will take the case as our obligation to stand against this unjust act on the church and its millions of followers. In clear words, that means we will follow the foot steps of our ancestors, like Abune Petros, to fight for our freedom and our church. I think this is the only option on the table right now. Otherwise it is being foolish to expect anything better as far as EPRDF continues its political intervention in our church.

Thank you

Anonymous said...

ውድ ደጀ ሰላማዊያን

እኔ መፍትሄ ሊሆን ይችላል ብዬ የማስበው የአዲስ አበባ ምዕመን እንዲያድም ማስተባበር። ለምሳሌ ሙዳየ ምጽዋት እንዳይሰጥ ፤ አስራት በኩራት እንዳያወጣ፤ ሰንበቴ እንዳይደግስ፤ ሰበካ ጉባኤ እንዳይመርጥ። ዝም ብሎ ቤተክርስቲያን ይሄዳል ግን እነ አባ ጳውሎስን የሚያግዝ ነገር ባያደርግ። ይህ የሚሆነው ለጊዜው የቤተክርስቲያኗ አስተዳደር እስኪስተካከል ነው። ይህ ደግሞ ተጽዕኖ ይፈጥራል ለምሳሌ የአዲስ አበባ አድባራት ገንዘብ አስገቡ ሲባሉ አይኖራቸውም። እነ አባ ጳውሎስ የሚቀልዱት ቅጠል ጠርጋ፤ ጠላ ጠምቃ ፤ እንጀራ ሽጣ ሙዳየ ምጽዋት በምታስገባው ምስኪን እንደሆነ ሊረዱት ይገባል ባይ ነኝ።

Anonymous said...

It is interesting opinion from MIEMENAN. However it could have better result if the sequence is as follows:
1. Communicate with all SEBEKA GUBAE MEMBERS (all orthodox christians), point out the problem,discuss the issue, and come up with solution.
2. Agree on a point if the suggested solution to the problem is not implemented, action will be taken by those millions of orthodox christians!! Action could be in the form of not paying even a peny as far as it is going to this person's bank account or whatever.

3. This can paralize the system from which we suffered for over 18 years now!!

God Help us!!

Anonymous said...

Prayer does it all. Please Pray for them

Anonymous said...

kemechih wodih newu degimo sinodosu besewu bemilaku debdabie memerat ygemerewu?

Anonymous said...

ሰላመ ደጀሰላምያውያን!
በእውነት እንነጋገር ከተባል ይሄው ቀናት ስምንታንትን ሳምንታንት ወራትን ወራት አመታትን እየወለዱ ሰለቤተክርስቲያንና የቤተክርስቲያን መሪዎች (አባቶች) ችግር ስናወራ እድሜያችንን ጨረስነው ፤ አንዳች ቁምነገር ሳንሰራ በወሬ ሀጥያት እንደተዘፈቅን። መቼ ይሆን ንሰሃ የምንገባው።

ይህንን ሁሉ ስል ችግር የለም ለማለት አይደለም ፤ ችግሩማ አገር ያወቀው ጸሀይ የሞቀው አይደለም እኛ የቤተክርስቲያን ልጆች ነን የምንለው ቀርቶ ፀረ ቤተክርስቲያኖችም (ሆዳሞቹ ሁላ) አውቀውት የራሳቸውን ስራ እየሰሩ ነው። እኛስ እስከመቼ ነው ችግሩን በማውራት ዘመናችንን የምንፈጀው። ታላቁ የቤተክርስቲያን አባት አቡነጎርጎሪዮስ ቀዳማዊ ለተማሪዎቻቸው ሁል ግዜ “ዛሬ በተክርስቲያን የሚያስፈልጋት በዘርፈብዙ ችግሮቿ ዙሪያ የሚያወራና የሚጠቋቆም ሳይሆን እራሱን የመፍትሄው አካል አድርጎ የሚያቀርብላት ነው” ይሉ እንደነበር ከታላላቅ ወንድሞቼ ሰምቻለሁ። እና ዛሪስ እኛ? ለኔ የመጣልኝ ሀሳብ ለወርወር

1. በችግሩ ዙሪያ ሁላችንም በያለንበት እንጸልይ፣ የጸሎቱ ጸጋ ያላቸውንም እናስታውስ።
2. ችግሩን እና መፍትሄውን ወደሌሎች ከመግፋት ይልቅ በያንዳንዳችን አቅም የሚሰራውን አቅደን እንሰራ። ማለቴ let us assume no synod’s, no arch bishops, no monks...no so what can I do in the absence of forth mentioned. I don’t mean they are not exist but for the time being without put them part of a solution in steady they are …

እግዚአብሔር ይርዳን

Anonymous said...

ለ፤ ይህ በዚህ እንዳለ ሲኖዶሱ ተሰብስቦ ጉዳዩን እንዲያይ በግል ማመልከቻ፤ በነጻ ፕሬሱ በኩልም ተቃውሞዬን በማሰማት ላይ እያለሁ ሚያዚያ ፲፰ ቀን ፲፱፻፹፰ ዓመተ ምሕረት የቅሬታ አስወጋጅና የሰላም ኮሚቴ በሚሉት የግል ኮሚቴያቸው ድጋፍ እኔን ካባረሩ በኋላ ከሚያዚያ ፳፪ እስከ ግንቦት ፮ ባደረጉት በአፈና የሲኖዶስ ስብሰባ ሕግ አስወጥተው በመንፈስ ቅዱስ ፈንታ ራሳቸው ፓትሪያርኩ ሲኖዶሱ ወንጌልን ለሚሰብክበት፥ ቀኖና ቤተ ክርስቲያን ለሚያስተምርበት ጉዞ አመራር ሰጪ (ጣዖት) ወደ መሆን አድገዋል። በቤተ ክርስቲያን ስም ተሰይመው እግዚአብሔርንና ቤተ ክርስቲያንን ሊያገለግሉ የተሾሙ ኤጲስ ቆጶሳት፥ ጳጳሳትና ሊቃነ ጳጳሳት የሲኖዶሱ ዋና ጸሓፊ ሳይቀር ለቤተ ክርስቲያን ተጠሪ መሆናቸው ቀርቶ ለፓትሪያርኩ ተጠሪዎች እንዲሆኑ ሲያደርጉ በዚያ ሚያዚያ ፴ ቀን ተፈርሞ ጸድቋል በተባለውና በጽሕፈት ቤቱ አማካኝነት ለሚመለከተው ሁሉ እንዲተላለፍ የቃለ ጉባኤ ትእዛዝ በተሰጠበት ሕግ፤ ቤተ ክርስቲያን እስከ አሁን ስትሠራባቸው የኖሩት ሕጎችና ደንቦች ሁሉ በዚህ ሕግ ተሻሽለው ከስፍራቸው ሲወገዱ፥ አባ ጳውሎስ በመንፈስ ቅዱስ ፈንታ የቤተ ክርስቲያኒቱን የአመራር ሰጪነት ቦታ ሲይዙ በቤተ ክርስቲያን ላይ የአምልኮ ጣዖት ዐዋጅ ታውጆባታል። ፓትሪያርኩ በሾማቸው በእግዚአብሔርና በቤተ ክርስቲያን ላይ በፈጸሙት ተግባር ታላቅ በደል ፈጽመዋል። ከሳቸው ጋር ቃላቸውን ለማጽደቅ፥ ምኞታቸውን ለሟሟላት በሕጉ ላይ ፈርመዋል ተብሎ ስማቸው የተመዘገበላቸው ፴፬ቱ ጳጳሳትና ሊቃነ ጳጳሳትም እንደ ተባለው አድርገውት ከሆነ ለተፈጸመው በደል ተባባሪዎች ናቸው። ይህም እጅግ የሚያሳዝን ነው። የሚገርመው ደግሞ በዚሁ ሕግ በአንቀጽ ፲፬፤ «ፓትሪያርኩ የተዋሕዶ ሃይማኖትን የሚያፋልስ፥ ሕግጋተ ቤተ ክርስቲያንን የማይጠብቅ፥ ማዕረጉን የሚያጎድፍ ሆኖ መገኘቱ በተጨባጭ ማስረጃ ሲረጋገጥ በምልአተ ጉባኤ ያለአንዳች የሐሳብ ልዩነት በቅዱስ ሲኖዶስ ከተጠና በኋላ በቅዱስ ሲኖዶስ ውሳኔ መሠረት ከማዕረጉ ይወርዳል፤» የሚል ቃል አስፍሮ ሲኖዶሱን በአፈና ልዩ ሥልጣን ተጠቅመውና እንደ ሌለ አድርገው ካሳዩ በኋላ፤ «የኑፋቄ መጻሕፍት በማሳተም የተዋሕዶ ሃይማኖትን አፋልሰዋል፤ ሕገ ቤተ ክርስቲያንን ሳይጠብቁ ቤተ ክርስቲያን ከምታወግዛቸው ጋር የጸሎተ ቅዳሴና የማዕድ ተሳትፎ አድርገዋል፤ ቤተ ክርስቲያኒቱ ከምታወግዘው ፓፓ ቡራኬ ተቀብለዋል፤» እያልን እየተቃወምን ለተቃውሟችንም ተጨባጭ ማስረጃ እያቀረብን፤ እሳቸውም ይህንን ሳይቃወሙ ይህ እንዳይቀጥል በሥልጣናቸው ተጠቅመው ኦርቶዶክሳዊውን የሊቃውንት ጉባኤ ሲያፈርሱ ጉዳዩን አይቶ ውሳኔ በመስጠት ፈንታ እንደገና በሕግ፥ በመንፈስ ቅዱስ ስፍራ ተተክተው ለሲኖዶሱ ሥልጣንና ተግባር አመራር ሰጪ ይሆናሉ፤ የሲኖዶሱ አባሎች ሁሉ ለፓትሪያርኩ ተጠሪ ይሆናሉ፤ ሲል የወጣው አዋጅ አፈጻጸም ነው። ይህ ሕገ ቤተ ክርስቲያን ተብሎ የታወጀው ሕግ፤ «እስመ ሜጥዋ ለዐመፃ ላዕሌከ፤» «ዐመፅን ወደ አንተ መለሷት፤» ተብሎ እንደ ተጻፈ ቤተ ክርስቲያንን መካነ ጣዖት፥ ምእመናንን መምለኪያነ ጣዖት የሚያሰኝ ስለ ሆነ ምእመናን ሁሉ በሙሉ ድምፅ እንድትቃወሙት በእግዚአብሔርና በቤተ ክርስቲያን ስም እጠይቃለሁ።

ሐ፤ ከአሁን ጀምሮ ማለት ይህ ቃል በነጻው ፕሬስ ከተላለፈበት ጊዜ ጀምሮ በብፁዕ ወቅዱስ አቡነ ጳውሎስ ቃልና እጅ፥ በሲኖዶሱ ዋና ጸሓፊ በአቡነ ገሪማ ቃልና እጅ፥ ይህን አሁን የተጻፈውን ሕግ የቤተ ክርስቲያን ሕግ ብለው አጽድቀው በተባባሪነት አሳልፈዋል የተባሉ ጳጳሳትና ሊቃነ ጳጳሳት ሁሉ እውነት ሆኖ ከተገኘ የበደሉ ተባባሪዎች ናቸውና በነሱ ቃልና እጅ ቡራኬ እንዳትቀበሉ፥ እንዳትናዘዙ፤ ስማቸውን በጸሎተ ቅዳሴ የሚጠሩ አለቆች፥ ቀሳውስት፥ ካህናት ካሉም የአምልኮተ ጣዖት አራማጅ ናቸውና ተጠንቅቁባቸው፤ ምክር ስጧቸው፤ እንቢ ካሉም ተለዩዋቸው። እንዲሁም ሐምሌ ፭ ወይም ፮ ቀን ይከበራል ተብሎ ሽርጉድ የሚባልለት በዓለ ሢመት የአሮን የወርቅ ጥጃ መታሰቢያ ሆኖ በቤተ ክርስቲያን ሊከበር የማይገባው ስለ ሆነ በዓሉ ከመድረሱ በፊት የሲኖዶሱ አባላት በአስቸካይ ተሰብስበው ሕጉን ካልሻሩና በጣዖትነት የተሰየሙትን አቡነ ጳውሎስን ከሥልጣናቸው ካላነሡ ምእመናን ይህንን በዓል እንዳታከብሩ ለቤተ ክርስቲያን ደሙን ባፈሰሰ አምላክ ስም፥ ቤተ ክርስቲያንን በሚመራና በሚጠብቅ በመንፈስ ቅዱስ ስም ጥያቄዬን አስተላልፋለሁ። ምናልባት የሕጉን ጽሑፍ አንብቦ መረዳት የተሳነው፥ ግን በልዩ ልዩ ደጋፊዎቻቸው ተጭበርብሮ በቸልታ የሚመለከተው፤ ከዚያም ዐልፎ በሥልጣናቸው እየተመኩ ለቤተ ክርስቲያን ጥያቄ ጆሯችንን አንሰጥም ብለው ይህን በደል ያደረሱትን ፓትርያርክ አቡነ ጳውሎስን፥ በሦስት የሹመት ስም የሚንቀባረሩትን አባ ገሪማን፥ ለነሱ ድጋፍ የሚሰጡትንም ሁሉ፤ ጌታዬ አምላኬ፤ «በምድር ያሰራችሁት በሰማይ የታሰረ ይሆናል፤» ሲል በሰጠው ቃል በአብ በወልድ በመንፈስ ቅዱስ ሥልጣን፤ በጴጥሮስ፥ በጳውሎስ፥ በማርቆስ፥ በቄርሎስ፥ በባስልዮስ፥ በቴዎፍሎስ፥ በተክለ ሃይማኖት ዘደብረ ሊባኖስ ቃል፤ ኃጥእ ደካማም በምሆን በእኔም በቀሲስ ወልደ ጊዮርጊስ ቃል አውግዤአለሁ። ይህን ሕግ የተቀበሉና ከሥራ ላይ ያዋሉ ሁሉ እንደ አርዮስ፥ እንደ መቅዶንዮስ፥ እንደ ንስጥሮስ፥ እንደ ፍላብያኖስ፥ እንደ ኬልቄዶን ጉባኤና ተከታዮቹ እሱራን፥ ውጉዛን ይሁኑ። በማይፈታው በእግዚአብሔር ሥልጣን አስሬአለሁ።

ለአብ ለወልድ ለመንፈስ ቅዱስ ምስጋና ይሁን አሜን።

ማስጠንቀቂያ፤ አምላኬ ሂድ ተናገር ያለኝን ትእዛዝ ለእናንተ አድርሻለሁ። ሩጫዬንም ጨርሻለሁ። ከእንግዲህ ተጠያቂነቱ የእናንተ የምእመናንና ታሪክ ተጠያቂ ያደረገው የመንግሥት ነው። ለዚህም ምስክሬ ራሱ እግዚአብሔር፥ ቅዱሳን መላእክት፥ ሰማይና ምድር ናቸው።

አለቃ አያሌው ታምሩ ዘዲማ ጊዮርጊስ።» »

Anonymous said...

ቃለ ውግዘት።


፪ኛ፤ እያለሁ ሚያዚያ ፲፰ ቀን ፲፱፻፹፰ ዓመተ ምሕረት የቅሬታ አስወጋጅና የሰላም ኮሚቴ በሚሉት የግል ኮሚቴያቸው ድጋፍ እኔን ካባረሩ በኋላ ከሚያዚያ ፳፪ እስከ ግንቦት ፮ ባደረጉት በአፈና የሲኖዶስ ስብሰባ ሕግ አስወጥተው በመንፈስ ቅዱስ ፈንታ ራሳቸው ፓትሪያርኩ ሲኖዶሱ ወንጌልን ለሚሰብክበት፥ ቀኖና ቤተ ክርስቲያን ለሚያስተምርበት ጉዞ አመራር ሰጪ (ጣዖት) ወደ መሆን አድገዋል። በቤተ ክርስቲያን ስም ተሰይመው እግዚአብሔርንና ቤተ ክርስቲያንን ሊያገለግሉ የተሾሙ ኤጲስ ቆጶሳት፥ ጳጳሳትና ሊቃነ ጳጳሳት የሲኖዶሱ ዋና ጸሓፊ ሳይቀር ለቤተ ክርስቲያን ተጠሪ መሆናቸው ቀርቶ ለፓትሪያርኩ ተጠሪዎች እንዲሆኑ ሲያደርጉ በዚያ ሚያዚያ ፴ ቀን ተፈርሞ ጸድቋል በተባለውና በጽሕፈት ቤቱ አማካኝነት ለሚመለከተው ሁሉ እንዲተላለፍ የቃለ ጉባኤ ትእዛዝ በተሰጠበት ሕግ፤ ቤተ ክርስቲያን እስከ አሁን ስትሠራባቸው የኖሩት ሕጎችና ደንቦች ሁሉ በዚህ ሕግ ተሻሽለው ከስፍራቸው ሲወገዱ፥ አባ ጳውሎስ በመንፈስ ቅዱስ ፈንታ የቤተ ክርስቲያኒቱን የአመራር ሰጪነት ቦታ ሲይዙ በቤተ ክርስቲያን ላይ የአምልኮ ጣዖት ዐዋጅ ታውጆባታል። ፓትሪያርኩ በሾማቸው በእግዚአብሔርና በቤተ ክርስቲያን ላይ በፈጸሙት ተግባር ታላቅ በደል ፈጽመዋል። ከሳቸው ጋር ቃላቸውን ለማጽደቅ፥ ምኞታቸውን ለሟሟላት በሕጉ ላይ ፈርመዋል ተብሎ ስማቸው የተመዘገበላቸው ፴፬ቱ ጳጳሳትና ሊቃነ ጳጳሳትም እንደ ተባለው አድርገውት ከሆነ ለተፈጸመው በደል ተባባሪዎች ናቸው። ይህም እጅግ የሚያሳዝን ነው። የሚገርመው ደግሞ በዚሁ ሕግ በአንቀጽ ፲፬፤ «ፓትሪያርኩ የተዋሕዶ ሃይማኖትን የሚያፋልስ፥ ሕግጋተ ቤተ ክርስቲያንን የማይጠብቅ፥ ማዕረጉን የሚያጎድፍ ሆኖ መገኘቱ በተጨባጭ ማስረጃ ሲረጋገጥ በምልአተ ጉባኤ ያለአንዳች የሐሳብ ልዩነት በቅዱስ ሲኖዶስ ከተጠና በኋላ በቅዱስ ሲኖዶስ ውሳኔ መሠረት ከማዕረጉ ይወርዳል፤» የሚል ቃል አስፍሮ ሲኖዶሱን በአፈና ልዩ ሥልጣን ተጠቅመውና እንደ ሌለ አድርገው ካሳዩ በኋላ፤ «የኑፋቄ መጻሕፍት በማሳተም የተዋሕዶ ሃይማኖትን አፋልሰዋል፤ ሕገ ቤተ ክርስቲያንን ሳይጠብቁ ቤተ ክርስቲያን ከምታወግዛቸው ጋር የጸሎተ ቅዳሴና የማዕድ ተሳትፎ አድርገዋል፤ ቤተ ክርስቲያኒቱ ከምታወግዘው ፓፓ ቡራኬ ተቀብለዋል፤» እያልን እየተቃወምን ለተቃውሟችንም ተጨባጭ ማስረጃ እያቀረብን፤ እሳቸውም ይህንን ሳይቃወሙ ይህ እንዳይቀጥል በሥልጣናቸው ተጠቅመው ኦርቶዶክሳዊውን የሊቃውንት ጉባኤ ሲያፈርሱ ጉዳዩን አይቶ ውሳኔ በመስጠት ፈንታ እንደገና በሕግ፥ በመንፈስ ቅዱስ ስፍራ ተተክተው ለሲኖዶሱ ሥልጣንና ተግባር አመራር ሰጪ ይሆናሉ፤ የሲኖዶሱ አባሎች ሁሉ ለፓትሪያርኩ ተጠሪ ይሆናሉ፤ ሲል የወጣው አዋጅ አፈጻጸም ነው። ይህ ሕገ ቤተ ክርስቲያን ተብሎ የታወጀው ሕግ፤ «እስመ ሜጥዋ ለዐመፃ ላዕሌከ፤» «ዐመፅን ወደ አንተ መለሷት፤» ተብሎ እንደ ተጻፈ ቤተ ክርስቲያንን መካነ ጣዖት፥ ምእመናንን መምለኪያነ ጣዖት የሚያሰኝ ስለ ሆነ ምእመናን ሁሉ በሙሉ ድምፅ እንድትቃወሙት በእግዚአብሔርና በቤተ ክርስቲያን ስም እጠይቃለሁ።

ሐ፤ ከአሁን ጀምሮ ማለት ይህ ቃል በነጻው ፕሬስ ከተላለፈበት ጊዜ ጀምሮ በብፁዕ ወቅዱስ አቡነ ጳውሎስ ቃልና እጅ፥ በሲኖዶሱ ዋና ጸሓፊ በአቡነ ገሪማ ቃልና እጅ፥ ይህን አሁን የተጻፈውን ሕግ የቤተ ክርስቲያን ሕግ ብለው አጽድቀው በተባባሪነት አሳልፈዋል የተባሉ ጳጳሳትና ሊቃነ ጳጳሳት ሁሉ እውነት ሆኖ ከተገኘ የበደሉ ተባባሪዎች ናቸውና በነሱ ቃልና እጅ ቡራኬ እንዳትቀበሉ፥ እንዳትናዘዙ፤ ስማቸውን በጸሎተ ቅዳሴ የሚጠሩ አለቆች፥ ቀሳውስት፥ ካህናት ካሉም የአምልኮተ ጣዖት አራማጅ ናቸውና ተጠንቅቁባቸው፤ ምክር ስጧቸው፤ እንቢ ካሉም ተለዩዋቸው። እንዲሁም ሐምሌ ፭ ወይም ፮ ቀን ይከበራል ተብሎ ሽርጉድ የሚባልለት በዓለ ሢመት የአሮን የወርቅ ጥጃ መታሰቢያ ሆኖ በቤተ ክርስቲያን ሊከበር የማይገባው ስለ ሆነ በዓሉ ከመድረሱ በፊት የሲኖዶሱ አባላት በአስቸካይ ተሰብስበው ሕጉን ካልሻሩና በጣዖትነት የተሰየሙትን አቡነ ጳውሎስን ከሥልጣናቸው ካላነሡ ምእመናን ይህንን በዓል እንዳታከብሩ ለቤተ ክርስቲያን ደሙን ባፈሰሰ አምላክ ስም፥ ቤተ ክርስቲያንን በሚመራና በሚጠብቅ በመንፈስ ቅዱስ ስም ጥያቄዬን አስተላልፋለሁ። ምናልባት የሕጉን ጽሑፍ አንብቦ መረዳት የተሳነው፥ ግን በልዩ ልዩ ደጋፊዎቻቸው ተጭበርብሮ በቸልታ የሚመለከተው፤ ከዚያም ዐልፎ በሥልጣናቸው እየተመኩ ለቤተ ክርስቲያን ጥያቄ ጆሯችንን አንሰጥም ብለው ይህን በደል ያደረሱትን ፓትርያርክ አቡነ ጳውሎስን፥ በሦስት የሹመት ስም የሚንቀባረሩትን አባ ገሪማን፥ ለነሱ ድጋፍ የሚሰጡትንም ሁሉ፤ ጌታዬ አምላኬ፤ «በምድር ያሰራችሁት በሰማይ የታሰረ ይሆናል፤» ሲል በሰጠው ቃል በአብ በወልድ በመንፈስ ቅዱስ ሥልጣን፤ በጴጥሮስ፥ በጳውሎስ፥ በማርቆስ፥ በቄርሎስ፥ በባስልዮስ፥ በቴዎፍሎስ፥ በተክለ ሃይማኖት ዘደብረ ሊባኖስ ቃል፤ ኃጥእ ደካማም በምሆን በእኔም በቀሲስ ወልደ ጊዮርጊስ ቃል አውግዤአለሁ። ይህን ሕግ የተቀበሉና ከሥራ ላይ ያዋሉ ሁሉ እንደ አርዮስ፥ እንደ መቅዶንዮስ፥ እንደ ንስጥሮስ፥ እንደ ፍላብያኖስ፥ እንደ ኬልቄዶን ጉባኤና ተከታዮቹ እሱራን፥ ውጉዛን ይሁኑ። በማይፈታው በእግዚአብሔር ሥልጣን አስሬአለሁ።

ለአብ ለወልድ ለመንፈስ ቅዱስ ምስጋና ይሁን አሜን።

ማስጠንቀቂያ፤ አምላኬ ሂድ ተናገር ያለኝን ትእዛዝ ለእናንተ አድርሻለሁ። ሩጫዬንም ጨርሻለሁ። ከእንግዲህ ተጠያቂነቱ የእናንተ የምእመናንና ታሪክ ተጠያቂ ያደረገው የመንግሥት ነው። ለዚህም ምስክሬ ራሱ እግዚአብሔር፥ ቅዱሳን መላእክት፥ ሰማይና ምድር ናቸው።

አለቃ አያሌው ታምሩ ዘዲማ ጊዮርጊስ።» »

Anonymous said...

tikikilegna tiyake newu yeqerebew. Egziabhier yibarkachihu!

ዘ ሐመረ ኖህ said...

በስመ ሥላሴ ፩ዱ አምላክ አሜን
ሰላም ብናጣም ሰላም ለሁላችሁ ይሁን ስለ ሊቀለቃውንት አለቃ አያሌው ሲነሳ እጅግ አዝናለሁ ያኔ ነገር ሁሉ በእንጭጩ ሳለ የተናገሩትን ማን ሰማ?ያወገዙትን ምን ያህሉ ተቀበለ?ስለከፈሉት መስዋእትነት ስንቶቻችን ዋጋ ሰጠነው? ስንቶቻችን በችግራቸው ጊዜ አብረን ቆምን ሳይቃጠል በቅጠል ማለት ያኔ ነበር ያኔ ከሊቅ እስከ ደቂቅ ከሳቸው ጋር ብንቆም ኖሮ ውጤቱ ይህ ባልሆነ ነበር አሁንም አልመሸም በነገራችን ላይ የአዋሳ ቅ /ገብርኤል አስተዳዳሪ እውነትን ስለተገበሩ በደረሰባቸው ጊዚያዊና ምድራዊ ችግር ከጎናቸው ልንቆም ይገባናልና እባካችሁ ደጀሰላሞች ስማቸውንና መሉ አድራሻቸውን አውጡልን በበኩሌ ያቅሜን ያክል ልረዳቸው ዝገጁ ነኝ ቢቻል ሁላችንም ብንረዳቸው?ሌሎችም እውነት ለመመስከር ቢነሱና የሰውየው ወይም የማፊያው ዱላ ቢያርፍባቸው አይዞህ ባይ ወገን እንዳላቸው ቢያውቁ እውነትን ለመመስከር ወደኋላ ላይሉ ይችላሉ <> የሚያስብል ዱላ ከተጀመረ ቆይቷላና ወደ ቀደመው ነገር እንመለስና አሰኪ ከሳቸው (ከሊቀሊቃውንት አያሌው)ምን ትምህርት እንውሰድ?ምን አድርጉ ምን አታርጉ አሉን?ያንን ቀጥታ እንተግብረው ወይስ ምን እንጨምር?መቼም ሰውዬው ስር ስለሰደዱ በቀላሉ አይነቀሉም ወይም በቀላሉ አይንበረከኩም ቢሆንም <>እንደኔ እንደኔ ሕዝበ ክርስቲያኑ በሙሉ በአንድነት ሱባኤ የሚገባበትን መንገድ ማዘጋጀት ወይም ማስተባበር ይበጃል ለጠቅላይ ሚኒስትሩ ፊርማ አሰባስበን እንላክ ለሚለው <>ነው ፍፁም ወደ ሆነው ሰማያዊ ዳኛ አቤት ማለት ይልቃል ምእመናኑ ገንዘብ አይስጥ ለሚለው ትንሽዬ የኢኮኖሚ ማእቀብ ይሆናል ሰውዬው ብዙ ቢዝነስ አላቸው ይብስ እጣንና ጧፍ እንኳን እያጡ እየተዘጉ ያሉትን አብያተክርስቲያናት የበለጠ እንዲዘጉ ምክንያት መፍጠር ይሆናል ምድራዊ ኃይል ከመጠቀም ሰማያዊውን መጠቀሙ እጅግ ይልቃል እስኪ እናንተ ደግሞ ምን ትላላችሁ? እግዚአብሔር አምላካችን ለሃገራችንና ለሃይማኖታችን ሰላምና አንድነትን ይመልስልን ዘንድ በውስጥም በውጭም ያሉት አባቶቻችን ወደ ልቦናቸው እንዲመለሱ ያደርግልን ዘንድ የሃገራችንን መሪዎች ልብ ያቀናልን ዘንድ ለሕዝባችን ፍቅርን ለምድራችንም በረከትን ይሰጥልን ዘንድ እንደ ሕዝበ እስራኤል በሃገራችን ይሰበስበን ዘንድ ሁላችንንም ለንስሃ ያበቃን ዘንድ የመንግስቱ ወራሾችም ያደርገን ዘንድ አጽራረ ቤተክርስቲያንንም ያስታግስልን ዘንድ ቅዱስ ፈቃዱ ይሁንልን ሁሉም ይፈቀድልን ዘንድ ተግተን እንጸልይ ቸር ይግጠመን ወስብሐት ለእግዚአብሔር ወለወላዲቱ ድንግል ወለመስቀሉ ክበር

Anonymous said...

I DON'T KNOW FROM WHERE CAN I START? I FELT SORRY BUT WHAT WOULD BE THE SOLUTION? IS THAT POSSIBLE TO NOMINATE OTHER FATHER IN THE PRESENCE OF UR FATHER ABUNE PAUL? I DON'T KNOW THE DETAIL REGULATION IF NOT WHAT???? MY BE PRAYING CAN BE THE BEST SOLUTION BUT WHO WAS THE ONE PRAY FOR THE CHURCH DAY AND NIGHT? IT IS UP TO US.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)