July 16, 2010

ቅን የተዋሕዶ መሪ

(ደጀ ሰላም፤ ጁላይ 15/2010)፦
አንተ ኖላዊ ሰው ትጉሁ እረኛ
በበር የገባኸው ያልሆንከው ቀማኛ
እግዚአብሔር የላከህ አንተ ደግ እረኛ
እውነተኛ ፈራጅ አንት የፍቅር ዳኛ፤
ከበረት ለወጡት ለጠፉት በጎችህ
ፈጥነህ ድረስልን ታደገን በበትርህ።

አንተ ደግ ዳኛ ባለ ቀጭን ዘንጉ
ዘመንህ መቼ ይሆን የምትመጣበቱ
እግዚአብሔር የላከህ አንተ ደግ እረኛ
እውነተኛ ፈራጅ አንት የፍቅር ዳኛ?

ላክልን ጌታችን ተክለ ሃይማኖትን
በወንጌሉ ያጽናን በጸሎት ያድነን፤
ላክልን ጌታችን አባ ጊዮርጊስን
ሰዓሊ ለነ ብሎ ከጌታ ያስታርቀን፤
ላክልን ጌታችን ቅዱስ ያሬድን
“ፍቅር ሰሐቦ” ብሎ እንዲያስተምረን፤
ላክልን ጌታችን ፍሬምናጦስን
የሰላሙን አባት ከሳቴ ብርሃን፤
ላክልን ጌታችን ተክለ ሃይማኖትን
ቀጭኑን ፓትርያርክ ጫማ ‘ማያውቀውን፤
ላክልን ጌታችን ጎርጎርዮስ ካልዕን
የዝዋዩን መናኝ ባህታዊ ምሁሩን፤
ተዋሕዶ ተጣራች ተጋልጣ እርቃኗን
ልጇ ቢቀድባት ቀሚስ ነጠላዋን፤
አትናቴዎስ ተነሥ ቁም ተሟገትላት
ቄርሎስም ተነሣ ጥብቅና ቁምላት፤
ዮሐንስ አፈወርቅ ድርሳኑን ጻፍላት
ዲዮስቆሮስ ተነሥ ጥርስህ ይርገፍላት፤
ጊዮርጊስ ተቀበል ሰማዕትነቱን
በመጋዝ መሰንጠቅ በጦር መወጋቱን፤
ባስልዮስም ጥራው ቅዱስ ኤፍሬምን
ለተዋሕዶ ያልቅስ ይዝጋ በዓቱን፤
ማኅበረ ሥላሴ ዋልድባም ተናገር
ጣና ቂርቆስ ፈክር የተዋሕዶን ነገር፤
አክሊላችን ወድቋል ከራሳችን ወርዶ
ክብርም ሸሽታለች ከጽድቅ ወዲያ ማዶ፤
ያን ደግ ኖላዊ ቅን የተዋሕዶ መሪ
ያን ደግ እረኛ ላክልን ፈጣሪ።

7 comments:

Anonymous said...

+++

Talke gelachi Chuhetachn Yih new zarea!!!

ታ said...

አሜን አሜን አሜን

Anonymous said...

Let God Help Us!

Anonymous said...

Amen ! We need Kin Yetewahedo Meri

Anonymous said...

Dear fellow Christians,
Calling the late fathers at is moment is unfair and improper.
They did what they were obliged to do on their own time.
“Melkamun rucha rotew,melkamun gedl tegadlew, ruchachewen chersew alfewal”.
With all their sacrifice they inherited us this great church with pure faith.
This generation is deaf and selfish. Always wants to live in the credit and sacrifice of others.
We were not unfortunate of having true leaders. Even in our time I can mention the late
Aleka Ayalew Tamiru. He told us all the details we saw now just before 14 15 years back.
But we were not wiling enough to hear what he said to act the right action on the right time.
Still we have time to work for our faith and for dignity of our church.

Anonymous said...

ወየው ወየው ወየው..............ወየው ወየው ወየው..............ወየው ወየው ወየው..............ወየው ወየው ወየው..............እናቴን አቤቱ ቤትህን አስባት እባክህ??????????

gb22 said...

I read the poem with full of tears!!!
EGZIABHER YEZEGEYE BIMESILIM KEDIMO YIDERSAL

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)