July 12, 2010

ሐውልቱ ተመርቋል፣ “ለ500 ዓመት ይጠቅማል፣ አፈር ውስጥ ቢቀበርም አይበላሽም” ተብሏል


(ደጀ ሰላም፣ ጁላይ 11፤ 2010)፦ “የቅዱስ ፓትርያርኩን 18ኛ ዓመት በዓለ ሲመት ምክንያት በማድረግ በቦሌ ደብረ ሳሌም መድኃኔ ዓለም ቤተ የቆመው ዛሬ ሲመረቅ ሐውልቱን ያሰሩት ሰዎች “ለሚቀጥሉት 500 ዓመታት ያለምንም ችግር ይኖራል” ሲሉ አሞካሽተውታል። በዚሁ ወቅት በተደረገው ገለጻ “ለቅዱስ ፓትርያርኩ ይህ የሚገባቸው ነገር ነው” ተብሏል። የአሰሪ ኮሚቴውን መግለጫ ያነበቡት “ባለ ሽጉጡ ሊቀ ካህናት” ጌታቸው ዶኒ “ቅዱስነታቸው በዓለም አቀፍ ደረጃ ተቀባይነት ያላቸው” መሆናቸውን በመግለጽ የሐውልቱን መመረቅ አብስሯል። ሐውልቱ ምን ያህል እንዳወጣ ባይገለጽም ይህንን የሁለት ቀን ዝግጅት ስፖንሰር ያደረገው የነዲ/ን በጋሻው ደሳለኝ ማኅበር ከ100 ሺህ ብር በላይ ማውጣቱን ራሱ በጋሻው በንግግሩ ገልጿል።
በዚህ የሁለት ቀን ዝግጅት ከየመድረኩ እንዳያስተምር የተከለከሉት በጋሻውና ጓደኞቹ በ100 ሺህ ብር የማስተማር ፈቃዳቸውን መግዛት ችለዋል ማለት ነው። በሌላ በኩል ግን የቅ/ሲኖዶሱን ውሳኔ ለማስፈጸም የሞከሩት የአዋሳ ቅ/ገብርኤል ቤተ ክርስቲያን በጋሻውን እንዳያስተምር ከከለከሉ በኋላ በቅ/ትርያርኩ ትዕዛዝ፣ በአቡነ ገሪማ ፊርማ ከሥራቸው ተባረዋል። ይቺ ናት ቤተ ክህነት!!! ምን ችግር አለ፣ ዋናው መቶ ሺህ ብሩ ነው። ዲ/ን በጋሻው አሁን ሐውልት አቆመላቸው፣ ቀጥሎ ደግሞ ጽላት ይቀረጽላቸው ሳይለን ይቀራል? ዞሮ ዞሮ የቻይናዎቹ ተረት እንዴት ገላጭ ነው? “ለገንዘብ ብሎ ስለ እግዚአብሔር የሚሰብክ ሰው የበለጠ ገንዘብ ከተሰጠው ለሰይጣንም ይሰብካል” (የቻይናዎች አባባል)
ቸር ወሬ ያሰማን፣
አሜን
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)