June 19, 2010

“ሁለቱን ሲኖዶሶች” ለማስታረቅ ጥረት በማድረግ ላይ የሚገኘው ስብስብ ጉባዔውን አካሄደ


(ደጀ ሰላም፤ ጁን 19/2010)፦ ሁለቱን “ሲኖዶሶች” ለማስታረቅ ጥረት በማድረግ ላይ የሚገኘው ስብስብ ጉባዔውን አካሄደ። ከሁለቱም “ሲኖዶሶች” በጎ ምላሽ ማግኘቱ ታወቀ።

ከአምስተኛው ፓትርያርክ ማግስት ሹመት እና ከአራተኛው ፓትርያርክ ስደት ማግስት ጀምሮ በተነሣው ክፍፍል እስከ መወጋገዝ የደረሱትን አባቶች ለማስታረቅ በመሞከር ላይ የሚገኘውና ራሱን “የኢትዮጵያ ኦርቶዶክስ ተዋሕዶ ቤተክርስቲያን የሰላምና አንድነት ጉባኤ” እያለ የሚጠራው ስብስብ በዋሺንግተን ዲሲ ያካኼደው ይኸው ጉባዔ ወደ አዲስ አበባ እና ኒውዮርክ የላካቸውን ልዑካን ሪፖርት ከማድመጡም ባሻገር ከሁለቱም “ሲኖዶሶች” የሚመጡ ተወካዮች ሊያደርጉት ስለሚችሉት የመጀመሪያ ስብሰባ እንዲሁም ይህ የዕርቅ ሒደት ሊገጥሙት ስለሚችላቸው ችግሮች መክሯል።
ሰኔ 8 እና 9/2002 ዓ.ም (ጁን 15 እና 16/2010) የተካሄደው ይህ ጉባዔ ሲጠናቀቅ ከሁለቱም “ሲኖዶሶች” ባገኘው በጎ ምላሽ የሁለቱም ተወካዮች ፊት ለፊት ውይይት ለማድረግ ፈቃደኛ መሆናቸውን አውቋል። በተያዘው ዕቅድ መሠረት ከሰመረለት በሚቀጥለው ጁላይ ወር ሁለቱ ወገኖች ይገናኛሉ ተብሎ ይጠበቃል።

ይህንኑ በተመለከተ “ደጀ ሰላም” ያደረገችው ግምገማ እንደሚያመለክተው ከሆነ “የኢትዮጵያ ኦርቶዶክስ ተዋሕዶ ቤተክርስቲያን የሰላምና አንድነት ጉባኤ” በአባቶች መካከል ያለውን እና ቤተ ክርስቲያኒቱን እየጎዳ ያለውን ልዩነት ለመቅረፍ የሚያደርገው እንቅስቃሴ እጅግ በጣም አስፈላጊና ሊደገፍ የሚገባው ይሁን እንጂ በምስጢራዊነትና በድብቅነት እንዲሁም ከምዕመኑ በመሰወር በጥድፊያ የሚደረገው እንቅስቃሴ ሌላ ችግር እንዳይወልድ ጥንቃቄ እንዲደረግበት ማሳሰብ ያስፈልገዋል። “ዜናው ለምን ደጀ ሰላም ላይ ወጣ?” የሚለው ዓይነት አካሄድ ተገቢ አለመሆኑን ከመጠቆም ጋር ኮሚቴው እስካሁን ካቀፋቸው አባላት በተጨማሪ የሌሎች ሰዎችንም ሙያዊ እገዛ ማሰባሰብ እንዳለበት ጉዳዩን የሚከታተሉ ደጀ ሰላማውያን ጠቁመዋል። ጉዳዩን በምስጢር ለመያዝ በሚል ከማፈን ይልቅ በሰፊው ውይይት ሊደረግበት እንደሚገባ እየተጠቆመ ነው። የሁለቱ “ሲኖዶሶች” ልዩነት የአባቶች ልዩነት ብቻ ሳይሆን በጉዳዩ ውስጥ እጃቸውን ያስገቡ ብዙ አካላት እንደመኖራቸው መጠን መፍትሔውም ሰፋ ያለ መሆን እንዳለበት ደጀ ሰላማውያን ገልፀዋል። ከዚህ ባሻገር ችግሩ ከአስተዳደር እና ከፖለቲካ ልዩነት ባሻገር ቀኖናዊ ጉዳዮች ስላሉት በደፈናው “እርቅ” ብቻ ብሎ ነገረ ሃይማኖቱን መዘንጋት እንደማይገባ እንዲሁም ምዕመኑን ያላሳተፈ እና ለምዕመኑ መረጃ በመከልከል ላይ የተመሰረተ መሆን እንደማይገባው እየተነገረ ነው።

“ደጀ ሰላም” “የአባቶች እርቅ ከየት ይነሣ፣ የት ይደረስ?” በሚል ርዕስ ያዘጋችውን ሪፖርታዥ በቅርብ እንደምታቀርብ በመግለጽ ይህንን አጭር ዜና ትቋጫለች።
ቸር ወሬ ያሰማን፣
አሜን

14 comments:

Atkilt said...

Good News

Anonymous said...

Egziabher Abatochachenen Yastarkilin!!!Egnanim kalenbet yehatyat meabel west awteto bechernetu fikrna selamin yadlen
Amen!!!

lead said...

Thank you for Good news and ...

selamawi said...

በስመ ስላሴ አሃዱ አምላክ አሜን

ይኸ ነገር ከተወራ ብዙ ጊዜ ሆነው ምነው እውን በሆነና በተገላገልን ፖለቲከኛውም አርፎ ይቀመጥ ነበር

በነገራችን ላይ እነማን ናቸው ለመሆኑ ፓትርያርክን ከፓትርያርክ የሚያስታርቁት? እንደኔ እንደኔ ለቤተክርስቲያናችንም ሆነ ለአባቶቻችን ክብር የሚሆነው ሁሉን ስለ እግዚአብሔር ሲሉ ትተው በሌላ ወገን አደራዳሪነት ሳይሆን ፍቅር ምን ማለት እንደሆነ ገብቷቸው ቢታረቁ ነው የሚሻለው ዛሬ በድርድር የመጣ እርቅ ነገ ,,,,,,,,,,,,,,,,, ነው የሚሆነው ደግሞ ዛሬ ቤተክርስቲያንን እየጎዳት ያለው ያባቶቻችን መቃረን ብቻ አይደለም ይህን ሰበብ በማድረግ በተለይ በውጭው ዓለም ባለችው ቤተክርስቲያን የተንሰራፋው ስርዓተ አልበኝነት ነው ለዚህ ሁሉ ይቅርታ እና ማስተካከያ መደረግ ያለበት ይመስለኛል አለበለዚያ ከፖለቲከኞች ድርድር የተለየ ትርጉም አይኖረውም በተረፈ ግን ይህ ጉዳይ የሁላችንንም ቅንነት የተሞላው ጸሎት ይጠይቃል አምላከ ቅዱሳን ንጹህ ልብ ይስጠን

alemayehu said...

be ewnetu melkame new 'fitsamewn yasyen new 'batecmari gin erku ya ulet wayime ya tewsenu socen ya emimalket aydelam ename ba zuraw yal sewch hulu letasebu yigbal.endihme magemrey sehitate taserto ka hone sehtaten ba sihtate makayer ayayclem ena letasabebate yigabale
alex.t

Anonymous said...

Shame on those big public figures and so called "Abatoche" who refused unity in the truth Church.

አዳም ሄኖክ said...

በስመ አብ ወ ወልድ ወ መንፈስ ቅዱስ፡ አኃዱ አምላክ፡ አሜን።

1ኛ ወደ ጢሞቴዎስ

ማንም ኤጲስ ቆጶስነትን ቢፈልግ መልካምን ሥራ ይመኛል የሚለው ቃል የታመነ ነው።

እንግዲህ ኤጲስ ቆጶስ እንዲህ ሊሆን ይገባዋል፤ የማይነቀፍ፥ የአንዲት ሚስት ባል፥ ልከኛ፥ ራሱን የሚገዛ፥ እንደሚገባው የሚሰራ፥ እንግዳ ተቀባይ፥ ለማስተማር የሚበቃ፥

የማይሰክር፥ የማይጨቃጨቅ ነገር ግን ገር የሆነ፥ የማይከራከር፥ ገንዘብን የማይወድ፥

ልጆቹን በጭምትነት ሁሉ እየገዛ የራሱን ቤት በመልካም የሚያስተዳድር፤

ሰው ግን የራሱን ቤት እንዲያስተዳድር ባያውቅ፥ የእግዚአብሔርን ቤተ ክርስቲያን እንዴት ይጠብቃታል?

በትዕቢት ተነፍቶ በዲያቢሎስ ፍርድ እንዳይወድቅ፥ አዲስ ክርስቲያን አይሁን።

በዲያቢሎስ ነቀፋና ወጥመድም እንዳይወድቅ፥ በውጭ ካሉት ሰዎች ደግሞ መልካም ምስክር ሊኖረው ይገባዋል።

እንዲሁም ዲያቆናት ጭምቶች፥ በሁለት ቃል የማይናገሩ፥ ለብዙ ወይን ጠጅ የማይጎመጁ፥

ነውረኛ ረብ የማይወዱ፥ በንጹሕ ሕሊና የሃይማኖትን ምሥጢር የሚይዙ ሊሆኑ ይገባቸዋል።

እነዚህም ደግሞ አስቀድሞ ይፈተኑ፥ ከዚያም በኋላ ያለ ነቀፋ ቢሆኑ በዲቁና ሥራ ያገልግሉ።

እንዲሁም ሴቶች ጭምቶች፥ የማያሙ፥ ልከኞች፥ በነገር ሁሉ የታመኑ ሊሆኑ ይገባቸዋል።

ዲያቆናት ልጆቻቸውንና የራሳቸውን ቤቶች በመልካም እየገዙ እያንዳንዳቸው የአንዲት ሴት ባሎች ይሁኑ።

በዲቁና ሥራ በመልካም ያገለገሉ ለራሳቸው ትልቅ ማዕርግና በክርስቶስ ኢየሱስ ባለው እምነት ብዙ ድፍረት ያገኛሉ።

ፈጥኜ ወደ አንተ እንድመጣ ተስፋ አድርጌ ይህን እጽፍልሃለሁ።

ብዘገይ ግን፥ በእግዚአብሔር ማደሪያ ቤት መኖር እንዴት እንደሚገባ ታውቅ ዘንድ እጽፍልሃለሁ፤ ቤቱም የእውነት ዓምድና መሠረት፥ የሕያው እግዚአብሔር ቤተ ክርስቲያን ነው።

እግዚአብሔርንም የመምሰል ምሥጢር ያለ ጥርጥር ታላቅ ነው፤ በሥጋ የተገለጠ፥ በመንፈስ የጸደቀ፥ ለመላእክት የታየ፥ በአሕዛብ የተሰበከ፥ በዓለም የታመነ፥ በክብር ያረገ።

Anonymous said...

የሁላችንንም ቅንነት የተሞላው ጸሎት ይጠይቃል
የእግዚያብሔርን እንጂ የሰውን(የስጋን) ሀሳብ ከማየትና ከመተግበር ህያው አምላክ ይጠብቀን አምላከ ቅዱሳን አስተዋይና ንጹህ ልብ ይስጠን
አሜን

Anonymous said...

የክርስቶስ ሰላም ለሁላችን ይብዛልንና፣ ይሄንንም መስማታችን ቀላል አይደለም እናም ክጠላት ሰይጣን በሰተቀር ሁሉም ክርስቲያን ደስ ሊሰኝ እና ይህ የሰላም ጅምር እውን እንዲሆን ሁላችንም እንደተሰተን ጸጔ መጠን ልንጸልይ ይገባናል ፣
መለያየቷን ለማየት እንደደረስንባት ሁሉ አንድነቷንም ለማየት የብቃን፣ አወን!!! ክሰዎችን ሀሳብ ይልቅ የእግዚአብሄርን ሀሳብ ለመፈጸም እና ለማስፈጸም እንትጋ

Anonymous said...

የሉቃስ ወንጌል ምዕራፍ 4

17-19 የነቢዩንም የኢሳይያስን መጽሐፍ ሰጡት፥ መጽሐፉንም በተረተረ ጊዜ። የጌታ መንፈስ በእኔ ላይ ነው፥ ለድሆች ወንጌልን እሰብክ ዘንድ ቀብቶኛልና፤ ለታሰሩትም መፈታትን ለዕውሮችም ማየትን እሰብክ ዘንድ፥ የተጠቁትንም ነጻ አወጣ ዘንድ የተወደደችውንም የጌታን ዓመት እሰብክ ዘንድ ልኮኛል ተብሎ የተጻፈበትን ስፍራ አገኘ።

የጌታ ኢየሱስ ክርስቶስ ደቀ መዛሙርቱ ነን የሚሉ ለድሆች ወንጌልን የሚሰብኩ ለታሰሩትም መፈታትን ለዕውሮችም ማየትን የተጠቁትንም ነጻ እንዲወጡ የሚናገሩ የት አሉ? ፓትርያርክ ጳጳስ ኤጲስ ቆጶስ ለድሆች ወንጌልን የሚሰብኩ
የት አሉ?

በሰማያት ያለውን የአባቴን ፈቃድ የሚያደርግ እንጂ፥ ጌታ ሆይ፥ ጌታ ሆይ፥ የሚለኝ ሁሉ መንግሥተ ሰማያት የሚገባ አይደለም።

Anonymous said...

ውድ ደጀሰላም፤
አሁን በውነት ማንን ለመጥቀም ነው፡ በሚስጥር.... ምምናምነ እያልክ አቃቂር የምታወጣለት?

በሚስጥር የሁን አይሁን,፣ ሰላምና አንድነት እስካመጣ ድረስ፡ ይቤትክርስቲያን እውነተኛ ልጆች ደስታ ነው!!

ሚስጥር የሆነበት ምክንያት እንዳንተ አይነቱ ዘባራቂ ንግር እነዳያብላሽ ብለው ይሆናልና፡ እባክህ ስለቤተክርስቲያን ስትል የማደናቀፍ ምክነያት አትሁን!!

ጌታ ዓእምሮህን ይክፈትልህ!!

አንድነት ፈላጊ!

Love said...

Dear Deje Selame,
It is really is a good news that needs the support prayer of all believers of our church. As to me anything against this reconciliation can only be from the enemy! So we do not need to hear any thing that can spoil this attempt.
Praying and looking forward to see the success of this great attempt.

Anonymous said...

እንግዲህ ኤጲስ ቆጶስ እንዲህ ሊሆን ይገባዋል፤ የማይነቀፍ፥ የአንዲት ሚስት ባል!!!
በስራቸው የጸደቁ እየመሰልቸው ድንግል ነን ሲሉ በምኞታቸው ተቃጥለዋል። ምን አለበት መጽሃፍ ቅዱስ የሚለውን ቢከተሉና እኛም አንድ ብንሆን!!

Anonymous said...

በስራቸው የጸደቁ እየመሰልቸው ድንግል ነን ሲሉ በምኞታቸው ተቃጥለዋል። ምን አለበት መጽሃፍ ቅዱስ የሚለውን ቢከተሉና እኛም አንድ ብንሆን!!
እንግዲህ ኤጲስ ቆጶስ እንዲህ ሊሆን ይገባዋል፤ የማይነቀፍ፥ የአንዲት ሚስት ባል፥ ልከኛ፥ ራሱን የሚገዛ፥

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)