June 11, 2010

ያለ ኤጲስ ቆጶስ ፈቃድ ቀሳውስት ተሰባስበው የቃል ኪዳኑን ታቦት በመንበሩ መሰየም ይችላሉን?


(ወለተ አቤል፤ ከአሜሪካ)፦ እዚህ በዲያስጶራው በተለይም በሰሜን አሜሪካ በኛ ዘመን ለታቦት የሚገባውን ክብር እንዳንሰጠው አንዳንድ ካህናት ሲያቃልሉት እያየን ነው። ሰሞኑን እኔ በምኖርበት በዋሽንግተን ዲሲ እና አካባቢው “ቨርጂኒያ፣ ዉድ ብሪጅ” በሚባል ቦታ ከሀገረ ስብከቱ ሊቀ ጳጳስ ከብፁዕ አቡነ አብርሃም ዕውቅና ውጪ ራሳቸውን "በአስተዳደር ገለልተኛ  ነን" የሚሉ በአካባቢው የሚገኙ ካህናት ተሰባስበው ሥልጣኑ ሳይኖራቸው ቤተ ክርስቲያን “ከፍተናል”፣  “ባርከናል” ብለዋል። ታዲያ ታቦቱን ማን በመንበሩ ሰየመላቸው? ታቦቱንስ ከየት አመጡት? ይህንን ቤተ ክርስቲያን “ባርኮ የከፈተውስ ማን ነው? እነማን ናቸው? በዕለቱ በቦታው የተገኙት ካህናትስ እነማን ናቸው?” መልሱን ለራሳቸው መተው ቢገባም ምእመናን ደግሞ መጠየቅ ይገባቸዋል።
ብፁዕ አቡነ ጎርጎርዮስ ካልዕ የኢትዮጵያ ኦርቶዶክስ ተዋሕዶ ቤተ ክርስቲያን ታሪክ በሚለው መጽሐፋቸው የታቦትን ክብር እና የት መጣ በሚገባ ጽፈው ባስቀመጡበት ሥፍራ እንዲህ ብለዋል፦

    “ታቦት ከብሉይ ኪዳንና ከእሥራኤል የነጻነት ሕይወት ጋር የተያያዘ ታሪክና የት መጣ አለው። እሥራኤል በግብጽ 430 (፬፻፴) ዓመታት ያህል በባርነት ቀንበር ሲገዙ ከኖሩ በኋላ በሙሴ መሪነት በእግዚአብሔር ተአምራት ከግብፃውያን የአገዛዝ ቀንበር ነጻ ወጡ። ወደ አገራቸውም ለመመለስ አርባ ዓመት ሙሉ በቃዴስ በረሀ ሲኳትኑ ኖሩ። በግዞት ሳሉም ሆነ አሁን በጉዟቸው ከአባቶቻቸው የወረሱትን ሃይማኖት አልረሱም። ይህን ጽኑ እምነታቸውንና በስሙ ስለተጠሩ የሚደርስባቸውን ሥቃይና ግፍ ተመልክቶ ነጻ አወጣቸው። ነጻ ካወጣቸው በኋላ በድብቅ በግዞት ያቀርቡ የነበረውን አምልኮት ነጻ ሕዝብ ሁነው በነጻ እንዲያመልኩት ራሱ ስለፈለገ በዚያው ሲጓዙበት በነበረው በረሀ ውስጥ በምትገኝ በሲና ኮረብታ ላይ ለሙሴ ተገልጦ የቃል ኪዳንና መታዘዝ ምልክት የሚሆን ዐሥር ሕግጋትና ትእዛዛት የተፃፈባቸው ሁለት የዕብነ በረድ ገበታዎችን (ሠሌዳዎችን) ሰጠው፤ ለእነሱም ማስቀመጫ ታቦትና እንደ መቅደስም የምታገለግል የምስክር ድንኳን እንዲሰራ ሙሴን አዘዘው። ታቦት የጽላቱ ማደሪያ ነው። የታቦት ትርጓሜው ማደርያ መሰወሪያ ማለት ብቻ ሳይሆን መገለጫም ነው። ንጉስ በዙፋኑ እንዲገኝ፤ እንዲገለጥ ታቦት ለእሥራኤል የአምላክ መገለጫ ነውና።…. በአጠቃላይ አነጋገር ታቦት በብሉይ ኪዳን እግዚአብሔር ለምሕረት ለሕዝቡ በሚገለጥበት ጊዜ ዙፋኑ ነው ማለት ነው። ታቦት በኢትዮጵያ ቤተ ክርስቲያን በልማድ ያለ አይደለም፤ ወይም አንዳንድ የዋሆች እንደሚሉት የኢትዮጵያ ቤተ ክርስቲያን ሥርዓተ ኦሪትን ከሥርዓተ ወንጌል ጋር በባላንጣነት የምታገለግል አይደለችም።  ከክርስትና በፊት የብሉይ ኪዳን አገር የነበረችው ኢትዮጵያ በክርስትና ጊዜም ከብሉይ ኪዳን ያገኘቻቸውን ጠቃሚ ነገሮች በክርስትና መንፈስ እየተረጎመች ትጠቀምባቸዋለች። ከብሉይ ኪዳን ከወሰደቻቸው አንዱ ጽላተ ኪዳን ታቦተ ሕግ ነው። አዲስ ቤተ ክርስቲያን በሚሰራበት ጊዜ ከዕፅ ወይም ከዕብነ በረድ ተቀርጾ በላዩ የእግዚአብሔር ምስጢራዊ ሥም (ኅቡእ ስም) አልፋና ኦሜጋ የመጀመሪያውና የመጨረሻው ማለት ነው። ይህ ቃል ከተፃፈበት በኋላ በኢጲስ ቆጶሱ እጅ ተባርኮና ሜሮን ተቀብቶ በመንበሩ ይሰየማል።  በቅዳሴም ጊዜ ኅብስቱና ወይኑ ወደ ቤተ መቅደስ ሲገባ ቄሱ ሥርዓተ ቅዳሴውን የሚያከናውነው ኅብስቱን ሥጋ መለኮት፣ ወይኑን ደመ መለኮት ወደመሆን የሚለወጠው በዚህ በታቦቱ ላይ ነው። ሥጋዬን ብሉ ደሜን ጠጡ እያለ ያመኑትን ሁሉ የሚጠራበት የምሕረት ምሥዋዕ ነው። ክብርና ስግደትም የሚደረግለት ስለዚህ ነው”። (የኢትዮጵያ ቤተ ክርስቲያን ታሪክ፣ ከገጽ 93 – 94)

እንግዲህ ቤተ ክርስቲያን ለታቦት ያላት ክብር ይህ ነው!!!!



ይህ ሰሞኑን “የተከፈተው” ቤተ ክርስቲያን በአካባቢያችን በኢትዮጵያ ኦርቶዶክስ ተዋሕዶ ስም ያሉ አጥቢያ አብያተ ክርስቲያናትን ቁጥር ወደ ሃያ (፳) አሻቅቦታል። እስካሁን ድረስ የነበሩት አስራ ዘጠኙ አጥቢያ አቢያተ ክርስቲያናት የየራሳቸው የሆነ የአስተዳደር መዋቅር ያላቸው ሲሆን በባለቤትነትም በግለሰቦዎችና በቡድኖች ተመዝግበው የሚገኙ ናቸው። ብዙዎቹም ከቤተ ክርስቲያኒቱ መዋቅር ውጪ ናቸው።





21 comments:

Anonymous said...

What is the name of the Church that they opened? If you know where did these other priest come from?

Thanks for providing this information.

selamawi said...

ጉድ ሳይሰማ መስከረም አይጠባም

ሁልጊዜ አዲስ ነገር ነው የምንሰማው

ኢየሱስም መልሶ፦ እውነት እውነት እላችኋለሁ፥ የምትፈልጉኝ እንጀራን ስለ በላችሁና ስለ ጠገባችሁ ነው እንጂ ምልክቶችን ስላያችሁ አይደለም። ዮሐ 6፥26 እስከመቼ ነው ቤተክርስቲያን የሚቀለድባት ?

አቤቱ፥ እንደ ቸርነትህ መጠን ማረን እንደ ምሕረትህም ብዛት መተላለፋችንን ደምስስ። መዝ 51፥1

Sintayehu said...

It would be helpful if you could name the church and the location.
Thanks

green said...

Is it the one that Mariam Church(DC) opened as branch church? This is rediculous. I heard that this time priests say to their children, "when you grow up, I will open a church for you!". That is what they pass to their children instead of passing their religion, experiance, spiritual life, how to be a good church server..... but what can they do. they don't have all those, they give what they have. A building of church with some initial money and some memenan. It is very sad. God forgive us.

Anonymous said...

"...ይህ ቃል ከተፃፈበት በኋላ በኢጲስ ቆጶሱ እጅ ተባርኮና ሜሮን ተቀብቶ በመንበሩ ይሰየማል።" እንዲህ ነው ሊቅ!

በርግጥ የእምየ ጎርጎርዮስን ቃል "ይበል-አይበል" ለማለት (to prove or disprove) የሚያስችል ዐቅም እንደሌለኝ ባውቅም፤ ነገሩ ትክክል እንደኾነ ብቻ ሳይኾን እንዴት ጥንቃቄ የተሞላበት አገላለጥ እንደኾነ ልብ እንድንለው ለማስታወስ እሻለኹ።

"...በኢጲስ ቆጶሱ እጅ ተባርኮና ሜሮን ተቀብቶ..."

አኹን የተጠቀሱትም ካህናት ኾኑ ከዚህ ቀደም ተመሳሳይ ገለልተኛ አቋም የወሰዱ ኹሉ በኤጲስ ቆጶስ እጅ ያልተባረከ እና ሜሮን ያልተቀባ ታቦት ይኖራቸዋል ብየ አልገምትም። ያለዚያ ግን ተግባራቸው የድፍረት ድፍረት ነው።

"...በመንበሩ ይሰየማል።"

በማን? አዚህ ላይ "በእገሌ-ወ-እገሌ" ለማለት የሚሻ ሰው ልክ ሊኾን ይችላል። ሊሳሳትም ይችላል። ነገር ግን ለትክክለኝነቱም ኾነ ለስሕተቱ አቡነ ጎርጎርዮስን ምስክር ማድረግ አይችልም! በግልጥ እንደምናየው ርሳቸው "በመንበሩ ይሰየማል" አሉ እንጂ በ"እገሌ-ወ-እገሌ" አላሉማ።

ጥቂት ታሪክ እናጣቅስ፦

እንዲህ ሃይማኖታችን ባልኮሰመነችበት፣ ነገር ግን ባቡር ወይም ጠያራ በሌለበት ዘመን፣ በመላዋ ኢትዮጵያ ዳር-እስከ-ዳር በየጊዜው አብያተ-ክርስቲያን ሲታነጹ፤ ታቦታቱን አንዱ እና ብቸኛው የግብፅ ጳጳስ (በበቅሎ እየዞረ) በየመንበራቸው ይሰይም ነበረ ወይ?

እናስ?

አኹን እንደተጠቀሰው ያሉ አካኼዶች እሰየው ይባሉ ማለቴ ግን አይደለም። እኔ የምለው፦ ችግሩ በቀላሉ እንደምንገምተው ሳይኾን እጅግ ውስብስብ መኾኑን እንመን። እናም መፍትሔውን በርካሽ ፕሮፓጋንዳ ሳይኾን በትክክለኛው መንገድ ለመፍታት እንዘጋጅ።


{በርግጥ ከዚህ ቀደም ተነሥቶ ለነበረው ተመሳሳይ ጕዳይ የሰጠኹትን አስተያየት እንደጨቆናችኹት ስላየኹ፤ ይህንንም ላንባቢ እንደማታደርሱት ጠርጥሬያለኹ። ቢያንስ ቢያንስ ከገዛ ራሳችኹ አመለካከት ውጭ የኾነ ጠንከር ያለ አቋም ከገጠማችኹ ለማስተናገድ ዝግጁ ያይደላችኹ ደካሞች መኾናችኹን ልታመልጡት በማትችሉት በማእምረ-ኅቡኣት ፊት ስታስቡት እንዲቆረቁራችኹ ብየ ነው።}

አግናጢዎስ፡ ዘጋስጫ said...

ሳይለምዱ ትህትና

ሰዓታት ማህሌት ቅዳሴ ቢያደርሱት፦
በአውደ ምህረት ቆመው ሽህ ምዕራፍ ቢጠቅሱት:
ቄስ መነኩሴ ቆሞስ ቢባሉም ሊቃውንት:
እርቅ አንድነት ሰላም እያሉ ቢመኙ:
የሚያስተምሩትን ሆነው ካልተገኙ:
ከመናገር በቀር ለውጥ መች መጣና :
ራስን ዝቅ ማድረግ ሳይለማዱ ትህትና::

Anonymous said...

እኛ እኮ ዝም ብለን የምንደክመው

ችግሩ እኮ ሌላ ጋ ነው ያለው

በሰሜን አሜሪካም ይሁን በሌሎች ዓለማት ያለው የቤተ ክርስቲያን ችግር መሠረቱ እኮ ራሱ ቤተ ክሕነቱ ወይም ሲኖዶሱ ነው ::

ለምሳሌ

ቅዱስ ፓትርያኩ ለቤተ ክርስቲያኗ ወግነው ምእመኑን በመጠበቅና በሃማኖት የሚጸናበትን ተግባር ሁሉ እያከናወኑ
እሳቸውም በግል ሕይወታቸው ለመንጋው መልካም አርዓያ መሆን ሲገባቸው
የምድራዊ መንግስት ኃይልን በመተማመንና : የመንግስትን ፖሊሲ በማስፈጸም : የፖለቲካ ካድሬዎችን በቤተ ክርስቲያኗ የአመራር ቦታ ውስጥ ሰግስገው :
ያሻቸውን ሲያባርሩና ያሻቸውን ሲያስመዘብሩ ይውላሉ ::

በዚህ ምክንያትም : መንግስትን የሚጠላና የሚቃወም ሁሉ ቤተ ክርስቲያኗንም አብሮ እንዲጠላትና ምእመኑም እንዲከፋፈል : ዋናውና የመጀመሪያው ተጠያቂ ራሳቸው ፓትርያኩ ናቸው ::

2. የሲኖዶስ አባላት የሆኑ አባቶች (ሊቃነ ጳጳሳቱ ) በግል የቀረባቸውን ሁሉ : በቂ የቤተ ክርስቲያን የሌለውንና ስለ ሃይማኖቱ ምንነት የማያውቀውን ሁሉ : ዲያቆንና ቄስ እያደረጉ በቤተ ክርስቲያኗ ውስጥ ተኩላ አሰማሩባት ::

በተለይ በውጭ ዓለማት ያለችው ቤተ ክርስቲያን መከፋፈል : መሥራቾችም ሆኑ እያባባሱት ያሉት እኒሁ የተወሰኑ አባቶች ናቸው ::

ምክንያቱም : በውጭ የሚኖር አንድ ወዳጃቸው ዲያቆን ነኝ /ቄስ ነኝ ብሎ ከመጣ ::
የቤተ ክርስቲያኗን የአስተዳደር መዋቅርም ሆነ ሥርዓተ ቤተ ክርስቲያንን በመጣስ ::
ተጨማሪ የክህነት ማዕርግና : ጽላቱን /ታቦቱን ባርከው ፈቅደው ይሰጡታል ::

አንዳንዶችም : ወደ ውጭ አገር በተለይ ወደ United States of America : በሆነ ምክንያት ለመውጣት ባገኙት አጋጣሚ : የራሳቸውን ቤተ ክርስቲያን ከፍተው ከቆዩ በኋላ ወደ አገራቸው ቢመለሱም : የመሠረቱትን ቤተ ክርስቲያን : እንደ ግል ንብረት በመቁጠር :
ባሉበት አገር ሆነው በሪሞት ኮንትሮል ይመሩታል እንጅ : በአገሩ ባለው የሀገረ ስብከቱ ሊቀ ጳጳስ እንዲመራ አያደርጉትም ::

በጳጳሳት የበላይነት የሚመሩትና ከሀገረ ስብከት ሊቀ ጳጳስ ጋር ምንም ግንኙት የሌላቸውን : ለአብነት ያህል ለመጥቀስም

የአቡነ ማትያስ ዲሲ መድኃኔ ዓለም (በአሁኑ ሰዓተ እሳቸው እሳቸው የኢየሩሳሌም ገዳማት ሊቀ ጳጳስ ናቸው )

የአቡነ ፋኑኤለ ዲሲ ሚካኤል (በአሁኑ ሰዓት እሳቸው የሀዋሳ /የሱዳሞ ሀገረ ስስብከት ሊቀ ጳጳስ ናቸው )

የአቡነ ገብርኤል ቨርጂኒያ ልደታ (በአሁኑ ሰዓት እሳቸው የቅ /ጳውሎስ መንፈሳዊ ኮሌጅ ሊቀ ጳጳስ ናቸው )

የሚኒሶታው የአቡነ ዳንኤል መድኃኔ ዓለም ( በአሁኑ ሰዓት እሳቸው የምሥራቅ አፍሪካ ሀገረ ስስብከት ሊቀ ጳጳስ ናቸው )

ሌሎችም እኔ የማላውቃቸው ይኖሩ ይሆናል ::

እነዚህ ከላይ የተጠቀሱት ሁሉ : በዲሲ ሀገረ ስብከት ሥር ያልታቀፉ : በአጠቃላይ መንፈሱ ገለልተኛ የሆነ የተዘበራረቀ ዓይነት አስተዳደር ያላቸው ::

በአንዳንዶች ቦታዎች : በቅዳሴ ጊዜ : የባለንብረቶች ጳጳሳት ስም ብቻ ይነሳል እንጅ : የሀገረ ስብከቱ ሊቀ ጳጳስም ይሁን የፓትርያርኩ ስም አይጠራም ::
እነሱ ግን በሚፈልጉበት ሰዓት ጎራ ብለው ቫኬሽናቸው አሳልፈውና ኪሳቸውን በዶላር ሞልተው ይመለሳሉ ::

ታዲያ ይህን ምን ትሉታላችሁ ?

የሲኖዶሱ አባላት ራሳቸው
ታቦት ሰይመው እየባረኩና ቅብዓ ሜሮን እየቀቡ ከሰጡ
በግላቸው ብቻ የሚመራ ቤተ ክርስቲያን ከመሠረቱ
እነሱ ያላመኑበትን የአንዲት ቤተ ክርስቲያን አስተዳደር : እንዴት ከታች ያለው : አክብሮ በመቀበል ሊቀጥል ይችላል ?

ለእኔ የተሻለ መስሎ የሚታየኝ

ማኅበረ ቅዱሳን የያዙት ቀጥ ያለ አቋም ነው ::
በየቦታው ያሉ የማኅበረ ቅዱሳን አባላት : የያዙትን አቋም አጠንክረው መቀጠል አለባቸው ባይ ነኝ ::

የትኛውም ጳጳስ : ፓትርያርክ ሆኖ ይቀመጥ :
ነገር ግን መንበሯ ኢትዮጵያ የሆነ : አንዲት ቤተ ክርስቲያን አስተዳደር : እንድጽፋፋ :
በተቻለ መጠን ከውስጥ እየገቡ ለማስተካከል መሞከር :

ካልሆነም : ይህን ዓላማ ይዘው የሚከተሉትን በማሰባሰብ የየሀገረ ስብከቱን ሊቃነ ጳጳሳት እየተሩና እያስባረኩ : አዳዲስ አብያተ ክርስስቲያናትን መክፈት ነው የሚሻለው ::

ሚስጥረ said...

በዚህ በምንኖርበት በምድረአሜሪካ ስረዓት አልበኝነት ዕየተስፉፉ ነው አንዳንድ ጊዜ ምእመናንን የሚያደናግር ነገር ሲካሂድ ይታያል ቤተ ክርስቲያን ግልጽ በሆነ መልኩ የተቀመጠ ስርዓት አላት ቤተከርስቲያንን ምእመናን ተሰባስበው ሊገነቡ ይችላሉ ታቦት ህከጉን ባርኮ የ ማስገባት ስልጣን የተሰጣቸው አባቶች በተዋረድ ተከምጠዋል አንዳንድ ለገንዘብ ያደሩ ሰወች ግን ለራሳቸው ዓላማ ማስፈጸሚያ ስርአት ህግ ሲያፈርሱ ይታያል የሚገርመው ግን ስርዓት እናውቃለን የሚሉ ስወችም እውነትን ክማሰተማር ይልቅ ሲተባበሩ ይታያል እግዚአብሄር ለቤተክርስቲያናችን በጎየሆነውን ይስጠን

ኤልሮኢ ዘ ገቺ said...

በውጩ ዓለም ያላችሁ የኢ/ኦ/ተ/ቤ/ክ ዕምነት ተከታዮች በሙሉ የክርስቶስ ሰላም ይድረሳችሁ እያልኩኝ፡፡

በመቀጠል ከእናንተ የተሻለ እውቀት ባይኖረኝም ነገር ግን በታናሽነቴ አንዲት ነገር ልላችሁ ፈለኩኝ፡፡

በአሁኑ ሰዓት በውጩ ዓለም ላሉ አብያተ ክርስቲያናት ስርዓተ ጥሰትና መፍረስ ተጠያቂነቱ ከቤተ ክህነት ሰዎች በላይ ትልቁን ስፍራ የምትይዙ እንንተ ትሆናላችሁብዬ አስባለሁ ህግ የሚያከብረውንም ህግ የሚጥሰውንም የምትደግፉ፡፡

ጥቂቶች ብዙዎችን ወዳልተፈለገ አቅጣጫ ወደራሳቸውን ጥቅም ማስከበርያ ውስጥ ሲከቱዋቸው ነገር ግን እምቢ ይሄ የኃይማኖቱን ስርዓት የጣሰ ነው አልቀብልም ልንንል ይገባናል፡፡

ኃይማኖት እነ እገሌን ስለምጠላ እዚያ ቤ/ክ አልደርስም እነ እገሌ ወዳጆቻችን ስላሉ እዚህ ነው የሚሄደው እዚያ ሲፈርስ እሰይ ማለት እዚህ ሲገነባ መገንባትን ከቤ/ክ የተማርን አይመስለኝም፡፡

ስሜትና የስጋ ፍላጎት የተለያዩ ነገሮች ናቸው ከሰዎች ይልቅ ለእግዚአብሔር ቤ/ክ ብናደላ ያልተስተካለው ሁሉ ይስተከከላል፡፡

አሁን ወደድንም ጠላንም ከ20 በላይ ህጋዊ ባልሆነ መልኩ የተመሰረቱትን ቤ/ክናት ጉዳይ ተጠያቂነቱ የሚመጣው ወደ ምዕመኑ ይመስለኛል፡፡

የሚመለከተው ክፍልም ከላይ የተሰጡትን የሌሎችንም ሰዎች አስተያየት በጽሞና ተመልክቶ ግዜ ሳይሰጥ ወደ ህጋዊ መስመር የሚገቡበት እና ችግር ፈጣሪዎችንንም በመምከርና በመገሰጽ ችግሮችን ቢፈቱ ጥሩ ይመስለኛል፡፡

አምላካችን እግዚአብሔር የቀና ልቦና ይስጠን

Anonymous said...

ታቦቱን ከየት አመጡት? ነው የተባለው ድሮ ድሮ ታቦት ተሰረቀ፣ ተሸጠ የሚገዙት አረቦች ናቸው ሲባል እንሰማ ነበር:: አሁንስ ያ ሂደት ተጀምሮ እንደሆን ማን አይሆንም ሊል ይችላል ለማንኛውም መጠርጠሩ አይከፋም:: ቤተ ክርስቲያናቸውን የከዱ ሰዎች ከአህዛብ ብዙም አይሻሉም እናም ታቦት አሰርቀው ሊያስመጡ ይችላሉ ብየ ብናገር እስከአሁን በቤተ ክርስቲያን ላይ የፈጸሙትን በደል አይቼ ነው እንጅ መስረቃቸውን አውቄ አይደለም:: እንዳው ለጥቅማቸው ወይም ለንግዳቸው የሚጠቅም ከሆነ ምንም ከማድረግ አይቆጠቡም ብየ እንጅ:: የሚገርመው ተከታያቸው ነው ባለፈው ያ ቶሎሳ የሚባል ምናምንቴ ቢጤ የታቦቱን ስም አጎደፈ ብሎ ቡራ ከረዩ ያለው የ ዲሲ አካባቢ ምዕመናን ቶሎሳ ላይ የስድብ ውርጅብኙን ሲያወርድ ሰምቼ ነበር:: ለኔ ቶሎሳ እኮ የማያምን ምናምንቴ ስለሆነ ያለውን ቢል አይደንቀኝም:: እሱን ለመሳደብም አፌን አልከፍትም:: ይልቁንም የኦርቶዶክስን ስም በለበሱ ውስጣቸው ግን በትዕቢት የተሞሉ ኃይማኖት የለሾች ታቦቱን ሲያረክሱት ዝምታ ምንድን ነው:: መቃወም መቆጣት አስመሳዩን የተኩላ በግ የለበሰውን ቀጣፊ እንጅ በቁርጥ ጠላታችሁ ነኝ ያለውን አይደለም " ጠላትማ ምንጊዜም ጠላት ነው አስቀድሞ መምታት አሾክሿኪውን ነው" ተብሎ እኮ ጀግና የሚያቅራራው ዝም ብሎ አይደለም:: አንዳንድ ጊዜ ጀግና መሆን ይገባል ያውም ለሐይማኖት:: ሊቅ ነን ባዮች ሊቅነታችሁ ለትቢት ከሆነ አትጠቅሙም በሏቸው:: በሊቅነታችሁ እንድህ ቤተ ክርስቲያናችንን ከምትደፋፈሩ ሳትማሩ ደንቁራችሁ በቀራችሁ ይሻላችሁ ነበር:: ለነገሩ ደናቁርት መሆናቸውን ህዝብ ሆይ ተረዳ :: አትከተላቸው:: የነሱ መንገድ የምታመራው ወደ ጥፋት ነው::በደሙ የቀደሳትን እያረከሱ ጽድቅ በነርሱ ዘንድ አትገኝም:: ይህን ለመገመት ያለፈ እና እያደረጉት ያለው ሁሉ ወደዛ መደምደሚያ ያደርሳል:: ኧረ የጀግና ያለህ " መንፈሳዊ ጀግና " ለሐይማኖቱ የሚቆረቆር በቃችሁ የሚል:: ካልሆነም እኛው ጀግና እንሁን በቃችሁ እንበላቸው:: በቀረችው ዘመናቸው የበደሏትን ቤተ ክርስቲያን በበጎ ሥራ መካስ ይፈልጉ እንደሆነ እንንገራቸው:: አምና ካቻምና ስትሰድቡት ከነበረው ከቶሎሳ እንኳ ትንሽ ተሻ ::
የመላኩ ባሪያ ነኝ
ከሀገረ አሜሪካ ኒው ዮርክ ሲቲ

desa said...

excellent job degeselamawyan!.yekitl!!!!!!!!

selamneh said...

ወገኖቼ በዘመናችን ምን ጉድ እንደመጣብን በግልጽ ባይገባኝም፡ እኛ በእድሜ፣ በእውቀትና በልምድም ታናሾች የሆንን ሽቅብ አባቶቻችንን በልምድና በእውቀት ከእኛ የሚበልጡትን የአንዳንድ የዲያስፖራው አብያተ ክርስቲያናት (የኢትዮጵያ ኦርቶዶክስ ተዋህዶ) መሪዎችና አገልጋዮችን ለመታዘብ፣ በስራቸውም ለመሸማቀቅና ለማፈርም በቃን። በማንም ለመፍረድ በመፈለግ ሳይሆን እንዴት ከቤተ ክርስቲያና ችን መንገድ (ስርዓት) ለማስወጣት እየታገሉና መደበኛ ስራቸውን ገንዘብ ስብሰባ ላይና ተገቢ ያልሆነ ክብርን ፍለጋ ላይ በማተኮር የሚከተሏቸውን ምእመናን ከስርዓትና ህግ አክባሪነት መስመር ለማስወጣት እየተሯሯጡ መሆኑ ይታየኛል። የሚገርመው የቤተ ክርስቲያን ትምህርታቸውና ህሊናቸው እያወቀው ተከታዮቻቸው የሆኑትን ስለ ቤተክርስቲያናቸው የጠለቀ ዕውቀት የሌላቸውንና እነርሱን እንደ ሀይማኖት መሪና አስተማሪ በመቁጠር የሚከተሏቸውን የዋህ ምዕመናን፣ የሰንበት ተማሪወችን፣ አገልጋዮች የሆኑ ካህናትን የነርሱ በቤተ ክርስቲያን ስርዓት ላይ ያመጹት አመጽ ትክክል እንደሆነ መስበካቸውና ማስተማራቸው ሲሆን፤ ሌሎች ለምን የቤተ ክርስቲያንን ስርአት ጥሣችሁ የራሳችሁን አስተዳደራዊ መዋቅር ዘረጋችሁ? (ራሳቸውን ገለልተኛ ማድረግ ብቻ ሳይሆን ፡ የገለልተኞች ህብረት የመመስረት ስራ መስራትን ያካተተ) ለምን ቤተ ክርስቲያንን ያክል ነገር እንደ የግል ድርጅት (ሱቅ) በየፈለጋችሁበት ቦታ ትከፍታላችሁ? ሲሏቸው ፡ እኛ አላደረግንም ፣ የጠላቶቻችን ወሬ ነው ወይም የተለያዩ ምክናያታዊ መልሶችን በመስጠት ተከታዮቻቸውን ለማሳመን መቻላቸው ሲሆን። ተቃዋሚወቻቸውን የእረፉ አይነት ማስጠንቀቂያ ለመስጠት መሞከራቸውስ የት ያደርሳቸው ይሆን? እንደዚህ ዓይነቱ አካሄድስ እስከመቼ ይሆን የሚቀጥለው? ለትውልድስ ይህንኑ ስርዓት አልበኝነትን ለማውረስ አስበው ይሆን? ቤተ ክርስቲያኒቷን እንደ በታተኑአት ከስርዓቷ ውጭ ለማስኬድ እንደጀመሩት እንዲቀጥል ፈልገውስ ይሆን? እንደኔ የቤተ ክርስቲያኒቱ ተከታይ ነኝ የሚል ሁሉ ይህን አካሄድ በጥሞና ሊመለከተው የሚገባ ጉዳይ ይመስለኛል።
እነዚሁ በቤተ ክርስቲያኒቱ አገልግሎት የዕድሜ ባለጸጋ የሆኑ አዛውንት አባቶች፣ በመካከለኛ ዕድሜ ውስጥ የሚገኙ ካህናት፣ ወጣቶች ዲያቆናትና ሰባኪያነ ወንጌል፣ ከዚህ ቀደም በተለያዩ የሀገሪቱ(በኢትዮጵያ ) ሀላፊነት ደረጃ የነበሩ ምሁራንና ሌሎችም በተለያየ ምክንያት በሀገራቸው ሊያገኙዓቸው ሲፈልጉ ያላገኙዓቸውን ነጻነት፣ ክብር፣ ስልጣን፣ ገንዘብ እና ሌሎችንም ጥቅማጥቅሞች እዚሁ ያገኙ ስለመሰላቸው ወይም ሊያገኙት ስለሚመኙ፡ ሊጋፉት የማይገባቸውን ትልቁን መሰረት (የቤተ ክርስቲያን ስርዓት) በመጋፋትና በመጣል የልባቸውን ፍላጎት ለማሟላት መጣራቸው ወይም ማግኘታቸው ምን ያክል የህሌና እረፍት ቢሰጣቸው ነው? በትውልድ አልጠየቅም ባይነት ድፍረት መያዛቸውስ? በባለቤቱ በእግዚአብሔር ጥበቃና በቀደምቶቹ አባቶች ተጋድሎ የቆየን አጥር መጣሳቸው ከተማሩት ትምህርትና እናምንበታለን በሚሉት ሀይማኖታቸው ሲመዝኑት እና የነበረን ነገር ለትውልድ ጠብቆ የማስረከብን ግዴታ አለመወጣታቸው ሊፈጥርባቸው የሚችለውን የህሌና ፍርድ ወዴት አስቀምጠውት ይሆን?
እኛስ ምእመናን እስከ መቼው ይሆን ነገሮችን መርምረን ራሳችንን ለትክክለኛው አካሄድ የምናስገዛ?መቼ ነው እንደ ትውልድ መረከብ ያለብንን ትክክለኛ መንገድስ መረከብ ያለብን፣ ጠብቀንስ ለመጪው ለማስረከብ የምንዘጋጀው? እስከ መቼ ይሆን በጣፈጠ አንደበታቸው እውነቱን ሃሰት አድርገው ሲነግሩን መርምረን የምንቀበላቸው? እንደነዱን ከመነዳት ቆም ብለን የምናገናዝበው?
በራሳቸው ፈቃድና አካሄድ ቤተ ክርስቲያን የሚከፍቱትንና ራሳቸውን በገለልተኛ ስም እየጠሩ የራሳቸው ተከታይ የሚሰበስቡትስ ሊያገኙት ያቀዱትን ለኑሮ የሚሆን ገንዘብ፣ በሰው ሃገር መጠጊያ የሚሆን ከለላ ፍለጋ፣ አገር ቤት ያጡትን ክብር የማግኛ መንገድ አድርገውት ይሆናል። እኛ ምእመናን ግን ከየትኛውም ጥቅም ተካፋይ ያልሆንን በነጻነት ትክክል የሆነውን መንገድ መምረጥ የምንችል ሲሆን፤ እነዚህን ግለሰቦችና ቡድኖች አካሄዳችሁ ትክክል አይደለም፣ ከግል ጥቅማችሁ ይልቅ ስለ አንዲት ቅድስት ቤተ ክርስቲያን ስርዓት፣ ጥቅምና በጽኑ እና በቀጥተኛ ትምህርቷ ለትውልድ በአግባቡ እንድትተላለፍ አድርጉ ብለን ለምን ይሆን የማንሞግታቸው? እንቢ ካሉም ራሳችንን አስተካክለን ወደ ትክክለኛዋ ቤታችን ለምን አንሰባሰብም? እንደ ምክንያት የሚነሱትን ጥያቄወች አንስተን መፍትሄ እንዲመጣ ለምን አንጥርም? በትክክል ጉዳዩ ከሚመለከታቸው ጋርስ ተቀራርበን ይበልጥ ለመረዳት ለምን አንጥርም?
እኔ ግን እንደታዘብኩት እነዚህ የግል ቤተ ክርስቲያን ከፋች የሆኑትም ሆነ የገለልተኛ ቤተ ክርስቲያን መሪዎች፣ አስተዳዳሪዎችና ቦርዶች ከውጭ ለምእመናን የሚሰብኩት( የሚናገሩት) በማር የተቀባ ንግግራቸው ምእመናን ተከታዮቻቸውን(የገንዘብ ምንጮቻቸውን) ለመያዝ የሚጠቀሙበት እንጂ ከውስጥ(ለምእመኑ ግልጽ የማይደረገው) ያለው አካሄዳቸው፣ መተዳደሪያ ህጋቸው ሁሉ ከአንዲቷ ቤተ ክርስቲያናችን የራቀ ወይም ያፈነገጠ ስለሆነ፡ እኛ ምእመናን የሚያዋጣንን እንያዝ እላለሁ።
ልብ ይስጠን።

selamneh said...

ስለ ገለልተኞች የግል እይታ
ወገኖቼ በዘመናችን ምን ጉድ እንደመጣብን በግልጽ ባይገባኝም፡ እኛ በእድሜ፣ በእውቀትና በልምድም ታናሾች የሆንን ሽቅብ አባቶቻችንን በልምድና በእውቀት ከእኛ የሚበልጡትን የአንዳንድ የዲያስፖራው አብያተ ክርስቲያናት (የኢትዮጵያ ኦርቶዶክስ ተዋህዶ) መሪዎችና አገልጋዮችን ለመታዘብ፣ በስራቸውም ለመሸማቀቅና ለማፈርም በቃን። በማንም ለመፍረድ በመፈለግ ሳይሆን እንዴት ከቤተ ክርስቲያና ችን መንገድ (ስርዓት) ለማስወጣት እየታገሉና መደበኛ ስራቸውን ገንዘብ ስብሰባ ላይና ተገቢ ያልሆነ ክብርን ፍለጋ ላይ በማተኮር የሚከተሏቸውን ምእመናን ከስርዓትና ህግ አክባሪነት መስመር ለማስወጣት እየተሯሯጡ መሆኑ ይታየኛል። የሚገርመው የቤተ ክርስቲያን ትምህርታቸውና ህሊናቸው እያወቀው ተከታዮቻቸው የሆኑትን ስለ ቤተክርስቲያናቸው የጠለቀ ዕውቀት የሌላቸውንና እነርሱን እንደ ሀይማኖት መሪና አስተማሪ በመቁጠር የሚከተሏቸውን የዋህ ምዕመናን፣ የሰንበት ተማሪወችን፣ አገልጋዮች የሆኑ ካህናትን የነርሱ በቤተ ክርስቲያን ስርዓት ላይ ያመጹት አመጽ ትክክል እንደሆነ መስበካቸውና ማስተማራቸው ሲሆን፤ ሌሎች ለምን የቤተ ክርስቲያንን ስርአት ጥሣችሁ የራሳችሁን አስተዳደራዊ መዋቅር ዘረጋችሁ? (ራሳቸውን ገለልተኛ ማድረግ ብቻ ሳይሆን ፡ የገለልተኞች ህብረት የመመስረት ስራ መስራትን ያካተተ) ለምን ቤተ ክርስቲያንን ያክል ነገር እንደ የግል ድርጅት (ሱቅ) በየፈለጋችሁበት ቦታ ትከፍታላችሁ? ሲሏቸው ፡ እኛ አላደረግንም ፣ የጠላቶቻችን ወሬ ነው ወይም የተለያዩ ምክናያታዊ መልሶችን በመስጠት ተከታዮቻቸውን ለማሳመን መቻላቸው ሲሆን። ተቃዋሚወቻቸውን የእረፉ አይነት ማስጠንቀቂያ ለመስጠት መሞከራቸውስ የት ያደርሳቸው ይሆን? እንደዚህ ዓይነቱ አካሄድስ እስከመቼ ይሆን የሚቀጥለው? ለትውልድስ ይህንኑ ስርዓት አልበኝነትን ለማውረስ አስበው ይሆን? ቤተ ክርስቲያኒቷን እንደ በታተኑአት ከስርዓቷ ውጭ ለማስኬድ እንደጀመሩት እንዲቀጥል ፈልገውስ ይሆን? እንደኔ የቤተ ክርስቲያኒቱ ተከታይ ነኝ የሚል ሁሉ ይህን አካሄድ በጥሞና ሊመለከተው የሚገባ ጉዳይ ይመስለኛል።
እነዚሁ በቤተ ክርስቲያኒቱ አገልግሎት የዕድሜ ባለጸጋ የሆኑ አዛውንት አባቶች፣ በመካከለኛ ዕድሜ ውስጥ የሚገኙ ካህናት፣ ወጣቶች ዲያቆናትና ሰባኪያነ ወንጌል፣ ከዚህ ቀደም በተለያዩ የሀገሪቱ(በኢትዮጵያ ) ሀላፊነት ደረጃ የነበሩ ምሁራንና ሌሎችም በተለያየ ምክንያት በሀገራቸው ሊያገኙዓቸው ሲፈልጉ ያላገኙዓቸውን ነጻነት፣ ክብር፣ ስልጣን፣ ገንዘብ እና ሌሎችንም ጥቅማጥቅሞች እዚሁ ያገኙ ስለመሰላቸው ወይም ሊያገኙት ስለሚመኙ፡ ሊጋፉት የማይገባቸውን ትልቁን መሰረት (የቤተ ክርስቲያን ስርዓት) በመጋፋትና በመጣል የልባቸውን ፍላጎት ለማሟላት መጣራቸው ወይም ማግኘታቸው ምን ያክል የህሌና እረፍት ቢሰጣቸው ነው? በትውልድ አልጠየቅም ባይነት ድፍረት መያዛቸውስ? በባለቤቱ በእግዚአብሔር ጥበቃና በቀደምቶቹ አባቶች ተጋድሎ የቆየን አጥር መጣሳቸው ከተማሩት ትምህርትና እናምንበታለን በሚሉት ሀይማኖታቸው ሲመዝኑት እና የነበረን ነገር ለትውልድ ጠብቆ የማስረከብን ግዴታ አለመወጣታቸው ሊፈጥርባቸው የሚችለውን የህሌና ፍርድ ወዴት አስቀምጠውት ይሆን?
እኛስ ምእመናን እስከ መቼው ይሆን ነገሮችን መርምረን ራሳችንን ለትክክለኛው አካሄድ የምናስገዛ?መቼ ነው እንደ ትውልድ መረከብ ያለብንን ትክክለኛ መንገድስ መረከብ ያለብን፣ ጠብቀንስ ለመጪው ለማስረከብ የምንዘጋጀው? እስከ መቼ ይሆን በጣፈጠ አንደበታቸው እውነቱን ሃሰት አድርገው ሲነግሩን መርምረን የምንቀበላቸው? እንደነዱን ከመነዳት ቆም ብለን የምናገናዝበው?
በራሳቸው ፈቃድና አካሄድ ቤተ ክርስቲያን የሚከፍቱትንና ራሳቸውን በገለልተኛ ስም እየጠሩ የራሳቸው ተከታይ የሚሰበስቡትስ ሊያገኙት ያቀዱትን ለኑሮ የሚሆን ገንዘብ፣ በሰው ሃገር መጠጊያ የሚሆን ከለላ ፍለጋ፣ አገር ቤት ያጡትን ክብር የማግኛ መንገድ አድርገውት ይሆናል። እኛ ምእመናን ግን ከየትኛውም ጥቅም ተካፋይ ያልሆንን በነጻነት ትክክል የሆነውን መንገድ መምረጥ የምንችል ሲሆን፤ እነዚህን ግለሰቦችና ቡድኖች አካሄዳችሁ ትክክል አይደለም፣ ከግል ጥቅማችሁ ይልቅ ስለ አንዲት ቅድስት ቤተ ክርስቲያን ስርዓት፣ ጥቅምና በጽኑ እና በቀጥተኛ ትምህርቷ ለትውልድ በአግባቡ እንድትተላለፍ አድርጉ ብለን ለምን ይሆን የማንሞግታቸው? እንቢ ካሉም ራሳችንን አስተካክለን ወደ ትክክለኛዋ ቤታችን ለምን አንሰባሰብም? እንደ ምክንያት የሚነሱትን ጥያቄወች አንስተን መፍትሄ እንዲመጣ ለምን አንጥርም? በትክክል ጉዳዩ ከሚመለከታቸው ጋርስ ተቀራርበን ይበልጥ ለመረዳት ለምን አንጥርም?
እኔ ግን እንደታዘብኩት እነዚህ የግል ቤተ ክርስቲያን ከፋች የሆኑትም ሆነ የገለልተኛ ቤተ ክርስቲያን መሪዎች፣ አስተዳዳሪዎችና ቦርዶች ከውጭ ለምእመናን የሚሰብኩት( የሚናገሩት) በማር የተቀባ ንግግራቸው ምእመናን ተከታዮቻቸውን(የገንዘብ ምንጮቻቸውን) ለመያዝ የሚጠቀሙበት እንጂ ከውስጥ(ለምእመኑ ግልጽ የማይደረገው) ያለው አካሄዳቸው፣ መተዳደሪያ ህጋቸው ሁሉ ከአንዲቷ ቤተ ክርስቲያናችን የራቀ ወይም ያፈነገጠ ስለሆነ፡ እኛ ምእመናን የሚያዋጣንን እንያዝ እላለሁ።
ልብ ይስጠን።

Desa said...

Hoo! bel gobez!!!.Berta!!!!!!!!!!!!!!!!!

Anonymous said...

ድሮስ ቦርድ!!!!!!!!!!!!

Anonymous said...

dear readers, we have to be watchful. Especially those of u who are in diaspora, be very care. cos, u a victims of such idiot deeds. You are helping them and following them while they are dividing Church of Christ. Pls, worship the LORD, do not form schisms and encouraging the devilish clergies. I am sory, but I must say, very few are honest for thier mission. However, most of them (90%????) are selfishes. So select the truth

Anonymous said...

ለመሆኑ የሚባለውን ሁሉ ቤተክርስቲያኒቱን የሚመሩት ፓትርያርክ ሊቀጳጳስ ኤጲስ ቆጶስ ወ ዘ ተ ያያሉ ይሰማሉ? ወይስ ምንም መረጃ (information)የላቸውም መቸም ህሊና ያለው ሰው ይህ ሁሉ ጥፋት ሲፈጸም አይቶ ዝም አይልም መፍትሔው እኮ በጎ ህሊና ላለው ሰው ክርስቲያን ለሆነ ሰው በጣም ቀላል ነው እርቅቅቅቅቅቅቅቅ ፍቅርርርርርርርር ምነው አእምሯችሁ ታወረ እባካችሁ እራሳችሁን ለእርቅ አዘጋጁ እናንተ ብትታረቁ ቤተክርስቲያኗ ሰላም ታገኛለች አሁን ሁላችንም ማለት ያለብን አባቶች እንዲታረቁና ቤተክርስቲያንን በፍቅር እንዲመሩ ነው በተረፈ ግን ምንም ተባለ ምንም ይህ ስህተት አሁንም ይቀጥላል ወደፊት ማስቆም አይቻልምምምምም ነው የምለው አመሰግናለሁ

Anonymous said...

Dn Tesfaye teaches us at DSK Mariam that it is possible to 'open' a Church without a blessing of an Arc Bishop. He is the one who teaches us to be watchful to not be deceived by any one.

Anonymous said...

Dear Brothers....! Do u think U do the writ thing in our Sunday School??? Before U tried to create some confession between "Memenane" by distributed the flairs...but u couldn't get what u want because "Memenane" they knows every thing before u...again by change ur face and ur way u back to cerat or make "Rebesha" in our sunday school...Yes??? but let me tell u something...do not west ur time we know who u are and we know what do u want. Back off we don't need u also u cant tell us who is D.Tesfay. He is better than u if u have a true heart just talk to him face to face. Stope bother our sunday school ok???. Tx

Anonymous said...

በእውነቱ ከየት እንደምጀምር ባላውቅም በቅርብ ጊዜ በተለይም በአሁኑ ሰአት "መንፈሳዊ ነን፤ ለቤተክርስቲያነ እንቆረራለን" በሚል የሀሰት ካባ የተደበቁ "መንፈሳይ" ሰዎች እያደረጉት ያለው የመናፍቃን አይነት ስራ ግራ እንዲገባኝ እና እነዚህ ሰዎች እነ ማን ናቸው? አላማቸውስ ምንድን ነው? እንድል አድርጕኛል። በርግጥ ይሄንን ዒመንፈሳዊ የሆነውን ድርጊት እንኳንስ ቤ/ክርስቲያንን እናውቃታለን እንቆረቆርላታለን እያሉ ብዙ ከሚደሰኩሩልን ወንድሞቻችን ይቅርና መናፍቃንም ያልደፈሩትን ድርጊት በእናንተ ተፈጽሞ በማየቴ እጅግ በጣም አዝኛለሁ ተደንቄማለሁ፤ እንዲህ ነው መንፈሳዊነት? ይሄንን ነው ቤ/ክን ያስተማረችን? አድመኝነትን፤አለመታመንን፤በወንድም ላይ ክፉ ሀሳብን? መተማማትን? አንዱ የአንዱ ሰላይና ጀሮ ጠቢ መሆንን? እ እስኪ መልሱልኝ ልጠይቃችሁ ;;; ለምን ይሆን በቤ/ክኗ ውስጥ የበተናችሁት ወረቀት ያሰባችሁትንና የተመኛችሁትን አመጽ ሊያመጣላችሁ ባለመቻሉ ወደ ሰንበት ት/ቤቱ ዞራችሁ አይደል? ወረቀት ለማስበተን ወንድሞችን መጠቀሚያ እንዳደረጋችኌቸው ሁሉ አሁንም ኢሜላችንን ለማግኘትና ክፉና የማያንጽ ተራ የሆነ ነገራችሁኑ ለመንዛት ተጠቀማችኁባችው አይደል? ለእነሱም ቢሆን ለአመናቸው የክርስቶስ ማህበር አልታመኑም እና ለህሊናቸው ልተዋቸው(ህሊና ካላቸው)ለእናንም ቢሆን;;;ማንነታችሁን ፤ ምን እንደምትፈልጉ ጠንቅቀን እናውቃለን "እባብ ለእባብ ይተያያል ,,," ነው አይደል የሚሉት አበው ሲተርቱ? የሚያሳዝነው ግን መጽሀፍም ሆነ ቤ/ክን እንደምታዝ የጸሎትና የፍቅር ተምሳሌት በመሆን አርአያ ትሆኑናላችሁ ብለን ስንጠብቅ "እውነት ንጋት እያደር ይጠራል "እንዲሉ የሚባለው ሁሉ እውነታውን ስታስረግጡ እናንተ ግን የአመጽ ስዎች ሆናችሁ ተገኛችሁ ያሳፍራል። እባካችኁ ብትችሉና እውነቱ እውነትን ፈላጊዎች ከሆናችሁ ለምን ስህተት ሰሩ የተባሉትንም ሆነ የጥፋታቸው ተባባሪ ሆነ እያላችሁ ወንድማችሁን ከምታሙትና እናንተ የጠላችሁት ላይበቃ ቅቤ/ክን የሰጠችንን የወንጌል መምህራችንን እንድንጠላና እንድናምጽበት ከምትመክሩን ይልቅ አባቶች እንደ ትላንትናው ሁሉ ዛሬም በራቸው ለእናን ክፍት ነው እናም ቅረቡና እ ውነቱን ተረዱ። ሰባኪውም ቢሆን እኮ በድብቅ ሳይሆን ያመነበትን በአደባባይ መሰለኝ የተናገረው አይደል? ታዲያ እናንተስ እውነተኞች ከሆናችሁ ተንኰልን ከመጎንጎን ይልቅ ቀርባችሁ ለምን አታናግሩትም? እኛ በሰ/ት/ቤ/ት የምንሰበሰበው ወንጌልን ልንማር እንጅ ለአመጽ ስለአይደለ አትረብሱን ጊዜአችሁን አታባክኑ አባቶችም ሆኑ ዎንድሞች ሰላም እና አንድነት በፍቅር እንደሚመጣ ዕንጅ በአመጽ መሆኑን ሰብከውልንም ሆነ አስተምረውን ስለማያውቈ ይሄንን ክፉ ወሬያችሁን ይዛችሁ ባላችሁበት ሁኑ። ጽሁፌ የሚያስከፋ ከሆነ ከወዲሁ ይቅርታ እጠይቃለሁ ማለት ስላለብኝ ግን የተሰማኝን ብያለሁ። አምላከ ቅዱሳን ለሁላችንም ቀና እና አስተዋይ ልቦናን ያድለን ለዚህም የእመብርሀን አማላጅነት አይለየን አሜን!

Anonymous said...

ጠባቂ የሌለው መንጋ እንደፈለገው ይሄዳል

ነገሩ የጠፋው ከቤተክህነት ነው፡፡ ከላይ ያለው ቢስተካከል ሥርዓትን ማን ይሽር ነበር ..ነገር ግን ሁሉም እንደሚመቸው ነው ለራሱ እሚሄደው ስለዚ እነሱም በተማሩ ወይም ባይቱ መንገድ ሄዱ.....
ልቦና ይስጠን ... እግዚአብሔር ሁሉን ያስተካክል እንጂ ምን ማድረግ ይቻላል

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)