May 3, 2010

አባቶችን የማስታረቅ ሌላ ጥረት ተጀምሯል

(ደጀ ሰላም፤ ሜይ 2/2010)፦ በስደት ከኢትዮጵያ ወጥተው በአሜሪካ እና በሌሎች አገሮች የሚገኙትን አባቶች እና ቅዱስ ፓትርያርኩን ለማስታረቅ ሙከራ እየተደረገ መሆኑ ታወቀ።


በመንግሥት ለውጥ እና በአምስተኛው ፓትርያርክ በብፁዕ ወቅዱስ አቡነ ጳውሎስ ሲመት ማግስት በተፈጠረው መከፋፈል ከቅዱስ ሲኖዶስ ተለይተው በተለምዶ “ስደተኛ ሲኖዶስ” በሚል ስብስብ የሚታወቁትን አባቶች በማስታረቅ ወደ ቀደመ አገልግሎታቸው እንዲመለሱ የማድረግ ዓላማን ያነገበ  ስብስብ መልእክተኞቹን ወደ አዲስ አበባ እና ወደ አሜሪካ ማሠማራቱ ታውቋል።

ከብፁዕ አቡነ ዜና ማርቆስ አረፍተ-ሞት በኋላ የአንድነቱ ስሜት በመንቀሳቀሱ የተለያዩ ውይይቶች ሲደረጉ እንደነበረ የደጀ ሰላም ሪፖርተሮች ያረጋገጡ ሲሆን ስብስቡ በተለምዶ “ገለልተኛ” የሚባለውን እንዲሁም ከዚያ ውጪ ያሉትንና “ስደተኛ” በሚባሉ አብያተ ክርስቲያናት ሥር የሚያገለግሉ ካህናትንም ያቀፈ መሆኑ ታውቋል። ይኸው ስብስብ ለግንቦቱ የርክበ ካህናት የቅዱስ ሲኖዶስ ስብሰባ እንዲያስረዱ ልዑካኑን የላከ ሲሆን ባለፈው ሐሙስ ጉዳዩን ለአባቶች ማቅረባቸው ተሰምቷል።
ከአሜሪካ ወደ አዲስ አበባ የሄደው ልዑክ አባላት ሊቀ ካህናት ኃ/ሥላሴ ዓለማየሁ (ከዴንቨር)፣ መላከ መንክራት ቀሲስ አንዱዓለም ይርዳው (ከፖርትላንድ) እና ዲ/ን አንዱዓለም ዳግማዊ (ከካናዳ) እንዲሁም ፕ/ር ኤፍሬም ይስሐቅ (ከአሜሪካ) ሲሆኑ ከኢትዮጵያ ደግሞ አትሌት ኃይሌ ገ/ሥላሴ እንዳሉበት ለማወቅ ተችሏል።
በተመሳሳይ መልኩም ሌላ የልዑካን ቡድን ወደ አሜሪካ በተለምዶ “ስደተኛ ሲኖዶስ” ወደሚባለው ክፍል እንደተላከ ታውቋል።
ቸር ወሬ ያሰማን፣
አሜን

16 comments:

Anonymous said...

fsamewn yasamrlin

Anonymous said...

ለእግዚአብሄር የሚሳነው ነገር የለም. ሁላችንም ለቤተክርስትያናችን አንድነት እንጸልይ, አባቶቻችንም ልባቸው አራርቶ አንድ እንዲያደርገን የበኩላችንም እንወጣ. የምናውቃቸውን እንለምን. እነሱ የበኩላቸውን እንዲወጡ እኛም የበኩላችን እንወጣ.
ቸር ውሬ ያሰማን.

soresa said...

እንግዲህ አሁን በእኛ ዘመን ላይ በተለያየ ምክንያት መንበራቸውን እና ሀገረ ስብከታቸውን በመልቀቅ በተለያየ ዓለማት በስደት ላይ የሚገኙ አባቶች የቀደሙትን አባቶችቻችን ትዕግስት እና ጽናት ማየት ነበረባቸው። አሁንም ቢሆን ለእኔ ግዜው የዘገየ አይመስለኝም። ከሁለቱም ወገን በቤ/ክ ታሪክ የሚወሳ እና ምናልባትም የሚቀጥለው ቤ/ክኒቱን የሚረከበው ትውልድ የሚያወግዘው ሥህተት ተፈፅሞዋል። እኛም የተፈፀማው ጥፋት እንደ ጥፋትነቱ ብቻ ተቀብለነው መሄድ ያለብን አይመስለኝም። እውነተኞች የተዋህዶ ልጆች ከጸሎት በተጨማሪ በጉዳዩ ላይ ውይይት መጀመር አለባቸው የሚል አቋም አለኝ። እነዚህ ችግሩን የፈጠሩት አባቶች በህይወት እያሉ ካልተፈታ ቀጣዩ ቤተ ክርስቲያኒቱን ተረካቢ እንዴት ይፈታዋል? ይህ ጥያቄ እያንዳንዳችን የተዋህዶ ልጆች በያለንበት እያነሳን መወያየት ያለብኝ ይመስለኛል። እነዚህ አባቶች በህወት እያሉ ቤተ ክርስቲያንን ይቅርታ መጠየቅ ካልቻሉ ለሚቀጥለው ትውልድ ችግሩን ለመፍታት በጣም የሚቸገር ይመስለኛል። ይቅርታ መጠየቅ አለባቸው የምለው ቅድስት ቤተ ክርስቲያንን እንጂ አባ ጳውሎስን አይደለም። ከአባ ጳውሎስ ጋር መታረቅ ባይችሉ እንኳ ጥፋታቸውን አምነው ቤተ ክርስቲያን ይቅርታ ከጠየቁ የሚቀጥለው ትውልድ ችግሩን ለመፍታት አይቸገርም። ነገር ግን በጥፋት ላይ ሌላ ጥፋት እንዳይመጣ እሰጋለሁ፤ ቤተ ክርስቲያንን ይቅርታ ሳይጠይቁ ካለፉስ “ምን ይከተል ይሆን”? እንግዲህ ዕድሜ ይስጠንና የምናየው ይሆናል።
ይቅርታው እንዳይማጣ እንቅፋት የሚሆኑ ነገሮች አሉ። ከነዚህም መሀከል፦
፩. ፖለቲከኞች
በዚሁ በደጀ ሰላም ላይ “የኢትዮጵያ ቤተ ክርስቲን እና ኮሚኒስቱ ትውልድ” በሚል ጽሑፍ አቀቤ ነበር። እንግዲህ በሀገር ቤትም ሆነ በዲያስጵራው ዓለም ቅሪተ ኮሚኒቱ ትውልድ ቤተ ክርስቲያናችንን እያመሱ ይገኛሉ። ለዚህ ሁሉ ትርምስምስ በተጠያቂነት እናስቀምጥ ቢባል የኮሚኒስቱ ዕርዮተ ዓለም ተከታይ የነበረው ትውልድ የአንበሳውን ደርሻ ይዛል። አሁንም በሀገር ቤትም እዚህም ሀገር ላይ የዋሃኑ አባቶቻችን መጠቀሚያ እየሆኑ ናችው። በተለያዩ ምክንያት አባቶችን በቅርበት የሚያገኙዋቸው እና የሚያዙዋቸውም ይኸው ቅሪተ ኮሚኒስቶች ናቸው። እነዚህ ፖለቲከኞች አባቶች ቤተ ክርስቲያንን ይቅርታ እንዳይጠይቁ ከፍተኛ ተጽኖ ያሳድራሉ የሚል ፍራቻ አለኝ።
፪. ተሐድሶ መናፍቃን
እንደሚታወቀው ኢትዮጵያ ውስጥ ምንፍቅና ትምህርት እያስተማሩ በሙሉ መረጃ ተይዘው ቤተ ክርስቲያን ቀኖና ሰጥታቸው ቀኖናቸውን ሳይጨርሱ፤ ሀገረ አሜሪካ ገነትን “ስደተኛው ሲኖዶስ” ደግሞ ጥላ ከለላ አድርገው እየተንቀሳቀሱ የሚገኙ የተሐድሶ መናፍቃን መኖራቸው የአደባባይ ሚስጥር ነው። አባቶች በይቅርታ ወደ ቤተ ክርስቲያን ከመጡ ዓላማቸው የሚያስፈጽሙበት ቦታ ላያገኙ ስለሚችል ይቀርታው እንዳይመጣ የራሳቸው ጥረት ያደርጋሉ። በትንሹ እንኳ ብናይ “በስደተኛው ሲኖዶስ” እንመራለን ከሚሉት አጥቢያ ቤተ ክርስቲያናት መሀከል በኦርጋን መዘመር የሚቀበሉት እነዚህ የተሀድሶ መናፍቃን የሚገኙበት አጥቢያዎች ብቻ ናቸው። እነሱ በሌሉበት አጥቢያ ግን በኦርጋን አይዘመርም። ስለዚህ ድብቅና እንዲሁም አንዳንዱን በይፋ ያወጡት ዓላማቸውን ለማስፈጸም ሲሉ የሚችሉት ሁሉ ሲያደርጉ እያየናቸው ነው።
፫. የእኛው ዘመን ካንሰር ዘረኝነት /ዘመነ መሳፍንታዊ አስተሳሰብ
ከችግሩ መንስኤነት ጀምጆሮ እስከ ፍፃሜው ድረስ የአጥንት ቆጠራ ወይም ዘረኘቱ የራሱ የሆነ አስተዋፆ ነበረው። አሁንም ቢሆን አባቶች ወደ ልቦናቸው እስካልተመለሱ ድረስ ይህን የዘመነ መሳፍንታዊ አስተሳሰብ በአንዳንዶች ልብ አሁንም የጠፋ አይመስለኝም። ይህ አስተሳሰብ የሚያራግቡ ከጎናቸው ስላሉ ወደ ይቅርታው እንዳይመጣ የራሱ አስተዋፆ አለው የሚል ግምት አለኝ።
Qedamawi

Anonymous said...

This is good news.It will not be easy,but what is impossible to man is possible to GOD. All of us have a share in our capacity in this process-prayer,ideas,money,etc...
a.Prayer:Prayer is a powerful tool to get mercy from the Almighty GOD,and get positive aspirations fulfiled.All this mess/disunity in our church happened because of our sin,and hence we need mercy from the merciful GOD and this is possible in prayer.
b.Ideas: We all need to forward constructive ideas to the shuttling mediators as the problem affects us all in our religious journey. In christianity there is no other way of solving differences and problems except peaceful means.
c.Money:This process demands a relentless effort and shuttling between Ethiopia and America.Thus, the financial cost will not be easy.All of us who want to see this disagreement among our fathers get resolved and our church carry out its apostlic mission in peace and love should also be ready to support the move financially.
I hope this effort of bringing up unity and peace to our church will not be a one time try only.
May the benevolent GOD help you in your mission.

Anonymous said...

To Soresa:This approach of yours is deadly wrong.DO NOT BLAME ONE SIDE ONL!The cause of this mess is not only fathers here, fathers in there are also equally responssible.In fact,they are more responsible.Even now when Ethiopia's land is given to Arabs which has grave quensequences in the future to our church,Ethiopia's soveirgnity is given away in the Western part of the country,christians are slaughtered at the hands of extremists,churches burnt,on and so on..., our fathers did not say anything.Why not they die for their church and truth? So Soresa tell the truth,you can not hide from GOD who see us all.I did not say fathers here did not make mistakes. What they did is absolutely wrong,but when you criticiz,do it justly and to all.

Love God said...

what is impossible to God!! This is good and nice news for all Orthodox Christians.
May the Grace of our lord be with us!!

Anonymous said...

ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ ፀልዩ እባካችሁ!!!!

Anonymous said...

ብዙ ለውጥ የሚያመጣ አይመስለኝም፡፡ አሁን ቢታረቁ ብለን በልባችን ብዙ በጎ ተስፋ እንሰንቃለን ያችንም ቀን በመናፈቅ እንኖራለን ነገር ግን ታርቀው ከተስማሙ በኋላ ሌላ አለመግባባት ይፈጠርና በታረቁ ብለን ተስፋ እንዳላደረግን አጉል ነገር ተፈጥሮ ምነው ባልታረቁ ኖሮ በልባችን ያለችውንም ጥቂት ተስፋ አጨለሙብን ብለን ልናዝን እንችላለን እንደኔ እንደኔ መታረቅ የስነስርዐት ጉዳይ አይደለም ሁላቸውም ልባቸውን በማቅናት ለበጎ ነገር ቢዘጋጁ ይሻላል ብቻ ፍርሐት ፍርሐት ብሎኛል

Anonymous said...

ለእግዚአብሄር የሚሳነው ነገር የለም!!!!
ቸር ውሬ ያሰማን!!!

Anonymous said...

ሶሬሳ: አንተ በምትሄድበት መንገድ ሰላም የለም። ገና ሳይጀመር አንዱን ወገን ጥፋተኛ ካደረክ ሽምግልናው ምንድን ነው ጥቅሙ? "ከሳሽ የተከሳሽን መልስ ቢያውቅ ኖሮ ክስ ባልነበር" ይባላል። ስለዚህ አንተና እኔ በፀሎትና መልካም በመመኘት አልፎም እንደ አቅማችን ርዳታ በመለገስ ነው።
እኔ አንተ እንዳደረከው አንደኛውን ወገን መውቀስ አልፈልግም ብዬ አላምንም። ምክንያቱም ከጥቅሙ ጉዳቱ ያመዝናልና ነው። ስለዚህ ነገሩ በሰላም እንዲያልቅ የሰላምና የፍቅር አምላክ እንዲረዳን እንፀልይ።

Belay said...

በእውነቱ ለአንድነት የተባረክን ትውልድ አይደለንም ብል ማጋነን አይሆንብኝም… ነገር ግን እስመ አልቦ ነገር ዘይሳአኖ ለእግዚአብሔር… ብለን ውጤቱ መልካም እንዲሆን እግዚአብሔር ይርዳን!!!

Anonymous said...

መቼም ሰይጣናት በጣም ደንግጠዋል ይህንን ሀሳብ ሲሰሙ። ሰላም? ሆ ሆ ይሄ አይስማማቸውም። በነገራችን ላይ የክፍፍሉ ተጠቃዎች የሆኑ ቡድኖች ስላሉ ሲይጣን እጅጉን ሲጠቀምባቸው ታስተውላላችሁ። ጊዜው ደርሶ ከሆነ የእግዚአብሔር ክንድ ግን እጅግ የበረታ ነው። የሰዎች ሳይሆን የእግዚአብሔር መንፈስ ቅዱስ ስራ ያድርግልን።

bizu said...

የአግዚአብሔር ስራ ድንቅ ነው፡፡ ለቤተክርስቲያናችን አንድነት ተግተን መፀለይ አለብን፡፡

bizu said...

የአግዚአብሔር ስራ ድንቅ ነው፡፡ ለቤተክርስቲያናችን አንድነት ተግተን መፀለይ አለብን፡፡

Rodas said...

Egziabher Yemisanew Neger yelem.
When do you think we'll see the day where Ethiopia wont be an example of the worst case senario when it come to everything?
"ya me niether"

mebrud said...

ይህን የሰላም ዜና እንድንሰማ የፈቀደልን የአባቶቻችን አምላክ ክብሩ ይስፋ፡፡

ለእግዚአብሔር የሥራ ጊዜው ነው፡፡
ለኛ ደግሞ የጸሎት(ለተዋህዶ ልጆች)፡፡
ለሚታረቁት የንስሐና የጸጸት፡፡
ለሚያስታርቁም የበረከት(ብጹዓን ናችሁ)፡፡
ለጠላትም የፍርሃት(ለፖለቲከኞች፣ለተሀድሶዎች፡ለሀሰት ወንድሞች)፡፡

ለቤተክርስቲያንም የሀሴት(ተፈስሒ ኦ ቤተክርስቲያን)

ተንስዖ ለጸሎት

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)