May 6, 2010

“ነገር በምሳሌ፣ ጠጅ በብርሌ” እንዲሉ እነሆ ጥሩ ምሳሌና ጥሩ መልእክት

(ደጀ ሰላም፤ ሜይ 5/2010)፦ ይህንን አጭር ምሳሌና ማብራሪያ ያገኘነው ከአቶ መስፍን አግዴ የፌስቡክ ገጽ ላይ ነው። መልእክቱ ግሩም ሆኖ ስላገኘነው ለደጀ ሰላማውያን ለማካፈል ወደድን። በግራም በቀኝም ለምንሰማቸው የቤተ ክርስቲያናችን ችግሮች፣ መፍትሔውን ከሌላ ወገን ለምንጠብቅ ዳተኞች ጥሩ አስተማሪ ሆኖ አግኝተነዋል።
---------------------------
ጌታ ለአራት ሰዎች ቤቱን እንዲያፀዱለትና እንዲጠብቁለት ነገራቸው። እነዚህ ሰዎች ሁሉምሰው፣ አንድሰው፣ የሆነሰው እና ምንምሰው ይባላሉ። ታዲያ “ሁሉምሰው” አንዲህ ሲል አሰበ። “የሆነሰው ሊያፀዳው ይችላል። እኔ ግዴለም ወደ ሥራዬ ልሒድ” ብሎ ወደራሱ ጉዳይ ሄደ። “የሆነሰው”ም በበኩሉ “በርግጠኝነት አቶ አንድሰው ይሰራዋል” በማለት ሳያፀዳው ቀረ። አቶ አንድሰው ግን “አቶ ምንምሰው ቢሰራው ይሻላል” በማለት እሱም እንደሌሎቹ ወደራሱ ሥራ ሄደ። ምንምሰው ግን በሀገሩ ስላልነበር ቤቱ ሳይፀዳ ቀረ። ጌታ ሲመለስ ቤቱ ሳይፀዳ ሲያገኝ በማን እንዲፈርድ ታስባላችሁ?


ምእመኑ ካህናቱ፣ ካህናቱ ጳጳሳቱ፣ ጳጳሳቱ መልሰው ሕዝቡ ይህን ነገር እንዲያስተካክሉ የሚጠብቁና የሚወቅሱ ከሆነ ሁላችንም ከጌታ ቁጣ እንድን ይሆንን? ቤተ ክርስቲያን የሁሉም ክርስቲያኖች ቤት ናት። ላንዱ ቤቱ ለሌላው የጎረቤቱ ቤት አይደለችም። በቤታችን ከቤተሰቡ አባል አንዱ ተነስቶ የቤቱን ሥርዓት ቢያበላሽ ዝም እንዳንል የታወቀ ነው። ነገር ግን በዘላለም ቤታችን ጉዳይ ሁልጊዜ ሌላው እንዲናገር ፣ሌላው እንዲሰራ እናስባለን ወይም እናወራለን። ግን እስከመቼ? ፍፃሜ የሌለው እንዳይሆን ያሰጋል። እርግጥ ነው አንዳንዶቻችን ምን አልባት አጠፉ የምንላቸውን ለመክሰስ ዶሴያችንን አያዘጋጀን ይሆናል። ግን እኛስ ይህን ለማስተካከል ምን አድርገናል?
ወይስ አንደ “ሁሉምሰው” “የሆነሰው” እንዲሰራው እያሰብን ይሆን?

6 comments:

Anonymous said...

I like this

Anonymous said...

Thanks a good view! Let's all do our responsibility.

Anonymous said...

ማኅበረ ቅዱሳንን በየትኛው ሰው ይመስሉታል ?

እስኪ አስተያየቶትን ጣል አድርገው ይለፉ ክቡር ጸሐፊው

Anonymous said...

@ anonymous,

ነገርን ነገር ያነሳዋል እንዲሉ መጀመሪያ የእርሶን ቢናገሩ ደግ ነበር የሰው ስንጎረጉር እንዳይሆንብን ማቅን እዚህ ምን አነሳው?

ግን ቢሆንም መቼም ለአገልግሎት ሲቆም እንጂ ከአገልግሎት ሲሸሽ አይተንም ሰምተንም አናውቅም

እግዚአብሔር ያስበን

Anonymous said...

The idea is good but , who is going to do it? or start it?

Anonymous said...

mahibere kidusan ke 3tum yelebetim yeminagerew end gilseb sayhon end maheberu new. ene eskemawukewuna eskayehut dires yi ye egele new bilo sayisera yekerew neger yelem. degimo Egzibiher bezemenachin betkirsitiyanin enditadegu yemeseretew mahiber silhone yeminagerutina yemiserut tesmamtolachew le bizuwochachin misale honwal. Egziabiher yitebikachew yebelete endiseru Tsegawun yabizalachew engam yedar temlkachoch kenesu temiren wed tegibar binhed tiru new elalehu

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)