May 27, 2010

ቤተ ክርስቲያን የሚባርከው (“የሚከፍተው”) ማን ነው? ሥልጣኑስ የማን ነው?

(ደጀ ሰላም፤ ሜይ 27/2010)፦ ከዚህ መግቢያ ቀጥሎ የምናስነብባችሁ ይህ ጽሑፍ የአንዱ ደጀ ሰላማዊ የገብር ሔር ዘመ/መንግሥት ሲሆን በአስፈላጊው ጊዜ ስለደረሰን አምላካችንን እያመሰገንን ልናስነብባችሁ ወደድን። ጽሑፉ በተለይም በዳያስጶራ ያለችውን ቤተ ክርስቲያን ሁኔታ ይመለከታል። በዳያስጶራው የኢትዮጵያ ቤተ ክርስቲያን እየተስፋፋች ቢሆንም የመስፋፋቷ ምክንያት ሥርዓትና ሕጓን በጠበቀ መልኩ ሳይሆን አንዳንዴም ፈር በለቀቀና ኢ-ኦርቶዶክሳዊ በሆነ መንገድ መሆኑን ያጠይቃል። ይህ ችግር ካለፉት ጥቂት ዓመታት ወዲህ በመጠኑ ጋብ ያለ፣ ቤተ ክርስቲያን በተለይም በአገረ አሜሪካ 3 ሊቃነ ጳጳሳትን ከሾመች ወዲህ መስመር እየያዘ የመጣ ቢመስልም ነገሩ አሁንም እንዳያገረሽ የሚያሰጋ እንደሆነ ፍንጮች እየታዩ ነው። ያለ ጳጳስ ፈቃድ “ራሳቸውን ጳጳስ ያደረጉ” ሰዎች አብያተ ክርስቲያናትን “ባረክን፣ ከፈትን” ሲሉ፣ ሕዝቡንም ስተው ሲያስቱ እያየን እየሰማን ነው። እኛም በበኩላችን "ኧረ እንዴት ነው ነገሩ?" ለማለት ወደድን። የአዲስ ነገር ጋዜጣ ብዕረኛ መስፍን ነጋሽ “ልብ አይሰደድም፣ ሕልም አይነጠቅም” እንዳለው ሳይሆን ከአገራችን ስንሰደድ ጊዜ “ልባችንም፣ ሃይማኖታችንም፣ ሥርዓታችንም፣ ጨዋነታችንም እኛን ጥሎ ተሰደደ” እንዴ? በሌላ ጽሑፍ በሰፊው ልንመለስበት ቀጠሮ ይዘን ወደዚህ ጽሑፍ እንግባ። መልካም ንባብ።
ቸር ወሬ ያሰማን፤ አሜን።

“አባቶችህ የሠሩትን የቀድሞውን ድንበር አታፍርስ” (ምሳሌ 22፤28) (ገብር ሔር ዘመ/መንግሥት):- የኢትዮጵያ ኦርቶዶክስ ተዋሕዶ ቤተ ክርስቲያን ጥንታዊትና ሐዋርያዊት የሆነችው በመንፈስ ቅዱስ የተቃኙ ቀደምት አበው በደነገጉት ሕግና ሥርዓት የምትመራ መሆኑ አይደለም። በልጀችዋ በሌሎችም ዘንድ ሳይቀር የታወቀ የተመሠከረ ነው፡፡ “ሁሉ በአግባቡና በሥርዓት ይሁን”እንደተባለው ለእያንዳንዱ ድርጊት ቤተ ክርስቲያን በቃል ብቻ ያለ ሳይሆን በፊደል የተቀረጸ ህግና ስርዓት አላት ከላይ ከቅዱስ ሲኖዶስ አባላት ጀምሮ አስከ ዐጻዌ ኆኅት(የቤተ ክርስቲያንን በር እሰከሚከፍተው) ድረስ ያሉ የቤተ ክርስቲያን አገልጋዮች እንዲሁም የቤተ ክርስቲያን ከዋክብት የሆኑት ምዕመናን ሁሉም በየድርሻው የሚፈጽመው በአግባቡ ተለይቶ ተቀምጡዋል ከሥርዓተ ቅዳሴ ጀምሮ ይበል ካህን በማለት የካህናትን ድርሻ ይበል ዲያቆን ብሎ የዲያቆኑን ድርሻ ይበል ሕዝብ በማለት የምእመናንን ድርሻ ያስቀምጣል።

ዓላማዬ ባሕረ ጥበባት ስለሆነችው የኢትዮጵያ ኦርቶዶክስ ተዋሕዶ ቤተ ክርስቲያን ህግና ሥርዓት በዚህ አጭር ጽሁፍ ለማተት አይደለም። ልሞክር ብልም የባሕርን ውኃ በጭልፋ ቀድቶ በአንዲት ትንሽ ጉድጓድ ለማከማቸት እንደመሞከር ያህል ይቆጠርብኛል። ዳሩ ግን የዘመን ፍጻሜ በደረሰብን በእኛ ዘመን ቀኖና ቤተ ክርስቲያን በማን አለብኝነት እየተጣሰ፣ ሕጉን ጠብቀው እንዲያስጠብቁ የተሾሙት ሕግ-ጣሽ፣ ሥርዓት ደምሳሽ ሆነው ያሉበት፣ የቤተ ክርስቲያን ፈርጥ መሆን የሚገባቸው ምዕመናን ቤተ ክርስቲያንን ለግል ዝናና ጥቅም መጠቀሚያ ለማድረግ ደፋ ቀና ለሚሉት ምንደኞች የኋላ ደጀን በመሆን በማወቅም ባለማወቅም ቤተ ክርስቲያንን በማፍረስ ተልእኮ ላይ ሁሉም ተባብሮ ያለበት ጊዜ ሆኖ ስለተሰማኝ ከስሜታዊነት የመነጨ ሀሳብ ነው እንደማትሉ ተስፋ አደርጋለሁ፡፡ ብዙ ጆሮን ጭው የሚያደርጉ ድርጊቶች በዙሪያችን እየተፈጸሙ መሆናቸውን ያልተገነዘበ ቢኖር የኅሊና ደጁን ምንም እንዳያስተውል የዘጋ፣ ቤተ ክርስቲያን የፈለገችውን ብትሆን የማይገደው፣ ለቤተ ክርስቲያን ምንም ተቆርቋሪነት የሌለው ብቻ ነው እላለሁ፡፡

በሰሜን አሜሪካ በኢትዮጵያ ኦርቶዶክስ ተዋሕዶ ቤተ ክርስቲያን ስም የተከፈቱ በቁጥር ይህን ያህል ናቸው ብሎ ለመናገር ሥራዬ ብሎ የአብያተ ክርስቲያናቱን ብዛት ያጠና ባለመኖሩ፣ ካለም መረጃው ስላልደረሰኝ አሐዛቸውን በትክክል መናገር ባልችልም ቁጥራቸው ግን ከጊዜ ጊዜ እየጨመረ ለመሆኑ ከመረጃ መረብ የምናገኛው ሀቅ ነው፡፡

የሂስ ብዕሬን እንዳነሳ ያደረገኝ የአብያተ ክርስቲያናቱ ቁጥር ከዕለት ወደ ዕለት እየጨመረ መምጣቱ ሳይሆን የአመሰራረቱ ወይም የአተካከሉ ጉዳይ ነው፡፡ ሁላችንም አንድ ዓይነት ግንዛቤ ኖሮን የሚተቸውን እንድንተች፣ የሚነቀፈውን እንድንነቅፍ፣ ሥርዓተ ቤተ ክርስቲያንን በመጣሱ የሚወገዝም ካለ እንዳንተባበረው ሕብረታችን ከቤተ ክርስቲያን ጋር እንዲሆን በመንፈስ ቅዱስ የተቃኙት እኛና መንፈስ ቅዱስ ይህን ወስነናል በማለት ውሳኔያቸው ፈቃደ ሥጋን መሠረት ያደረገ ሳይሆን በመንፈስ ቅዱስ መሪነት የተወሰነ መሆኑን በመግለጽ ቀኖና ቤተ ክርስቲያንን በቃል ብቻ ሳይሆን በጽሑፍ ጭምር የተዉልን የአባቶቻችን ውሳኔ ምን እንደሆነ መነጋገር አስፈላጊ መሆኑን አመንኩበት። ያላወቁ አለቁ እንዲሉ አበው ባለማወቅ ወይም በግዴለሽነት ብዙዎች የጥቅመኞች ሰለባ እየሆኑ ነውና፡፡ የሠራዊት ጌታ እግዚአብሄርም እንዳለ “ሕዝቤ ካለማወቅ የተነሳ ጠፍቷልና” እንዳለ።
ቤተ ክርስቲያን ለምን ይተከላል?
“ቤትየሰ ቤተ ጸሎት ትሰመይ” እንዲል ቤተ ክርስቲያን የዋዛ፣ የፈዛዛ፣ የሳቅ፣ የጨዋታ፣ የመብል የመጠጥ ቤት አይደለችም። ስለሆነም ለማሕበራዊ ግንኙነት፣ ሥጋዊ ጥቅምን ለማካበት፣ ለፖለቲካ መድረክነት ለማዋል ታስቦ የሚተከል አይደለም፡፡ “ይህ ሥፍራ እንዴት ያስፈራ፣ ይህ ስፍራ የእግዚአብሄር ቤት ነው እንጂ ሌላ አይደለም ይህም የሰማይ ደጅ ነው” (ዘፍ.22፤17) ተብሎ መነገሩን እናስተውል፡፡ ጌታም በዘመነ ሥጋዌው በመቅደስ ውስጥ ሲሸቅጡ የነበሩትን መገሰጹን ለሸቀጥነት ቀርበው የነበሩትንም የሚገለበጡትን እንደገለበጠ፣ የሚባረሩትንም በጅራፍ እየገረፈ እንዳባረረ ልብ ይሏል (ማቴ.21፤12-13)፡፡

ስለዚህ ቤተ ክርስቲያን ክርስቲያኖች አምልኮታቸውን የሚፈጽሙባት የሚቀድሱበት የሚያስቀድሱበት ሥጋወደሙን የሚያቀብሉበት የሚቀበሉበት የአምልኮ ቦታ በመሆኗ ክርስቲያኖች እስካሉ ድረስ ቤተ ክርስቲያን መተከሉ አይቀሬ ነው፡፡ ቤተ ክርስቲያን ስንዱ እመቤት እንደመሆንዋ ለሁሉ ነገር የተዘጋጀ ሥርዓትና ደንብ አላት፡፡ ስለሆነም ቤተ ክርስቲያን እንዴት እንደሚተከል በመንፈስ ቅዱስ የተቃኙ አባቶች የወሰኑት ውሳኔ የደነገጉት ድንጋጌ አለ።

የቤተ ክርስቲያን አተካከል
እንደ ቀኖና ቤተ ክርስቲያን አንድ አጥቢያ ቤተ ክርስቲያን ያለ ሀገረ ስብከት ሊቀ ጳጳስ ፈቃድ አይተከልም። ቅዱስ ባስልዮስ በዘጠና አራተኛው አንቀጽ “ያለ ኤጲስ ቆጶሱ ፈቃድ ቤተ ክርስቲያን አይስሩ፣ ከኤጲስ ቆጶሱ ፈቃድ አንዱ ቢሠራ ለዘላለሙ አይቁረቡባት፣ እንደ ገበያ እንደ በረት ፈት ሁና ትኑር፤ ካህን ደፍሮ በስዋ ቢቆርብባት ከሹመቱ ይሻር” ይላል (ፍትሐ ነገስት አንቀጽ 1 ቁጥር 3)፡፡ በዚህ ቃል መሠረት ከሄድን በሰሜን አሜሪካ በኤጲስ ቆጶሳት ተባርከው የተከፈቱ አብያተ ክርስቲያናት ምን ያህሎቹ ናቸው?

በእርግጠኝነት መናገር የሚቻለው ቀደም ብለው ከተመሰረቱት ውጪ በገለልተኝነት ስም በቅርቡ የተከፈቱት “አብያተ ክርስቲያናት” ሁሉ ማለት ይቻላል በሀገረ ስብከት ሊቀ ጳጳስ ፈቃድና ቡራኬ ያልተመሰረቱ ናቸው፡፡ ስለሆነም በፍትሐ ነገስቱ እንደተገለጸው እነዚህ በኢትዮጵያ ኦርቶዶክስ ተዋሕዶ ቤተ ክርስቲያን ስም የተከፈቱ፣ በሊቀ ጳጳስ የማይታወቁና ያልተባረኩ “አብያተ ክርስቲያናት” ሁሉ እንደ ገበያ እንደ በረት በመሆናቸው ምእመናን ሊያስቀድሱባቸውና ሊቆርቡባቸው ቀርቶ በቤተ ክርስቲያን ስምም ሊጠሩዋቸው እንደማይገባ፣ ይህን አውቆ በማናለብኝነት ግዝቱን ተላልፎ የሚገኝ ምእመንም ከቤተ ክርስቲያን አንድነት የተለየ እንደሚሆን ቃሉ ያስተምረናል፡፡

ያለ አጲስ ቆጶሱ ፈቃድ ቤተ ክርስቲያን ለከፈተስ?
በምድረ አሜሪካ ያለው የኢትዮጵያ ኦርቶዶክስ ተዋሕዶ ቤተ ክርስቲያን ጉዳይ የቤተ ክርስቲያኒቱን ምእመናን ብቻ ሳይሆን በዙሪያው ያሉትን ሌሎች ወገኖችንም ግራ ያጋባ እንደሆነ ነው የታዘብኩት። በተለያዩ የአሜሪካ ግዛቶች ባሉ ፍርድ ቤቶች በኢትዮጵያ ቤተ ክርስቲያን ስም የተከፈቱ አብያተ ክርስቲያናት ጉዳይ ያልቀረበበት ካለ ምናልባት በዚያ ግዛት ብዙ ኢትዮጵያውያን የሉም፣ ቤተ ክርስቲያንም አልተከፈተም፣ የሚል ድምዳሜ ላይ መድረስ ትችላላችሁ፡፡ ኢትየጵያዊ መልኩን ነብር ዝንጉርጉርነቱን መለወጥ እንደማይችል በቅዱስ መጽሐፍ የተገለጸ ቢሆንም ዳሩ ግን አንደንዶች ምድረ ኢትዮጵያን ለቀው አትላንቲክን ተሻግረው ምድረ አሜሪካንን ሲረግጡ ኦርቶዶክሳዊ ሥርዓቱን፣ ፈሪሃ እግዚአብሔሩን አሽቀንጥረው በመወርወር ወደ ቅጽረ ቤተ ክርስቲያን እንኳን መቅረብ እንደማይገባቸው ያምኑ የነበሩት ምዕመናን ቤተ ክርስቲያን ከፋች ሆነው፣ እንዴት እንደሚቀደስ ምን እንደሚሠራ “ሊቃነ ካህናት” ሆነው ካህኑን ሲመሩ፣ ሲሻኝ ጢስ ወጋኝ እንዲሉ ምክንያት ፈጥረው ከህኑን ሲያባርሩ፣ ከዓላማቸው ጋር የሚተባበረውን ለፈቃዳቸው የሚንበረከከውን ሲቀጥሩ ላስተዋለው ጉድ የሚያሰኝ ነው፡፡

አንዳንዱ ካህንም የተሾመበትንና ሥልጣነ ክህነት የተቀበለበትን ዓላማ ወደ ጎን ትቶ፣ “እስከ ዛሬ ከበላዬ በነበሩት ተጎድቼ ኖሪያለሁ፣ አሁን ግን ሁሉን ማድረግ ወደምችልበት ዓለም መጥቻለሁ” በማለት ሕገ ቤተ ክርስቲያን የማይፈቅድለት መሆኑን እያወቀ፣ አንቱ ለመባል፣ ሀብት ለማካበት፣ ቀኖና ቤተ ክርስቲያንን አምዘግዝጎ በመጣል እንደ መሸቀጫ ሱቅ “ቤተ ክርስቲያን” ከፍቶ የግል ጥቅሙን ሲያጋብስ እያስተዋልን ነው፡፡

ዳሩ ግን የቤተ ክርስያናችን የሕግና የሥርዓት መጽሐፍ የሆነው ፍትሐ ነገስት ቄስ ወይም ዲያቆን በሀገሩ የተሾመውን ኤጲስ ቆጶስ ንቆ አቃሎ ለብቻው ቤተ ክርስቲያን ከሠራ ኤጲስ ቆጶሱ እስከ ሦስት ጊዜ ጠርቶት ካልመጣ እሱና እሱን የመሰሉት ከሹመታቸው ይሻራሉ ይላል(ፍትሐ ነገስት አንቀጽ ፷ ረስጠብ 19)። ቄሱ እንኳን ያለ ሀገረ ስብከቱ ሊቀ ጳጳስ ፈቃድ ቤተ ክርስቲያን መክፈት ቀርቶ ያለበትን ቤተ ክርስቲያን ትቶ ወደ ሌላ ቤተ ክርስቲያን ከሄደ እንዲመለስ ተነግሮት ካልተመለሰ ከሹመቱ ይሻራል ይላል (ፍትሐ ነገሥት አንቀጽ 6 ረስጣ 14 ኒቂያ 14)።

መልእክት በአሜሪካ ለከተማችሁ ሰባክያነ ወንጌል
“በኃይል ጩህ አትቆጥብ፣ ድምጽህን እንደመለከት አንሣ” እንደተባለው ነቢይ የተማሩትንና የተረዱትን ላልተማረውና ላላወቀው እንዲያሳውቁ ኃላፊነት የተሰጣቸው ሰባክያነ ወንጌል “ሆዴ ይሙላ ደረቴ ይቅላ” ብለው ቤተ ክርስቲያንን የስብከታቸው ማእከል ማድረግ ሲገባቸው በላያቸው ላይ ያነገሱዋቸውን ሰዎች ፈቃድ በመፈጸም ምንደኛነታቸውን በስውር አይደለም በገሃድ ያለምንም እፍረት እየገለጡ ያሉበት ጊዜ ነው፡፡ እንዲህ ስል እግዚአብሄር የሚያውቃቸው ራሳቸውን ቀብረው ከቤተ ክርስቲያን መድረክ ተገፍትረውም ሆነ ተከልክለው በሚሆነው ነገር ሁሉ እያዘኑ በበዓታቸው ተወስነው ያሉ መኖራቸውን ባለመዘንጋት ነው:: መንጋውን የመጠበቅና የማሰማራት እንዲሁም እውነትን የማስተማር ተልዕኮ ተቀብላችሁ በቤተ ክርስቲያን መድረክ ላይ የቆማችሁ ካህናትና ሰባኪያነ ወንጌል ማሩን አምርሮ ወተቱን አጥቁሮ በማቅረብ የምዕመኑን ኅሊና በሀሰተኛ ምላስ በማደንዘዝ የህገወጦችና የጥቅመኞች አጋፋሪነታችሁን ትታችሁ ነገ ፍርድ ከእግዚአብሄር ቤት የሚጀምርበት ጊዜ እንደሚመጣ ከወዲሁ ተገንዝባችሁ ወደ ኅሊናችሁ በመመለስ ከአፈ ቀላጤነት ወደ ወንጌል አርበኝነት ትለወጡ ዘንድ ምክሬ ነው፡፡

በቤተ ክርስቲያን መድረክ ላይ እውነትን ለመናገር መቆማችሁን አትዘንጉ። ዖዝያንን ፈርቶ የእግዚአብሄርን መልእክት ሳያስተላልፍ በመቅረቱ ለምጽ በከንፈሩ ላይ የወጣውን ታላቁን ነቢይ አስቡ። እናንተም ልታስተምሩት ልትመሰክሩት የሚገባውን እውነት ልባችሁ እያወቀ ዳሩ ግን ሆዴ ይሙላ ደረቴ ይቅላ ብላችሁ እውነቱን ሰውራችሁ በስራችሁ ያለውን ምእመን ወደ ጥፋት የምትመሩት ከሆነ እግዚአብሄር ሓላፊነታችሁን በአግባቡ ባለመወጣታችሁ የበጎቹን ደም ከእናንተ እንደሚጠይቅ ለእናንተ መንገር ለቀባሪው ማርዳት ይሆንብኛል። ዳሩ ግን ዕውቀት ሳይሆን እምነትና ተግባር ስለሆነ የሚያጸድቀው የእምነትና የተግባር ሰው ሁኑ፡፡

በምዕመናን በኩል
“ተቀባይ ከሌለ ሌባ አይኖርም” እንደሚባለው ለሕገ ቤተ ክርስቲያን መጣስ የምዕመናንም አስተዋጽኦ እንዳለበት መገንዘብ ያስፈልጋል። በምዕመንነት ደረጃ ቀርቶ በቅስና ደረጃ ያለ እንኳን ቤተ ክርስቲያን ባርኮ እንደማይከፍት እየታወቀ “ማንም ይክፈት ማንም ቤተ ክርስቲያን መኖሩን ብቻ ነው የምንፈልገው፤ ሌላው እኛን አይመለከተንም” የሚል ከአንድ ምዕመን መደመጥ የማይገባውን አስተያየት እየሠጡ ጉዳዩ እንደማይመለከታቸው አድርገው የሚናገሩ እንዲሁም ግብረ በላ በሆኑ ሰባክያን ልቦናቸው የደነደነና የቆሙበት መንገድ ትክክል እንደሆነ አድርገው የሚቆጥሩ እንዲሁም ቤተሰባዊነትን ከሃይማኖት በላይ አድርገው የያዙ ምእመናን የጥፋቱ መሪ ፊት አውራሪ ለሆኑት ወገኖች አጥር ሆኖ መገኘት ችግሩ መፍትሄ እንዳያገኝ አድርጎታል። ከእኔ ይልቅ ሴት ልጁን ወይም ወንድ ልጁን የሚወድ ቢኖር ለእኔ ሊሆን አይችልም እንዳለ ጌታ ምርጫችንን ቤተ ክርስቲያን አድርገን ቤተ ክርስቲያንን ተጣብተዋት ያሉትን መዥገሮች ለመንቀል በቁርጠኝነት መነሳት ያስፈልጋል። ቤተ ሰባዊነት ይሉኝታ ግዴለሽነት እነዚህ ሁሉ አንቀው ይዘውን ተዘልለን ብንቀመጥ የቤተ ክርስቲያን አምላክ አንድ ቀን ቤተ ክርስቲያኒቱን ይታደጋታል። በዚያን ጊዜ ግን እናንተ ወዮታ እንዳለባችሁ እወቁ።

ይቅር ይበለን፣
አሜን

30 comments:

Anonymous said...

kale hiyot yasemalegn.

Anonymous said...

kale hiyot yasemalen lejeam masetwalen yesten

Anonymous said...

Hodam kahinat hoy! belachu belachu degmo betkirestyan mebarek gemerahu? gud belu!!

selamawi said...

በስመ ስላሴ አሃዱ አምላክ አሜን

ከሁሉ አስቀድሞ የፍቅር ባለቤት የሰላም ንጉስ መድኃኔዓለም ኢየሱስ ክርስቶስ ሰላሙንና ፍቅሩን ለሁላችንም ያድለን አሜን


ስለዚህም አንታክትም፥ ነገር ግን የውጭው ሰውነታችን ቢጠፋ እንኳ የውስጡ ሰውነታችን ዕለት ዕለት ይታደሳል። 2ኛ ቆሮ 4፥16

ክርስቲያንና ምስማር ሲመቱት ይጠብቃል እንደሚባለው እውነተኛ የቤተክርስቲያን ልጆች በዘመኑ ፈተና ሳይናወጹ እምነታቸውን አጽንተው መገኘታቸው ኢየሱስ ክርስቶስ ለሊቀ ኃዋርያት ቅዱስ ጴጥሮስ እኔም እልሃለሁ፥ አንተ አለት ነህ፥ በዚችም ዓለት ላይ ቤተ ክርስቲያኔን እሠራለሁ፥ የገሃነም ደጆችም አይችሉአትም። ማቴ16፥18 ብሎ የተናገረላት ለመሆኗ ማረጋገጫ ነው እኔ የሚመስለኝ ትልቁ ችግር ያለው የቤተክርስቲያኒቱ አመራር አካላት ላይ ነው ከላይ ከቅዱስ ሲኖዶስ የሚወጣውን መመሪያ የሚያስፈጽሙት አካላት ከቅዱስ ፓትርያርኩ ጀምሮ እስከ አጻዌ ሆህቱ ድረስ በአንድ ልብ በአንድ ሃሳብ በአንድ አመለካከት ቤተክርስቲያንን ለማገልገል ኃላፊነትና ግዴታ እንዳለባቸው ማወቅ አለባቸው ይህም አንዱ ለአንዱ ክብር እየሰጠ አንዱ ለአንዱ እየጸለየ መሆን አለበት በእኛ ቤት ይህ ሁሉ ከቀረ ሰነባብቷል ታዲያ እንዴት ብሎ ነው ስርዓት ሊጠበቅ የሚችለው? ትልቁ ሲያጠፋ ትንሹም ይከተላል በመጀመሪያ የይቅርታ ልብ እንዲኖረን እንጸልይ በአሜሪካ ብዙ አብያተክርስቲያናት በህገወጥ መንገድ እንደተተከሉ እናውቃለን ነገርግን የተተከሉት አብዛኞቹ በቅዱስ ሲኖዶስ አባላት ነው የተከሉት አባቶች ስም ይጠራል የፓትርያርኩ ስም ግን አይጠራባቸውም በነገራችን ላይ የፓትርያርክን ወይም የሊቀጳጳስን ስም ጠርቶ መጸለይ እንደትልቅ ነገር ተቆጥሮ አንዱ ይጠራል አንዱ አይጠራም የእግዚአብሔር ቃል ግን የሚለው አንዱ ስለአንዱ ይጸልይ ነው ኃጢአተኛ ነው ብለን የምናስበው ሰው ካለ ልንጸልይለት ነው የታዘዝነው ስለዚህ እኛi ለምንወደው ብቻ ከሆነ የምንጸልየው ጠላታችሁን ውደዱ የሚረግሟችሁን መርቁ የሚለውን ትእዛዝ አልተቀበልንም ማለት ነው በጥቅሉ ባ,ሜሪካ ለተፈጠረው የስርዓት መጓደል መሰረቶቹ በኢትዮጵያና በአሜሪካ ያሉት የሲኖዶስ አባላት ነው እነሱ እስካልታረቁ ድረስ እነሱ ወደንስሃ እካልተመለሱ ድረስ ቤተክርስቲያን እንባዋን ማፍሰሷ ይቀጥላል ስለዚህ በተለይ በኢትዮጵያና በአሜሪካ የተንደላቀቀ ኑሮ እየኖራችሁ ስለቤተክርስቲን አንዳች የማይጨንቃችሁ አሜሪካ ስትመጡ ገለልተኛ ኢትዮጵያ ስትሔዱ እውነተኛ በመምሰል በሁለት ቢላ የምትበሉ አባቶች ምእመናንን ወደ አንድነት መልሳችሁ እርቅንና ሰላምን አውርዳችሁ ለመንጋው ምሳሌ ሆናችሁ ትጓዙ ዘንድ የእግዚአብሔር ቃል ያዛችኋል አለበለዚያ ግን አሁን የምናየው ስርዓት አልባነት እያደገ ሄዶ ለትውልድ የሚተርፍ መቅሰፍት ታመጣላችሁ ከዚህ በታች ያሉትን ጥቅሶች እንመልከት
1ኛ ሳሙ 2፥12 የዔሊም ልጆች ምናምንቴዎች ነበሩ እግዚአብሔርንም አያውቁም ነበር።
1ኛሳሙ2፥22 ዔሊም እጅግ አረጀ ልጆቹም በእስራኤል ሁሉ ላይ ያደረጉትን ሁሉ፥ በመገናኛውም ድንኳን ደጅ ከሚያገለግሉት ሴቶች ጋር እንደ ተኙ ሰማ።
1ኛ ሳሙ3፥12 በዚያም ቀን በቤቱ ላይ የተናገርሁትን ሁሉ በዔሊ አወርዳለሁ እኔም ጀምሬ እፈጽምበታለሁ።
1ኛሳሙ3፥14 ስለዚህም የዔሊ ቤት ኃጢአት በመሥዋዕትና በቍርባን ለዘላለም እንዳይሰረይለት ለዔሊ ቤት ምያለሁ።
1ኛሳሙ4፥11 የእግዚአብሔርም ታቦት ተማረከች፥ ሁለቱም የዔሊ ልጆች አፍኒንና ፊንሐስ ሞቱ።
1ኛሳሙ4፥18 ሰውዮውም ስለ እግዚአብሔር ታቦት በተናገረ ጊዜ ዔሊ በበሩ አጠገብ ካለው ከወንበሩ ወደቀ እርሱ ሸምግሎ ደንግዞም ነበርና አንገቱ ተሰብሮ ሞተ። እርሱም በእስራኤል ላይ አርባ ዓመት ፈራጅ ነበረ።
1ኛሳሙ 3፥11 እግዚአብሔርም ሳሙኤልን አለው። እነሆ፥ የሰማውን ሁሉ ሁለቱ ጆሮቹ ጭው የሚያደርግ አንድ ነገርን በእስራኤል አደርጋለሁ። እግዚአብሔር ለቤቱ ቀናተኛ አምላክ መሆኑን ተረዱ
ዛሬ ቤተክርስቲያን ከባድ ፈተና ውስጥ ነው ያለችው ነገር ግን አትወድቅም ኃዋርያው ቅዱስ ጳውሎስ (በ2ኛ ቆሮ 11፥26 ብዙ ጊዜ በመንገድ ሄድሁ፤ በወንዝ ፍርሃት፥ በወንበዴዎች ፍርሃት፥ በወገኔ በኩል ፍርሃት፥ በአሕዛብ በኩል ፍርሃት፥ በከተማ ፍርሃት፥ በምድረ በዳ ፍርሃት፥ በባሕር ፍርሃት፥ በውሸተኞች ወንድሞች በኩል ፍርሃት ነበረብኝ፤ )እንዳለው ቤተክርስቲያን የአህዛብ ሰይፍ ተመዞባታል የመናፍቃን መርዝ ተረጭቶባታል ልጆቿ በውስጧ ሆነው ሰላም ነስተዋታል ነገር ግን ይህ ሁሉ ፈተና እያለባት ዉበታ ሳይነጥፍ መልኳ ሳይጠወልግ ወዟ በኃጢአት የደረቀውን ዓለም እያረሰረሰ ይገኛል መስራቿ እራሱ መድኃኔዓለም ኢየሱስ ክርስቶስ ስለሆነ እስከዓለም ፍጻሜ በምድር ፋና ሆና ታበራለች ይህ ዓለም በእግዚአብሔር ቃል ሲያልፍ የምታልፍ ሳይሆን ለዘለዓለም በሰማያዊ ክብር ትቀጥላለች ዛሬ በተለያየ ጥቅም ተደልለን ይህችን ቤተክርስቲያን ወደጎን የተውን ሁላችን ወደኋላ መለስብለን ብናስተውል መልካም ነው
የቀረውንም ነገር ሳልቆጥር፥ ዕለት ዕለት የሚከብድብኝ የአብያተ ክርስቲያናት ሁሉ አሳብ ነው። 2ኛ ቆሮ 11፥28 እንዳለ ቅዱስ ጳውሎስ የቤተክርስቲያን ነገር አሳስቦን የግል ጥቅማችንን ወደኋላ ትተን እራሳችን ለእግዚአብሔር ቅዱስ መስዋእት አድርገን እንድናቀርብ አምላከ ቅዱሳን በቸርነቱ ይርዳን

ወስብሃት ለእግዚአብሔር ወለወላዲቱ ድንግል ወለመስቀሉ ክቡር አሜን

Fikirte A said...

In the name of the trinity one divinity amen!!!

Kale hiwot yasemalin! deje selamawiyan, endezi akun menegager silalchalin yimeslegnal chigiroch chigirochin eyeweledu bezihe asafari gize lay yederesinew. Enkuan kiristos bedemu yewajat, meseretua yehonelat bete kiristian tikir ena tera yesefer edir ena ekub enkuan sine sirihat hig ena medemamet ale. Le-eyand andu yehagerachin ena ye-bete kiristianachin chigiroch hulachinim teteyakiwoch nen, betibit tewetiren, eyaweku alemawekachewin eyenegeru yastemarunin ye-abatochachinin yetihitina astemihiro wedewhala ashikentiren minim sanawik hulunim awiko endecherese be-betekiristian astedader talika eyegeban ye-erasachininim hone yelelawin mihmen hiwot yeminibetebit hulu be-nisiha linimeles yigebal. Ke-betekiristianachin ena ke-hagerachin andinet yilik merten balagegnenew zerachin eyetemekan, 1 akal yehonechiwin bete kiristian lemekefafel leminitir hulu wede helinachin linimeles yigebal yehe besigam benefsim minim faida yelelew maninim yemayanitse ye-astesaseb dehinet new. Silezihe enezihen menfesawi beshitawoch asiwegiden wede tenegna yekiristina hiwot enimeta zend ebakachu hulachinim bezihe betsome wekt beminichilew akim "egziwo" enibel, be-egziwota yemayigegne yetselot melse yelem, lezihe hulachinim misikiroch nen.

Ye-Egziabher tibeka
ye-emebetachin kidist dingil mariam milja
yekidusan melahikt yetsadikan semahitatu teradahinet
yekidusanu tselot
ke-anditua b/k gar yihun

Anonymous said...

ewnetaw yih new lib yalew lib yibel

abity said...

i loved this writing it's so true

Anonymous said...

የገነተ ጽጌ ቅ.ጊዮርጊስ ሰንበት ት/ቤ የራሱ ድረ-ገጽ ማበጀቱ አስደስቶኛል::
ቅ. ሥላሴ መ.ኮሌጅ የሚለውን ሲጠቁሙት የሚያስነብቦት ዋሽንግቶን ዲ.ሲ ያለ ቤ/ክ ድረ-ገጽ ነው::ይህ ቤ/ክ በኢትዮጲያ ቤ/ክ ስር አይደለሁም የሚል ነው::የኢትዮጲያ ቤ/ክ አንድ አጥቢያ ቤ/ክ አይደለም::ስሙን ተመልከቱት ር.አ...የኢትዮጲያ ኦርቶዶክስ ሃይማኖት ቤ/ክ ነው የሚለው:: በኢትዮጲያ ኦርቶዶክስ....አይልም::ስለዚህ የቤ/ክ አካል ነን የሚሉትን ቅ. ሲኖዶስን የሚቀበሉትን አጥቢያ ቤ/ክያናት ድረ-ገጾችን -በድረ-ገጻችሁ ላይ ብትጭኑ መልካም ነው እላለሁ::
አምላከ ቅዱሳን ያበርታችሁ :: this comment is for Debre Tsegie Qdus Giorgis web -adminstrator.i sent to u b/c i tried to reach them but i can't.

desa said...

ewnetaw yih new lib yalew lib yibel!!!!!!!

ስርአት said...

በስመ አብ ወወለወድ ወመንፈስ ቅዱስ አሃዱ አምላክ አሜን ውድ ደጀ ሰላምውያን በቅድሚያ እንኳን ለበአለ ጰራቅሊቶስ በሰላም፡አደረሰን፡እኔ፡ማመስገን፡የምፈልገው ፡ጥያቄ ሆኖብኝ፡መልስ አጥቼ ውስጤ በጧም፡ፈተና፡ላይ፡ነበር፡ማለትም፡የምኖረው፡ቨርጂኒያ አሜረካን፡ነው፡በቅርቡ፡እንደምናውቀው፡እዚህ በዋሽንግተን ዲሲና አከባቢው በቨርጂኒያ ውድብርጅ(woodbridge) በሚባለው አካባቢ ደብረ መድሃኒት ኢየሱስና ብስራተ ገብርኤል የሚባል አንድ ቤ/ክ ባለፈው ሳምነት ቅዳሜ የጰራቅሊጦስ ዋዜማ በአንድ ቄስ ተባርኮ ተከፍቶአል (የባራኪውን ስም መጥቀስ ካስፈለገ መጥቀስ ይቻላል) እናም ይህንን ስሰማ በጣም ግራ ተጋባው ማለትም በመጀመሪያ ከትምህርተ ቤ/ን(ስራአተ ቤ/ን) ቄስ ቤ/ን ባርኮ መክፈት ይችላል ወይ? ቄሱ ተነስቶ ቢከፍት በተከፈተው ህንፃ ቤ/ን ላይ ፀጋ መንፈስ ቅዱስ የማሳደር ሃይል አለው ወይ? የባረከው ቄስስ ምን፡ይዸረጋል? ፍትሃ፡ነገስቱ፡ምን፡ይላል የሚል ጥያቄ፡ነበርኝ፡ ነገር፡ግን፡የሚያረካ(ጠንከር) ያለ መልስ፡የሰጠኝ ሰው ፡አልነበረም፡አሁን፡ግን፡ልብ፡የሚያሳርፍ፡መልስ አገኝው፡፡ፍትሃነገስቱን፡ጠቅሶ፡ላስተማረን፡ወንድማችን፡በእውነት፡ቃለህይወት፡ያሰማልን፡ፀጋውን ያብዛልህ ለሟለት፡ነው፡ ወስብሐት ለእግዚአብሄር

chalie said...

kale hiot yasmalen.Yes it's!!!that why we're make confese about it.The d/c b/n eotc-mkidusan.org in Ethiopia and USA.Thank you very much!!!

Anonymous said...

ሰላም ለእናንተ ይሁን ደጀ ሰላሞች እባካችሁ ስለዳላስ ቅዱስ ሚካኤል ሕዝቡ እንዲ ጸልይና እንዲነጋገር መድረክ ክፈቱ አምላክ ይጠብቃችሁ

Anonymous said...

ሰላም ለእናንተ ይሁን ደጀ ሰላሞች እባካችሁ ስለዳላስ ቅዱስ ሚካኤል ሕዝቡ እንዲ ጸልይና እንዲነጋገር መድረክ ክፈቱ አምላክ ይጠብቃችሁ

Anonymous said...

Dear Dejeselam,

In Ethiopia there are about 40,000 or more churches. How many of those churches established as you mentioned in the above articles? Can you tell us how they were established? I don't think the above article is concerned about the believer and the holy church. It is more concerned about the Politics behind the mass (Power to rule the believer).

Fresenbet

Anonymous said...

ዘዚ
የቤተክርስቲያን አምላክ በቤተክርስቲያን እንደሚጠብቅ የማያውቅ በቤተክርስቲያ ውስጥ የግል ፍላጎቱን ለመፈጸም ሲሯሯጥ ይታያል ፡፡ አእነ መምህር ዘላለም እነ መምህር ዘበነ ለማ ሌሎችም ይህ ሲደረግ ዝም ማለታቸው አቋማቸው ምን እንደሆነ በግልጥ ያሳያል (ሀብት ማከማቸት አዲስ አበባ መጥተው በደሃው ምእመን ላይ ዘመናዊ መኪና እየነዱ ቃላት እያሳመሩ በአውደ ምህረት ላይ መኩነስነስ ፡ እየኖሩባት ድህነታቸውን ያራገፉባትን ቤተክርስቲያን ምን አለ ቢጠብቁ ይህ ሁሉ መዝናናት ቤተክርስቲያን ስላለች አይደለም የተገኘው ፡፡ በጥቅም ታውራችሁ ለመንጋው ሳትራሩ የማሰናከያ ድንጋይ ከምትሆኑ የዘለላለም ጥፋት ከሚያገኛችሁ የወገኖቻችሁን ቅን አስተያት ተቀብላችሁ ብትስተካከሉ ይሻላችኃል እላለው የሰበሰባችሁትን የግፍ ገንዘብ ሳትበሉት ሳትቀጠበት አትቀሩም ፡፡

Anonymous said...

እነ ዘላለም ወንድሙ እና ተስፋዬ መቆያ በቤተክርስቲያን ትምህርትም ሆነ ህግጋተ ቤተክርስቲያን ያላቸው እውቀት ከተራው ምእመን ስለማይሻል አትፍረዱባቸው እውቀታቸው የድምጫ በመሆኑ ችግሩ የግል ጥቅም ማሳደድ ብቻ አይደለም ለማለት ፈልጌ ነው ተቸግረው ነው ያልዋሉበት ሆኖባቸው ነው ፡፡ አዲስ አበባም መጥተው የሚያስተምሩት በሁሉም ለመወደድ ነው እንጂ እውነቱን በግልጥ አይመሰክሩም አንድም ገቢያቸው ይነጥፋል አንድም እውቀቱ ስለሚቸግር አጥርተው መቃወም ስለተሳናቸው

Anonymous said...

እነ ዘላለም ወንድሙ እና ተስፋዬ መቆያ በቤተክርስቲያን ትምህርትም ሆነ ህግጋተ ቤተክርስቲያን ያላቸው እውቀት ከተራው ምእመን ስለማይሻል አትፍረዱባቸው እውቀታቸው የድምጫ በመሆኑ ችግሩ የግል ጥቅም ማሳደድ ብቻ አይደለም ለማለት ፈልጌ ነው ተቸግረው ነው ያልዋሉበት ሆኖባቸው ነው ፡፡ አዲስ አበባም መጥተው የሚያስተምሩት በሁሉም ለመወደድ ነው እንጂ እውነቱን በግልጥ አይመሰክሩም አንድም ገቢያቸው ይነጥፋል አንድም እውቀቱ ስለሚቸግር አጥርተው መቃወም ስለተሳናቸው

Anonymous said...

YEDRES Leabatahen LEBtsu ABUNEFANUEL: Dear!Dejselam please discus abaout Abube Fanuale :"abatachen ahun yalut ezihu America new." neger gin yarefut geleseb bet new . Queation 1 YDC hager sebiket "MEMBERE PIPISNA" eyale endet anid telik abat gelseb bet yarfalu??? 2 Yekidus senodos abal hunew YePatirarekuna Yehagere sebiktu Lekepapas SemAhew sayitera yesahew sem yteral yhin kesereat betekiristyan antsar endet yemelktutal??? yawem erasun kagelele B/N!!!3 Ersahew yaserut B/N "GELELITGNA"new.Betekirstyanun wdenat B/N lmamitat min s ira seru?????? yih tegibar hager bet yesenodos abal America geleltgna ayasegnwotem abatahen??? teyakewocen endeabtenetwo endemelsulgn efeligalehu! BURAKEWO LEMANEGAWM YEDRESEN!

abel qedamawi said...

እምነታቸው ኦርቶዶክስ ተዋህዶ አስተሳሰባቸው የፕሮቴስታንት…….መጨረሻቸውስ?
በአውሮፕያውያን አቆጣጠር በ1517 አካባቢ የካቶሊክ ቤተ ክርስቲያን ሮም ውስጥ የቅዱስ ጴጥሮስ ካቴድራል መልሶ ግንባታ ስትጀምር በወቅቱ የሮማን ካቶሊክ መሪ የነበሩት ፖፕ ሊዮን ፲(Pope Leo X )፤ ዮሐን ቴትዝልን (Johann Tetzel) የመላው ጀርመን ኮሚሽነር በማድረግ ሾመውት ነበረ። ዮሐን ቲትዝል የዶመኒካ ተወላጅ ሲሆን፤ስርየተ ሀጥያት (selling indulgences) በገንዘብ እንደሚገኝ አጥብቆ ያስተምር ነበር። ይህን አስተምሮ ለታላቁ ካቲድራል ግንባታ አገልግሎት ገቢ ለማሰባሰብ እጅግ ጠቀሚታ ነበረው፤እንዲሁም በየ ዕለቱ በአደባባይ ለሀጥያት ስርየት በሚቀመጡ ሳጥኖች ብዙ ገንዘብ ይሰበሰብ እንደነበር መዛግብት ያትታሉ። በዚህ ጊዜ ነው የፕሮቲስታንቱ እምነት መስራች ማርቲን ሉተር በተቃውሞ የተነሳው። የማርቲን ሉተር ተቃውሞው በብዛት አስተዳደራዊ ጥያቄ ነበረ፤ለምሳሌ ለተቃውሞ በፃፈው በሰማንያ ስድስተኛ አንቀጹ (Why does the pope, whose wealth today is greater than the wealth of the richest Crassus, build the basilica of St. Peter with the money of poor believers rather than with his own money?) በማለት ጠይቆ ነበረ።
ዓላማዬ የፕሮቲስታንትና የካቶሊክ ታሪክ ለመዘርዘር አይደለም ፤የኛው ቤተ ክርስቲያን ነባራዊ ሁኔታ ለመዳሰስ እንጂ። አሁን እኛ ባለንበት ዘመን በቤተ ክርስቲያኒቱ አስተዳደር ጉዳይ ላይ ጥያቄያችን አልተመለሰልንም የሚሉ ወገኖች ከቤተ ክርስቲያኒቱ አስተዳደር በመነጠል ራስችን ችለናል ወይም ገለልተኞች ነን (indenedent church) በማለት ከቤተ ክርስቲያኒቱ አስተዳደር ከተገለሉ ሁለት አስርት ዓመታትን አስቆጥረዋል። ታዲያ ይህ ራስን የመቻል አስተመሮ በኦርቶዶክስ እምነት ውስጥ ከየት መጣ? አስተምሮውስ በኦርቶዶክሳውያን ዘንድ እንዴት ይታያል? በእነዚህ ጥያቄዎች ዙርያ የተዋህዶ ልጆች መወያየት ያለብን ይመስለኛል። አለበደዚያ ግን አስተሳሰቡ ወይም አስተምሮው ሲውል ሲያድር ራሱ የቻለ ከኦርቶዶስ የተገነጠለ ሌላ ሀይማኖት እንዳይሆን የሚያሰጋ ይመስለኛል።
በኦሬንታል የእንኛን ቤተ ክርስትያን ጨምሮ እህት አብያተ ክርስቲያናት እንዲሁም ደግሞ በምስራቁ ኦርቶዶክሳዎያን ዘንድ ራስን የመቻል ወይም የገለልተኝነት አስተምሮ የላቸውም። ታድያ አሁን እየተስፋፋ ያለው ገለልተኝነት አስተሳሰብ (indepedency) በቡድንም ሆነ በግል አስተምሮው ከየት የመጣ ነው?
አንድ አጥቢ ቤተ ክርስቲያን ወይም አንድ ሰባኪ ራሴን ችያልሁ፤ ከማንም ምንም አልፈልግም ካለ አስተሳሰቡ የፕሮቲስታንት ነው፤ ምክንያቱም ራስን የመቻል(indepedency) አስተምሮ የፕሮቴስታንት ነውና። ስለዚህ እምነት የኦርቶዶክስ ተዋህዶ አስተሳሰብ ደግሞ የፕሮቴስታንት ውሎ ሲያድር መጨረሻውስ ምን ይሆን?
አቤል ቀዳማዊ

Anonymous said...

Egziabher yistilin degeselamawi zemenbere mengist.

May the Lord help you all who really worry for the church's bright future rather than personal glory and other earthly considerations.

Anonymous said...

በመጀመሪያ ደረጃ

እንደኔ እንደኔ
ማንም ይክፈተው ማን

እውነተኛ ስልጣነ ክህነት ባለው ካህን (መነኩስሴም ይሁን ባለትዳር ቄስ ) አገልግሎቱ ሥርዓተ ቤተ ክርስቲያንን ዶግማዋን ጠብቆ እስከተካሄደ ድረስ
ምንም ችግር የለበትም ባይ ነኝ ::

አንድ ማወቅ ያለብን ነገር
የኢትዮጵያ ሕዝብ ወደ ውጭ አገር መሰደድ የጀመረው ከፖለቲካ ጋር በተያያዘ ነው ::

በየደረሰበት አገርም : ኅብረቱን (ግንኙነቱን ) የጀመረው ፖለቲካውንና ሃይማኖቱን አቀላቅሎ ነው ::

ይህ እኮ : ራሳቸው እነ አቡነ ጳውሎስ በአሜሪካን አገር በስደት በኖሩበት ወቅት : የከፈቱት መንገድ ነው ::

ከቤተ ክህነት ፈቃድ ውጭ : ቤተ ክርስቲያን መመስረትና
የፓትርያርክ ስም ሳይጠሩ መቀደስ የጀመሩት ራሳቸው አቡነ ጳውሎስ ናቸው ::

በመጨረሻም : ደርግ ሲወድቅ : ወደ ኢትዮጵያ ከመመለሳቸው በፊት : በሎስ አንጀለስ ለተሰበሰበው ምእመን
"እስካሁን ድረስ በትግርኛ ቋንቋ ሳላገለግላችሁ ስለቀረሁ ይቅርታ " ብለው ትግራውያንን ከሌላው ለይተው ይቅርታ በመጠየቅ : በሃይማኖት መካከል ዘረኝነትንና ፖለቲካን አቀላቀቅለው መርዝና ፍፍትፍት የተናገሩትም ራሳቸው አቡነ ጳውሎስ ናቸው ::

በግፍ ተሰደድን የሚሉት የጳጳሳቱ ቡድንም ቢሆን :
የትክክለኛ ሃይማኖተኞችን ልብ የሚይዝ አንዳችም ነጥብ የላቸውም
በስተርጀባቸው
ብዙ ከሃይማኖት መንገድ የወጣ
የዘረኘት
የኑፋቄና
የፖለቲካ ችግር ያለባቸው ሰዎች የሚበዙበት ቡድን ነው

እንደሚታወቀው : በአብዛኛው ከ 45 ዓመት በላይ ያሉ ኢትዮጵያውያን ሃይማኖታችውን ይወዳሉ እንጅ : ስለ ሃይማኖታቸው ቢጠየቁ በቂ መልስ መስጠት የሚችሉ አልነበሩም ::
እነዚህ ሰዎች የሃይማኖቱን ፍቅር ብቻ በልባቸው ይዘው ተሰደዱ እንጅ :
የፖለቲካውንና ሃይማኖቱን በሚገባ ለይተው የተረዱ አልነበሩም :

ስለዚህ በፊታቸው መልካም መስሎ የታያቸውን ብቻ በመከተል : የቻሉትን ሁሉ ሲያደርጉ ቆዩ ::

ከአሁን በፊት ስለነበረው ስህተት ማውራቱን እንተወውና
ስለወደፊቱ ምን እናድርግ በሚለው ላይ ብንወያ ጥሩ ነው ::

ማኅበረ ቅዱሳን
ከኢ .አ .ፓ .ም ሆነ ከደርግ በኋላ የተነሳ አዲስ ትውልድ እና በዘመናዊ ትምሕርት ብዙ ሊቃውንት የተካተቱበት : በቤተ ክርስቲያንም ትምሕርትም ከቀደመው ትውልድ የተሻለ እውቀት ያለው ቡድን በመሆኑ :
ስለ ቤተ ክርስቲያን ከሁሉም የጠራ ግንዛቤና አመለካከት ያለው ቡድን ነው ::

አንዳንድ ችግሮች ማለትም
የራሳቸውን አባላት ብቻ የተለዩ ትክክለኞች አድርጎ የማየትና
እነሱን ያልደገፋቸውን ወይም የተቃወማቸውን ሁሉ
የቤተ ክርስቲያን ጠላት አድርጎ የመፈረጅ
በመናፍቅነት ሽፋንም ስም የማጥፋት ችግር ያለባቸው ቢሆኑም :

በአመዛኙ ሲታዩ ግን ::
ራሳቸውን በሃይማኖት አጽንተው : ለቤተ ክርስቲያን የሚያበረክቱት አስተዋጽኦና የሚያደርጉት ተጋድሎ ከፍተኛ ነው ::

አሁን መሆን አለበት :
ብዬ የማስበው

በሰዎች ዘንድ ያሉ አንዳንድ ችግሮችን እየነቀስን መተቻቸቱን ቆም እናድርግና
በፍቅር ዓይንና በቀና መንገድ እየተያየን :
እንቀራረብ
እንመካከር
ሀሳብ ለሀሳብ እንለዋወጥ

ልዩነቶች እንዴት ይጥበቡ ?
ከመስመር የወጡት እንዴት ወደ መስመር ይመለሱ ?
የሚል በይቅርታና በፍቅር ላይ የተመሰረተ ዓላማ ይዘን እንንቀሳቀስ

ያ ከሆነ
የፍቅር አምላክ
የሰላም አምላክ : የሆነው አምላካችን በረድኤት ይቀርበንና
በሥጋ ስናስባቸው ከባድ የሚመስሉንን ችግሮችን ሁሉ እንደ ጉም ገፎ አንድ ያደርገናል

በውስጣችን ያሉ
የኑፋቄ
የፖለቲካ .... ጣልቃ ገብ ገብ ሳንካዎችንም ነቅሎ ያጠፋልናል ::

ዋናው : የምናደርገውን ነገር ሁሉ
ከቡዳዊ ስሜት ወጥተን አንዲት ቤተ ክርስቲያንን ብቻ በማሰብ
ሌላው ላይ እጣችንን በመቀሰር ሳይሆን
በፍቅር ዓይን እና በሆደ ሰፊ አርቆ አስተዋይነት
የምንመላለስ መሆን አለብን ::

ስለሁሉም
የአባቶቻችን አምላክ በረድኤቱ አይለየን
ዓሜን

Anonymous said...

ማንም ይክፈተው ማንም ስትል ቀኖና ቤተ ክርስቲያንን አምዘገግዝገሐ መጣልህ መሆኑ የተዘነጋህ ይመስለኛል ወንድሜ ስለዚህ ከላይ የቀረበውን ጽሁፍ ደግመሀ እነንድታነበው በትህትና አስገነዝብሃለሁ

Anonymous said...

To anonymous before the above one, I may agree with most of your ideas except ignoring the fact that, according to our church's bylaws no one,except the bishop , have the authority to bless a church as clearly stated in the original article.

ዳሩ ግን የቤተ ክርስያናችን የሕግና የሥርዓት መጽሐፍ የሆነው ፍትሐ ነገስት ቄስ ወይም ዲያቆን በሀገሩ የተሾመውን ኤጲስ ቆጶስ ንቆ አቃሎ ለብቻው ቤተ ክርስቲያን ከሠራ ኤጲስ ቆጶሱ እስከ ሦስት ጊዜ ጠርቶት ካልመጣ እሱና እሱን የመሰሉት ከሹመታቸው ይሻራሉ ይላል(ፍትሐ ነገስት አንቀጽ ፷ ረስጠብ 19)። ቄሱ እንኳን ያለ ሀገረ ስብከቱ ሊቀ ጳጳስ ፈቃድ ቤተ ክርስቲያን መክፈት ቀርቶ ያለበትን ቤተ ክርስቲያን ትቶ ወደ ሌላ ቤተ ክርስቲያን ከሄደ እንዲመለስ ተነግሮት ካልተመለሰ ከሹመቱ ይሻራል ይላል (ፍትሐ ነገሥት አንቀጽ 6 ረስጣ 14 ኒቂያ 14)።

Anonymous said...

Egyptian Convert Endures Life at a Standstill – on the Run

http://www.coptsunited.com/Details.php?I=183&A=1432

By CDN May 30, 2010

Anonymous said...

መጽሐፍ እንዲህ ይላል፦ " ...ነገር ግን በመጨረሻው ቀን የሚያስጨንቅ ዘመን እንዲመጣ ይህን እወቅ። ሰዎች ራሳቸውን የሚወዱ ይሆናሉና፥ ገንዘብን የሚወዱ፥ ትምክህተኞች፥ ትዕቢተኞች፥ ተሳዳቢዎች፥ ለወላጆቻቸው የማይታዘዙ፥ የማያመሰግኑ፥ ቅድስና የሌላቸው፥ ፍቅር የሌላቸው፥ ዕርቅን የማይሰሙ፥ ሐሜተኞች፥ ራሳቸውን የማይገዙ፥ ጨካኞች፥ መልካም የሆነውን የማይወዱ፥ ከዳተኞች፥ ችኩሎች፥ በትዕቢት የተነፉ፥ ከእግዚአብሔር ይልቅ ተድላን የሚወዱ ይሆናሉ፤ የአምልኮት መልክ አላቸው ኃይሉን ግን ክደዋል፤ ከእነዚህ ደግሞ ራቅ። " ፪ኛ ጢሞቴዎስ ፫ ፡ ፩ - ፭

ሰለዚህ አገልጋዮች ነን በሚሉት ዘንድ የሚታየው የባህርይ ለውጥ ወይም የሚንጸባረቀው ባህርይ እንግዳ አይደለም። ለማንኛውም ለቤተክርስቲያን ጥቅምና ሥርዓት መጠበቅ የሚሰራ ሰው ወይም አገልጋይ ማግኘት ከባድ ነው። ሁሉም በቤተክርስቲያን ሰበብ የራሱን ትከሻ የሚያሳብጥና የራሱን ጥቅም አስከባሪ ሆነ እንጂ። ጥቂቶች ይኖሩ ይሆናል፤ ካሉም እነርሱን ያብዛልን ባይ ነኝ። ዳሩ ግን ሁሉም የራሱን እንጂ የእግዚአብሔርን የሚሻ ሰው የለም።

ቸር ይግጠመን

Anonymous said...

that is good article

Anonymous said...

አአንድ ግራ የሚገባኝ ነገር አለ እዚህ ሰሜን አሜሪካ ሥርዓተ ቤተ ክርስቲያን ይከበር የሚል አጀንዳ ሲነሳ ግለሰቦችን ለሥርዓቱ መጣስ አድርጎ በዋናነት የማቅረቡ ጉዳይ፤አንድ አስተያየት ሰጪ ከላይ ጠቅሰውት እንዳለፉት ዓይነት እኔ አቡነ ጳውሎስ በታሪክ አጋጣሚ የኢትዮጵያ ቤተ ክርስቲያን ፓትርያርክ ሆነዋል ፓትርያርክ የሆኑት ቀኖና ቤተ ክርስቲያንን ጥሰው ነው የሚል ሰው ካለ በዚያ ላይ መነጋገሩ ተገቢ ነው ዳሩ ግን ገለልተኝነትን የጀመሩት አቡነ ጳውሎስ ናቸው ከቤተ ክርስቲያኒቱ ቀኖና ውጪ ቤተ ክርስቲያን በሰሜን አሜሪካ ለመጀመሪያ ግዜ የተከሉት እርሳቸው ናቸው በማለት ግለሰባዊ ድርጊትን ከቀኖና ቤተ ክርስቲያን ግር እያነጻጸሩ ማቅረብና እውነትን ለማድበስበስ መሞከር ለቤተ ክርስቲያን የሚጠቅም አይደለም፡፡የህን ስል ለአቡነ ጳውሎስ ጥብቅና ቆሜ አይደለም እርሳቸውም ጥፋት አላጠፉም ማለቴም እንዳልሆነ ልብ ይበሉ ዳሩ ግን አውነታው በእርሳቸው የቀድሞ ስህተት መድበስበስ የለበትም አብነት የምናደርገው በመንፈስ ቅዱስ ተመርተው ቀኖና ቤተ ክርስቲያንን የደነገጉልንን ነው ማነጻጸሪያችንም ቅዱሳት መጻህፍት እንጂ አቡነ ጳውሎስን የመሰሉ ለህገ ቤተ ክርስቲያን ግድ የሌላቸው የሃይማኖት መሪዎች መሆን የለባቸውም፡፡

Anonymous said...

አአንድ ግራ የሚገባኝ ነገር አለ እዚህ ሰሜን አሜሪካ ሥርዓተ ቤተ ክርስቲያን ይከበር የሚል አጀንዳ ሲነሳ ግለሰቦችን ለሥርዓቱ መጣስ አድርጎ በዋናነት የማቅረቡ ጉዳይ፤አንድ አስተያየት ሰጪ ከላይ ጠቅሰውት እንዳለፉት ዓይነት እኔ አቡነ ጳውሎስ በታሪክ አጋጣሚ የኢትዮጵያ ቤተ ክርስቲያን ፓትርያርክ ሆነዋል ፓትርያርክ የሆኑት ቀኖና ቤተ ክርስቲያንን ጥሰው ነው የሚል ሰው ካለ በዚያ ላይ መነጋገሩ ተገቢ ነው ዳሩ ግን ገለልተኝነትን የጀመሩት አቡነ ጳውሎስ ናቸው ከቤተ ክርስቲያኒቱ ቀኖና ውጪ ቤተ ክርስቲያን በሰሜን አሜሪካ ለመጀመሪያ ግዜ የተከሉት እርሳቸው ናቸው በማለት ግለሰባዊ ድርጊትን ከቀኖና ቤተ ክርስቲያን ግር እያነጻጸሩ ማቅረብና እውነትን ለማድበስበስ መሞከር ለቤተ ክርስቲያን የሚጠቅም አይደለም፡፡የህን ስል ለአቡነ ጳውሎስ ጥብቅና ቆሜ አይደለም እርሳቸውም ጥፋት አላጠፉም ማለቴም እንዳልሆነ ልብ ይበሉ ዳሩ ግን አውነታው በእርሳቸው የቀድሞ ስህተት መድበስበስ የለበትም አብነት የምናደርገው በመንፈስ ቅዱስ ተመርተው ቀኖና ቤተ ክርስቲያንን የደነገጉልንን ነው ማነጻጸሪያችንም ቅዱሳት መጻህፍት እንጂ አቡነ ጳውሎስን የመሰሉ ለህገ ቤተ ክርስቲያን ግድ የሌላቸው የሃይማኖት መሪዎች መሆን የለባቸውም፡፡

Anonymous said...

To the last ann:
In principle you are right. But don't forget that the fact that Abune Paulos is the head of the present holysynod plays a pivotal role. I hav't heard him apologizing or showing remorse at all.
Knowing principles alone does't bring us to the solution. We have to come with real strategies. That is what brings the issue of Abune Paulos.

Anonymous said...

“አባቶችህ የሠሩትን የቀድሞውን ድንበር አታፍርስ

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)