May 3, 2010

ዳላስ ቅ/ሚካኤል በብጥብጥ እየታመሰ ነው


  • ሁለት ካህናቱ ተባረዋል፣ ምእመናን በፖሊስ ከቤተ ክርስቲያን ተይዘው ወጥተዋል፤
(ደጀ ሰላም፣ ሜይ 3/2010)፦ በዳላስ ቴክሳስ የሚገኘው የደ/ምሕረት ቅ/ሚካኤል ቤተ ክርስቲያን አዲስ የተመረጠው ቦርድ ሁለት አገልጋይ ካህናቱን ካባረረ በኋላ እሑድ ሜይ 2/2010 ዕለት ደግሞ ድርጊቱን የተቃወሙ ምእመናንን በፖሊስ እያስያዘ ሲያስወጣ መዋሉ ተሰምቷል። 
የዳላስ ቅ/ሚካኤል ቤተ ክርስቲያን ለረዥም ጊዜ በተለያዩ ቡድኖች መካከል በተነሣ ውዝግብ የፍርድ ሒደት ላይ የሚገኝ ሲሆን አዲስ የተመረጠው ቦርድ ካህናቱን በማባረር በቤተ ክርስቲያኑ ያለውን ውጥረት ከፍ አድርጎታል ተብሏል። አሁን በሥልጣን ላይ ያለውም ሆነ ከዚህ በፊት የነበረው ቦርድ “ገለልተኛ” የሚባለውን የዚህን ቤተ ክርስቲያን ገንዘብ ያባክናሉ እየተባሉ ከመወንጀላቸውም በላይ ኦርቶዶክስ እምነት ተከታይ ያልሆኑ ፕሮቴስታንቶች ሳይቀሩ በቦርድ አባልነት ያሉበት እንደሆነ ምእመናን ይናገራሉ። (ፎቶ፦ ከግራ ወደ ቀኝ ቀሲስ መስፍን እና መ/ሣ አወቀ)


የዳላስ ቅ/ሚኣኬል ቤተ ክርስቲያን በሰሞኑ ውሳኔው በሕዝብ ዘንድ ተወዳጅነት እንዳላቸው የሚነገርላቸውን ቀሳውስት መላከ ሣሕል አወቀ ሲደልልን እና ቀሲስ መስፍን ደምሴን  ካባረረ በኋላ ተቃውሞው ጠንክሮ ቀጥሏል። በአሜሪካን ሀገር ውስጥ በተለይም ገለልተኛ ነን በሚሉት አብያተ ክርስቲያናት ዘንድ ቅጥ ያጣ የሰላም ማጣትና መካሰስ የበረከተ ሲሆን ሌላው ቀርቶ በእምነት በኩል መታየት የሚገባቸው ሃይማኖታዊ ጉዳዮች ሳይቀሩ ሊመለከታቸው የሚችል የሃይማኖቱ የበላይ አካል ባለመኖሩ (ሁሉም ነገር እዚያው ሞላ፣ እዚያው ፈላ እየሆነ) ኦርቶዶክሳዊ እምነት የሌላቸው ሰዎች “ቦርዶችን በመቆጣጠር” እምነቱን ወደሚፈልጉት ለመምራት በመሞከር ላይ ናቸው የሚል ስሞታ እየተሰማ ነው።

በዚህ ዓይነት የፍርድ ቤት ክስ ከሚገኙት መካከል የዲሲው ቅ/ሚካኤል እና የዳላሱ ቅ/ሚካኤል አብያተ ክርስቲያናት ተጠቃሾች ናቸው። የዲሲው ቅ/ሚካኤል ቤተ ክርስቲያን በብፁዕ አቡነ ፋኑኤል (አባ መላኩ) የተመሠረተ ሲሆን እርሳቸው ማዕረገ ጵጵስና ተቀብለው ወደ ሀገር ቤት ከገቡ ወዲህ በቦርዱና ቦርዱን በሚቃወም ቡድን መካከል የቆየ ትግል በመደረግ ላይ ይገኛል። 
ቸር ወሬ ያሰማን፣
አሜን
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)