May 2, 2010

ቅ/ሲኖዶሱ የአቡነ ሳሙኤልን ጉዳይ አላነሣም

(አዲስ አድማስ፤ ሜይ2/2010)፦ ሰሞኑን በተካሄደው የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ መንፈቃዊ ጉባኤ እልባት ያገኛል ተብሎ የተጠበቀውን የብፁዕ አቡነ ሳሙኤል እና የአዲስ አበባ ሀገረ ስብከት ጉዳይ "ለግንቦቱ ምርጫ ትኩረት እንዲሰጥ" በሚል ሳይነሣ እንደቀረ ተጠቆመ። ብፁዕ ወቅዱስ አቡነ ጳውሎስ ሲኖዶሱን ሲከፍቱም ሆነ ሲዘጉም "ለምርጫው በሰላም ተጀምሮ መጠናቀቅ ትኩረት እንዲሰጡ" ሊቃነ ጳጳሳትን አሳስበዋል። በግል አስተያያት የሰጡን ሊቃነ ጳጳሳት በበኩላቸው ስላልተነሱት የሀገረ ስብከቱና የአቡኑ እንዲሁም የሽሬ ሀገረ ስብከትና ተያያዥ ጉዳዮች የሞቀ ክርክር እንዳያደርጉ አጀዳዎቹ በይደር እንዲቆዩ ከመንግስት አካላት ማሳሰቢያ እንደተሰጣቸው ጠቁመዋል።
ብፁዕ አቡነ ሳሙኤል የልማትና ክርስቲያናዊ ተራድኦ ኮሚሽን ጊዜያዊ የበላይ ሃላፊ ሆነው መመደባቸው የሚታወስ ሲሆን በዚሁ ሃላፊነት እስከ መጪው የቅዱስ ሲኖዶስ ጉባኤ ይቆያሉ።



ጉዳዩን አስመልክቶ ከአዲስ አድማስ ማብራሪያ የተጠየቁት አቡኑ፤ አሁን ባሉበት ሃላፊነት ከመቀጠላቸው በቀር እሳቸውን የተመለከተ አጀንዳ አለመነሳቱን ተናግረው ማብራሪያ ከመስጠት ተቆጥበዋል።


ብፁዕ ወቅዱስ አቡነ ጳውሎስ በበኩላቸው፤ አጀንዳው ለምን በጉባኤው እንዳልቀረበ ጠይቀናቸው “የተወያየንባቸውን ፍሬ ሀሳቦች ገልፀንላችኋል” በማለት በንባብ ካሰሙት ጋዜጣዊ መግለጫ ውጪ ለመናገር ፈቃደኛ ሳይሆኑ ቀርተዋል። ፓትርያርኩ በጋዚጣዊ መግለጫቸው “አራተኛው ብሔራዊ ምርጫ በሀገራችን ታሪክ ታላቅ ምዕራፍ ከፋች ይሆናል” በማለት ለምርጫው በሰላም መጠናቀቅ የኢትዮጵያን ሕዝብ ተማፅነዋል። ይህ በእንዲህ እንዳለ ሲኖዶሱ የስራ ጊዚያቸው የጨረሱት የጠቅልላ ቤተክህነት ዋና ሥራ አስኪያጅ ብፁዕ አቡነ ይስሐቅን፤በኢሊባቡርና ጋንቤላ አህጉረ ስብከት ሊቀ ጳጳስ በብፁዕ አቡነ ፊሊጶስ እንዲሁም የቅዱስ ሲኖዶስ ዋና ፀሐፊ የነበሩት ብፁዕ አቡነ ማቴዎስን በከፋና ቤንች ማጂ ሀገረ ስብከት ሊቀ ጳጳስ ብፁዕ አቡነ ሕዝቄል መተካቱ ሲታወቅ በተለይ ፓትርያርኩ አቡነ ይስሐቅ የጀመሩትን የልማት ሥራዎች ይቀጥሉ በማለታቸው በፓትርያርኩ እና በሊቃነ ጳጳሳት መካከል መጠነኛ ክርክር እንደነበረ ምንጮቻችን ገልፀዋል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)