April 11, 2010

በደቡብ አፍሪካ ፕሪቶሪያ የኪዳነ ምሕረት ቤተ ክርስቲያን ቅዳሴ ቤት ተከበረ

(Mahibere Kidusan) ደቡብ አፍሪካ በሚገኙ ምእመናን በሦስት ነጥብ ስድስት /3 ነጥብ 6 ሚሊዮን ራንድ/ ተገዝቶ ለቤተ ክርስቲያን አገልግሎት በሚያመች መልኩ የተሠራው የፕሪቶሪያ ሐመረ ኖኅ ቅድስት ኪዳነ ምሕረትና ቅዱስ ዑራኤል ቤተ ክርስቲያን ቅዳሴ ቤተ ተከበረ፡፡ በኢትዮጵያ ኦርቶዶክስ ተዋሕዶ ቤተ ክርስቲያን የደቡብና ምዕራብ አፍሪካ ሀገረ ስብከት ፕሪቶሪያ የሚገኘው ይኸው ሕንፃ ቤተ ክርስቲያን ቅዳሴ ቤቱ ጥር 16 ቀን 2002 ዓ.ም. በተከበረበት ወቅት
ብፁዕ ወቅዱስ አቡነ ጳውሎስ  ፓትርያርክ ርዕሰ ሊቃነ ጳጳሳት ዘኢትዮጵያ ሊቀ ጳጳስ ዘአክሱም ወዕጨጌ ዘመንበረ ተክለሃይማኖት የዓለም አብያተ ክርስቲያናት ምክር ቤት ፕሬዝዳንት እና የዓለም ሃይማኖቶች ለሰላም ፕሬዝዳንት፣ ብፁዕ አቡነ ያዕቆብ የደቡብ እና ምዕራብ አፍሪካ ሀገረ ስብከት ሊቀ ጳጳስ እና ሌሎች ሊቃነ ጳጳሳት፣ ካህናት አባቶች፣ መዘምራን ምእመናንና ጥሪ የተደረገላቸው እንግዶች ተገኝተዋል፡፡

በደቡብ አፍሪካ የፕሪቶሪያ ሐመረ ኖኅ ቅድስት ኪዳነ ምሕረት ቤተ ክርስቲያን ሕንፃ አሠሪ ኮሚቴ በዚሁ ወቅት ባቀረበው ሪፖርት፤ የእግዚአብሔርን ቃል እንማማር በሚል በአምስት የፕሪቶሪያ ዩኒቨርስቲ ተማሪዎች በትንሽ መኝታ ክፍል ሐምሌ 19 ቀን 1993 ዓ.ም. የተጀመረው እንቅስቃሴ እየጎለበተ መጥቶ የፕሪቶሪያ ቅድስት ኪዳነ ምሕረት ጽዋ ማኅበርን በመመሥረት ከዚያም ፈቃደ እግዚአብሔር ሆኖ ይህ ሕንፃ ቤተ ክርስቲያን ሊሠራ ችሏል፡፡

ከሁለት ዓመት በፊት ቤቱን ለመግዛት የተጀመረው እንቅስቃሴ ተጠናክሮ የተለያዩ ገቢ ማስገኛ ፕሮግራሞችን በማዘጋጀትና ምእመናንን በማስተባበር የሚፈለገው ገንዘብ ተገኝቶ በቸሩ እግዚአብሔር ፈቃድ እቅዱ እውን ሊሆን መቻሉን ከቦታው የደረሰን ሪፖርት ያስረዳል፡፡

በተጨማሪም የተገዛውን ቤት ለቤተ ክርስቲያን አገልግሎት በሚሆን መልኩ ሠርቶ ለማዘጋጀት እንዲሁም ለቤተ መቅደሱ ንዋየ ቅድሳት ለማሟላት ወደ አንድ ሚሊዮን ራንድ ያህል ወጪ መደረጉን ሪፖርቱ አመልክቷል፡፡

ሕንፃ ቤተ ክርስቲያኑ ከግዢው ጀምሮ አስፈላጊውን በማሟላት ሥራውና ዝግጅቱ ሁሉ ፍጻሜ አግኝቶ ለአገልግሎት እስኪበቃ ድረስ ክትትልና ድጋፋቸው ያልተለየው የሀገረ ስብከቱ ሊቀ ጳጳስ ብፁዕ አቡነ ያዕቆብ እንዲሁም በደቡብ አፍሪካ ለሚገኙ ምእመናንና ምእመናት ሁሉ ኰሚቴው ምስጋናውን አቅርቧል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)