April 29, 2010

በሦስት ቋንቋዎች የተዘጋጀ “ዘመናዊ አማርኛ ቋንቋ ለልጆች ማስተማሪያ ዲቪዲ" በለንደን ሊመረቅ ነው


(ደጀ ሰላም፣ ኤፕሪል 28/2010)፦ በሦስት ቋንቋዎች የተዘጋጀ “ዘመናዊ አማርኛ ቋንቋ ለልጆች ማስተማሪያ” ዲቪዲ በለንደን እንደሚመረቅ የሥራው አዘጋጅ ኢንጂነር በላቸው ጨከነ በተለይ ለደጀ ሰላም በላኩት መግለጫ አስታወቁ። 
በተለያየ ዓለም ለተወለዱ ኢትዮጵያውያን እና ትውልደ ኢትዮጵያውያን ለዘመኑ በሚመጥን መልኩ ይህን ፊደል እና ቋንቋ ለመማር በቂ መርጃ እንደሚሆን የተነገረለት ይህ ዝግጅት በመላው ዓለም ለሚኖሩ ኢትዮጵያውያን  እና ትውለደ ኢትዮጵያውያን  የአማርኛ ቋንቋ እና የኢትዮጵያውያን  ልዩ ታሪክ ለማስተማር እንደሚረዳ ተጠቁሟል።
 በዘመኑ ቴክኖሎጂ በመታገዝ ለእንግሊዘኛ፣ ለፈረንሳይኛ እና ለጀርመንኛ ቋንቋ ተናጋሪ ልጆች ሶስት ዲቪዲዎች የተዘጋጁ ሲሆን በዲቪዲው የአማርኛ ፊደላትን እና ቃላትን፣ የኢትዮጵያን ቁጥሮች፣ የኢትዮጵያ ልዩ ሀብታትን፣ የኢትዮጵያ ቤተ ክርስቲያን ልዩ በዓላትን፣ መዝሙሮችን እና የልጆች ጨዋታ ተካተዋል::
ይህ ልዩ ዲቪዲ በለንደን ከተማ ጥሪ የተደረገላቸው እንግዶች፣ ኢትዮጵያውያንና ትውልደ ኢትዮጵያውያን በተገኙበት ግንቦት 7 ቀን 2002 ዓ.ም/ 15th May 2010/ በኢትዮጵያ ኮሚኒቲ ሴንተር የሚመረቅ መሆኑ ታውቋል:: ለበለጠ መረጃ  ለማግኘት www.EthioAmharic.com ላይ መጎብኘት እንደሚቻልም ተያይዞ የመጣው መግለጫ አብራርቷል፡:
ኢትዮጵያ ከአፍሪካ ሀገሮች ብቸኛ የራሷ ፊደል እና ቁጥሮች ያላት፤ ብዙ የኢትዮጵያነ ጽሑፍና የቤተ ክርስቲያን መጻሕፍትም በዚሁ ፊደል የተጻፉ መሆናቸው፣ ኢትዮጵያ ዛሬም ለሥራ እና ለቤተ ክርስቲያን አገልግሎት እነዚህን የራሷን ፊደላት እንደምትጠቀም ይታወቃል።

3 comments:

Anonymous said...

There is also another book with DVD and online materials:
http://www.ethiokid.com

Anonymous said...

Dear dejeselam thank you for the good news. Belachew you did an excellent job, if every one contribute what he can it will be great for our church and country.

I would like to thank you on behalf of my child.

keep it up

Anonymous said...

Working on this and similar issues is a blessed effort as hundreds and thousands of Ethiopians’ are forced to live abroad . It helps a lot.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)