ብፁዕ አቡነ ቄርሎስ ለሕክምና ግሪክ ናቸው

(ደጀ ሰላም፤ ኤፕሪል 13/2010)፦ የሰሜን ወሎ ሀገረ ስብከት ሊቀ ጳጳስ የሆኑት ብፁዕ አቡነ ቄርሎስ በግሪክ አገር ሕክምና በመከታተል ላይ ናቸው። 

አረጋዊው አባት ብፁዕ አቡነ ቄርሎስ በጀርባቸውና በእግራቸው ላይ የሚሰማቸውን ሕመም መፍትሔ ለማግኘት ከሁለት ሳምንት በፊት ወደ ግሪክ ያቀኑ ሲሆን በመከታተል ላይ ያሉት ሕክምና ከረዳቸው እንደ ጥንቱ ከቦታ ቦታ እየተዘዋወሩ ለማገልገል ይቻላቸዋል ማለት ነው።
ብፁዕነታቸው ገጠር ከተማ ሳይሉ፣ በእግርም፣ በፈረስም፣ በመኪናም እየተዘዋወሩ ምዕመኑን በማገልገል የሚታወቁ አረጋዊ አባት ሲሆኑ ከልጅነት እስከ ዕርግና ቤተ ክርስቲያናቸውን ያገለገሉና በምዕመናኑ ዘንድ የሚወደዱ አባት ናቸው። ባለፈው ዓመት በቤተ ክህነቱ በተነሣው የሕገ-ቤተ ክርስቲያን ይከበር ጥያቄ መኖሪያቸው ከተደበደበውና አደጋ ከተጣለባቸው ብፁዓን አባቶች መካከል አንደኛው መሆናቸው ይታወሳል። ያንን ወንጀል የፈፀሙት ሰዎች ማንነት ሳይጣራ እስካሁን ቆይቶ እነሆ July ዓመት ይሞላዋል ማለት ነው። ቤተ ክርስቲያኒቱም ማዕከሏ የሆነው ጠቅላይ ቤተ ክህነት ከተደፈረና ሕገ ወጦች በሯን ከፍተው ሊቃነ ጳጳሳቷ ላይ አደጋ ከቃጡ ዓመት ሞላ ማለት ነው።

የኒህ ተወዳጅ አባ ጤንነት ለቤተ ክርስቲያን ጤናማ አገልግሎት ወሳኝ ነው። “ሳረጅ የምጦርበት ንብረት ልሰብስብ፣ የማርፍበት ቪላ ልሥራ፣ ገንዘብ በባንክ ላደራጅ” ሳይሉ እንደ ሐዋርያት ሕይወታቸውን ለቤተ ክርስቲያናቸው ሰጥተው የኖሩ እንደዚህ ዓይነት አባቶች በዕድሜና በጤና ምክንያት ጉልበት ሲያንሳቸው የመንፈስ ልጆቻቸው ከጎናቸው ሊቆሙላቸው ይገባል። የግሪክ ምዕመናንም ይህንኑ እንደሚያደርጉ ምንም ጥርጥር አይኖረንም። ደጀ ሰላምም ለብፁዕነታቸው ጤንነትንና ረዥም ዕድሜን ትመኛለች።

ቸር ወሬ ያሰማን፣ አሜን