December 18, 2009

ከመጽሐፍ ቅዱስ ተቀድዶ በተሠራ የኪስ ወረቀት ዕቃ የሸጠው ተቀጣ

(ስምዐ ጽድቅ ጋዜጣ/ በደረጀ ትእዛዙ):- ከመጽሐፍ ቅዱስ የተለያዩ ገፆች ተቀድዶ በተሠራ ኪስ ወረቀት ዕቃ ሲሸጥበት የተገኘው አንድ ግለሰብ በአንድ ዓመት እስራት ተቀጣ፡፡ የፊዴራል የመጀመሪያ ደረጃ ፍ/ቤት የመናገሻ ምድብ ወንጀል ችሎት ኅዳር 3 ቀን 2002 ዓ.ም በዋለው ችሎት፤ ፋሪስ አወል አብደላ በተባለው የ22 ዓመት ተከሳሽ ላይ ውሳኔውን ያሳለፈው ግለሰቡ በወንጀል ሕግ አንቀጽ 492/ለ ላይ የተቀመጠውን «የሃይማኖትን ስሜትና ሠላም መንካት» የሚለውን አንቀጽ ተላልፎ በመገኘቱ ነው፡፡

በፍትሕ ሚኒስቴር፤ የጉለሌ ፍትሕ ጽ/ቤት ለስምዐ ጽድቅ ጋዜጣ እንደ ገለጸው፤ ይኸው ግለሰብ በጉለሌ ክፍለ ከተማ ቀበሌ 21 በሚገኘው ሱቁ ኅዳር 1 ቀን 2002 ዓ.ም ከምሽቱ 4 ሰዓት ላይ ከመጽሐፍ ቅዱስ ገፆች የተዘጋጀውን ይህንኑ የዕቃ መሸጫ የኪስ ወረቀት ለሁለት ወጣቶች ሸቀጥ ሲሸጥበት ተገኝቶ በቁጥጥር ሥር ውሏል፡፡

አቃቤ ሕግና ¬ፖሊስ በተቀናጀ መልክ እና በፈጣን ሁኔታ ምርመራውን አጣርተው ለፍርድ በማቅረባቸው በአጭር ጊዜ ውሳኔ መስጠቱን ጽ/ቤት ጠቁሞ፤ አውቀውም ሆነ ሳያውቁ እንዲህ ዓይነት ድርጊት ለሚፈጽሙ ግለሰቦች ውሳኔው አስተማሪ መሆኑንም ገልጿል፡፡

ከሐዲስ ኪዳን፣ ከማርቆስና ከሉቃስ ወንጌል፤ ከብሉይ ኪዳን ደግሞ ከመዝሙረ ዳዊት ከሌሎችም ተቀደው ለዕቃ መሸጫነት የተሠሩ ሠላሳ ሦስት የኪስ ወረቀቶች በኤግዚቢትነት መያዛቸውንም ጽ/ቤቱ አስረድቷል፡፡

ተከሳሹ ድርጊቱን ፈጽሜያለሁ ነገር ግን አውቄ አይደለም በማለት ለፍ/ቤቱ ቃሉን መስጠቱ ታውቋል፡፡

በችሎቱ የተገኙ አንዳንድ ግለሰቦች በሰጡት አስተያየት ከጥፋት አንጻር ፍርዱ አነስተኛ ቢሆንም ፍ/ቤቱ በጉዳዩ ላይ አፋጣኝ ውሳኔ መስጠቱን የሚያስመሰግነው መሆኑን ተናግረዋል፡፡

ወስብሐት ለእግዚአብሔር

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)