December 14, 2009

ትውልደ ኢትዮጵያዊው ፓኪስታን ውስጥ በሽብርተኝነት ጥርጣሬ ተያዘ

(ሪፖርተር):- የአሜሪካ ዜግነት ያላቸው ሁለት ትውልደ ኢትዮጵያዊ እና ኤርትራዊ ፓኪስታን ውስጥ በሽብርተኝነት ተጠርጥረው ተያዙ፡፡ ረቡዕ እለት ፓኪስታን ውስጥ የተያዙት የዋሽንግተን አካባቢ ነዋሪዎች ባለፈው ወር ከአሜሪካ መሰወራቸውን የዓለም አቀፍ መገናኛ ብዙሀን ዘግበዋል፡፡ በሃያዎቹ የእድሜ ክልል የሚገኙት እነዚሁ አምስት አሜሪካውያን ወደ ፓኪስታን ያቀኑበት ምክንያት ገና በመጣራት ላይ በመሆኑ በወጣቶቹ ላይ እስካሁን ምንም ዓይነት ክስ አልተመሠረተባቸውም፡፡

የአሜሪካው የፌዴራል ምርመራ ቢሮ አባላትና በፓኪስታን የአሜሪካ ኤምባሲ ባለስልጣናት ዓርብ ዕለት እነዚሁኑ አምስት አሜሪካውያን በታሰሩበት እንዳነጋገራቸውም ተገል..ል፡፡

ከአምስቱ አንዱ ትውልደ ፓኪስታን አንደኛው ደግሞ የግብፅ ትውልድ እንዳለውም የዜና ምንጮቹ ጠቁመዋል፡፡ አምስተኛው ታሳሪ የየመን ትውልድ እንዳለውም ተገል..ል፡፡

ሁኔታው በአሜሪካ ቁጥሩ የበዛ አገር በቀል የሽብር እንቅስቃሴ ተስፋፍቶ እንዳይሆን ስጋት ፈጥሯል፡፡ እስካሁን በተገኘው መረጃ ኢትዮጵያዊ ትውልድ አለው የተባለው ተጠርጣሪ አማን ሃሰን ይመር በመባል እንደሚጠራ የአሜሪካና የፓኪስታን ደህንነት ክፍሎች መግለፃቸውን የዜና አውታሮች ዘግበዋል፡፡

እንደ ፓኪስታን ደህንነት አባላት አገላለፅ አሜካውያኑ ከአክራሪ ቡድኖች ጋር ግንኙነት ለመፍጠር የተለያዩ ድረ ገፆች ላይ ሙከራ ቢያደርጉም ጥረታቸው ባለመሳካቱ በቀጥታ ፓኪስታን ውስጥ በመግባት ምኞታቸውን ሊያሳኩ እንደሞከሩ ይጠረጠራል፡፡

ወደ አሜሪካ መልሰው ስለመላካቸው ወይንም ደግሞ እዚያው ፓኪስታን ውስጥ ለፍርድ ስለመቅረባቸው የሚወሰነው በመካሄድ ላይ ያለው ምርመራ ሲጠናቀቅ መሆኑንም የፓኪስታን የደህንነት አባላቱ አሳውቀዋል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)