November 26, 2009

የአዲስ ነገር ጋዜጣ ዋና አዘጋጅና ዘጋቢ የፓትርያርኩን ስም በማጥፋት ወንጀል ተከሰሱ


(በታምሩ ጽጌ)
በየሣምንቱ ቅዳሜ እየታተመ የሚወጣው አዲስ ነገር ጋዜጣ ዋና አዘጋጅና ዘጋቢ "የብፁዕ ወቅዱስ አቡነ ጳውሎስን ስም አጥፍታችኋል" በሚል የስም ማጥፋት ወንጀል ክስ ተመሰረተባቸው፡፡ ዋና አዘጋጁ ጋዜጠኛ ታምራት ነገራ እና ዘጋቢው አብርሃም በጊዜው ለፌዴራል የመጀመሪያ ደረጃ ፍርድ ቤት ለአራዳ ምድብ ችሎት በፌዴራል ዐቃቤ ሕግ መስከረም 25 ቀን 2002 ዓ.ም. በተፃፈ የክስ ቻርጅ የተከሰሱ ቢሆንም፤ ህዳር 11 ቀን 2002 ዓ.ም. መከሰሳቸውን መስማታቸውንና ህዳር 14 ቀን 2002 ዓ.ም. የክስ ቻርጁን ከነመጥሪያው መውሰዳቸውን ገልፀዋል፡፡

ተከሳሾቹ በ1996 ዓ.ም. የወጣውን የወንጀል ሕግ አንቀጽ 32(1)(ሀ)፡ 613(3) እና በአዋጅ ቁጥር 590/2001 አንቀጽ 6(1) ስር የተመለከተውን በመተላለፍ፣ በመልካም ስም ላይ ከባድ ጉዳት ለማድረስ በማሰብ ግንቦት 15 ቀን 2001 ዓ.ም. የኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ ያካሄደው ስብሰባ (ጉባኤ) ያሳለፈውን ውሳኔ "አዲስ ነገር" በሚባለው ጋዜጣ ላይ የፓትርያርኩን ስም ማጥፋታቸውን የክስ ቻርጁ ይገልፃል፡፡

"አቡነ ጳውሎስ ከአስተዳደር ኃላፊነት በሚያገል በሲኖዶሱ ፀደቀ፤ በሲኖዶሱ መካከል የተፈጠረው ችግር በይቅርታ እንዲፈታ እንቅፋት የሆኑት ፓትርያርኩ ናቸው፤ በሲኖዶሱ የተቋቋመው የሥራ አስፈፃሚ ኮሚቴ የፓትርያርኩን አስተዳደራዊ የበላይነት በማስቀረት መንፈሳዊ አመራር ብቻ እንዲሰጡ ያደርጋል" በማለት የፓትርያርኩን ስም በማጥፋታቸው መከሰሳቸውን የክስ ቻርጁ ይገልፃል፡፡
WEDNESDAY, 25 NOVEMBER 2009
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)