October 28, 2009

ስለ ቅዱስ ሲኖዶስ ስብሰባ የሪፖርተር ጋዜጣ ሪፖርታዥ:- "የቅዱስ ሲኖዶሱ ጉባዔ ያለስምምነት ተበተነ"


(ደጀ ሰላም Oct 28/2009)፦ ከዚህ በታች የቀረበው የዛሬ Oct 28/2009 የሪፖርተር ጋዜጣ ሪፖርታዥ ነው። ስለ ቅ/ሲኖዶስ ጉባዔ ጥሩ ተደርጎ ማጠቃለያ የተሠራበት ከመሆኑ አንጻር “ደጀ-ሰላም” እስካሁን ሳታሰልስ ስትዘግብ ለቆየችው ማጠናከሪያ  ይሆናል። መልካም ንባብ።
ቸር ወሬ ያሰማን፣
አሜን
+++++++


የቅዱስ ሲኖዶሱ ጉባዔ ያለስምምነት ተበተነ
ልዩነት የፈጠረው የአቡነ ሳሙኤል ምደባ ጉዳይ ነው

በታምሩ ጽጌ

(ሪፖርተር፤ Oct 28/2009)፦
በኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጉባኤ ጥቅምት 11 ቀን 2002 ዓ.ም. በእርቅና በጸሎት ተጀምሮ ጥቅምት 15 ቀን 2002 ዓ.ም. ያለ ስምምነት መበተኑን ከተሳታፊዎቹ አንዳንድ አባቶች በተለይ ለሪፖርተር ጋዜጣ ገለጹ፡፡


ጉባኤው ያለ ስምምነት የተበተነበትን ምክንያት አባቶቹ ሲያስረዱ፣ ለጉባኤው ቀርበው የነበሩት 18 አጀንዳዎች ላይ ውይይት ተደርጐ በሰላም ካጠናቀቀ በኋላ፣ የአዲስ አበባ ሀገረ ስብከት የፓትርያርኩ ረዳት ሊቀ ጳጳስ አቡነ ሳሙኤልን በእጣ እንዲመደቡ፣ በእጣው ውስጥም ከተካተቱት ትንሣኤ ማተሚያ ቤት፣ የሕፃናት ጉዳይ ድርጅት፣ የልማትና ተራድዖ ኮሚሽን እና በመንበረ ፓትርያርክ ትምህርትና ማሰልጠኛ ክፍል መካከል፣ የቤተ ክርስቲያኗ የልማትና ተራድዖ ኮሚሽን በመውጣቱና ቅዱስ ፓትርያርኩ በመቃወማቸው ነው፡፡

የአቡነ ሳሙኤልን አዲስ ምደባ በተመለከተ ከጥቅምት 14 ቀን 2002 ዓ.ም. ጀምሮ አዲስ አጀንዳ የቀረበ መሆኑን የገለጹት አባቶች፤ ”የት ይመደቡ” ለሚለው ጥያቄ ቅዱስ ፓትርያርኩ፤ መቀሌ እንዲመደቡ የመጀመሪያ ጥቆማ ማድረጋቸውን ተናግረዋል፡፡

ቀደም ብሎ ከግንቦት ወር እስከ ሐምሌ 2001 ዓ.ም. በነበረው ውዝግብ የተነሣ በትግራይ ሕዝብ በኩል ተቀባይነት ሊያገኙ ስለማይችሉ፣ በልማትና ተራድኦ ኮሚሽን ቢመደቡ የተሻለ እንደሚሆን አንድ የሲኖዶሱ አባል ሌላ ጥቆማ መስጠታቸውን አባቶቹ ገልጸዋል፡፡ “እርሳቸው ረአቡነ ሣሙኤልሪ ከውጭ ይሁኑና ምደባውን በተመለከተ እኛ እንነጋገር” በሚል ሌላ አባል ሐሳብ ቢያቀርቡም ምላሽ አለማግኘታቸውን ተናግረዋል፡፡

በሀገረ ስብከቱ ለረጅም ዓመታት መሥራታቸውን፣ በብፁዕ ወቅዱስ አቡነ ጳውሎስ ትዕዛዝ ብዙ የማይረሱ ሥራዎችን መሥራታቸውንና ብዙ ፈተናዎችንም ማለፋቸውን በመግለጽ ንግግራቸውን የጀመሩት አቡነ ሳሙኤል፤ በአንድ ቤት ታምቀው ይሠሩ ለነበሩ የቤተ ክርስቲያኒቱ አገልጋዮች ባሠሩት ሕንፃ ውስጥ በመመደብ፣ የሀገረ ስብከቱን ሥራ ቀና እንዲሆን ማድረጋቸውን ተናግረው፤ “ጥፋተኛ ተብዬ ከሀገረ ስብከቱ ብወጣም ደስተኛ ነኝ፤ አይከፋኝም” ማለታቸውን አባቶቹ ገልጸዋል፡፡

“አባቶች ባዘዙኝ ቦታ ለመሥራት ፈቃደኛ ነኝ፡፡ አባታችንና አባቶቻችን ያሳዘንኳችሁ ካለ ይቅር በሉኝ” በማለት እርቅ ወርዶ እንደነበር አንዳንድ የጉባኤው ተካፋይ አባቶች አስታውሰዋል፡፡

አቡነ ሳሙኤል ተናግረው ሲያበቁ፣ ቅዱስ ፓትርያርኩ “መቀሌ መድቤዎታለሁ” ሲሉ ሌሎቹ ሁለት የሲኖዶሱ አባሎች ደግሞ የሀገረ ስብከቱን ፋይናንስ በሚያጣራው ኮሚቴ በየጊዜው ለቃለ ምልልስ ስለሚፈለጉ አሰበ ተፈሪ ወይም በአዲስ አበባ ዙሪያ ቢመደቡ የተሻለ እንደሚሆን ሐሳብ አቅርበው እንደነበር ተሳታፊ አባቶች ተናግረዋል፡፡

ቅዱስ ፓትርያርኩ ስለተባሉትም ሆነ ስለተጠቆሙት ቦታዎች ምንም ምላሽ ባለመስጠታቸው፤ የሲኖዶሱ አባላት የተለያዩና ጠንካራ አስተያየቶች መሰንዘራቸውን ተሳታፊ አባቶች ገልጸዋል፡፡

ቅዱስ ሲኖዶሱ እንደሚያዘው፣ አንድ አባት የሚመደቡት በፈቃዳቸው እንጂ በግድ መሆን እንደሌለበት በመግለፅ ተጽዕኖ መደረግ እንደሌለበት የጉባኤው አባላት አስተያየት መስጠታቸውን ተሳታፊ አባቶች ተናግረዋል፡፡

“እኔ እዚህ የመጣሁበትንና የተወለድኩበትን ዕለት ረግሜዋለሁ” በማለት አስተያየት በሰጡት አንድ አባት በሰጡት አስተያየት፣ ሦስት አባቶች ተመርጠው ቦታውን አጥንተው እንዲያቀርቡ ሐሳብ ማቅረባቸውን ታውቋል፡፡

ቅዱስ ፓትርያርኩ ስብሰባው በአግባብና በስርዓት እንዲመራ እንዲያደርጉ አባላቱ መጠየቃቸውንና አንዳንዶቹም ይቅርታ በመጠየቅ አቋርጠው በመውጣት፣ ከሰዓትም ሳይመለሱ መቅረታቸውን ተሳታፊ አባቶች ገልጸዋል፡፡

አንዳንድ የሲኖዶሱ አባላት በሰጡት አስተያየት፣ ቅዱስ ሲኖዶሱ ለማኝና ተለማኝ መሆን እንደሌለበት ተናግረው፣ “የሰላም ሲኖዶስ ከሆነ ለምን በሰላም አንፈታውም” ሲሉ ቅዱስ ፓትርያርኩ “ያላለቀ ጉዳይ አለ፡፡ ከአንድ ወር በኋላ ቅዱስ ሲኖዶሱ ይሰበሰባል፤ ወይም ይደርና እንነጋገር” በማለታቸው ለጥቅምት 15 ቀን 2002 ዓ.ም. መቀጠሩን ተሳታፊ አባቶች ተናግረዋል፡፡

ለጥቅምት 16 ቀን 2002 ዓ.ም. በይደር የተቀጠረው ጉባኤ በጸሎት ከተከፈተ በኋላ የአቡነ ሳሙኤል ጉዳይ ሦስት ሰዎች ተመርጠውና አጥንተው እንዲመጡ እንዲደረግ የሚል አስተያየት ሲነሳ፤ ቅዱስ ፓትርያርኩ “ወደመረጥኩት ሀገረ ስብከት ቢሄዱ የተመረጠ ነው” ማለታቸውን ተሳታፊ አባቶች ገልጸዋል፡፡

የአዲስ አበባ ሀገረ ስብከት አስተዳደር ጉዳይንና የፋይናንስ ኦዲት ሪፖርት እንዲያቀርብ የተሰየመው ኮሚቴ፤ ..የፋይናንስ ኦዲት ሪፖርት እንዳልደረሰለትና ተጨማሪ ጊዜ እንዲሰጠው ጠይቆ አስተዳደርን በተመለከተ ባቀረበው ሪፖርት ችግሩ የቤተ ክርስቲያኗ መሆኑን በመናገር የምትመራበት ስርዓት እንደሌላትና ሕግም ቢኖር እርስ በርሱ የሚጋጭ መሆኑን በገለጸው መሠረት አቡነ ሳሙኤል አስተያየት መስጠታቸውን ተሳታፊ አባቶች ተናግረዋል፡፡

አቡነ ሳሙኤል በሰጡት አስተያየት፤ አጣሪ ኮሚቴው ስለ ሀገረ ስብከቱ አስተዳደር ጉዳይ ባደረገው ሪፖርት ችግሩ በሙሉ የቤተ ክርስቲያኗ መሆኑን እንጂ የአዲስ አበባ ሀገረ ስብከት ችግር ባለመሆኑና ጥፋተኛ ስላልሆኑ ወደ ሥራቸው እንዲመልሷቸው በድጋሚ መጠየቃቸውን ተሳታፊ አባቶች ገልጸዋል፡፡

በሰላማዊ መንገድ ቅዱስ ሲኖዶሱ በፈለገው ቦታ እንዲመድባቸው በድጋሚ አስታውሰው፤ “በቀድሞ ቦታዬም ቢሆን ችግር ስለሌለብኝ በሕግም ቢሆን እገባለሁ” ብለው ከተናገሩ በኋላ፣ በሁሉም የሲኖዶሱ አባላት ዘንድ ለጥቂት ደቂቃዎች ያህል ዝምታ ሰፍኖ እንደነበር ተሳታፊ አባቶች ተናግረዋል፡፡

እሑድ ጥቅምት 15 ቀን 2002 ዓ.ም. ከሰዓት በኋላ ባደረጉት ስብሰባ ቅዱስ ፓትርያርኩ ስብሰባውን ሲጀምሩ እንደተናገሩት፤ በግንቦት 2001 ዓ.ም. ስብሰባ አዲስ አበባ ሀገረ ስብከት በአምስት ይከፈል ሲባሉ ረአቡነ ሳሙኤልሪ አሻፈረኝ ማለታቸውን ነገር ግን ከቦታቸው ይነሱ አለማለታቸውን፤ እራሳቸው ባመጡት ጣጣ እዚህ መድረሳቸውን፣ በአሜሪካ ድምፅ ሬዲዮ (ቪ.ኦ.ኤ) “ፓትርያርኩ ለ17 ዓመታት ምንም አልሰሩም” በማለት ስም የሚያጠፉ አንዳንድ አባቶች መኖራቸውን በመግለጽ “አታስፈራሩኝ፤ ዛቻ ለማንም አይጠቅምም” በማለት መናገራቸውን ተሳታፊ አባቶች ተናግረዋል፡፡

ከብዙ ልመናና አስተያየት በኋላ ሦስት አባቶች (አቡነ ኤልሳዕ፣ አቡነ አትናቴዎስና አቡነ ፊልጶስ) ተመርጠው አቡነ ሳሙኤል ሊመደቡ ይችላሉ ያሏቸው ቦታዎችን መምረጣቸውን የተናገሩት ተሳታፊ አባቶች፤ አራት ቦታዎች (ትንሣኤ ማተሚያ ቤት፣ የሕፃናት ጉዳይ ድርጅት፣ የልማት ኮሚሽንና የመንበረ ፓትርያርክ ትምርትና ስልጠና ክፍልን) መምረጣቸውን ተናግረዋል፡፡

ከቃለ አዋዲ ውጭ በእጣ እንዲመደቡ ቢደረግም ዕጣው ሲወጣ “ልማት ኮሚሽን” የሚለው በመውጣቱ ቅዱስ ፓትርያርኩ “በፊትም ብያለሁ፤ አሁንም አልስማማም” በማለታቸው፣ የተወሰኑ የሲኖዶሱ አባላት ጉባኤውን ጥለው በመውጣታቸው ጉባኤው ያለ ውጤት መበተኑንና ድርጊቱም ብዙ አባቶችን ያሳዘነ መሆኑን ተሳታፊ አባቶች ገልጸዋል፡፡

ለቅዳሜ ጥቅምት 14 ቀን 2002 ዓ.ም. 5፡00 ሰዓት ጋዜጣዊ መግለጫ ይሰጣል በሚል ጋዜጠኞቹ ተጠርተው የነበረ ቢሆንም “ይቅርታ ልጆቼ ስብሰባው ስላላለቀልን ለነገ (እሑድ) 9፡00 ሰዓት ተመለሱ” በማለት ቅዱስ ፓትርያርኩ አሰናብተው፣ በማግስቱ ጋዜጠኞች በተባሉበት ሰዓት ደርሰው እስከ 11፡30 ከቆዩ በኋላ “ይቅርታ ስብሰባው ለረቡዕ ስለሚቀጥል ሐሙስ ጥቅምት 19 ቀን 2002 ዓ.ም. መግለጫው ይሰጣል” በሚል አቡነ ገሪማ (የተራድኦ ልማት ኮሚሽኑ የበላይ ጠባቂ ሊቀ ጳጳስ) ጋዜጠኞቹን በድጋሚ አሰናብተዋል፡፡

ቅዱስ ሲኖዶሰ ያቋረጠውን ስብሰባ በዛሬው ዕለት ይቀጥላል ተብሎ እንደሚገመት ለጉዳዩ ቅርበት ያላቸው ወገኖች አረጋግጠዋል፡፡
+++++++++

ደጀ ሰላም
በቤተ ክርስቲያን ጉዳይ ዜናዎችን፣ አስተያየቶችን፣ ጥያቄዎችን፣ መልሶችን የምታወጣ የጡመራ-መድረክ ናት። ግለሰቦች ለሚጽፏቸው ጽሑፎች “ደጀ-ሰላም” ኃላፊነቱን አትወስድም። ደጀ-ሰላም ራሷ ያዘጋጀቻቸውን ጽሑፎች “ደጀ-ሰላም” ብላ ትጠቅሳለች። ኃላፊነቱን የምትወስደው ለነዚያ ጽሑፎች ብቻ ነው።
ቸር ወሬ ያሰማን፣
አሜን

15 comments:

Anonymous said...

Abetu Aseben.

John Ze Baptist said...

Aba Paulos, He is really playing political and childish game. Woy Gizie,Etan embi kalu ewunetinma eshi ayilum.

So sad!!!!!!!!!!!!

Anonymous said...

ልብ በሉ ጎበዝ፦

ካሥራ-ምናምኑ አጀንዳ ውስጥ ባንዱ እንኳ የቤተክርስቲያኗ ኦርቶዶክሳዊ ተዋሕዶ ባሕርያዊ አቋም፣ ምክንያተ-ህላዌ (raison d'etre) የኾነው የቅዱስ ሲኖዶስ የበላይነት ጕዳይ አልተነሣም፤ ከተነሣም በማያሻማ ኹኔታ ውሣኔ አልተሰጠበትም ማለት ነው። አለዚያማ በመጨረሻው እንዲኽ ያለ ጭቅጭቅ እንዴት ሊነሣ ይችል ነበር???

ወደድንም ጠላንም አኹንም "የኮተሊካውያኑ" ሥውር እጅ ሥራውን በረቀቀ መልኩ እየሠራ ነው እንጂ አልተሰበረም!!!

ይኸንን ኹኔታ ስመለከት ምን ማድረግ እንደሚሻል ብቻ ሳይኾን እንዴት ማሰብ እንዳለብን ግራ የሚያጋባ ደረጃ ላይ እንደደረስን ይሰማኛል።

Dan said...

"የቅ/ሲኖዶስ የጥቅምት ጉባዔ ዛሬ ሳይሰበሰብ የዋለ ሲሆን ምክንያቱ ቅዱስ ፓትርያርኩ ለሥራ ጉዳይ ወደ አኩሱም በማቅናታቸው መሆኑ ታውቋል።"

"ቅዱስ ፓትርያርኩ ስብሰባው በአግባብና በስርዓት እንዲመራ እንዲያደርጉ አባላቱ መጠየቃቸውንና አንዳንዶቹም ይቅርታ በመጠየቅ አቋርጠው በመውጣት፣ ከሰዓትም ሳይመለሱ መቅረታቸውን ተሳታፊ አባቶች ገልጸዋል፡፡"

"አንዳንድ የሲኖዶሱ አባላት በሰጡት አስተያየት፣ ቅዱስ ሲኖዶሱ ለማኝና ተለማኝ መሆን እንደሌለበት ተናግረው፣ “የሰላም ሲኖዶስ ከሆነ ለምን በሰላም አንፈታውም”

ፓትርያርኩ
“በፊትም ብያለሁ፤ አሁንም አልስማማም” በማለታቸው፣ የተወሰኑ የሲኖዶሱ አባላት ጉባኤውን ጥለው በመውጣታቸው ጉባኤው ያለ ውጤት መበተኑንና ድርጊቱም ብዙ አባቶችን ያሳዘነ መሆኑን ተሳታፊ አባቶች ገልጸዋል፡፡"

By this act he has DEFILED the holy synod -with him as a patriarch the synod is no longer holy or synod

He defied, openly refused to obey or conform to the cannon of the church and the authority of the synod

The synod should tell him to stay in Axum and assign ዓቃቤ ፓትርያርክ until The Lord God "call him home"

Wongel said...

Math 24
42 ጌታችሁ በምን ሰዓት እንዲመጣ አታውቁምና እንግዲህ ንቁ።

43 ያን ግን እወቁ፤ ባለቤት ከሌሊቱ በየትኛው ክፍል ሌባ እንዲመጣ ቢያውቅ ኖሮ፥ በነቃ ቤቱም ሊቈፈር ባልተወም ነበር።

44 ስለዚህ እናንተ ደግሞ ተዘጋጅታችሁ ኑሩ፥ የሰው ልጅ በማታስቡበት ሰዓት ይመጣልና።

45 እንኪያስ ምግባቸውን በጊዜው ይሰጣቸው ዘንድ ጌታው በቤተ ሰዎች ላይ የሾመው ታማኝና ልባም ባሪያ ማን ነው?

46 ጌታው መጥቶ እንዲህ ሲያደርግ የሚያገኘው ያ ባሪያ ብፁዕ ነው፤

47 እውነት እላችኋለሁ፥ ባለው ሁሉ ላይ ይሾመዋል።

48 ያ ክፉ ባሪያ ግን። ጌታዬ እስኪመጣ ይዘገያል ብሎ በልቡ ቢያስብ፥

49 ባልንጀሮቹን ባሮች ሊመታ ቢጀምር ከሰካሮችም ጋር ቢበላና ቢጠጣ፥

50 የዚያ ባሪያ ጌታ ባልጠበቃት ቀን ባላወቃትም ሰዓት ይመጣል፥

51 ከሁለትም ይሰነጥቀዋል፥ እድሉንም ከግብዞች ጋር ያደርግበታል፤ በዚያ ልቅሶና ጥርስ ማፋጨት ይሆናል።

Anonymous said...

Is there any thing as the children of the church we can do to avoid Abune Paulos from his power?
I fill that he is not using his power properly. I donot know why the synods is simply obeying to his rule.
I believe that he wants to be superior and he is not governed by the rule of the synods. For example,
if the memebers of the synods donot want Abune Samuel to go to Mekelle why does not he accept that? Why doesnot he be governed by the large amount of votes given?
Deje Selam if there is any thing that we can do to avoid Abune Paulos from his power why donot u show us the way?
I believe that all the Ethiopian Orthodox people should gather and tell to the POP that what he is doing is wrong. We should come out in every parts of the world and have gatherings against him.
I am also surprised by the Synods members why they donot ask Abune Samuel to stay in his power as the POP of Addis as it was proved that he is innocent.
I am Tigrayan but being a Tigrayan or a supporter of EPRDF does not mean that I should accept what the POP is doing.
Please let us all pray so that God will save our church.

Anonymous said...

besmmeab weweld wemenfes kdus ahudu amlak amen


sle berekrstian guday aschenkogn yhchn melekt astelalfalehu aba pawlos ebakotn sewochn atnaku endeerso bedmmiy yekeberu abatoch nachewna lemn selamn aywedum? lemehonu yesela enklf ywesdwotal? enqan erswo keegziabher sltan yetekebelut ykrna eniy chewaw memen slebitekrstiyan schenek selam enklf ketegnahu bzu giziy alefegn

Anonymous said...

The Holy synod is in exile.
The EOTC patriarch is His Holiness Abune Merkerios, He is a live and well.

God will punish those who are against the elected.

Anonymous said...

እግዚአብሔር ሆይ እባክህ ማረን…

Anonymous said...

" 8. መላው የቅዱስ ሲኖዶስ አባላት ብፁ
አን አባቶች ከአባ ጳውሎስ የከፋፍለህ ግዛው ሴራ ተጠብቃችሁ ጌታችን ኢየሱስ ክርስቶስ በቅዱስ ደሙ በመሠረታት ቅድስት ቤተ ክርስቲያናችን ውስጥ ለተፈጠረውችግር ዘላቂ መፍትሔ ለመስጠት የቀድሞ ብፁአን አባቶ
ችን አሠረ ፍኖት በመከተል በፆም በጸሎት፣
ሌት ተቀን ደከመን ሰለቸን ሳትሉ አንድ ሆናችሁ ቤተክርስቲያንን ከችግር በመታደግ አባታዊና ታሪካዊ ግዴታችሁን እንድትወጡ በታላቅ ትሕትና እንጠይቃለን።

9. መላው የኢትዮጵያ ኦርቶዶክስ ተዋሕዶ ቤተክርስቲያን ካህናትና ምእመናን በተከሰተ
ው ኢ-ክርስቲያናዊና ሕገ ወጥ ነገር ተስፋ ባለመቁረጥ እንደዚሁም ደግሞ የቤተክርስ
ቲያናችንን አንድነትና ሰላም ለማይሹ አጽ
ራረ ሃይማኖት ቦታ ባለመስጠት ከምንም
በላይ ለቅድስት ቤተክርስቲያን አንድነትና ሰላም መጠበቅ፣ ለቅዱስ ሲኖዶስ የበላይነት መረጋገጥ፣ ለሕገ ቤተክርስቲያን መከበር በጥብዓት ከተነሱ ብፁዓን አባቶቻችን ጎን በመቆምና አስፈላጊውን ሁሉ ድጋፍ በማድ
ረግ የበኩላችንን አስተዋጽኦ እንድናደርግ ሃይማኖታዊ ጥሪያችንን እናስተላልፋለን።

የሰላም አምላክ ሰላማዊ ኢየሱስ ክርስቶስ ለቤተክርስቲያናችን ሰላምን ይስጥልን።

የእምነ ጽዮን የቅድስት ድንግል ማርያም አማላጅነት አይለየን።
አሜን።

ርእሰ አድባራት ለንደን ደብረ ጽዮን
ቅድስት ማርያም

የኢትዮጵያ ኦርቶዶክስ
ተዋሕዶ ቤተክርስቲያን

ጥቅምት 3 ቀን 2002 ዓ.ም፣
ለንደን፤ ብሪታንያ።"

የሚከተለውን፡መጠቆሚያ፡በመጫን፡
ሙሉውን፡ጽሑፍ፡ለማንበብ፡ይቻላል፤

http://www.ethiomedia.com/course/london_debre_tsion.pdf

SendekAlama said...

አቡነ ሳሙኤል እጣ የወጣላቸው የልማትና ተራድኦ ኮሚሽን ተቋም ኃላፊና በመሆን እንዲሰሩ ዛሬ ረቡዕ ጥቅምት 18 ቀን 2002 ዓ.ም የፀደቀላቸው መሆኑን የአዲስ አበባ ምንጮቻችን ገለጹ።

http://www.ethiopiazare.com/the-news/1-latest-news/1114-oretodox

Moona said...

እረ ጉድ !
ምን ዓይነት ጊዜ መጣ እባካችሁ::እንዲህ ግትር ማለት እንኳዋን ከሐይማኖት አባት ከተራ መደዴም አይጠበቅም::ንቀት ግትርነት አምባገነንንት ...ወዘተ የአጋንት ልዩ ገንዘብ ናቸው::እነዚህ መኅኔ ዓለም የሚጠየፋቸው ጠባዮች ናቸው::
ሊያፍሩ ይገባል!

Anonymous said...

It is my very firest time in my life to give a series attention to the holy synod meeting .The reason being obvious to evey one, the outcome of the meeting makes me to shame on the so called 'bistuan abatoch'.They went to the meeting knowing that the church is in a huge risk which has never seen in history and they discessed about where to put abune Samuel or abune egelie.They didnt have the gut to raise the main issue which really could brought change to the church.Oh bistuan liqane papasat
you all are a shame a big shame.If you cant deal on the resposiblity which you recived from the church please confess to God and leave to the monastries so that we can say we dont have a synode but woyane!

Sentun ayehu said...

Selam DJ
Do you have betekenet email address? please... I know they are not going to read it but I like wrote them my concern and how I feel and how much the Aba Paulos disappoint me and millions of EOTC me'emenan. Egezihabe'er lebonana masetewalen yesetachew.

Anonymous said...

what i do believ is what Geraziane said about ethiopia after we kick off him from our country that to conlonize ethiopia three things should had been dismatled: 1/EOTC 2/ the Amhara tribe and 3/ The Monarchy Governance

After all they are succeded on the last two options what is left now is the first option that means dismantling the ethiopian orthodox tewahedo church which is very IMPOSSIBLE AT ALL!!!!!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)