October 29, 2009

የአቡነ ሳሙኤል ልማት ኮሚሽን ላይ መሾም ምን አንድምታ አለው?

(ደጀ ሰላም Oct 28/2009)፦

የዛሬ ረቡዕ የቅዱስ ሲኖዶስ ውሎ ምን ይመስላል? ቅዱስ ሲኖዶስ በዛሬው ውሎው በዐቢይነት በብፁዕ አቡነ ሳሙኤል ምደባ ዙሪያ የተጀመረውንና በእንጥጥል የተላለፈውን አጀንዳ ከዳር በማድረስ ብፁዕነታቸውን ለልማት ኮሚሽን ኃላፊ እንዲሆኑ አድርጓቸዋል። እስካሁን ቦታውን ይዘው የነበሩት የፓትርያርኩ የረዥም ጊዜ ቀኝ-እጅ አቡነ ገሪማ ነበሩ።

የጥቅምት የቅ/ሲኖዶስ ጉባዔን አብዛኛ ሰዓት በወሰደው የአቡነ ሳሙኤል ምደጋ ጉዳይ ቅዱስ ፓትርያርኩ ለብቻቸው፣ ሌሎች አባቶች በአንድነት የቆሙ ሲሆን ፓትርያርኩ ግን በደፈናው “አይሆንም፣ አይቻልም፤ አይቻልም ብያለኹ” በማለታቸው ብቻ ውሳኔ ሳያርፍበት ቆይቷል። ቅዱስ ፓትርያርኩ በመጨረሻ አንስተዋል እንደተባለው ከሆነ ብፁዕ አቡነ ሳሙኤል መቐለ ካልሄዱ የቅዱስ ጳውሎስ መንፈሳዊ ኮሌጅ ኃላፊ እንዲሆኑ ሐሳብ አቅርበው ነበር። በአዲስ አበባ ዛሬ እስከ 10 ሰዓት (4ፒ.ኤም) ድረስ በተካሄደው ስብሰባ ማጠቃለያ አቡነ ሳሙኤል የልማት ኮሚሽንን ቦታ መያዛቸው ተረጋግጧል። ልማት ኮሚሽን ከ1972 እ.ኤ.አ ጀምሮ የተለያዩ ምግባረ ሰናይ ተግባሮች የሚፈጸም የቤተ ክርስቲያናችን ትልቅ ተቋም ነው። ገጠር ልማት፣ ውሃ ማውጣት፣ በግል ንጽሕና፣ በኤች.አይ.ቪ ኤይድስ፣ በስደተኞች፣ በጾታና ዕድገት፣ በሰላም ዙሪያ እንዲሁም አህጉረ ስብከትና አጥቢያዎች ዙሪያ ፕሮጄክቶችን በመቅረጽ የሚሠራ ትልቅ ድርጅት ነው። ልማት ኮሚሽን ይህንን ሁሉ ሥራ የሚሠራ ይሁን እንጂ የሚታማበትና የሚወቀስበት ብዙ ጉዳዮች አሉ።

የመጀመሪያው ሠራተኞቹ ቤተ ክርስቲያኒቱን የሚቃወሙ ፕሮቴስታንቶች ጭምር መሆናቸው ነው። ስለዚህ ጉዳይ በተለያዩ ጊዜያት የተጠየቁ ኮሚሽነሮች “ዋናው ሥራቸው ነው” እያሉ ኢመልሱ ነበር። የቤተ ክርስቲያኒቱን ደሞዝ እየበሉ ቤተ ክርስቲያኒቱን የሚሰድቡት እነዚህ ሰዎች ለምን እንደዚያ እንዲያደርጉ እንደሚፈቀድላቸው ለብዙ ኦርቶዶክሳውያን የሚገርም ጉዳይ ነበር።

ሁለተኛው የልማት ኮሚሽን ችግር ገንዘቡ በጥንቃቄ ለታለመለት ሥራ ብቻ እንደማይውል መታማቱ ነው። በዚህ ጉዳይ ከሚታሙት ሰዎች መካከል ደግሞ ቅዱስ ፓትርያርኩ አንደኛው ናቸው። ፓትርያርኩ ለገንዘብ ብክነቱ አስተዋጽዖ አድርገዋል የሚባሉት “የሥጋ ዘመዶቻቸውን” ያለ ብቃታቸው በመመደባቸው ነው። ለዚህ ዓይነቱ ሕገ ወጥነት ሌላው አስተዋጽዖ የሚያደርጉት በበላይ ጠባቂነት የሚሾሙ እንደ አቡነ ገሪማ ያሉ ጳጳሳት ናቸው። የአቡነ ሳሙኤል በቦታው መሾም ትልቅ አንድምታ የሚኖረው ከዚህ አንጻር ነው። በአዲስ አበባ ሀ/ስብከት ላይ እንደታዩት ከሆነ ለዚህ ዓይነቱ የሙስና ተግባር አይመቹም፣ የሥራ ሰውም ናቸው፣ ለቤተ ክርስቲያናቸውም ፍቅር አላቸው።

ቅ/ሲኖዶስ በዚህ የጥቅምት ጉባዔው 17 አጀንዳዎች ላይ የተወያየ ሲሆን ነገ ማጠቃለያ ተደርጎ ለጋዜጠኞች መግለጫ ከመሰጠቱ በፊትም ሌሎች “ጥቃቅን” ጉዳዮች ላይ ሊወያይ ይችላል።

8 comments:

yophtahe said...

አባቶችን ያለዋጋ ያልጣለ ልዑል ክብሩ ከፍ ይበል።

የአባታችን እዚህ ቦታ ላይ መቀመጣቸው ስራና ሰሪን ያገናኛቸዋል።ብጹዕ አቡነ ገሪማ አልሰሩም ማለቴ ሳይሆን እሳቸው የከበዳችውን ውጊያ ግን አቡነ ሳሙዔል በጥበብ ሊያሸንፉት ይችላሉ ለማለት ያክል ነው። የሚጠብቃቸው ስራ ብዙ ነውና አብዝተን ልንጸልይላቸው ይገባናል።

ድንግል ትራዳቸው። አሜን።

Beimnet said...

It is very sad to witness that all the effort and discussion boils down to saving or not saving another Bishop, Abuna Samuel. Wasn't the concern about saving the church through correcting all the wrongdoings in EOTC for the last 17 years? It is so Pathetic!

ተሥፋ ለተማሪዎች said...

የዛሬው ዜና ደግሞ ለቅዱስ ሲኖዶስና ለመላው የኢትዮጵያ ኦርቶዶክስ ቤተ ክርስቲያን ምዕመናን ጥልቅ እፎይታ ሲሆን ፤ በአንጻሩም ደግሞ ለፓትርያርኩና ለማፊያው ቡድን ትልቅ ሀዘን ነው፡፡ ይህን ላደረገ የእውነት አምላክ ዘለዓለማዊ ምስጋና ይድረሰው፡፡ የሚፈለገውም ይህ ነበርና፡፡r

ኡፈይ ተመስገን ፈጣሪ። said...

ኡፈይ ተመስገን ፈጣሪ።
ኡፈይ ተመስገን ፈጣሪ።
ኡፈይ ተመስገን ፈጣሪ።

Dan said...

"Beimnet said...
It is very sad to witness that all the effort and discussion boils down to saving or not saving another Bishop, Abuna Samuel. Wasn't the concern about saving the church through correcting all the wrongdoings in EOTC for the last 17 years? It is so Pathetic!"

I feel the same and I am sure there are millions who are amazed and saddened this is the inner working of the Synod which is entrusted to guide the spiritual life of millions

I want to wait to hear the final deliberation of the synod.

Did it discuss the supreme authority of the synod?

What were the issues on the agenda?

I would also like the final deliberation read in each church on Sunday so all Orthodox Christians understand what is discussed and decided regarding their church.

Anonymous said...

I do not see any victory for the church and for the Holy Synod. It might be a good start for Abuna Samuel IF Abuna Paulos allows him to do his job in his new position, but I doubt it. Untill the ultimate power of the Holy Synod is restored and the patriaric is limited in his power according the to the church's rules and regulations, and also our church is resurrected, I wouldn't say the spritual battle is over. Do not be complecence with small victories. Let's pray and let Almaighty God clean His house.

Anonymous said...

Wakwoya Dhuga commented on your note "ስለ ቅዱስ ሲኖዶስ ስብሰባ የሪፖር&#...":

"ልበ ደንዳናው አባ (አቡነ አላልኩም)ጳውሎስ እና ሰውን የማያፍሩ፤ እግዚአብሔርንም የማይፈሩት ማፍያ ጓደኞቻቸው ርብርብ ቅዱስ ሲኖዶሱን መከፋፈል ሳይቻለው ቀርቷል፡፡ በአቡነ ሳሙኤል ጉዳይ ላይ ሰላሳ ሰባት ሊቃለ ጳጳሳት በድምጽ ብልጫ የአባ ጳውሎስን ውሳኔ መሻራቸው በራሱ የጥቅምቱ ሲኖዶስ ጥንካሬ ተደርጎ ሊታይ ይችላል፡፡ በመሠረቱ ከንቱ ውዳሴ (ከፍተኛ የሆነ የክብር ፍላጎት) የእለት ምግብ ያህል ለሚርባቸው እና፤ ፍቅረ ንዋይ ላሳወራቸው አባ ጳውሎስ የአቡነ ሳሙኤል በዕርዳታ ኮሚሽን መመደብ ሊያሳብዳቸው ቢደርስ ብዙም አይደንቅም፡፡ የለመደ ረጅም እጃቸውን ወደ ኮሚሽኑ የገንዘብ ቋት ሲሰዱ በቅርቡ ዳግም ግጭት ላለማገርሸቱ እርግጠኛ መሆን አይቻልም፡፡
እጅግ የሚገርመው ጉዳይ፤ አባ ጳውሎስ ቀዱስ ሲኖዶሱን ለማሞኘት እና የውሳኔያቸው ተገዢ ለማድረግ ‹‹በእኔና በአቡነ ሳሙኤል መካከል ሰው ነው የገባው›› ሲሉ መደመጣቸው ነው፡፡ ለመሆኑ የፓትርያርኩን ልብ ወደፈለው አቅጣጫ እየነዳ ገየሚጫወትበት እና ከቅዱስ ሲኖዶስ ውሳኔ በላይ ሆነው ያ ሰው ማነው፤ ጠንቋዩ ጌታቸው ዶኒ፤ አለሌው ያሬድ፤ ጅቡ ዘሪሁን፤ ጋለሞታዋ እጅግጋየሁ፤ ከርሳሙ ወለወደ ሩፋኤል ወይስ ሌሎች የማናውቃቸው ! ለነገሩ በፓትርያርኩ ዙሪያ የተኮለኮሉት እኮ ለሆዳቸው እነጂ ለመንጋው የማይገዳቸው ቆብ ስለደፉ ‹‹የመነኮሱ›› የመሰላቸው፤ ልባቸው ያበጠ፤ የዚህ አለም ነውረኞች እነኳን የማይደፍሩትን የእግዚአብሔርን ቤተመቅደስ በመዳፈር ወደር ያልተገኘላቸው የዚህ ዘመን ጉዶች (በገድለ አበው ጸሊም አርጋብ ተብለው የተነገረላቸው) ናቸው፡፡
እንኳን ልበ እውሩን አባ ጳውሎስን ዘረኛውን እና የገዛ የትግል ጓደኞቹን ሳይቀር ለገንዘብና ለሥልጣን ሲል በማሰር እና በመግደል የሚታወቀውን መለስ ዜናዊን ‹‹አንተ ውእቱ ቴዎድሮስ … ዘተብህለ በእነቲአከ›› (ከምሥራቅ ይነሳል ተብሎ ተነገረልህ ቴዎድሮስ አንተ ነህ) በማለት የሰማዩን ሳይሆን የምድሩን በማሞገስ እና በማወደስ የዚህን ዓለም ረብ በመመኘት ወደር ያልተገኘላቸው የቤተክህደት ‹‹ሊቃውንት›› ነገ ደግሞ ምን እንደሚያሰሙን እንጠብቃለና!
‹‹… አንተ ከእግዚአብሔር ፍርድ የምታመልጥ ይመስልሃልን? ወይስ የእግዚአብሔር ቸርነት ወደ ንስሐ እንዲመራህ ሳታውቅ የቸርነቱንና የመቻሉን የትዕግሥቱንም ባለጠግነት ትንቃለህን? ነገር ግን እንደ ጥንካሬህና ንስሐ እንደማይገባ ልብህ የእግዚአብሔር ቅን ፍርድ በሚገለጥበት በቍጣ ቀን ቍጣን በራስህ ላይ ታከማቻለህ።›› ሮሜ.2:1-5"

Anonymous said...

The only reason that his holynes's objection to the proposed position to abune samuel was< abune samuel is not the right person to that position. > so any one can predict that if you put a layman in a position which he could not fit the consiquence would be a hugh disaster.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)