October 28, 2009

ስለ ቅዱስ ሲኖዶስ ስብሰባ የEthiopia zare ሪፖርታዥ፦ “የኢትዮጵያ ኦርቶዶክስ ተዋህዶ ቤተክርስቲያን አባቶች ውዝግብ ተቋጨ”

(ደጀ ሰላም Oct 28/2009)፦ ከዚህ በታች የቀረበው የዛሬ Oct 28/2009 የEthiopiazare ሪፖርታዥ ነው። መልካም ንባብ።
ቸር ወሬ ያሰማን፣
አሜን
+++++
  • አቡነ ሳሙኤል የልማትና ተራድኦ ኮሚሽን ስልጣን ፀደቀላቸው
Ethiopia zare (ረቡዕ ጥቅምት 18 ቀን 2002 ዓ.ም. October 28, 2009)፦
አቡነ ሳሙኤል እጣ የወጣላቸው የልማትና ተራድኦ ኮሚሽን ተቋም ኃላፊና በመሆን እንዲሰሩ ዛሬ ረቡዕ ጥቅምት 18 ቀን 2002 ዓ.ም የፀደቀላቸው መሆኑን የአዲስ አበባ ምንጮቻችን ገለጹ።

ፓትሪያርክ አቡነ ጳውሎስ በሌሎች የቅዱስ ሲኖዶስ ጳጳሳት ላይ በመንግሥት ሰዎች የታገዘ ተጽዕኖአቸውን በማሳረፍ ላይ ቢሆንም ቅዳሜ ጥቅምት 14 ቀን 2000 ዓ.ም በአጠቃላይ ስምምነት ያበቃል የተባለለት የሲኖዶሱ ጉባኤ ለሰኞ ጥቅምት 16 ቀን ተለዋጭ ቀጠሮ የተያዘለት ጉባኤ በአባ ጳውሎስ ዕምቢኝ ባይነት በዕለቱም መፍትሔ አልተገኘለትም።


የቤተክህነት ምንጮች ውዝግቡ እልባት ሊያገኝ ያልቻለው “አቡነ ጳውሎስ የአባ ሳሙኤልን የሥራ ምደባ እኔ ባልኩት መሠረት ይፈጸም፤ የሲኖዶሱ አባላት አባ ሳሙኤል ዕጣ በወጣላቸው መሠረት የልማትና ተራድኦ ኮሚሽን ተቋም ሃላፊ ሆነው ይቀመጡ መባሉን አልቀበልም በማለታቸው ነበር። ይልቁንም አቡነ ጢሞቲዎስን ጨምሮ ሌሎች ጳጳሳትን በመዝለፍና በማንጓጠጣቸውም ምክንያት ነው” ብለዋል።

ፓትሪያርክ አቡነ ጳውሎስ አባ ሳሙኤልን ከአዲስ አበባ ወደ መቀሌ አርቀው በመወርወር በእሳቸው አስተዳደር ዙሪያ ተነስቶ የነበረውን ጥያቄ በሙሉ ለማዳፈን የሚፈልጉ ሲሆን፤ ከእሳቸው በተቃራኒ ወገን የቆሙ የሲኖዶሱ አባቶች ደግሞ የሥራ ምደባ በሲኖዶሱ ውሳኔና በተመደበው ፈቃድ ወይም በዕጣ መሆን ይገባዋል እንጂ አባ ጳውሎስ በሚሰጡትና ሊታጠፍ አይገባውም እያሉ በአምባገነንነት በሚሞግቱበት ትዕዛዝ መሆን የለበትም” የሚለውን አቋም ይዘዋል።

ብዙሃኑ ጳጳሳት ከአባ ሳሙኤል ወገን ሆነው በአዲስ አባባና በአቅራቢያው ወይም በአሰበተፈሪ ይመደቡ ይህም ካልሆነ በልማትና ተራድኦ ኮሚሽን ውስጥ እንዲሠሩ ይሁን” የሚል ሃሳብ አቅርበው ነበር “ማንም ሊያስፈራራኝና ሊዝትብኝ አይችልም……” ያሉት አባ ጳውሎስ “ ተፈፃሚ መሆን ያለበት የእኔ ሃሳብ ብቻ ነው” በሚለው አቋማቸው ጸንተው እንደነበር ታውቋል።

ከእነ አባ ሳሙኤል ጋር የተጣሉበትን በቤተሰብ የመሥራት ችግር ጥያቄ ለማለዘብ ዋንኛ ተቀናቃኛቸውን ወደ መቀሌ ለማዝመት፣ የአዲስ አበባንም ሀገረስብከት በ5 ቦታ ለመሸንሸን ያላቸውን ፍላጎት ከጥቅምት 11 ቀን 2002 ዓ.ም ጀምሮ በተደጋጋሚ አንፀባርቀዋል።

አቡነ ሳሙኤል በመግቢያ ንግግራቸው ብዙሀን አባቶችን በሚማርክ መልኩና ታላቅ አባት መሆናቸውን በሚያስመሰክር ሁኔታ ጉባኤውን ጥፋት አጥፍተው እንደሆነ ይቅርታ በመጠየቅና ራሳቸውን ዝቅ በማድረግ የነበረ ሲሆን ብዙ አባቶችም የአቡኑን ወነመቀሌ መሄድ ተቃውመው እንደነበር ለመረዳት ችለናል። በኢትዮጵያ ኦርቶዶክስ ተዋህዶ ቤተ ክርስቲያን ህግና ደንብ መሰረት የአባቶች ሹመት በእጣ ሳይሆን በፈቃዳቸው በሲኖዶሱ ውሳኔ እንዲሆን ያዛል።

5 comments:

Anonymous said...

+++
In case for Abun Paulose patriaric......................

ACT ምዕራፍ 1

13 በገቡም ጊዜ ወደሚኖሩበት ሰገነት ወጡ፥ ጴጥሮስና ዮሐንስም፥ ያዕቆብም፥ እንድርያስም፥ ፊልጶስም፥ ቶማስም፥ በርተሎሜዎስም፥ ማቴዎስም፥ የእልፍዮስ ልጅ ያዕቆብም፥ ቀናተኛ የሚባለው ስምዖንም፥ የያዕቆብ ልጅ ይሁዳም።

14 እነዚህ ሁሉ ከሴቶችና ከኢየሱስ እናት ከማርያም ከወንድሞቹም ጋር በአንድ ልብ ሆነው ለጸሎት ይተጉ ነበር።

15 በዚህም ወራት ጴጥሮስ መቶ ሀያ በሚያህል በሰዎች ማኅበር አብረው በነበሩ በወንድሞቹ መካከል ተነሥቶ አለ።

16 ወንድሞች ሆይ፥ ኢየሱስን ለያዙት መሪ ስለሆናቸው ስለ ይሁዳ መንፈስ ቅዱስ አስቀድሞ በዳዊት አፍ የተናገረው የመጽሐፍ ቃል ይፈጸም ዘንድ ይገባ ነበር፤

17 ከእኛ ጋር ተቈጥሮ ነበርና፥ ለዚህም አገልግሎት ታድሎ ነበርና።

18 ይህም ሰው በዓመፅ ዋጋ መሬት ገዛ በግንባሩም ተደፍቶ ከመካከሉ ተሰነጠቀ አንጀቱም ሁሉ ተዘረገፈ፤

19 በኢየሩሳሌምም ለሚኖሩ ሁሉ ታወቀ፤ ስለዚህም ያ መሬት በቋንቋቸው አኬልዳማ ተብሎ ተጠራ፥ እርሱም የደም መሬት ማለት ነው።

20 በመዝሙር መጽሐፍ። መኖሪያው ምድረ በዳ ትሁን የሚኖርባትም አይኑር፤ ደግሞም። ሹመቱን ሌላ ይውሰዳት ተብሎ ተጽፎአልና።

21-22 ስለዚህ ከዮሐንስ ጥምቀት ጀምሮ ከእኛ ዘንድ እስካረገበት ቀን ድረስ፥ ጌታ ኢየሱስ በእኛ መካከል በገባበትና በወጣበት ዘመን ሁሉ ከእኛ ጋር አብረው ከነበሩት ሰዎች፥ ከእነዚህ አንዱ ከእኛ ጋር የትንሣኤው ምስክር ይሆን ዘንድ ይገባል።

23 ኢዮስጦስም የሚሉትን በርስያን የተባለውን ዮሴፍንና ማትያስን ሁለቱን አቆሙ።

24-25 ሲጸልዩም። የሁሉን ልብ የምታውቅ አንተ ጌታ ሆይ፥ ይሁዳ ወደ ገዛ ራሱ ስፍራ ይሄድ ዘንድ በተዋት በዚህች አገልግሎትና ሐዋርያነት ስፍራን እንዲቀበል የመረጥኸውን ከእነዚህ ከሁለቱ አንዱን ሹመው አሉ።

26 ዕጣም ተጣጣሉላቸው፥ ዕጣውም ለማትያስ ወደቀና ከአሥራ አንዱ ሐዋርያት ጋር ተቈጠረ።
27 የእግዚአብሔርን ምክር ሁሉ ነግሬአችኋለሁና፥ ምንም አላስቀረሁባችሁም።

ACT ምዕራፍ 20

28 በገዛ ደሙ የዋጃትን የእግዚአብሔርን ቤተ ክርስቲያን ትጠብቁአት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁ።

29-30 ከሄድሁ በኋላ ለመንጋው የማይራሩ ጨካኞች ተኩላዎች እንዲገቡባችሁ፥ ደቀ መዛሙርትንም ወደ ኋላቸው ይስቡ ዘንድ ጠማማ ነገርን የሚናገሩ ሰዎች በመካከላችሁ እንዲነሡ እኔ አውቃለሁ።

31 ስለዚህ ሦስት ዓመት ሌሊትና ቀን በእንባ እያንዳንዳችሁን ከመገሠጽ እንዳላቋረጥሁ እያሰባችሁ ትጉ።

32 አሁንም ለእግዚአብሔርና ያንጻችሁ ዘንድ በቅዱሳንም ሁሉ መካከል ርስትን ይሰጣችሁ ዘንድ ለሚችል ለጸጋው ቃል አደራ ሰጥቻችኋለሁ።

33 ከማንም ብር ወይም ወርቅ ወይም ልብስ አልተመኘሁም፤

34 እነዚህ እጆቼ በሚያስፈልገኝ ነገር ለእኔና ከእኔ ጋር ላሉት እንዳገለገሉ እናንተ ታውቃላችሁ።

35 እንዲሁ እየደከማችሁ ድውዮችን ልትረዱና እርሱ ራሱ። ከሚቀበል ይልቅ የሚሰጥ ብፁዕ ነው እንዳለ የጌታን የኢየሱስን ቃል ልታስቡ ይገባችሁ ዘንድ በሁሉ አሳየኋችሁ።

36 ይህንም ብሎ ተንበርክኮ ከሁላቸው ጋር ጸለየ።

37 ሁሉም እጅግ አለቀሱ፥ ጳውሎስንም አንገቱን አቅፈው ይስሙት ነበር፤

38 ይልቁንም። ከእንግዲህ ወዲህ ፊቴን አታዩም ስላላቸው ነገር እጅግ አዘኑ። እስከ መርከብም ድረስ ሸኙት።

Ze Zeway

Anonymous said...

Medhanialem,

please be with us. egna yemantekem bariyawochehen endanetefa tebeken. Tebaki Anurelen.

Amen

SendekAlama said...

ታሪክ አቡነ ጳውሎስን ምን ብሎ ያስታውሳቸው ይሆን? እርሳቸውስ ትተውት ስለሚሄዱት የታሪክ ዱካ ይጨነቁ ይሆን? በዚህ በባከነ እድሜአቸውስ እንዲህ ኅሊናቸውን የሰወረባቸው ምን ይሆን? "የዘመኖቻችንም ዕድሜ ሰባ ዓመት፥ ቢበረታም ሰማንያ ዓመት ነው ቢበዛ ግን ድካምና መከራ ነው" እንዳለ በዚህ ድካምና መከራ በተባለው የመሸ እድሜአቸው ምነው እንዲህ ስውር አለባቸው? "እግዚአብሔርን የማይፈራ ሰውንም የማያፍር አንድ ዳኛ ነበረ" ብሎ ቅዱስ ወንጌል እንደመሰለበት ሰው ሁሉ ታሪክ ጸሓፊዎች "እግዚአብሔርን የማይፈራ ሰውንም የማያፍር አንድ ፓትርያርክ ተነስቶ ነበር" ተብሎ መጠቀስስ ለስጋ ወይስ ለነፍስ የሚበጅ ዋጋዋ ይሆናት ይሆንን?

ወይ አለመታደል!

Dan said...

ሐዋርያው ቅዱስ ጳውሎስ Versus ፓትርያክ ጳውሎስ

የሐዋርያት ሥራ ምዕራፍ 20

29-30 ከሄድሁ በኋላ ለመንጋው የማይራሩ ጨካኞች ተኩላዎች እንዲገቡባችሁ፥ ደቀ መዛሙርትንም ወደ ኋላቸው ይስቡ ዘንድ ጠማማ ነገርን የሚናገሩ ሰዎች በመካከላችሁ እንዲነሡ እኔ አውቃለሁ።

31 ስለዚህ ሦስት ዓመት ሌሊትና ቀን በእንባ እያንዳንዳችሁን ከመገሠጽ እንዳላቋረጥሁ እያሰባችሁ ትጉ።

32 አሁንም ለእግዚአብሔርና ያንጻችሁ ዘንድ በቅዱሳንም ሁሉ መካከል ርስትን ይሰጣችሁ ዘንድ ለሚችል ለጸጋው ቃል አደራ ሰጥቻችኋለሁ።

33 ከማንም ብር ወይም ወርቅ ወይም ልብስ አልተመኘሁም፤

34 እነዚህ እጆቼ በሚያስፈልገኝ ነገር ለእኔና ከእኔ ጋር ላሉት እንዳገለገሉ እናንተ ታውቃላችሁ።

35 እንዲሁ እየደከማችሁ ድውዮችን ልትረዱና እርሱ ራሱ። ከሚቀበል ይልቅ የሚሰጥ ብፁዕ ነው እንዳለ የጌታን የኢየሱስን ቃል ልታስቡ ይገባችሁ ዘንድ በሁሉ አሳየኋችሁ።

36 ይህንም ብሎ ተንበርክኮ ከሁላቸው ጋር ጸለየ።

37 ሁሉም እጅግ አለቀሱ፥ ጳውሎስንም አንገቱን አቅፈው ይስሙት ነበር፤

++++++++++++++++++++++++++++++++++++++++++++

እንዲህ ያለ እንኳን ፓትርያክነት ያጥቢያ ቤተ ክርስቲያን ገበዝ ሊሆን አይገባውም::

ቅዱስ ጳውሎስ በሰማይ ባለበት "ይሄ ሰው በተግባር የማይመስለኘ እንዴት በስሜ ይጠራል" ይል ይሆናል ብዬ አስባለሁ::

Moona said...

እረ ጉድ !
ምን ዓይነት ጊዜ መጣ እባካችሁ::እንዲህ ግትር ማለት እንኳዋን ከሐይማኖት አባት ከተራ መደዴም አይጠበቅም::ንቀት ግትርነት አምባገነንንት ...ወዘተ የአጋንት ልዩ ገንዘብ ናቸው::እነዚህ መድኅኔ ዓለም የሚጠየፋቸው ጠባዮች ናቸው::
ሊያፍሩ ይገባል

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)