October 2, 2009

አለቃ አያሌው ታምሩ መስከረም 21 ቀን 1990 ዓ.ም ምን ብለው ነበር?

(ደጀ ሰላም፤ ኦክቶበር 1/2009)፦ የሚከተለው ምንባብ የተወሰደው ከታላቁ ሊቅ ከአለቃ አያሌው ታምሩ ድረ ገጽ (http://www.aleqayalewtamiru.org/) ላይ ነው። የተናገሩበት ዕለት ዛሬ፣ በታሪክ አንጻርም እርሳቸው በትንቢት መነጽር ዛሬን ያዩ ይመስል የሚገርም አንድነት አለው።



“በእነ አባ ጳውሎስ በኩል የሚደረገው የደም ማፍሰስ፥ ሰዎችን ማሳሰር፥ ማስደብደብ፥ የገንዘብ ምዝበራ እየተስፋፋ መሄዱ ግልጽ ከመሆኑም በላይ … አሁን የአዲስ አበባ ምእመናን ከቀሳውስትና ከአለቆች፥ ከካህናትና ከጳጳሳት፥ ከፓትርያርኩም ጋር ሆነው በእግዚአብሔር ላይ ዐምፀዋል። ገዳዮች እየገደሉ፥ አስገዳዮች እያስገደሉ፥ ደብዳቢዎች እየደበደቡ፥ አስደብዳቢዎች እያስደበደቡ፥ አሳሪዎች እያሰሩ፥ አሳሳሪዎች እያሳሰፉ፥ ገንዘብ መዝባሪዎች እየመዘበሩ፥ አስመዝባሪዎች እያስመዘበሩ ይህን ሁሉ እያሉ መከላከል ሲቻላቸው የማይከላከሉ፥ መናገር ሲገባቸው ዝም የሚሉ፤ ያለዚያም ርቀው መመልከት፥ ከደም ማኅበር መለየት ሲገባቸው ተቀላቅለው የሚያፌዙ ሁሉ ከታላቁ ፈራጅ ከኀያሉ የኢትዮጵያ ቤተ ክርስቲያን አምላክ ፍርዳቸውን ይቀበላሉ። ስለዚህ ምእመናን ተጠንቀቁ። «ከርኩሳን ተለዩ፤ ወደ ርኩሳን አትቅረቡ፤ ከመካከላቸው ውጡ፤ እኔ አባት እሆናችሁአለሁ፤» ብሏል እግዚአብሔር። ይህ የእግዚአብሔር ዐዋጅ ነው። ጆሮ ያለው ይስማ።”

በስመ አብ ወወልድ ወመንፈስ ቅዱስ አሐዱ አምላክ አሜን።
«የታሪክ ውንብድና ቢቆም መልካም ነው።»
(ኢትኦጵ መስከረም 21 ቀን 1990 ዓ ም)
ኢትዮጵያውያን ምእመናን! ከጊዜ ወደ ጊዜ እየከፋ የሚሄደው የኢትዮጵያ መንፈሳዊ ሕይወት አሳዛኝ ሁኔታ ላይ የደረሰ ይመስላል። ሰዎች በሚሠሩት ክፉ ነገር እየጨመሩ መሄዳቸውን፥ አንጠጠትም ማለታቸውን፥ ከሰው ዐልፈው እግዚአብሔርን ወደ መጋፋት መድረሳቸውን ሲያስረዳ፤ «ወኀለፈ እምትዕቢት ልቦሙ። ኀለዩ ወነበቡ ከንቶ። ወነበቡ ዐመፃ ውስተ አርያም። ወአንበሩ ውስተ ሰማይ አፉሆሙ። ወአንሶሰወ ውስተ ምድር ልሳኖሙ።» «ልባቸው ከትዕቢት ዐለፈ፤ ዐስበው ከንቱ ነገርን ተናገሩ፤ በአርያም ዐመፅ ተናገሩ፤ አፋቸውን በሰማይ አኖሩ፤ ምላሳቸውም በምድር ላይ ተመላለሰ፤» ይላል። (መዝ፤ ፸፪፥ ፯ - ፲።) በአሁኑ ጊዜ የኢትዮጵያን ሥጋዊና መንፈሳዊ ሕይወት የማይገመግም የሰው ዘር በሩቅም በቅርብም ያለ አይመስለኝም። ይልቁንም መንፈሳዊው ክፍል ከቀን ወደ ቀን ጉዳቱ እየጨመረ መሄዱ ግልጽ እየሆነ ነው። በተለይም የኢትዮጵያ መገናኛ ድርጅት የሃይማኖት ፌዴሬሽን ለማቋቋም ሲዳዳው ይታያል። ይህንንም ያሰኘኝ በዓል በመጣ ቍጥር የማይገናኙትን ለማገናኘት፥ የማይተባበሩትን ለማስተባበር፥ የማይዋሐዱትን ለማዋሐድ የሚደረገውን ዝግጅት እየተመለከትኩ ነው።
እስከ ፳ኛው ክፍለ ዘመን አጋማሽ ድረስ፥ እስከ ለውጡ ድረስም ማለት ይቻላል በኢትዮጵያ ከኦርቶዶክሳዊት ቤተ ክርስቲያን በቀር ብሔራዊ መንፈሳዊ ክብረ በዓል የነበረው የሃይማኖት ክፍል አልነበረም። «ሃይማኖት የግል ነው፤ አገር የጋራ ነው፤» የሚለው ዐዋጅ ከታወጀ ወዲህም እንኳ ቢሆን «የክርስትና ሃይማኖት ተከታዮች በዓል» እየተባለ ይነገር ነበር እንጂ በዘንድሮው የዘመን መለወጫ በዓል እንደ ታየው ያለ መልክ ያልለየ ድብልቅልቅ ያለ አነጋገር አልነበረም። በክርስትናው ዘርፍ በኩልም የካቶሊክና የፕሮቴስታንት ተወካዮች የላኪዎቻቸውን ሥርዐት ጠብቀው የዘመን መለወጫን፥ ልደቱንም ፋሲካውንም የሚያከብሩ ከላኪዎቻቸው ጋር እንጂ ከኢትዮጵያ ኦርቶዶክስ ተዋሕዶ ቤተ ክርስቲያን ጋር የበዓል ኅብረት አልነበራቸውም። አሁን ግን በየቀኑ፥ በየበዓሉ ኢትዮጵያ ኦርቶዶክስ ተዋሕዶ ቤተ ክርስቲያን መሪ ስም ከተጠራ የካቶሊክና የፕሮቴስታንት ስም ዐብሮ ይቀርባል። ባለፉት የትንሣኤ፥ የዘመን መለወጫ፥ የመስቀል በዓላት አከባበር ከኢትዮጵያ መገናኛ ድርጅት የሰማነው፥ ያነበብነው፥ ያየነውም ይኸው ነው። አንድነቱ የለም እንጂ ካለ፥ እውነቱ የለም እንጂ የሚኖር ከሆነ አልቃወምም። ግን አንድ ሰው እግዚአብሔርን ለማታለል፥ የእግዚአብሔርን ሕዝብ ለማሳሳት የሚያደርገው ከሆነ የኢትዮጵያ መገናኛ ድርጅትም ሆነ ሦስቱ የሃይማኖት ክፍሎች ማለት ኦርቶዶክስ፥ ካቶሊክና ፕሮቴስታንት ሥርየት የሌለው በመንፈስ ቅዱስ ላይ የሚፈጽሙት በደል ነው ማለት ይቻላል።
የመስቀል በዓል አከባበር የኢትዮጵያ ኦርቶዶክስ ተዋሕዶ ቤተ ክርስቲያን ከካቶሊክና ከፕሮቴስታንት በፊት የተቀበለችው ነው። ኢትዮጵያ ታሪክን የተመረኮዙ ታላላቅ መንፈሳውያን፥ ብሔራውያን በዓላት አሏት።
ሀ፤ የዘመን መለወጫ መስከረም ፩ ቀን፤ ከማየ አይኅ በፊት የነበረ ጥንተ ፍጥረት፥ ጥንተ ብርሃን፥ ጥንተ ዕለት ሲሆን በኖኅ ዘመንም ለሰው ዘር ተሐድሶ ጥንት፥ በብሉይ ኪዳንም በዓለ መጥቅዕ ተብሎ ሲከበር፥ ሥርዐተ ቤተ እግዚአብሔር ሲታወጅበት የኖረ፤ በሐዲስ ኪዳንም ቅዱስ ዮሐንስ የሚለውን ስም ጨምሮ በቤተ ክርስቲያን የታወቀ፤ ጌታችንም በናዝሬት ምኵራብ የተናገረው በሉቃስ ወንጌል ምዕራፍ ፬ ቍጥር ፲፰ - ፳ እንደ ተገለጠው ትንቢተ ኢሳይያስን ጠቅሶ የራሱን ዐዋጅ የገለጠበት በመሆኑ ኢትዮጵያውያን ሊቃውንት ዓመተ ምሕረትን ከዓመተ ዓለም፥ ትንቢትን ከስብከት አስተባብረው ያደረጉበት ርእሰ ዐውደ ዓመት ነው።
ለ፤ በዓለ መስቀል፤ ይህ በዓል በኦሪት ዘሌዋውያን ምዕራፍ ፳፫ በተገለጠው የበዓላት ዝርዝር መግለጫ መሠረት እንደ ዕብራውያን አቆጣጠር በ፯ኛው ወር ከ፲፭ኛው ቀን ጀምሮ፥ እንደ ኢትዮጵያውያን አቆጣጠር ከመስከረም ፲፯ እስከ ፳፩ በብሉይ ኪዳን ሥርዐት ሲከበር የኖረ በዓል ሲሆን ጌታችን በዮሐንስ ወንጌል ምዕራፍ ፯ እንደ ተገለጠው በሳምንቱ የበዓላት ዕለታት በበዓሉ እየተዘዋወረ ትምህርት የሰጠበት ሲሆን በእሱ ትምህርት በበዓሉ ላይ ከነበሩት ሰዎች አነጋገር እንደምንመለከተው ነገረ መስቀልን የሚመለከት በመሆኑ ኢትዮጵያውያን ሊቃውንት ይህንን በብሉይ ኪዳን በዓል ላይ አጽንተው በዓለ መስቀልን መሥርተውበታል። ታሪኩ፤ «ወሀብኮሙ ትእምርተ ለእለ ይፈርሁከ።» «ለሚፈሩህ ምልክትን ሰጠሃቸው፤» በሚለው ትንቢት መምሪያ የብሉይ ኪዳን በዓል የተስፋ መሠረት የንግሥት ዕሌኒን ታሪክ የተስፋ ፍጻሜ መግለጫ ያደረገ ስለ ሆነ በዓሉ በቤተ ክርስቲያን የሳምንት በዓል ነው። በቤተ ክርስቲያን ስያሜው ዘመነ መስቀል ይባላል። በዓሉ ባለ ደመራ፥ ችቦው ባለ ጣምራ ነው። አበውን ከውሉድ፥ ብሉይ ኪዳንን ከሐዲስ ኪዳን፥ ተስፋን ከእውነት፥ መሠረትን ከፍጻሜ ያጣመረ ነው። በዓሉ ዕፀ መስቀሉን ብቻ ሳይሆን የክርስቶስን ነገረ መስቀሉን አጠቃለን የምናይበት ነው። ሌሎችም አሉ። ግን ለጊዜው ወደ ዕለቱ ታሪክ እመለሳለሁ።
እንግዲህ የዚህ በዓል አመሠራረቱ፥ መንፈሳዊነቱ፥ ብሔራዊነቱ፥ ጥንታዊነቱ እንዲህ ሲሆን መስከረም ፲፮ እና መስከረም ፲፯ ቀን ፲፱፻፺ የተፈጸመው የበዓል አከባበር በምኑም በምኑም ከማንኛውም ክፍል በታየው ሁሉ የበዓለ መስቀልን ክብር፥ ምስጢር፥ ኢትዮጵያዊነት፥ ብሔራዊነት፥ መንፈሳዊነት የጠበቀ አልነበረም። ከኢትዮጵያ ቤተ ክርስቲያን ወገን መሪዎች ነን ከሚሉት የተላለፈው የተቀጸል ጽጌን የዐፄ መስቀልን ታሪክ የተመረኮዘ በአንድ በኩል የስሕተት፥ በሌላ በኩል የናፍቆትና የስስት፥ የጌጥ፥ የዘፈን ወዳድነት፥ የአድር ባይነት ጠባይ የታየበት ትረካ፤ እንዲሁም በልብ የሌለውን ዕርቀ ሰላም መክፈቻ አድርጎ በጥቁሮች ስብሰባ ላይ ጉራን ለመንዛት የተማሩ መስሎ በመታየት ኢትዮጵያዊ ማለት ጥቁር ማለት ነው ስለዚህ የዓለም ጥቁሮች በዓል ነው ተብሎ ከላይኛው ወገን የተተረከው ትረካ ራስን የመዘንጋት በተለይም ሞኙ አባ ገ የተቀጸል ጽጌን የአጤ መስቀልን በዓል ከጥንታዊ ነገሥታት ታሪክ አዛምደው ከመስቀል በዓል ጋር አንድ ለማድረግ ሞክረዋል። አንደኛው አለማወቅ፥ አለመማር ነው። ሁለተኛው ብልጣብልጥነት ነው። የተቀጸል ጽጌ በዓል ከጥንቱ ከመሠረቱ የኢትዮጵያ ቅዱሳን ነገሥታት ክረምቱን አስፈጽሞ ከፀሓዩ ከአበባው ዘመን ላደረሳቸው አምላክ ምስጋና የሚያቀርቡበት ነው። ቤተ ክርስቲያንም ምእመናን ልጆቿን እንኳን አደረሳችሁ የምትልበት ሲሆን ሲከበር የኖረውም መስከረም ፳፭ ቀን ነው።
ይህም ቀን በኢትዮጵያ ቤተ ክርስቲያን ባህል ፀአተ ክረምት የክረምት መውጣት ይባላል። ሦስት ወር ክረምት የሚፈጸምበት፥ ዐዲስ የአበባ ዘመን የሚጀመርበት፥ ምድር አትክልትን፥ አዝርዕትን ለብሳ የምትታይበት ጊዜ ነው። በቀድሞው ዘመን እንደ ዛሬ መገናኛ ያልተስፋፋበት በመሆኑ ሕዝቡ ከነገሥታቱ፥ ነገሥታቱ ከሕዝቡ እንደ ልባቸው ሊገናኙ አይችሉም። የአገሪቱ ጥበቃም በዚያው ዐይነት ችግር ነበረበት። ክረምት አልቆ በጋው ሲተካ ግን ሁሉም የአስተዳደር ሥራ በየዘርፉ ሊቀጥል ስለሚችል ሕዝብና ሠራዊቱ ከነገሥታት፥ ነገሥታቱም ከሕዝቡ የሚገናኙበት ስለ ሆነ ሁሉም ከየከረሙበት ተሰባስበው እግዚአብሔርን የሚያመሰግኑበት ቀን ነበረ። በዚህም ቀን ነገሥታቱ ከሕዝቡ፥ ሕዝቡም ከነገሥታቱ ሲገናኙ የአበባ ገጸ በረከት አቅርበው እንኳን አደረሳችሁ ይባባሉ ነበር። በብሉይ ኪዳን ሊቀ ካህናቱ፥ በሐዲስ ኪዳን ጳጳሱ ለንጉሠ ነገሥቱ እግዚአብሔር ያደረገለትን ቸርነትና በረከት ገልጾ፤ «ተቀጸል ጽጌ ዕገሌ ዐፄጌ፤» «ጃንሆይ! እግዚአብሔር የአበባ አክሊል ያቀዳጅዎ፤» ብሎ የአበባ አክሊል ይደፋለት ነበር፤ የአበባ ገጸ በረከት ያበረክትለት ነበር። እስከ ፲፬ኛው መቶ ዘመን መጀመሪያ ድረስ የነበረው ሥርዐት ይህ ነበር። በ፲፬ኛው መቶ ክፍለ ዘመን መጀመሪያ የተነሡት ዐፄ ዳዊት ንጉሠ ነገሥት ዘኢትዮጵያ ለኢየሩሳሌምና ለግብጽ ምእመናን ባሳዩት ዕርዳታ ምእመናን መክረው ከጌታ መስቀል የቀኝ ክንፉን ለኢትዮጵያ በረከት አድርገው ሰጥተዋል። ዐፄ ዳዊትም ግማደ መስቀሉን ተቀብለው ተመልሰው ስናር እንደ ገቡ (መተከል የሚገኝ ሲሆን ሀገረ ዳዊት ይባላል) በድንገት ስለ ሞቱ መስቀሉ ከቦታ ቦታ ሲዘዋወር ቆይቶ በዐፄ ዘርዐ ያዕቆብ ዘመን ግሸን ላይ ዐርፏል።
ወደ ታሪኩ ስንመለስ ዐፄ ዳዊት መስቀሉን ይዘው ወደ ኢትዮጵያ የተመለሱት መስከረም ፲ ቀን ነበር። ቅዱሳን የኢትዮጵያ ነገሥታት ከራሳቸው ክብር ይልቅ የእግዚአብሔርን ክብር ስለሚያስቀድሙ ከአባቶቻቸው ተያይዞ የመጣውን መስከረም ፳፭ ቀን ይከበር የነበረውን የተቀጸል ጽጌ በዓል መስከረም ፲ ቀን እንዲከበር አደረጉ። የጌታ መስቀል ወደ ኢትዮጵያ በገባበት ቀን ማለት ነው። በዚህም ምክንያት ስሙ አጤ መስቀል ተባለ። አጤ የተሰቀሉበት ሳይሆን ያከበሩት ማለት ነው። ይህም በዓል እስከ ዐፄ ኀይለ ሥላሴ ዘመነ መንግሥት ድረስ ሳይለወጥ ኖሯል። ከሃያ ዓመት በላይ ተቋርጦ ከቆየ በኋላ ግን ጉዳዩ የማያገባቸው፥ የውርስም ሕጋዊ መብት የሌላቸው መነኮሳት የዘውድ በዓል ማክበር ከጀመሩ ሦስት ዓመታቸው ነው። በዚህ ምክንያት የቤተ ክርስቲያኒቱን ገንዘብ መመዝበር ከጀመሩ የዚያኑ ያህል ነው። ግን ሞኙ አባ የሚጠይቃቸው ቢያጡ ታሪክ አድርገው ሊያወሩን ይሞክራሉ። ሊቃውንት በሌሉበት እስዎ የዓለም ባለሙያ ሆነው የተገለገሉበት እንጂ ውርሱንም ሆነ ታሪኩን ከበዓለ መስቀል ጋር የሚያገናኘው ነገር የለም። እንዲህ ያለው የታሪክ ውንብድና ቢቆም መልካም ነው። ከሌሎች ወገንም አንዱ፤ «መስቀል ማለት መስቀለኛ ዕንጨት ነው፤» በማለት የሰጠው፥ ሌላኛው የሥጋዊ በዓል አከባበር አስመስሎ የሰጠው አስተያየት ትክክል ካለመሆኑም በላይ፤ ሁለቱም ወገኖች ፩ኛ ቆሮንቶስ ምዕራፍ ፩ ቍጥር ፲፰ን ጠቅሰው ሊያስተላልፉ የሞከሩት አነጋገር ዐብረው ካስተላለፉት ጋራ የማይስማማ ከመሆኑም በላይ ከበዓሉ ጋር ምንም ዐይነት ልምድ የሌላቸው፥ ለበዓሉ ባዕድ መሆናቸውን በግልጥ ያሳያል። ይህን ያህል ርቀት ያለበትን ነገር የኢትዮጵያ መገናኛ ድርጅት የዕገሌ ቤተ ክርስቲያን ማለት የኦርቶዶክስ፥ የካቶሊክና የወንጌላዊት ቤተ ክርስቲያን ተወካይ እያለ ያስተላለፈው ነጎዳ ፈሩን የሳተ ነው። ዐዲሶቹ የኢትዮጵያ ቤተ ክርስቲያን መሪዎች ቤተ ክርስቲያንን የካዱ ናቸው። ካቶሊክና ወንጌላዊት ቤተ ክርስቲያን የሚባሉትም የኢትዮጵያን ነባር ሃይማኖት ነቅፈው የራሳቸውን ሚስዮናዊ ተልዕኮ አስፋፊዎች ናቸው እንጂ የኢትዮጵያ አይደሉም። በዓሉም የኢትዮጵያና የኢትዮጵያ ኦርቶዶክሳውያን እንጂ የአውሮፓ ወይም የአሜሪካ፥ የአውሮፓውያንና የአሜሪካውያን ጉዳይ አይደለም። ነገሩ እንዲህ ሆኖ ሳለ በልዩ ልዩ የሃይማኖት ክፍል ስም ከእውነቱ ዐልፈው በሐሰት ኅብረት፥ በወሬ ጥምረት ሕዝቡን ለማሳሳት መሞከር ከትዕቢት ማለፍ ነው።
በብሉይ ኪዳን፥ በሐዲስ ኪዳን ከተሰበከው ከክርስቶስ ሃይማኖት ከኢትዮጵያ ኦርቶዶክስ ተዋሕዶ ቤተ ክርስቲያን እበልጣለሁ፥ እውነቱም እኔ የያዝኩት ሃይማኖት ነው የሚል ካለ ዐደባባይ እንውጣና፥ መድረክ ይከፈትና በታሪክ፥ በመጻሕፍት ምስክርነት፥ በመንፈስ ቅዱስ ዳኝነት እንነጋገር። ከአባቶቼ እኔ ብቻየን ቀርቼአለሁ። እንዲህ ስል እግዚአብሔር ለነቢዩ ኤልያስ የተናገረውን አልረሳውም። ብዙ ኦርቶዶክሳውያን እንዳሉ እንደሚኖሩም አምናለሁ። እስካሁን ከእኔ ጋር የተጋለጠ ግን የለም። ወደፊት የሚመጣ ዐብሮኝ የሚሰለፍ ካለም ደስ ይለኛል። እስከዚያው ድረስ ግን ቤተ ክርስቲያናቸውን የካዱ የኢትዮጵያ ቤተ ክርስቲያን የጊዜው መሪዎች፥ ልዩ ልዩ የባዕድ ሃይማኖት አራማጅ ክፍሎች በክርስትና ስም በማስመሰል በኢትዮጵያ የሚያስተላልፉት እውነት አይደለምና ኢትዮጵያውያን ኦርቶዶክሳውያን ሃይማኖታችሁን፥ ባህላችሁን፥ ሥርዐታችሁን በጥንቃቄ ጠብቁ። እኔ እንደምመለከተው ከሆነ ሁሉም በየራሳቸው ሕዝቡን ለማታለል፥ ለማሳሳት የሚያደርጉት ሁሉ ቅዱስ ጳውሎስ፤ «የክርስቶስ የመስቀሉ ነገር በጥፉዎች ዘንድ ስንፍና ነው፤» ሲል የጻፈው ሊፈጸምባቸው ይመስለኛል። ጌታ፤ «ከእነዚህ ከታናናሾች አንዱን ያሳተ ይፈረድበታል፤» ያለው እንዲፈጸምባቸው እንደ ሆነ ነው እንጂ ይህን ያህል የሚቅበዘበዙት ሌላ ጥቅም ሊያገኙ አይመስለኝም። ካቶሊክም ፕሮቴስታንትም በመስቀል አያምኑም፤ በመስቀል አይባርኩም፥ አይባረኩም። ካቶሊካውያን በመስቀሉ የጌታን መልክ የመሰለ ቅርጽ ደርበው ነው መስቀል የሚያደርጉት፤ በመስቀል ግን አይባርኩም፥ አይባረኩም። ፕሮቴስታንቶች ግን ጨርሶ መስቀልን አይቀበሉም፤ «የአባት ገዳይ፤» እያሉ ያሾፋሉ። አምናና ዘንድሮ በደመራው በዓል ላይ ሲበተን ከነበረው ወረቀት እንዲህ ዐይነት ስሜት እንደ ነበረ ብዙዎች ይመሰክራሉ። በዚህም ልዩ ልዩ የሃይማኖት ክፍሎች የያዛችሁት እውነት ከሆነ መድረክ ይከፈት፤ እንነጋገርበት። አለዚያ ሕዝቡን አታሳስቱ። ይፈረድባችሁአል። የኢትዮጵያ መገናኛ ድርጅትም ሃይማኖትን ከፖለቲካ ማጎዳኘቱ ቢቀር ጥሩ ነው። ምእመናን ግን ከሁሉም ተጠንቀቁ።
ምእመናን! ሰዎች ያሉትን ቢሉ፥ ያደረጉትን ቢያደርጉ፥ የእናንተ የሆነውን እውነቱን እንዳታዩ በብዙ ግርዶሽ ዐይናችሁን ለመጨፈን ብትሞክሩም እግዚአብሔር ግን የዘመኑ የኢትዮጵያ ቤተ ክርስቲያን መሪዎች፥ ሌሎችም የቤተ ክርስቲያን ተቃዋሚዎች በተጓዳኝ የሚያወሩት እውነት አለመሆኑን እያረጋገጠ እየመሰከረ ነው።
ካለፈው ዓመት ጀምሮ በእነ አባ ጳውሎስ በኩል የሚደረገው የደም ማፍሰስ፥ ሰዎችን ማሳሰር፥ ማስደብደብ፥ የገንዘብ ምዝበራ እየተስፋፋ መሄዱ ግልጽ ከመሆኑም በላይ ባለፈው ዓመት ዘንድሮም በየቤተ ክርስቲያናቱ በር ላይ ይደረግ የነበረውን ደመራ ከልክለው፥ የምእመናንን ጸሎት አግደው፥ የእግዚአብሔርን ክብር ተጋፍተው ሕዝበ ክርስቲያኑ በሙሉ እሳቸው ካሉበት ዐደባባይ በግዴታ እንዲሰበሰብና እሳቸውን እንዲያከብር፥ እንዲያመልክ በማስገደዳቸው እነሱ የሚያሳርጉትን ዕጣን የተጠየፈ የባቢሎንን ግንብ ባፈረሰበት ሥልጣኑ ድንኳናቸውን እንዳፈረሰውና የሥራቸውን ከንቱነት እንዳጋለጠ አይታችሁአል። የቀረበው ቀርቦ የዐይን ምስክር ሲሆን ለራቀውም የቴሌቪዥን ድርጅት መስክሮለታል። እዚህ ላይ አንድ ነገር ላስታውስ። እላይ ማጎዳኘቱ ይቅር ብዬአለሁ። ለበዓሉ አከባበር መደበኞች አስመስሎ ማቅረብ ይቅር እላለሁ እንጂ ያየውን አይመስክር አይደለም የምለው። የሆነውን፥ ያየውን፥ የሰማውን ለማንም ድጋፍ ሳይሰጥ ቢመሰክር አያስወቅስም። የእውነት ምስክር ነውና። እኔ የምፈልገው እውነት ይናገር ነው። አሁን የአዲስ አበባ ምእመናን ከቀሳውስትና ከአለቆች፥ ከካህናትና ከጳጳሳት፥ ከፓትርያርኩም ጋር ሆነው በእግዚአብሔር ላይ ዐምፀዋል። ገዳዮች እየገደሉ፥ አስገዳዮች እያስገደሉ፥ ደብዳቢዎች እየደበደቡ፥ አስደብዳቢዎች እያስደበደቡ፥ አሳሪዎች እያሰሩ፥ አሳሳሪዎች እያሳሰፉ፥ ገንዘብ መዝባሪዎች እየመዘበሩ፥ አስመዝባሪዎች እያስመዘበሩ ይህን ሁሉ እያሉ መከላከል ሲቻላቸው የማይከላከሉ፥ መናገር ሲገባቸው ዝም የሚሉ፤ ያለዚያም ርቀው መመልከት፥ ከደም ማኅበር መለየት ሲገባቸው ተቀላቅለው የሚያፌዙ ሁሉ ከታላቁ ፈራጅ ከኀያሉ የኢትዮጵያ ቤተ ክርስቲያን አምላክ ፍርዳቸውን ይቀበላሉ። ስለዚህ ምእመናን ተጠንቀቁ። «ከርኩሳን ተለዩ፤ ወደ ርኩሳን አትቅረቡ፤ ከመካከላቸው ውጡ፤ እኔ አባት እሆናችሁአለሁ፤» ብሏል እግዚአብሔር። ይህ የእግዚአብሔር ዐዋጅ ነው። ጆሮ ያለው ይስማ።
ምስጋና ለእግዚአብሔር ይሁን። አሜን።»
አለቃ አያሌው ታምሩ።
የኢትዮጵያ ኦርቶዶክስ ተዋሕዶ ቤተ ክርስቲያን ሊቃውንት ጉባኤ ዋና ሰብሳቢ።

27 comments:

Anonymous said...

"አምላካችን እግዚአብሔር ለአባታችን አለቃ አያሌው ታምሩ (አቡነ ወልደ ጊዮርጊስ) በእመቤታችን በቅድስት ድንግል ማርያም አማላጅነት ዕረፍተ መንግሥተ ሰማያትን ያድልልን። ለባለ ቤታቸው፥ ለልጆቻቸው፥ ለልጅ ልጆቻቸው፥ በመንፈሳዊ ዕውቀት ኰትኲተው ላሳደጓቸው፤ እንዲሁም ለሚወዳቸውና ለሚያፈቅራቸው የኢትዮጵያ ሕዝበ ክርስቲያን መጽናናቱን ይስጥልን።

ክብር ምስጋና ለአብ ለወልድ ለመንፈስ ቅዱስ፤ እንዲሁም ለእመቤታችን ለቅድስት ድንግል ማርያም ይሁን። አሜን።"

ሳሙኤል፡ዘአሰቦት።

Anonymous said...

"Don't raise your hand on the person whom God annointed" This was the title of Dn Daniel Kibret's preaching one yr a go in defending Abba Paulos to silence the critics. Mk was only after their organization, not the EOC. Esu yemahberu lij new,yegna....

Anonymous said...

Hey friends, I am sending this message from Awash, Afar Region. As you know, it is the time to fight dictators that abused our Church indifferent ways.We need whistle blowers

zemeta said...

Ewnetu Meche new mesadeb yemetakomew?

bruktawit said...

thank you for your information brother tesfa but can you write for us dn. mulugeta's site address?

Haymanot said...

www.thetruthfighter.net join now!there is wenderful article i am blessed!

ዘውዴ (ዲሲ) said...

እግዚአብሔር ይባርኮት ዲያቆን ሙሉጌታ ዛሬም ጉልበታም ነኝ! በሚል ርዕስ አዲሱን በከፈቱት ድህረገጽ ላይ አንብቤ ነፍሴ በእጅጉ ረክታለች። የአብርሃም አምላክ አብዝቶ ይባርኮት!ደስ ብሎናል ለቤተክርስትያናችን የሚያስፈልጋት እዲህ ያለ የማያወላውል ጥርት ያለ ያልተበረዘ ወንጌልና የእግዚአብሔር መልዕክተኛ ነው። መገለጡ ይብዛሎት። ወንድም/እህት ሃይማኖትም እግዚአብሔር ይባርኮት።

Anonymous said...

One mathematical truth:

Tesfa=Ewunetu=Haymanot=Mulugeta welde Seytan

Anonymous said...

Ayi Ewunet!
I remember few weeks back we reader noticed that you mentioned as that website is not yours,and you wree posting Mulugeta's book. Today when I go there it says the owner is Mulugeta...
Mewashet is a big Sin, which you missed and lack... Mesadebim Endezaw which you are practically doing. Menafiknet degmo Endezaw... which you are going with in.

Please do not confuse us...

Every body this is Mulugeta, who rejected from Kidist selsssie College as he is Menafik, now he named himself Ewunetu, Tesfa, etc...
Gobez Ke Tekulaw Enitebek

Anonymous said...

Tesfa=Ewunetu=Haymanot=Mulugeta welde Seytan , He is one person with differnt Seytan

Anonymous said...

Brother Ewunetu,
You mentioend as you were in college, why do not you write in English... or Esum Ye Mahibere Kidusan new...Alebeleziya, kemetemtem befit memarih Yikdem.

Anonymous said...

what's wrong with you guys? Anonymous (deje selamawyan)do you read it the article which is written by dn.Mulugeta weldegebrial on his site? God's mercey up on you!plz try to identify the truth from the false one i am so sorry!

Bruck said...

last Anonymous i share your idea i dont thing so the massege posted by dn mulugeta is clear and pure gosple.

dear Anonymousoch please can you mention one wrong statment from the article posted? yes if you read it.

Anonymous said...

Surprizing, "Dn" Mulugeta you open a web just for fighitng the truth and preaching the false...you know the geez saying "Esme simu yimerih habe gibru"...
It applies not only for you but also Ewnetu,Haimanot,...

Anonymous said...

My dear brothers and sisters who try to respond for every comment that ewenetu posts, let me give you a brotherly advice just ignore him. He is a sick and evil person full of hatred and busy with anti tewahedo activities. because if you give him a response , we will be out of track. I can see that I myself am out of the topic.

The main question is what do we learn from the speech made by Aleka Ayalew some 12 years ago.

In my opinion

1)The person had a clear understanding that Abune Paulos is a real destroyer of the unity, order and faith of our church
2) That this man was really very desperate that no one in the priests, popes was behind him in the struggle against the evil
3) and infact the lack of support for people who are passionate about the truth, the country from the general population including us is the biggest failure in the last 18 years of TPLF regime.

So what shall we do in the future?


1) Let's promise to our selves and to God that on our dead body should a real relegious and or a patriot man be prosecuted, hunted and pushed to death by the anti tewahedo and anti Ethiopia persons.
2) Let's speak the truth and die. let's not wait some body to die for us and change the situation and we can get the fruit but rather we need to die for the truth and our childern shall abide by the faith and order that our for fathers have lived and once again God will be happy by the deeds of our childern

May the marytyr Kirkos, The kid, pray for us so that our fear will be cleared from our heart as he did to his mother and our lost spirit and strength will be returned again

Anonymous said...

Where were you when he said that?You sided aba Paulos then and even said aleka Ayalew was wrong.Do not flip flap!Always stand for truth.

ኢትዮጵያዊ said...

እኔ የምለው እንደዚህ በየፊናው ተከፋፍለን ከምንበላላ አንድ ሆነን ለቤተክርስቲያናችንና ለሀገራችን እንድንሠራ እስኪ እባካችሁ የሚያስማማ ሽማግሌ እንፈልግና እርስ በርሳችን እንታረቅ።
ወይ አለመታደል!

Anonymous said...

For comment 21 the only intercessor is Truth.If we always sided with truth,we will always live in harmony.Knowing full well that dividing along ethnic lines is wrong,we support those people who advocate that,we keep silent when innocents are killed,maimed and incarcerated,above all claiming to be religious we do not plan and work for the helpless,destitute,homeless, intead we call them 'beggars.'
GOD is not happy in our deeds.We are selfish.We build a skyscraper but GOD is homeless,hungry,.... we deseve to be punished! We should come to our senses and be sorry for our wrong doings in the past,and we need to resolute to always stand for truth.Then anything is possible.'If there is is the will, there is the way.' As christians we should not support anything unchristian. However,we are supposed to love evrybody regardless of his/her actions,but oppose and separate ourselves from their wrong deeds.Then GOD will be with us and anything we planned will be fulfiled.

Anonymous said...
This comment has been removed by a blog administrator.
Wongel said...

O’ God Aleka AYalew was true preacher and true man of God as well as who knows what will happen in the feature (prophet). We need such strong, devoted people in the church. He left his life for truth. He lost his work for speaking the truth. But no one helped him during his stay alone (I don’t know if there is any).
So let us follow what he tried to do. Get his belief and follow on his foot. Fight for truth. For example Associations of the church should insist on the truth rather than trying to negotiate to live with Aba Paulos.
But we should have one heart and one belief to get strength. In unity there is Holy Spirit. Jesus told us that he will be with us if we have one heart.
Dear Haimanot, Ewnetu, Tesfay and so on. Preach only God’s word if you are true preachers. Don’t insult people or don’t speak of negative issue about MK. We are not concerned about MK or you guys. We are only following bible and church’s teaching. We are not child to follow what people are saying we are following the truth which we get from Holy Spirit.
So don’t confuse special interest with church’s interest. We are all for Jesus Christ.

Ewnetu Kalie said...

ይገርማል!!! እውነት አርነት ያወጣል እንጂ እንዲህ ያስጨንቃል? ያሳድባል? ሊያውም ጭፍን ስድብ። ክርስቶስ የሞተላቸውን፣ እውነት እንዲጸና የሚደክሙትን ወልደ ሰይጣን ብሎ የሚጣራ በመንፈሱ የታመመና ዝለት የበዛበት ነው፤ የክርስትና ሕይወት ምስጢሩንም የተረዳ አይመስለኝም። እውነት፣ ሐይማኖት፣ ተስፋ፣ ዲያቆን ሙሉጌታና ሌሎቹችም እዚህ ያልጠቀሳችኋቸው እኮ ግብራችሁን እንጂ እናንተን አልጠሏችሁም። ግብራችሁ ግን ከክርስቶስ ስላልሆነ፤ ይልቁንም ከዲያብሎስ ስለሆነ ወደ እውነት ተመለሱ፣ ንስሃ ግቡ፣ ወደ ነፍሳችሁ አዳኝ እንደ እግዚአብሔር ፈቃድ በሆነ ሀዘን ተመለሱ አሉ እንጂ እናንተን በሰውነታችሁ አይጠሉዋችሁም፤ ሊጠሉዋችሁም አይችሉም፤ አይፈልጉምም። ብትሰድቧቸው ስለእውነት ስለተሰደቡ ለነሱ ክብር ነው ጌታቸውንም ይህንን አድርገውበታልና።

ለተሳዳቢዎቹ አንድ ጥያቄ አለኝ። እንዲህ ስትሳደቡ ወይም ከተሳደባችሁ በኋላ አይጸጽታችሁም? በውስጣችሁ ያለው ቅዱሱ የእግዚአብሔር መንፈስ አይወቅሳችሁም? ወይስ ተለማምዳችሁታል? እያሳሰናችሁት መሆኑን እወቁ።

«ለቤዛም ቀን የታተማችሁበትን ቅዱሱን የእግዚአብሔርን መንፈስ አታሳዝኑ። መራርነትና ንዴት ቁጣም ጩኸትም መሳደብም ሁሉ ከክፋት ሁሉ ጋር ከእናንተ ዘንድ ይወገድ። እርስ በርሳችሁም ቸሮችና ርኅሩኆች ሁኑ፥ እግዚአብሔርም ደግሞ በክርስቶስ ይቅር እንዳላችሁ ይቅር ተባባሉ።» ኤፌ ፬፥፴-፴፪

ሁሉም ይቅርና ስለነፍሳችሁ መዳን ከመቼውም ጊዜ ይልቅ አሁን አስቡበት። የእግዚአብሔር መንግሥት ቀርባለችና ንስሃ ግቡ።

የብሎጉ ሞደሬተሮችም ብትሆነ እውነት የሆነው delete እያደረጋችሁ የስድብ መድረክ አታድርጉት። ነፍሳት ቢድኑ እናንተም ከበረከቱ ተሳታፊዎች ትሆናላችሁ፤ እንዲጠፉ ሁኔታውን ብታመቻቹ ግን ለራሳችሁ ተጠንቀቁ።

የሚሰማ ጆሮ ያለው ይስማ

tad said...

I like what Aleqa used to say on Ethiopianism,eventhough I don't share some of his exageration on history where he mixes myth and legend with Biblical facts and salvation. He was mostle correct on opposing Abba Paulos while he was dead wrong to call him catholic. Catholic for what? He was also wrong to say say that circumcision is necessary for salvation let alone not to eat pork meat. Mostly he not taughtful but emotional and single minded. He went even further to criticize the late Abune Gorgorious' books because he was bypassed for censorship during their publications. Any way I missed his Ethiopianism.I am sure he is with Abraham, Isaac and Jacob in heaven. May God bless his family.

Ewnetu Kalie said...

እዚህ ላይ ይጫኑ ማህበረ ቅዱሳን ወይስ ማህበረ ሰይጣን

Ewnetu Kalie said...

እዚህ ላይ ይጫኑ ማህበረ ቅዱሳን ወይስ ማህበረ ሰይጣን

Ewnetu Kalie said...

እዚህ ላይ ይጫኑ ማህበረ ቅዱሳን ወይስ ማህበረ ሰይጣን

Anonymous said...

The almighty God bless our country Ethiopia and Our chuch(EOTC)

yetsyon said...

To Tad,

You said few things that are not pleasant about Aleka Ayalew. When did he say"circumcision is necessary for salvation"? I think you are making this up. If Abune Paulos took part in Vatican sermons and recieved "blessings" from the Pope, how is Aleka Ayalew wrong on that score? When you say he mixes myth with history, can you point to the myth so we can understand what you are talking about? Can you please provide factual pointers when quoting him, especially when your point accuses him?

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)