August 16, 2009

የቅዱስ ሲኖዶስ ሥራ አስፈጻሚ ሥራውን እንዲቀጥል፣ የተሰጠውን ኃላፊነት እንዲወጣ፣ እኛም የበኩላችንን እናድርግ

ደጀ ሰላም “እነዚህን አበው በስልክም በሰውም ማግኘትና ማነጋገር አለብን፣ ‘አይዟችሁ፣ በርቱ’ ማለት አለብን” ብላ ታምናለች!!!

(ደጀ ሰላም፤ ኦገስት 16/2009) ያለፈው የቅ/ሲኖዶስ ስብሰባ ለጥቅምት ካደረ ወዲህ አጀንዳው መቀዝቀዝ የጀመረ ይመስላል። አንዳንዶች ተስፋ በመቁረጥ፣ አባቶች ላይም ጥርጣሬያቸውን በማስፋት እንዲያውም የሃይማኖቱን ነገር ችላ እስከማለት ደርሰዋል ይባላል። የማፊያው ቡድን ብቻ የያዘውን ይዞ “ጥቅምት እንዳትመጣ ባይጸልዪም” ያኔም ቢሆን ጥቅሙን ሳያስነካ፣ ወንበሩን ሳያስደፍር፣ ዝርፊያውን ለመቀጠል ቀንተሌት እየሠራ ነው። ሕብረትም አለው። ሕብረት የሌለውና አሰባሳቢ ያጣው ለቤተ ክርስቲያን የሚያስበው ወገን ነው። ከዚያውም ቢሆን አንዳንዱ “የአባቶችን ገመና አትግለጡ” እያለ ስለ ማፊያው ቡድን እንዳይወራ በጥቅሳጥቅስ ያስፈራራል። ሌላው ደግሞ እኔን ካልነኩኝ እግዜር በፈቀደው ቀን ይፍታው ብሎ መሽጓል። አንዳንዱ ደግሞ ሲያመቸው ከመዘመርና “ሆ” ከማለት ውጪ ነገሩንም ከመጀመሪያው አልሰማውም።

ይህንን ጽሑፍ ለመጻፍ ያነሣሣን ምክንያቱ ግን ቅዱስ ሲኖዶስ የመረጠውና ሰባት ብፁዓን አባቶች ያቀፈው የሥራ አስፈጻሚ ኮሚቴ ሥራውን የማቆሙ ጉዳይ ነው። ቅዱስ ፓትርያርኩ እንደተናገሩት አንዳንድ የኮሚቴው አባላት የሆኑ አባቶች ራሳቸውን ከኮሚቴው ማግለላቸውን ተናግረዋል። አንዳንዶችም “አንሠራም” ባይሉም እየሠሩ አይደለም። በጠቅላላው ኮሚቴው ማንም “ፈርሰሃል፣ ተበትነሃል” ሳይለው በራሱ ጊዜ እየፈረሰ ነው ወይም ፈርሷል። የቅዱስ ሲኖዶስን እንቅስቃሴ የሚጠላው ክፍል የሚፈልገው ይኽንን ነበር፤ እየሆነለት ነው። እና ሁላችንም እንዲህ ቁጭ ብለን ጥቅምት ትድረስ?
ደጀ ሰላም አንድ ሐሳብ ለመጠቆም ትፈልጋለች። የዚህ ኮሚቴ አባላት ሆኑ አባቶች የተሰጣቸውን ሥራ ሳይሠሩ ማለፍ እንደሌለባቸው ማሳሰብ አለብን ብላ ታምናለች። በርግጥ የነዚህ ብፁዓን አበው ሕይወት አደጋ ላይ መውደቁን ባለፈው ተመልክተናል። ከዚህ በኋላም እንዲህ ዓይነቱ አደጋ እንደማይደርስ ማረጋገጫ መስጠት ባይቻልም መንግሥት ግን ዝም ብሎ ያያል ብላ አታምንም ደጀ ሰላም። አሁን ውይይቱ “መንግሥት ይጠብቃቸዋል ወይስ አይጠብቃቸውም?” የሚል ጉንጭ አልፋ ክርክር ሳይሆን መንግሥት ጠበቃቸውም አልጠበቃቸው አባቶቻችን ግን የጀመሩትን ሥራ አንድ ደረጃ ማስኬድና ለወከላቸው ቅዱስ ሲኖዶስ መልሱን ማቅረብ አለባቸው እንጂ ጥቅምት ላይ ሲገናኙ “ችግር ስለገጠመን ሳንሠራው ቀረን” ማለት ያለባቸው አይመስላትም-ደጀ ሰላም። ለታሪክም ጥሩ አይደለም። በር ሰባሪ ሥራ እንዳይሠራ ማድረግ ከቻለ ነገር ተበላሸ ማለት ነው።
ስለዚህ እነዚህን አበው በስልክም በሰውም ማግኘትና ማነጋገር አለብን፣ “አይዟችሁ፣ በርቱ” ማለት አለብን ብላ ታምናለች -ደጀ ሰላም!!! የኮሚቴው አባላት አባቶች የሚከተሉት ናቸው።
1. ብፁዕ አቡነ ጢሞቴዎስ (የኮሚቴው ሊቀመንበር)፣
2. ብፁዕ አቡነ ሳሙኤል (የኮሚቴው ፀሐፊ)፣
3. ብፁዕ አቡነ መልከ ጼዴቅ (አባል)፣
4. ብፁዕ አቡነ እስጢፋኖስ (አባል)፣
5. ብፁዕ አቡነ ጎርጎርዮስ (አባል)፣
6. ብፁዕ አቡነ ፋኑኤል (አባል)፣
7. ብፁዕ አቡነ አትናቴዎስ (አባል) (ደሴ ላይ ባለው ችግር ምክንያት ከመጀመሪያውኑ በኮሚቴው ውስጥ አልተሳተፉም) ናቸው።
ቸር ወሬ ያሰማን፣
አሜን

7 comments:

petrosawi said...

Eski kelibachin Entseliy wogenoche.Korat enhun. Ene Abune Petrosnin Enastawus .Minewu mesiwatinet yemikefil Tefa, bezemenachin.wore bicha beteley besidet yeminorewu Ethiopiawi wore yabezal .bizum tegibar gin alayibetim.

ayneye said...

Petrosawi,esti erso yijemerut,kezia egna eneketelotalen,alebelezia ersowom wore bicha new eyaweru yalut

tad said...

It sounds to me that we are in denial that our EOC is the hostage of the regime. In my opinion I can sympetize with those bishops and anybody who is living in Ethiopia. But I don't understand why the EOC memebers in diaspora are in denial. "Accept that you are thirsty"

tewahedo said...

I absolutely believe that we should work the solution of the problem in Synod. But it is responsibility of people how can we individually help fathers?

It would be nice if we can assign some people in Ethiopia who could contact fathers. It is to express our beliefs and to re strength our fathers who might badly treated by mafiya group. It is known that we should apply for God with our prayers.

God Bless us all and Give United mind

Adera yemilachihu said...

Thank you blogger!!!

God bless you for the resolution that you no longer tolerate non-christian and heretic comments.

Happy FILSETA le MARIAM!!!

Dan said...

እንደኔ አመለካከት እነዚህ የተዘረዘሩትን የሲኖዶስ አባላት ብቻ ሳይሆን በሙሉ ለሲኖዶሱ አባላት ግልጽ የሆነ ደብዳቤ በመጻፍ የተወሰኑ አንገንጋቢ የሆኑ
ለምሳሌ የሲኖዶሱ ስልጣን:
ሲኖዶሱ ተጠሪነቱ ለጌታችን ኢየሱስ ክርስቶስ እና ለቤተ ክርስቲያኑ (ለሕጻው ሳይሆን ለክርስቲያኖች - ጌታ "በጎቼ" ይለናል) መሆኑን

ጳጳሳት በክህነት ስልጣናቸው እንደማይበላለጡ (የክህነት ማእረግ 3ት ነው - ዲያቆን ካህን (ቄስ) ጳጳስ - ሌላው ሁሉ Ecclesiastical Hierarchy ያስትዳደር ስያሜ ማዕረግ ነው ፓትርያርክን ጨምሮ::
ጳጳሳት የፓትርያርኩ ተጠሪዎች (ወይም እንደራሴዎች) አይደሉም:: እያንዳዳቸው በሀገር ስብከታቸው ስልጣንና ኃላፊነት አለባቸው:: ጳጳስ ያለሀገር ስብከት: ሀገር ስብከትም ያለጳጳስ:አይኖርም::
እንደምንሰማው አሁን የተቀመጡት ፓትርያርክ የሚወዱትን የሚታዘዝ ነው የሚሉትን ሰብስበው ጵጵስና ሾመዋል ይባላል;;
ዲያቆን ካህን (ቄስ) ጳጳስ የቤተ ክርስቲያን ሽማግሌዎች ሊቃውንት አጥንተውና ተወያይቶውበት
ብቃት ሲኖረው ነው እንጂ የክህነት ስልጣንና ኃላፊነት ለፈለገ ሁሉ አይደለም

ብቃት ይኑረው አይኑረው ሳይመረመር ተሹሞ "ይደልዎ" ስልጣኑ ሹመቱ ይገባሃል ማለቱም የቀረ ይመስላል::

ፓትርያርክ ጳውሎስ ባለባበስ ሳይቀር ከሌሎቹ ለመለየት ከኦርቶዶክሳውያን ልማድ ውጭ እንደ ካቶሊኩ Pope ነጭ መልበስ
ሲኖዶሱና የቤተ ክርስቲያን ሊቃውንት አጥንተውና ተወያይቶውበት
ይሁን አይሁን እኔ አላውቅም ፓትርያርኩ ሃገረ ስብከቱ ያልሆነው የአክሱም ሊቀጳጵስ መባሉ -

የደብረ ሊባኖስ ገዳም አባት “ዕጨጌ” የማዕረግ መጠሪያው ነው አባ ባስልዮስ ሊቃነ ጳጳሳት ወፓትርያርክ ሲሆኑ የዕጨጌነቱንም ማዕረግ አልለቅም አሉ::
ያን ጊዜ "አይሆንም አሁን ሊቃነ ጳጳሳት ወፓትርያርክ ተብለዋል የደብረ ሊባኖስ ገዳም አባት ዕጨጌ የማዕረግ መጠሪያው ለገዳሙ አባት ይመለስለት የሚል በመጥፋቱ የተዛባ ስርዓት ተጀምሮ ይህው ዛሬ ደግሞ ፓትርያርክ ጳውሎስ በሊቃነ ጵጵስና ላይ ደርበው የአክሱም ሊቀጳጵስ ነኝ ብለዋል;; መጠንቀቅ ያለብን ይሄ ሁሉ የሥልጣን ማብዛት ለወንጌል ስብከት ለቤተ ክርስቲያን አስተዳደር እንቅፋት ነው

ፓትርያርኩ የጳጳሳቱ ሰብሳቢ -ለምሳሌ በሲኖዶስ ስብሰባ- The first among equals እንጂ የ ቬቶ ስልጣን የለውም has no veto power.

የሚሾም/የሚሽር ሲኖዶሱ ነው:


እነዚህን ነጥቦች በርቀት ሆኜ የተገነዘብኳቸውን ማንም የሚያውቃቸውን ለመጥቀስ ነው እንጂ
ህሕዝባችን በችግር በረሃብ ወድቆ ክርስቲያኖች ለሞት ተጋልጠው ሌሎችም ተገድለው: አብያተ ክርስቲያናር ተራቁተው አገልግሎት መስጥት አልቻሉም እየተባለ ፓትርያርኩ በጋዜጣዊ መግለጫ " የሲኖዶሱ ተቀዳሚ ተግባርና ኋላፊነት ሰላምና መረጋጋት በሃገር ውስጥእንዳለ" መስበክ ነው ብሎ ማወጅ በጠቅላይ ሚኒስተር መለስ የተጻፈ ፕሮፖጋንዳ ማንበብ ነው:
ለአንድ ሰው አባቱ (ወላጅም ሆነ መንፈሳዊ አባት) እንዲህ አደረገ እንዲህ በደለ ማለት አስጨናቂና የሚያውክ ልብ የሚሰብር ነው::

ወደ ዋናው ነጥቤ ልመለስና የተነደፈ ግልጽ ደብዳቤ DRAFT LETTER ይዘጋጅና ሽማግሌዎች እናቶች አባቶች የቤተ ክርስቲያን ሊቃውንት የቤተ ክርስቲያን ልጆች በረጋና በሰፈነ መንፈስ
ተወያይተውበት - በሚቀርቡት ሃሳቦች በስፋት ስምምነት ሲኖር - የቤተ ክርስቲያን ልጆች ሁሉ - ቢያንስ አምስት አስር ሚሊዮን የምንሆን ይህ Petition ከኛ ነው ብለን - Venue - ደብዳቤ ወይስ በኢተርኔት-
Signature ወይም በሌ ኣመቺ መንገድ ተዘጋጅቶ ለሁሉም የሲኖዶስ አባላት -
በተለይም ታዛዥነታችን ለፓትርያርኩ ነው ለሲኖዶሱ አይደለም ለሚሉ ባይሉም በሥራቸው ለተጋለጡ:
ፓትርያርክ ይሾማል ከቀኖና ቤተ ክርስቲያን አፈንግጦ ሲወጣ ተሽሮ
በምትኩ ቅድስና ያለው በሃዋርያት መንገድ የሚሄድ "በጎቹን በለመለመ"
ስፍራ በጸሎቱ በትምህርቱ የሚጠብቅ ለ ቦታው ይመረጣል:
ቤተ ክርስቲያን ግን አንድ ናት;;

tewahedo said...

Dear Dan,
I apperciate your idea of having petition and assigning ealderly people to talk to people but who can take the responsibility of doing this? We are all fighting each other. Can we open a website to address this information?

Or

Can Deje Selam write a proposal for this so that we can make here?
DJ-Selam can you take this responsiblility?

God Bless We ALL

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)