July 9, 2009

ቅዱስ ሲኖዶስ ውሳኔው ላይ ሳይፈርም ቀረ፤ ጋዜጠኛው ተደበደበ

(ደጀ ሰላም፤ ጁላይ 9/2009)
• የአዲስ ነገር ጋዜጣ ዘጋቢ ተደበደበ፣
ትናንት ውሳኔ በማሳለፍና ቃለ ጉባዔ በማጽደቅ ስብሰባውን የበተነው ቅዱስ ሲኖዶስ ቃለ ጉባዔው ላይ በመፈራረም ተግባራዊ ያደርጋል ተብሎ ሲጠበቅ ያንን ሳያደርግ ቀረ። ስብሰባው ዛሬም ቀጥሎ የዋለ ሲሆን ተጨባጭ ውሳኔ ሳያልፍ ቀርቷል። ቅዱስነታቸው በበኩላቸው ቅ/ሲኖዶስ ያዋቀረውንና እርሳቸው ያገዱትን ሥራ አስፈጻሚ ኮሚቴና የብፁዕ አቡነ ሳሙኤልን እግድ በማንሣት ነገሮችን እንዲያቀዘቅዙ በድጋሚ ቢጠየቁም አሁንም አሻፈረኝ ብለዋል። ይልቁንም አዲስ ሕግ ለራሳቸው ያወጡ ይመስል “የፓትርያርክ ትዕዛዝ በፓትርያርክ ብቻ ነው የሚሻረው” በሚል ከቅዱስ ሲኖዶስ በላይ መሆናቸውን አሳይተዋል። ቅዱስ ሲኖዶስ ሐሳቡን ቀልብሶ ስለ ጉዳዩ እንደገና እንዲነጋገር ያስገደደው ውስጣዊ ጉዳይ ምን እንደሆነ እስካሁን አልታወቀም። በርግጥ ትናንት ጉባዔው ሲበተን የዚህ ሁሉ ድራማ ዋና ተዋናይ የሆኑት ወ/ሮ እጅጋየሁ ጳጳሳቱን ሲያስፈራሩ እንደነበር ታውቋል። ሴትዬዋ እንዴት ከሕግ በላይ ሊሆኑ እንደቻሉ ለብዙዎች ግራ የሚያጋባ ነገር ሆኗል።
በተያያዘ ዜና የሥራ አስፈጻሚ ኮሚቴው አባልና የአዲስ አበባ ሀ/ስብከት ሊቀ ጳጳስ ብፁዕ አቡነ ሳሙኤል የፌዴራል ፖሊስ ልብስ በለበሱ ሰዎች ጥበቃ በቤታቸው ተገድበው እንደሚገኙ ምንጮቻችን ገልጸዋል። እገታው ለክፋት ይሁን ወይም እርሳቸውን ከክፉ ነገር ለመጠበቅ እስካሁን የታወቀ ነገር ለም። ምንጮቻችን እንደተናገሩት አንዳንድ የመንግሥት ባለሥልጣናት ሳይቀሩ ሊቀ ጳጳሱን ያገተው ክፍል ማን እንደሆነ እንደማያውቁ ተናግረዋል ተብሏል። በቤተ ክርስቲያኒቱ ጉዳይ በመንግሥት ባለሥልጣናት በኩል አንድና ወጥ የሆነ አቋም እንደሌለ ይታወቃል። የኢሕአዴግ ክፍል የሆነው ሕወሐት በለዘብተኝነት፣ የአማራው ክፍል ክንፍ ነው የሚባለው የነበረከትና ተፈራ ዋልዋ ቡድን ደግሞ በፀረ-ቤተ ክርስቲያንነት ሲንቀሳቀሱ መቆየታቸው ይታወቃል። የብአዴን አመራሮች ቤተ ክርስቲያኒቱን እንዲህ የሚጠሉበትና የሚያዋርዱበት ምክንያት ግን አሁንም ግልጽ አልሆነም። በቅርቡ በደሴ የቅድስት አርሴማን ቤተ ክርስቲያን ለመሥራት የተንቀሳቀሱ ምእመናን የፖለቲካ ስም ተሰጥቷቸው ጥቃት እንደደረሰባቸው ይታወሳል።
ይህ በእንዲህ እንዳለ በቤተ ክህነቱ አካባቢ በመካሄድ ላይ ያለውን ውጣ ውረድ ከመጀመሪያው ጀምሮ በማቅረብ ላይ የሚገኘው የአማርኛ ጋዜጣ “አዲስ ነገር” ሪፖርተር ስብሰባውን ለመከታተል ከሄደበት ከቤተ ክህነት ወደ ቢሮው ሲመለስ መንገድ ላይ አድፍጠው በጠበቁት ሰዎች መደብደቡ ታውቋል። ጋዜጠኛው “አብርሃም በጊዜው” አንድ ሰው ቀኑን ሙሉ ይከታተለው እንደነበረ ከተገነዘበ በሁዋላ መንገዱን ቀይሮ ወደ ቢሮው ለመግባት ሲሞክር ከፊት አድፍጠው ይጠብቁት በነበሩ ሰዎች በብረትና በብረት ቦክስ መደቆሱ ተገልጿል። ጋዜጠኛው የሕክምና ርዳታ ካገኘ በሁዋላ በደህና ሁኔታ ላይ ይገኛል። ከዚህ በፊት ያልታወቁ ሰዎች የሪፖርተር ጋዜጣ ባለቤትና ዋና አዘጋጅ የሆነውን አማረ አረጋዊን በዚሁ መልኩ መደብደባቸው ይታወሳል።

4 comments:

Anonymous said...

belive me or not the ethiopian orthodox church will not be the same any more.
when you try to remove the stagnant admin& start to replce by the new their will be a challeng and no one know who will cntrol the power.inaddition to this most of the gangista(bishops)may have aquire good experiance on intellengene but they are very poor on adminstration,so wait and see who wiil come to the power.

we need to pray for stability.

Anonymous said...

Selam Deje Selam, Thank you for your updates. Who is Woizoro Ijigayeheu? It seems she is an active player in all this, but I perhaps like many do not understand what her role is.

Anonymous said...

ወ/ሮ እጅጋየሁ ወይስ የዘመኗ ኤልዛቤል
አንድ ወ/ሮ እጅጋየሁ ላሰቡት ዓላማ እስከማስፈራራት ደርሰው የቅዱስ ሲኖዶስን ውሳኔ ያስቀይራሉ ማለት አይቻልም፤ ምንም እንኳን ብዙ ወ/ሮ እጅጋየሁዎች ስማቸው ያልተጠራ ከኋላ እንዳሉ የአደባባይ ምስጢር ቢሆንም።




ኤልዛቤል የተባለች ሴት የናቡቴ ደም እንዲፈስ ሥራዋን ብትሠራም ኤልዛቤል ለራስዋ እንደማትሆን ሊረዱ ያስፈልጋል። አሁን ሰዓቱ እግዚአብሔር ኢትዮጵያን እያሰበበት ያለው ሰዓት ስለሆነ ለተልካሻ ምክንያት የሚንበረከክ የሲኖዶስ አባላት አይኖርም።
አስተዳደር ይስተካከል ሲባል ለዕለት ጥቅማቸው ያደሩ እና አጭር ዘመናቸው እስከሚፈጸም ድረስ ብቻ ራእይ ያላቸው ሰዎች የሩቅ ተስፋ ያላትን የኢትዮጵያ ኦርቶዶክስ ተዋሕዶ ቤተ ክርስቲያንን ብርሃን አያደበዝዙም።


በዚች በያዝናት በሐምሌ ወር በፋሽስት ጣልያን ተደብድበው ሕይወታቸው ያለፈው ሰማዕታት ደም ዛሬም ይጮኻል። እግዚአብሔር ለኢትዮጵያ ምድር ያስባል፤ ሥርዓት የጠፋበትን እና ማንአለብኝነት የነገሠበትን አሠራር ቆርጦ ይጥለዋል። ዛሬም የእግዚአብሔር ጣት በብልጣሶር የእራት ግብዣ አዳራሽ ውስጥ ማኔ፣ ቴቄል ፋሬስ ብሎ እንደጻፈ እግዚአብሔር መዝኗቸው ቀለው ለተገኙ የአስተዳደር ሰዎች ሁሉ ማኔ፣ ቴቄል ፋሬስ ብሎ ይጽፋል፤ ፍርዱንም ይሰጣል።
የእግዚአብሔርን ጣት ከመጻፍ የሚያግዳት የትኛው ባለሥልጣን ይሆን? ወ/ሮ ኤልዛቤል እና ይህ ታሪካዊ ሥራ እንዲከሽፍ የምትሯሯጡ ሁሉ የመውጊያውን ብረት ብትቃወም በአንተ ይብሳል ተብሎ እንደተጻፈ እራሳችሁን መርምሩ እላለሁ።


በእሳት መካከል እያለፋችሁ ያላችሁና ተከታዮቻችሁንም እሳታዊ ኃይል እንዲኖረን ያነሣሣችሁ እናንት በዘመናት መካከል የተነሣችሁ የታሪክ ሰዎች ለእውነተኛዋና ለቀጥተኛዋ የኢትዮጵያ ኦርቶዶክስ ተዋሕዶ ቤተ ክርስቲያን ሃይማኖትና ሥርዓት ተቆርቁራችሁ ከኋላችሁ ምንም ዓይነት የጥቅም እና የዘር አድልዎ ሳይኖርባችሁ ቆርጣቸሁ ተነሥታችሁ ከሆነ እግዚአብሔር ከእናንተ ጋር ነው። አደራችሁን እርም ይዛችሁ እንዳትገኙ።
ወ ስ ብ ሐ ት ለ እ ግ ዚ አ ብ ሔ ር ! !

Anonymous said...

ABETE EGEZIEABEHERE MENE AYENETE GEZE LAYE DERESENE? EGEGAYOU BEMEGEDELE SELAME LETAMECHE ? KALEAWADEWE AYSRABTEME ENEDY?


EALEZABELE LEMEHALE WECHIE

EGEZIABEHERE EGUNE ZEREGETUALE
WOYEWE MANE YEMELESEWE YEHONE?

KEBETE EGEMERALEHU YALEWENE MENEWE ERESACHEHUTE?


BETELYE ABUNE PAWELOSE TENEBIETE TEFESEME YADENENE


AMENE

AHUNEME TEWAHEDO EMENETACHENE ATETEFAME LIATEFUTE YEMIENESU GEN YETEFALU ESU YEFEREDE HULUNE LESU MESTET YISHALAL

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)