July 28, 2009

እስከ ጥቅምት ቅ/ሲኖዶስ ስብሰባ ምን እንሥራ?

(ደጀ ሰላም፤ ጁላይ 28/2009)

ያለፈው የቅ/ሲኖዶስ ስብሰባ እንዳይሆን ሆኖ ከተበተነና ለጥቅምት ካደረ ወዲህ አጀንዳው መቀዝቀዝ የጀመረ ይመስላል። አንዳንዶች ተስፋ በመቁረጥ፣ አባቶች ላይም ጥርጣሬያቸውን በማስፋት እንዲያውም የሃይማኖቱን ነገር ችላ እስከማለት ደርሰዋል ይባላል። የማፊያው ቡድን ብቻ የያዘውን ይዞ “ጥቅምት እንዳትመጣ ባይጸልዪም” ያኔም ቢሆን ጥቅሙን ሳያስነካ፣ ወንበሩን ሳያስደፍር፣ ዝርፊያውን ለመቀጠል ቀንተሌት እየሠራ ነው። ሕብረትም አለው። ሕብረት የሌለውና አሰባሳቢ ያጣው ለቤተ ክርስቲያን የሚያስበው ወገን ነው። ከዚያውም ቢሆን አንዳንዱ “የአባቶችን ገመና አትግለጡ” እያለ ስለ ማፊያው ቡድን እንዳይወራ በጥቅሳጥቅስ ያስፈራራል። ሌላው ደግሞ እኔን ካልነኩኝ እግዜር በፈቀደው ቀን ይፍታው ብሎ መሽጓል። አንዳንዱ ደግሙ ሲያመቸው ከመዘመርና “ሆ” ከማለት ውጪ ነገሩንም ከመጀመሪያው አልሰማውም። እና ሁላችንም እንዲህ ቁጭ ብለን ጥቅምት ትድረስ?

ደጀ ሰላም አንዳንድ የመፍትሔ ሐሳቦች እንዲሰጡ ስትጋብዝ ከዚህ በፊት በወጡ በሌሎች ጉዳዮች ላይ የሞቀ ውይይትና ምልልስ የያዛችሁትን ደጀ ሰላማውያንም “ያንን ገታ አድርጋችሁ፣ ሌላ ጊዜ እንመለስበታለንንና፣ ወደዚህኛው ኑ” በማለት ነው።
የውይይት ነጥቦች:-
1. እስከ ጥቅምት አባቶቻችንን እያጽናናን፣ አይዟችሁ እያልን እናበርታቸው፣ ተስፋ አትቁረጡ እንበላቸው፣
2. ለጥቅምቱ ስብሰባ ምእመናን እንዲያስቡበት፣ እንዲጸልዩበት መረጃውን እናድርስ፤ በተለይም ለሰ/ት/ቤት ወጣቶች ስለ ነገሩ እናስረዳቸው፣
3. በመንግስት በኩል ላሉ ሰዎች ጉዳዩ የእምነት ጉዳይ እንጂ የነርሱን “ወንበርና ሥልጣን” ፍለጋ እሽቅድምድም ላይ እንዳልሆንን እንግለጽላቸው። እንደከዚህ በፊቱ “ከወያኔ ጋር አልሰራም” በማለት ምንም የሚለወጥ ነገር አይመጣም፤
4. እስቲ እናንተ ደግሞ ጨምሩበት
ማጠቃለያ
እዚህ የሚቀርቡትን ሐሳቦች አጠናቅረን ለብፁዓን አባቶች፣ ለአበቶችና ለሚመለከታቸው ሰዎች ለማድረስ መቻል ይኖርብናል።
ቸር ወሬ ያሰማን፣
አሜን

33 comments:

Anonymous said...

ሰሞኑን በቤተክርስቲያን ዙሪያ በተፈጠረው መጠነኛ ግርግር ብዙ ተብሎለታል:መጠነኛ ያልኩት ድርጊቱን ማንኳሰሴ ሳይሆን ከዚህ የበለጠ ብዙ ግፍና በደል መፈጸሙን ለማመልከት መሁኑን አንባቢ ይረዳልኛል ብዬ ተሰፋ አደርጋለሁ::

እንደሚታወቀው የኦርቶዶክስ ቤተ ክርስቲያን አገልግሎት መንፈሳዊ አገልግሎት መሆኑ ቀርቶ መተዳደሪያ ስራ ከሆነ ቆይቷል: የራሱ መተዳደሪያ ኖሮት ሳይሆን የሚተዳደረው ደግሞ ከምዕመናን ከሚሰበሰበው ሙዳየ ምጽዋት፣ አስራት፣ የሰበካ ጉባኤ መዋጮ፣ የስለት፣ የክርስትና፣ የፍታት አገልግሎት ክፍያ ነው: አንዳንዶቹ ቤተክርስቲያኖች እንዲያውም ህንጻዎች ሰርተው እያከራዩ ቱጃር ነጋዴ ሆነዋል:

ዋናው ቤተክህነት ያሉ ሊቃነ ጳጳሳት ደግሞ ከየቤተክርስቲያኑ ከሚሰበሰበው አስራት የተንደላቀቀ ኑሮ ይመራሉ: ጥይት በማይበሳው ተሽከርካሪ ይንቀሳቀሳሉ፣ በቅልብ ወታደሮች ይታጀባሉ: ያ ከእለት ጉርሱ፣ ከልጆቹ ጉሮሮ ነጥቆ የሚደጉማቸው ድሃ ህዝብ ግን ሲገደል፣ ሲታሰር፣ ሲሰቃይ መንፈሳዊ አገልግሎቱ እና ፈሪያ እግዚአብሄር እንኳ ቢቀር የኑሯችን መሰረት ነውና አትጨርሱብን አላሉም: የትም እንደማይሄድ እርግጠኞች ናቸው: ቋሚ ጭሰኛቸው አድርገው ወስደውታል:

ለእምነታቸው ሰዎች ሲገደሉ ከወንጀለኛ ጋር አናብርም የሚሉና በሰው ደም የሚነግዱ ወንጀለኞችና የወንጀለኛ ተባባሪዎች ናቸው: (የደሴውን እልቂት ልብ ይሏል)

ይህ ሁሉ ሆኖ ግን አንድ ሐቅ አለ፣ ጳጳሱም ይሁን ወያኔ ማንም ኪስ ገብተው በግድ ሙዳየ ምጽዋት ክፈሉ፣ የሰበካ ጉባኤ ካልከፈላችሁ ትገደላላችሁ፣ ትታሰራላችሁ ወዘተ. ያሉ አይመስለኝም: ግፋ ቢል ፍታት አንፈታም፣ ክርስትና አናነሳም ሊሉ ይችላሉ: በወንጀለኞች፣ በይሁዳ ፍታት የኃጥያት ስርየት ለመገኘቱ እርግጠኛ አይደለሁም: እና ህዝቡ አሁንም እነዚህን ወንጀለኞች እየቀለበ ነው:
ህዝቡ ፓትርያርኩንና ጳጳሳቱን ቢጠላ ኖሮ ለቤተክርስቲያን የሚያደርገውን መዋጮ በሙሉ ያቆም ነበር: ይህን ስል ደግሞ ውጭ ያለንው ጭምር ማለቴ ነው: ያን ጊዜ ለመንፈሳዊ አገልግሎት ሳይሆን ለሆዳቸው ሲሉ መፍትሄ ይፈልጉ ነበር: ስለዚህ የኦርቶዶክስ ምእመናን የጳውሎስ ፕትርክና ተስማምቶናል፣ ስርአተ እምነታችንም በምንፈልገው መንገድ እየተካሄደ ነው: ይህ ካልሆነ ደግሞ ለተፈጠረው ቀውስ ተጠያቂ ራሳችን ምእመናን ነን: ኪሳችን ገብቶ የዘረፈን የለም ወደን እየሰጠን፣ በራሳችን ገንዘብ ደልበው ነው መልሰው የሚነክሱን: ወደድንም ጠላንም የጥፋት ድርሻችንን መቀበል አለብን ግዙፉ ጥፋት የኛ የእምነቱ ተከታዮች እንጂ የጳጳሳቱ ወይም የፓትርያርኩ አይደለም: እነሱማ ተልእኮአቸውን እየፈጸሙ ነው::

እግዚአብሄር ኢትዮጵያን ይጠብቅ

tad said...

I don't like what Mk is saying about DJ's blog. Le us debate honestly about our EOC future. No group, association or individuals's interest should be above EOC. MK please, come clean and clear, don't keep us deaf for another surprise. We should be able to have an honest discussion about the future of our church. EOC should not be left at the mercy of millioner bishops, patriarch and murdrrers. We have waited so long that these groups might come with basic solutions, but no monopoly of trust is left for them any more.Enough is enough. I will come with some suggestions for this question in the future, and ee you soon.
God bless our EOC.

Anonymous said...

ሰላም

በበረከት ተባርኮ በአባይ ጸሀየ መንፈስ የሚመራው የአዲስ አበባው ሲኖዶስ ህገ ወጥ ነው፡ ይህን ውጭ ያሉት አባቶች ተናግረውታል፡ አለቃ አያሌው ተናግረውታል፡ በስራቸው ታውቁታላችሁ። ስለዚህ ውጭ ካሉት እና ወያኔ በግፍ ካሳደዳቸው እና ውጭ ወጥተው በጾም እና በጾሎት እየተጉ ወንጌልን በማስፋፋት ላይ ያሉትን አባቶች እና አሁን ኢትዮጵያ እየተሰደዱ ያሉትን አባቶች ማስማማት ቢቻል መጸለይ ነው። ማህበረ ቅዱሳን ሆድ አዳሪ መሆናቸው አሁን ተገልበጠው አባ ጳውሎስን መደገፍ ደጀ ሰላምን (ባወያየችን) መቃወም ጀምረዋል። ድሮውንስ!!! ወንጌሉን በሚመለከት እነ ዲያቆን በጋሻው ትዝታው ... እነርሱን መርዳት መጸለይ ነው ወገኖቸ። ባናደርገወም እየሆነ ያለ ጉዳይ ነው።

Anonymous said...

(ከብርሃናዊት)

ውድ ደጀ-ሰላማውያን

ሁነኛው መፍትሔ- ቤተ ክርስቲያኑዋንና ሃገሪቱን ከሮማ፤ ከእንግሊዝና ከግሪክ (አሁን አሁን ሳስበው ከኮፕቲክ ሥነ-ልቦና) ቅኝ አገዛዝ ነፃ ማውጣት ነው፡፡ የተዋቀረው ኮሚቴ ያሳሰበው ጉዳይ የበጀት አስተዳደር ጉዳይ ነው እንጂ ለብዙ ነገር ገና ዝግጁ አደለም፡፡ ይበልጥ አንገብጋቢውን ጉዳይ ረስቶታል፡፡ የበጀት አስተዳደርና የልማት ጉዳይ ሳይሆን ሃገርና ሃይማኖት ይቀድማል፡፡ ኮሚቴው የበጀት ጉዳይ ያሳሰበው የሃገርና የቤተ ክርስቲያን ጉዳይ አሳስቦት አደለም፡፡

ከኮሚቴው ውጭ ያሉ አንዳንድ ጳጳሳትን፡ በሙሉ ባይሆንም ጥቂቶቹን፡ በቅርበት ለመታዘብ ዕድሉ ኖሮኛል- በሥራ ጉዳይ፡፡ በዚያም እንዳየሁት፡ በሃገረ ስብከታቸው ለሚያደርጉት ልማታዊ እንቅስቃሴ (ለምሳሌ- በቤተ ክህነት የሚተዳደር ትምህርት ቤት) ገንዘብና ማቴርያል ከየትም ከየትም ብሎ ፈሰስ እንዲደረግላቸው ከመጎትጎትና በያቅጣጫው ከመማጠን በቀር፡ ልጆቹ ምን ይማሩ፤ ወይም እንዴት እናሳድጋቸው ለማለት ስብሰባ የማይመጡ “ብጹዓን አባቶች” ናቸው ያሉን፡፡ ይባስ ብሎ፡ የተገኘውን በጀትም፡ ከቤተ ክህነቱ ሥራ አስኪያጅና ከሊቀ ስዩማኖቻቸው ጋር ተከፋፍለው፡ በጥራት ሊያስተምሩ የሚችሉ መምህራን እንዳይቀጠሩ፣ ትምህርት ቤቱ እንዲዋረድና ወላጅ ተስፋ ቆርጦ፡ ልጆቹን ለመናፍቃንና ለካቶሊክ አካዳሚዎች እንዲገብር ያደረጉ፡ ጀግና “ብጹዓን አባቶች” ናቸው ያሉን፡፡ ደግሞ “የሲኖዶስ ሕግ ይከበር” የሚል ስብሰባ ላይ ሲገኙ፡ ትንሽ እንኩዋ አለማፈራቸው ነው የሚደንቀው፡፡ ሌላኛው ደግሞ፡ በሃገረ ስብከታቸው፡ ባዕድ አምላኪዎችን፤ መናፍቃንንና አረማውያንን አስተምረው አጥምቀው ለመመለስ ፀጋ ያላቸውን አባቶች፡ ወደዚያ አካባቢ ድርሽ እንዳይሉ በማገድ፡ “እባካችሁ አብረን ከኖርናቸው (አጋንንት) ጋር አታጣሉን” በሚል ዘይቤ፡ ሕዝቡን በአሳዛኝ ሁኔታ ለተኩላና ለአውሬ በትነው የቀሩ “ብጹዕ አባት” ናቸው፡፡ በስንት ወጪና ድካም፡ የሃገረ ስብከቱ ርዕሰ ደብር ያሰራው ትምህርት ቤት ውስጥ፡ ሃይማኖታዊ ትምህርት እንዳይሰጥ በመከልከል፡ “ከመንግሥትና ከሌሎች ሃይማኖቶች ያጣላናል” የሚል ሰበብ በመስጠት፡ እንቅፋት የፈጠሩ ጀግና አስተዳዳሪዎች በሥራቸው አሉ፡፡ ሦስተኛው “ብጹዕአባት” ደሞ በቅርበት ባላውቃቸውም፤ በዝና ስሰማላቸው እንደኖርሁት፡ የተሃድሶ እንቅስቃሴ በሃገረ ስብከታቸው እንደካንሰር ተንሰራፍቶ፡ ቆሎ ትምህርት ቤቱንና ካህናቱን ሁሉ በገንዘብ እየደለለ፡ መናፍቃን ጉባዔ ላይ እንዲገኙ ሲያበረታታ፡ ምንም ዓይነት የመፍትሔ እርምጃ እንዳይወሰድ በመከላከል፡ የሰንበት ትምህርት ቤት ወጣቶችንና ማህበራትን ተስፋ ሲያስቆርጡ የነበሩ ናቸው፡፡ አሁን እንኩዋ በሌላ “ብጹዕ አባት” ተተኩ መሰለኝ፡፡

እነዚህን መሰል አባቶችን፡ የአስተዳደር ችሎታቸውን ሳይሆን፡ ሃይማታቸውን እጠራጠራለሁ፡፡ ሆን ብለው አፍራሽ ሚና እየተጫወቱ ያሉ ባንዳዎችን፡ “እንርዳቸው፡ አይዞዋችሁ እንበላቸው እናግዛቸው” ብሎ ማሰብ፡ በእውነቱ፡ ምንም እውነተኛ መፍትሔ አይሰጠንም፡፡ እንደዚያ የምናደርግ ከሆነ፡ እኛ፡ የነርሱ statusquo አስጠባቂ ነን እንጂ፡ የቤተክርስቲያንም ሆነ የሃገር ወዳጅ አደለንም፡፡ ነን ብለን አስበንም ከሆነ ተሳስተናል፡፡ የአሜሪካው ሲኖዶስ፡ ጳጳሳቱን ሾሞ መወጋገዙና መከፋፈሉ ሲደርስ፡ ብዙዎች “እናት ቤተ ክርስቲያን” “እናት ቤተክርስቲያን” እያሉ የሃገር ቤቱን ሲኖዶስ statusquo ሲያስጠብቁ ነበር፡፡ አስተዋይ ነው የሚባለው ማህበረ ቅዱሳን እንኩዋን በዚህ ሥራ ተጠምዶ ነበር፡፡ ይህ አቁዋም የመነጨው ለቤተክርስቲያን አንድነት ከመቆርቆርና ለተሃድሶ በር ከመክፈት ለመከላከል መሆኑ ግልጥ ቢሆንም፡ ለሌላኛው ተሃድሶ፡ ለሃገር ቤቱ ሲኖዶስ ግን ጥብቅና የሚያስቆም መሆን አልነበረበትም፡፡ ይህ “እናት ቤተክርስቲያን እናት ቤተ ክርስቲያን” የሚለው ወገን የሃገር ቤቱ ሲኖዶስ የተረበሸ ወይ የተከፈለ ዕለት ደግሞ ምን ይውጠው ይሆን ብዬ ወዳጆቼን በጠየቅሁ ወራት ባልሞላ ጊዜ ውስጥ፡ ይህ ሁሉ መከሰቱ፡ ለእኔም አስገርሞኛል፡፡ አሁን ደግሞ፡ “ፓትርያኩ ሕገ ቤተክርስቲያንን አከብራለሁ በማለት ተስፋ ሰጪ አቁዋም አሳይተዋል፡ ብጹዓን አባቶችም የፓትርያኩን አምባገነንነት በጀግንነት እየተጋፈጡት ይገኛሉ” በማለት፡ ተስፋ ሊደረግባቸው የማይገቡ ተስፋ አስቆራጮች ላይ ተስፋ መጣሉ የት ሊያደርሰው እንደሚችል አሳስቦኛል፡፡ ፓትርያኩ እኮ “ብጹዓኑን” ለማዋረድ በጠላት ሱቅ መጽሐፍ እንዲጥ ያደረጉ ማፈርያ ናቸው፡፡ የሌሎቹንም የሥራ resume ጠጋ ብለን ስንመረምረው እኮ፡ ከላይ የዘረዘርነውን የመሰለ አፍራሽ ሚና የሚጫወቱ ጀግኖች ናቸው እንጂ፡ ሌላ አደሉም እኮ! “እነዚህን ልናስታምማቸው ይገባል ወይ? አላስታምምም ካልንስ ቀጥለን ምን እንሥራ?” ነው ጥያቄው መሆን ያለበት፡፡ “ለቤተክርስቲያን ተቆርቁሮ የሚያስተባብር ጠፋ” ብለን የደመደምነው፡ ለቤተክርስቲያን የተቆረቆሩትን መች ሰማናቸውና ነው?

(እቀጥላለሁ)

Anonymous said...

(የቀጠለ- ከብርሃናዊት)

እኔ ሦስት አባቶችን አውቃለሁ- ልንሰማቸው ይገቡን የነበረ፡፡ አንደኛው አለፉ- አለቃ አያሌው፡፡ ሁለተኛው አሁንም በሂወት አሉ- ንቡረ እድ ኤርምያስ፡፡ ሌላኛው አባ ተስፋ ሥላሴ ሞገስ ናቸው፡፡ ሌሎችም እንዳሉ በሚገባ አምናለሁ፡፡ ለጊዜው የማወቀው እኒህን ነው፡፡ ስማቸው ሲነሳ የሚያመው፡ ቅኝ ግዛት የናፈቀው፡ ብዙ ዓይነት ሰው አለ፡፡ አንድም ሰው፡ እኒህ ሰዎች የሚናገሩትን እውነታ ሁሉ በሃይማኖታዊ ትንተናና በተጨባጭ ምክንያት ሊያስተባብል የቻለ የለም፡፡ አይኖርምም፡፡

አሁን እኛን የሚያስፈልገን፡ ሕዝበ ክርስቲያኑን አስተባብሮ፡-

• ኢትዮጵያ ማናት? ምንድናት? ብሔር ብሔረሰቦቹዋስ ምንድናቸው? ብሎ ለሁሉም የኢትዮጵያንና የኢትዮጵያዊነትን ዋና መለያ ባሕርይና ሃይማኖታዊ አቁዋም ግልጥ በማድረግና በማስተማር፡ አሁን የተፈጠረችውን የብሔር ብሔረሰብ የ100 ዓመት ፈጠራ “አላውቃትም!” ብሎ ከመንግሥት ጋር በመጋፈጥ፡ ሰው ሰራሹን ዘረኝነትን፡ ለአንዴና ለመጨረሻ ጊዜ ከምዕመኑ ልቦና ለመደምሰስ የሚነሳ ኮሚቴ ነው የሚያስፈልገን፡፡
• እኛ የሚያስፈልገን፡ የአንበሳውን መንግሥት፡ አስቀድሞ በሰዎች ልቦና ላይ፡ ከዚያም በቤተሰብና በሰበካ ደረጃ፡ ከዚያም በሃገር፡ አልያም ቢያንስ በመንጋው ላይ ከነሙሉ ሕግጋቱና ዝርዝሩ ጋር ለሕዝቡ አስተምሮ፡ አስመሥርቶ፡ የተቃጣብንን የሸሪያ ውይም የመናፍቅ አገዛዝ የሚመክት ኮሚቴ ነው የሚያስፈልገን፡፡ የኢትዮጵያ የአንበሳው ሥርዓተ-መንግሥት እኮ በቀደመው ጊዜ ሊቃውንት የሚማሩት አንድ ፊልድ ነበር ጎበዝ?! እነ አለቃ ገብረሓና እኮ የዚያ ሊቅ ነበሩ! አሁን የምናስታውሳቸው በተክሌ አቁዋቁዋም ብቻ ነው እንጂ በሥርዓተ መንግሥት ረገድማ አፋችን ተለጉሞ taboo subject አድርገነዋል፡፡ አረማውያን እኮ “ክርሰቲያኖች ሕግ የላቸውም፡ መንፈሳዊ ሕግ ክርሰቲያኖች አያውቁም፡ ጋለሞቶች፡ ዘፋኞችና ጠጪዎች ናቸው፡ ወንጀልን አይቃወሙም፡ እኛ ግን ሸሪያን የመሰለ ሕግ አለን! አሁን በልቦናችን ውስጥ እስላማዊ መንግሥትን እናኑረው፡ በቤተሰብና በማህበረሰብ ደረጃ ለመኖር እንዲያመቸን፡ ወደ ዓለም ፍርድ ቤት ሳይሆን ወደ ሸሪያ ፍርድ ቤት በመሄድ የቻልነውን እናድርግ፡ እኛ ያንን ድርሻችንን ከተወጣን፡ አላህ ደግሞ እስላማዊ መንግስትን በገሃድ በሃገር ደረጃ እውን በማድረግ ይረዳናል” እያሉ እኮ ነው ለጥፋት ወገኖቻቸውን እየቀሰቀሱ እያስተባበሩብን ያለው! እውነታቸውን እኮ ነው?! የሚናገሩት መሬት ጠብ አይልም!! እግዚአብሔር እኮ ጠላቶቻችንን ያስነሳው ከተኛንበት ሊያነቃን ነው፡፡ የሰጠንም ጊዜ አጭር ይመስለኛል፡፡ እነ ባሕታዊ ኪዳነ ማርያም፡ እነ የኔታ ይባቤ እኮ የሚያስተመሩት ፍትሓ ነገሥቱን ነው? በሱስና በተለያየ ባዕድ አምልኮ ያለውን ወገን እኮ፡ በነዚህ ሕግጋትና የውግዘት መጻሕፍት እንደወንጀለኛ መቅጫ ሕግ በቀኖና እየቀጡ ነው በግላቸው ሥርዓተ መንግሥቱን እስካሁን ሊኖሩበት እየተፍጨረጨሩ ያለው፡፡ እኛ “ቀባጣሪ ባሕታዊ” እያልን አሳደድናቸው እንጂ መች አገዝናቸው? ወገኖች- አትሞኙ- ሃይማቶች በኢትዮጵያ መንግሥታቸውን ሊመሰርቱ እየተፋለሙ ነው፡፡ ማንም ተቻችሎ ለመኖር የሚፈቅድ የለም፡፡ ልዩነቱ የሸሪያው በግልጥ እያወራው ሲሆን፡ የመናፍቁ በድብቅና በመመሳሰል እየሄደበት መሆኑ ነው፡፡ እነርሱ ውስጥ ለውስጥ እየተያዩ ፉክክሩን እያፋፋሙት ነው፡፡ እኛ ግን ክርስቶሳዊ መንግሥታችንን ክደን፡ ክርስቶስ ምሕረት እንዲያደርግልን እየጸለይን እንገኛለን፡፡ የሰጠንን መልከ-ጼዴቃዊ ሥርዓት ንቀን ዲሞክራሲና ሊበራሊዝም ላይ ከሆነ ልባችን ያለው፡ ክርስቶስ ምን ሊያደርገን ይችላል? “ወዳችሁ ከተደፋችሁ ቢረግጡዋችሁ አይክፋችሁ” እያለን እኮ ነው! “ሞኣ አንበሳ ዘእምነገደ ይሁዳ ማለት ነፍጠኛው ማለት ነው” ብሎ፡ ባንዳው እግዚአብሔር የለም ባዩ ምሑር ሁሉ ሲለፈልፍልን ጊዜ፡ እውነትም እንደዚያ መስሎን ተሞኘን እንዴ? እየተጫወቱብን ያለው እኮ ስላሰማናቸው ነው?
• እኛ የሚያስፈልገን - በኢትዮጵያ በሃይማኖት መቻቻል ስም እየተፈለፈለ ያለውን የተለያየ የድርጅትና የወኪል ቢሮ ዓይነት ማነህ ምንድነህ እዚህ ምን ትሠራለህ እያለ የሚመረምር ሥራ ለመሥራት ዝግጁ ዝግጁ የሆነ ኮሚቴ ነው የሚያስፈልገን፡፡
• እኛ የሚያስፈልገን- በኢትዮጵያ ላይ በሥራ ላይ ውሎ ያለውን እጅግ ከፋፋይ የሆነና አደገኛ ፖለቲካዊ መርዝ የያዘውን የትምህርት ሥርዓት በመቃወም የራሱን ኢትዮጵያዊ የትምህርት ሥርዓት፡ ቢያንስ ቢያንስ ለራሱ መንጋዎች ቀርጾ፡ በሥጋዊውም ሆነ በመንፈሳዊው፡ በሰብአዊውም ሆነ በመለኮታዊው የሃገራችን ገጽታ ሁሉ፡ በተጠንቀቅ ቆሞ ሊመራ ዝግጁ የሆነ ኮሚቴ ነው የሚያስፈልገን፡፡ (ሂዱና በዚህ ረገድ በቤተ ክህነት በኩል- ያኔ አብዮቱ ከመፈንዳቱ በፊት ምን ታቅዶ ምን ድረስ ተሠርቶስ እንደነበረ ንቡረ ዕድ ኤርምያስን ጠይቃችሁ ተረዱ!)

(እቀጥላለሁ)

Anonymous said...

(የቀጠለ- ከብርሃናዊት)

• እኛ የሚያስፈልገን- የኢትዮጵያ ቤተክርስቲያን “ኦርቶዶክስ” በሚለው ስሟ ሞክሼነት ከምትመሳሰላቸው ብዙ አብያተ ክርስቲያናት ጋር የመሠረተችውን በውሸት ላይ የተገነባ ያልተቀደሰ ሕብረት፡ ውሸት መሆኑን በግልጥ በፀሓይ መስክሮ፡ የኢትዮጵያ ሃይማታዊ መንግሥትዋን ማንነትና ምንነት የሚያፀና ኮሚቴ ነው የሚያስፈልገን፡፡ (ይህን አስመልክቶ አባ ተስፋ ሥላሴ ሞገስን ሂዱና አማክሩዋቸው፡፡ እዚያ መሄድ ደክሞዋችሁ ወይም በብስጭትና ተስፋ በመቁረጥ ስሜት ብዙ ርዕስ እያነሱ እየጣሉ ቢያስቸግሩዋችሁ፡ ለጊዜው፡ እዚሁ ኢንተርኔታችሁ ላይ አርመኖች፡ ሶርያዎችና ኮፕቶች ከሮማውያን ጋር በመተባበር በ1869 መዝሙረ ዳዊት አንድምታቸው ላይ- ኢትዮጵያን እንዴት እንዳላገጡባት በማንበብ ዓይናችሁን ግለጡ፡፡ “ኢትዮጵያ እጆቹዋን ወደ እግዚአብሔር እጆቹዋን ትዘረጋለች” የሚለውን ቃል፡ በጃንደረባው መፈፀሙን ካረጋገጡ በሁዋላ - “አሁንም ድረስ እንዲህ ተዋርዳና ተጎሳቁላ፡ የጥንቱዋ የኢትዮጵያ ቤተክርስቲያን ይህንን ቃል መደጋገም አላቆመችም፡፡ ዘወትር በቅዳሴ ከቁርባኑ በፊት 4 ጊዜ ታዜመዋለች”፡ በማለት ሲሳለቁባት ትመለከታላችሁ፡፡ (በነገራችን ላይ ከቁርባኑ በፊት እንደዚያ እያልን እናዜም ነበር ማለት ነው በ19ኛው ክፍለ ዘመን? ማነው እንዲቀር የደነገገው?) “በፊቱ ኢትዮጵያውያን ይሰግዳሉ፡ ጠላቶቹም ዐፈር ይልሳሉ” የሚለውን ትንቢት፡ “ጠላቶቹ የተባሉት ኢትዮጵያውያን ናቸው፡ እባብ ተረግሞ አፈር እንዲልስ እንደተፈረደበት ሁሉ ኢትዮጵያውያንም የሓጥያትና የሞት ምሳሌ ስለሆኑ፡ ዓለማዊና ዝቅተኛ የሆነውን የመንፈሳዊውን ነገር ሁሉ ተቃራኒ ስለሚያመለክቱ፡ በክርስቶስ መስቀል ድል እንደሚነሱ የተነገረ ትንቢት ነው” እያሉ ሲሳለቁ ትመለከታላችሁ፡፡ በየቤተክርስቲያኑም- የኢትዮጵያን ትተው የሌላውን የሚያዳንቁ ብዙ ውስጠ-ጠላቶች መኖራቸውን እስከዛሬ ሳትታዘቡ አትቀሩም፡፡ ባለማወቅም ተባብራችሁ ይሆናል፡፡ ይህን ካነበቡ በሁዋላም እንዴት እንደሚንጫጩ ትመለከታላችሁ፡፡ እኛን የሚያስፈልገን- ኢትዮጵያ በምንም ጉዳይ፡ እንኩዋን በሃይማት ቀርቶ በልማትም እንኩዋ ቢሆን፡ ከማይመስሉዋት ጋር መተባበር በአስቸኩዋይ አቁማ እጁዋን ወደ እግዚአብሔር ብቻ እንድትዘረጋ የሚያደርጋት ኮሚቴ ነው፡፡ አባቶቻችን እኮ እንቁ ለሁለት ቀን እየዘነበላቸው ነበር ቤተ ክርስቲያን ያንጹ የነበረው ጎበዝ! በኛ ዘመን ለምንድነው ይህ የእግዚአብሔር ችሮታ የማይደረግልን? እኛ ከስዊድንና ከሮም የምንቀላውጠውን እርዳታ እያስታከኩ፡ ሙስሊም መድረሳዎች ከአረቢያ በሚሊየን የሚቆጠር ሪያል ማስመጣታቸው ተገቢና ሕጋዊ መሆኑን ለራሳቸውና ለሁሉም እያሳመኑ በገጀራና በቦምብ የሚተናኮሉን እኮ በኛ ግልሙትናና ያልተቀደሰ “የክርስቲያኖች” ሕብረት እያሳበቡ መሆኑን መዘንጋት የለብንም፡፡ “የካቶሊክ ክሩሴድ ዘመቻ የመላ ክርስቲያንን ወንጀል ይመለከታል” እያሉ ኢትዮጵያውያን ክርስቲያኖች ጂሃድን በሚቃወሙበት ጊዜ አፋቸውን እያዘጉ መልስ እያሳጡዋቸው መሆኑን ብናወቀው መልካም ነው፡፡ ከሮም ጋር ሲወዳጁ ሃጥያቱዋንም ጭምር ተካፍሎ ነው፡፡ ከሌላውም ጋር እንደዚያው ነው፡፡ ከኑግ የተገኘህ ሰሊጥ አብረህ ተወቀጥ! ያ የእግዚአብሔር ሰይፍ ነው እንጂ የሌላ አይምሰላችሁ፡፡
• እኛ የሚያስፈልገን፡ የኢትዮጵያ ቤተክርስቲያንን የኢትዮጵያ ቤተክርስቲያን የሚያደርግልን ኮሚቴ ነው፡፡ ቆቡና ቀሚሱ ከግሪክ፡ መስቀሉ ከሮም፡ አትሮኖሱ ከሶርያ፡ በውድ ዋጋ እየተገዛ እየመጣ በድሃ ገንዘብና አስራት የሚቀለድበት ከሆነ፡ እነዚህ ሰዎች ብር ላይ እጃቸውን ሊጭኑ አይገባቸውም፡፡ ስለበጀትና ስለአስተዳደር የሚያወሩበት አፍም አይኖራቸውም፡፡ ቤተ ክርስቲያንዋ ቅኝ ተይዛለች እኮ! እናቶቻችንና አባቶቻችን እኮ ጥምጥሙንና ጃኖውን ሸምነው፡ ዳንቴሉን ፈትለው፡ እንጨት ጠርበው አትሮኖስ አድርገው፡ ሰርተው መባ ሲያገቡ፡ እግዚአብሔር ይቀበላቸው ስለነበረ ነው ንዋያተ ቅድሳቱ ሁሉ ተአምራት ያደርግ የነበረው፡፡ የትኛው ሃገረ ስብከት ነው እሰቲ በዚህ ጉዳይ ፕሮጀክት ነድፎ እየተንቀሳቀሰ ያለው? እስቲ ባካችሁ ንገሩኝ? ሃይማኖት እኮ ንጹህ የልብና የመባ ስጦታ ማቅረብ ነው! ሌላ ምንም ታሪክ የለውም፡፡

እንደማየው ከሆነ እኛን ያሳሰበን፡ ብርና ልማት ነው፡፡ የሲኖዶሱ ሕግ ይከበር እያልን ያለነውም፡ ይህ የብር አስተዳደር ጉዳይ፡ የአስተዳዳሪ እጅ ሲለዋወጥ መፍትሔ የሚያገኝ እየለመሰለን ነው፡፡ ከመንግሥትና ከግል ደሞዛችን ያጣነውን የገንዘብ ብቃትና የልማት ሥራ ከቤተክርስቲያን ልናገኘው እየፈለግን ነው አይደል? ያሳሰበን ድህነታችን ነው እንጂ ሃይማኖታችንና ሥርዓታችን አደለም አይደል ሃይማኖት ቢያሳስበን ኖሮማ- አባ ጳውሎስን እጃቸውን ከብሩ ላይ ብቻ እንዲያነሱ ባልጠየቅን ነበር፡፡ ይልቁንም ከመስቀሉም፡ ከታቦተ ዮንም፡ ከመንበረ ተክለ ሃይማኖትም፡ ከፕሪንስተን ሴሚናሪ የምንፍቅና ትምህርትም ገለል እንዲሉልን ነበር አስቀድመን የምንጠይቃቸው፡፡ ክርስቶስን ልናቄለው አንሞክር፡፡ እርሱ ያለው “አስቀድማችሁ መንግሥቱንና ጽድቁን ሹ! ሌላው ሁሉ ይጨመርላችሁዋል” ነው፡፡ እኛ ራሳችን እንደካቶሊክ ማሰብ ጀምረናል፡፡ ካቶሊክ የትምህርት ቤትና የክሊኒክ ግንባታ እያደረገች የሰውን ልብ መያዝ ትሞክራለች፡፡ ከመንግሥታት ጋር በርዳታ ድርጅቶችዋ ትገለሞታለች፤ በነርሱም ትመካለች፡፡ ያንን በዓለም ዙርያ ለማድረግ እንዲያመቻትም፡ በገባችበት ሃገር ሁሉ መመሳሰልና ካስፈለገም ዶገማዋን ቀየር አድርጋ መስማማት ትችልበታለች፡፡ ለዚያ ነው ጋለሞታ የምንላት፡፡ እኛም ያማረን የካቶሊክ አካሄድ ነው፡፡ እየገለሞትን ነው፡፡ ሃይማኖት ይቅደም! ልማቱ ለጊዜው ገደል ይግባ! ድጋፋችንን የብር ጉዳይ ሳይሆን የሃይማኖትና የኢትዮጵያዊነት ጉዳይ ላሳሰባቸው እውነተኛ አባቶች እንስጥ፡፡ ወይ በቅጡ እንስማቸውና እኛ እንደነርሱ ሆነን ለውጥ ከራሳችን ለመጀመር እንፍጠን፡፡ ንስሓ እንግባ! የይሁዳውን አንበሳ ከነመመሪያዎቹ በቦታው እንመልስ! ያን ጊዜ ብቻ በግልጽ የእግዚአብሔርን እጅ ማየት እንችላለን፡፡ አለዚያ፡ እንደቅንጅት ምርጫ “ማንም ይምጣ ማን ብቻ ወያኔን ይጣልልን” ዓይነት አካሄድ እየተከተልን ከሄድን፡ እየለፋን ያለነው የራሳችንን ምድራዊ እልህ ለማብረድ እንጂ ለኢትዮጵያና ለሃይማኖቱዋ አለመሆኑን ልንነዘብ ይገባናል!

ብርሃናዊት

Tefera MD said...

Good let us discus about our church future. I suggest we need to work to maKe our fathers Stand together for the church. Stop division between them. I guess all fathers have same stand about church low. lets work AND BEMIYADERGU NETIBOCH first. then we they will solve the church proble one by one. this problem is not occur over night it been ther for long time so it need time to solve too. lets to start to advice them different strategis to clear the proble specialy start from the patriarch over power and coruption

Anonymous said...

ለእመት ብርሃናዊት፦
ቀድሞ በእስራኤል ንጉሥ አልነበረምና ሰው ሁሉ በፊቱ መልካም የመሰለውን ያደርግ ነበር።
እጅግ የተዋጣለት የብዕር አጣጣል አለሽ ብሎ ለመመስከር ያስቻለኝ ሰሞኑን በደጀ-ሰላም በኩል የምታስተላልፊያቸውን ጽሑፎችሽን በተደጋጋሚ በማንበቤ ነው። በመጽሐፈ መሳፍንት ላይ እንደምናነበው ቀድሞ በእስራኤል ንጉሥ አልነበረምና ሰው ሁሉ በፊቱ መልካም የመሰለውን ያደርግ ነበር ይላል። አሁን ጊዜው ሰው ሁሉ በፊቱ የመሰለውን የሚያደርግበት፤ ሰው ሁሉ የመሰለውን የሚጽፍበት ነው። ስለዚህም ነው ለቤተ ክርስቲያኒቱ ጉዳይ እኔም አንቺም፤ እርሱም እርስዋም የተለያዩ ጽሑፎችን በመጻፍ እየተጋን ያለነው። እንደ ኢያሱ ዘመን መሪና ተመሪ የሚስማማበት ዘመን ካልመጣ መፍትሔ ይኖራል ብዬ አልገምትም። በብዙ ሰዎች እንደተገለጸው የኢትዮጵያ ኦርቶዶክስ ተዋሕዶ ቤተ ክርስቲያን ዘርፈ ብዙ ችግር አጋጥሟታል። ችግሩን ደጋግመን ብንናገረው የመፍትሔ ሐሳብ ካልቀረበበት አርባ ገዝቶ አርባ መሸጥ ትርፉ ዘጥዘጥ ነው። ከጽሑፍሽ ላይ ያልተረዳሁልሽ ወይም ያልተቀበልኩት ጉዳይ ቢኖር አገርሽን የምትወጂ፣ እምነትሽን የምታከብሪ እና ለሃይማኖትሽ የምትቆረቆሪ መስለሽ በጽሑፎችሽ መካከል የምታስተላልፊያቸው ዓረፍተ ነገሮችሽ ግን በኢትዮጵያ ምድር ፓትርያርክም ብፁዓን ጳጳሳትም እንደሌሉ አድርገሽ ነው። በቅድሚያ ልትረጂው የሚያስፈልገው ነገር ቢኖር ሥርዓተ ቤተ ክርስቲያን ተዘንግቷል፤ የሲኖዶስ የበላይነት ተረግጧል፤ ሕገ ቤተ ክርስቲያን ተንቋል ወ.ዘ.ተ. ብለው የተነሡትን ጳጳሳት ልንረዳቸው አያስፈልግም፤ ገንዘባችንን በኪሳችን እንያዝ ብለሽ ያስተላለፍሽው መልእክት አርቆ አሳቢ እንደማያደርግሽ ነው። በምድሪቱ ላይ ሰው የለም ከሆነ የምትዪን የአንቺስ ጽሑፍ መጻፍ ለምን አስፈለገ? በአንቺ ዓይን ምድሪቱ ያላት ሁለት እና ሦስት ሰዎች ብቻ ነው። እግዚአብሔር ኤልያስን ለጣዖት ያልተንበረከኩ ለበኣል ያልሰገዱ ሰባት ሺህ ሰዎች አሉኝ ብሎ የተናገረውን ቃል የዘነጋሽው ይመስለኛል። ግሪካውያኑም፣ ግብፃውያኑም፣ ሮማውያኑም፣ ኢትዮጵያውያኑም በአጠቃላይ ሁሉም ባዶ ከሆኑ ምን እናድርግ ነው የምትዪን? ከባዶ ዓለም እንዴት ዓይነት መልካም ሰው ይወጣል ብለሽ ትጠብቂያለሽ? ለዚህ መልስ ከሰጠሽኝ በኋላ እኔም ጽሑፌን እቀጥላለሁ።

Anonymous said...

Anonymous
እንዲህ ያለ አስተያየት ከመስጠትህ በፊት ጽሑፌን በሚገባ አንብብ መጀመርያ፡፡ አንተ በመሰለህ አትተርጉም፡፡ ሦስት አባቶችን ጠቅሻለሁ፡፡ በዕድሜዬ በትክክለኛ አቁዋማቸው የማውቀው እነርሱን ስለሆነ፡፡ ለበአል ያልተንበረከኩ 7000 እንዳሉ በሚገባ ስለማምን “ሌሎችም እንዳሉ አምናለሁ” ብያለሁ፡፡ እንደዚያ የፍኩበትን መስመር አላየኸውም ይሆናል፡፡
“በኢትዮጵያ ምድር ቅዱሳን የሌሉ አስመሰልሽው” ያልከው አስገራሚ ነው፡፡ ይልቅ አንተ ነህ የሌሉ ያስመሰልከው፡፡ የዘረኝነት፡ የሙስና፡ የጎጥ ቅጥር ቡድናቸው፡ ኑፋቄያቸውና ሌላም ሌላም ቅሌታቸው ሁሉ ገሃድ ወጥቶ፡ ቸልተኝነታቸው ቤተክርስቲያንን እስኪያስደፍር ድረስ የተበለሻሸ ሰዎችን “መሪ” ብለህ ስትጠራቸው እውነትም ቅዱሳን በኢትዮጵያ ምድር የሌለ አስመሰልከው፡፡ ሰው ጥራ ቢሉት… እንዲሉ፡፡
እስቲ ተመልሰህ ረጋ ብለህ አንብብ፡፡ ትምህርታቸውን የማውቀው፡ በትክክልም መደረግ ያለበት ምን እንደሆነ የሚያውቁ ከሦሰቱ ሌላ ሁለት አባቶች እንኩዋ ጠቅሻለሁ፡፡ ምናልባት ረዝሞብህ አለፍ አለፍ እያልህ ይሆናል ያነበብከው፡፡ አንተም የዛ ዓይነት አቁዋም ያላቸው ሌላ ሁለት ታውቅ ይሆናል፡፡ ሌላውም የሚያውቀውን ሁለት ሁለት ሲጨምበት 7000 ይሞላሉ፡፡ እነዚህን እንርዳ ነው ያልኩት፡፡ ምክራቸውንና ምን መደረግ እንዳለበት የሚነግሩንን ጠጋ ብለን እንስማ ነው ያልኩት፡፡ እውነተኛ አስተባባሪ ከፈለግንም- እነርሱ እያሉ አስተባባሪ ጠፋ አንበል ነው ያልኩት፡፡ 7000 እያለ የሌለ ያስመሰልነው እኮ እኛው ነን! ሚደረገውን ማድረግ አሁን ነው፡፡ “መንፈስህ እጥፍ ሆኖ በኔ ላይ ይውረድ” ብሎ ከኛ ሳይወሰዱብን መለመን አሁን ነው፡፡ ከሞቱ በሁዋላ “ሊቀ ሊቃውንቱ አባ እከሌ ሞቱ” እያሉ ሲለፍፉ መኖር ዋጋ የለውም፡፡
ይልቅ ያልጻፍኩትን ትተህ የጻፍኩትን አንብብ፡፡ መፍትሔውን የሚያውቁና የነገሩን እውነተኛ የተዋሕዶ አባቶች አሉ፡፡ አንተ “መሪ” የምትላቸው እነዚህን ከላይ የጠቀስኩልህን ዓይነት resume ያላቸውን እንደካቶሊክ በግልና በኪራይ ኢንቨስትመንት ሃሳብ የተዋጡ፡ መንጋውን ግን የረሱትን “አባቶች” ከሆነ፡ እነዚህ የሃይማኖት መሪ አደሉም፡፡ ከመሰላቸው ጋር ሕብረት እየፈጠሩ፡ ተሃድሶንና መናፍቅን በሥውር የሚንከባከቡትን ጀግኖች ከሆነ “መሪ” የምትላቸው፡ እንደገና አስብ እልሃለሁ፡፡
ይልቅ፡ የሚያስፈልገን የ“ኮሚቴ” ዓይነት (ስሙን “ኮሚቴ” እንበለው ከተባለ) ምን መምሰልና ምን መሥራት አለበት በማለት የዘረዘርኩዋቸውን ነጥቦች ላይ ሃሳብ ካለህ ሃሳብ ስጥ፡፡ አንተም የምታውቀውን እውነተኛ መፍትሔ የምትለውን ጨምርበት፡፡ ወይም ሃሳብ ከሌለህ፡ እነዚህ “መሪ” የምትላቸው “ብጹዓንአባቶች” ያንን ለመሥራት ምን ያህል ዝግጁ ናቸው የሚለውን እየመረመርክ ለራስህ ግንዛቤ ውሰድ፡፡ እኔ ግን ከላይ በዘረዘርኩዋቸው በግሌ በታዘብኩዋቸው ምክንያቶች ዝግጁ አደሉም በማለት ደምደሜያለሁ፡፡ ይህ የኔ ብቻ አደለም- የሌሎችም ድምዳሜ ነው፡፡ እንዲያውም ይብሱኑ የኛ መነኩሴዎች ለጵጵስና ብቁ አደሉም በማለት እስክንድርያንም የተመኙ አስተያየት ሰጪዎች አሉ፡፡ ቢያንስ እኔ በዚያ አላምንም፡፡ የኔ ጽሑፍ ያስደነገጠህ ወይም ቅዱሳን የሌሉ ያስመሰለህ ምናልባት በስም በጠቀስኩዋቸው ሰዎች ምክንያት ሊሆን ይችላል፡፡ ስማቸውን ባልጠቅስ፡ እርግጠኛ ነኝ እንዲህ ብለህ አትመልስልኝም ነበር፡፡
ራስህን መርምር፡፡ እኔ መፍትሔ የምለውን ከመጻፍ ግን ወደሁዋላ አልልም፡፡

ብርሃናዊት

Anonymous said...

To all Readers,
I apperciate the comment of our Sister Berhanawit. You thought us very valuable lesson.
The Problem you mentioned is huge.
But, in God's Eye it is SIMPle.

If we depend on our strength,our wisdom, our far sight thinking, it is very helpful.

As you and everyone know our Churh is from Heaven. All Her work is the work of Heaven.

The Problem the church faces now is again huge.

If you remember when our Lord sent the deciples to the world, He want them to stay until they recieve POWER. All the ministry of the Blessed Apostles was fruitful because the Holy Spirit was with them.
They can't overcome the HUGEEEEEE
Obstacles, trails, suffering, beatings, tortures, heresies...(All the work of the world and devil) if they were just sent without the Power of God.

We all Believe that there is nothing impossible for God.

If all of us are really concerned for our MOTHER the Church. IF we are really Hurt,agonized because our MOther is SICk, This is what we do we HER CHILDEREN.

you know all the tit for tat, all the reply and response is good. But, do you really think that it will make a difference. Do the respected people see what we wrote,
I don't think so.

Eventhough this website is a venue for us to know the News of the church, the things we wrote,debate is just only showing how we are well informed about the church affairs or a means of fulfilling the desire of reading " what is New!"

But here is what I suggest:

Let all the Childeren of the Our agonizing Mother repent from our Heart.

Let us Fast and Pray with tears until the October.

This is the ANSWER for what we can do.

OUR GOD will hear our cry. I am sure.
Let us do this. Becoming broken hearted, Fasting and Praying with Tears

Anonymous said...

መናፍቃን ሆይ!

እናንተን ወደዚህ ውይይት የጠራችሁ የለም፡፡ ስለ ተክልዬ ስለማርያም ስለመስተበቁእ እያወራችሁ አትምጡ፡፡ ሂዱና የራሳችሁን ችግር ፍቱ፡፡ የወሰዳችሁዋቸው በጎች ባዶ መሆናችሁን ተገንዝበው በፊት በር እየገቡ በሁዋላ በር እየወጡ ይገኛሉ፡፡ የምትጠሩት አምላክ ሥጋውን የምትበሉት ደሙን የምትጠጡት መድሃኔ ዓለም ሳይሆን፡ ቼክና መኪና የምትለምኑት የሰይጣን መንፈስ ስለሆነ ስለክርስቶስ ፍቅር ልታወሩና ልታስተምሩን አትሞክሩ፡፡ አታውቁትምና!

Anonymous said...

There is a school of thought which always smells absurd with a philosophy which is far from reality. That group can be named as a group of absurdity. Two of the prolific scholars of the school who are alive are Aba Tesfa and Nebure Ed Ermiyas. These teachers have some followers. I personally know some of them. Today, I came to know one more - by the name Berhanawit. Sister or whatever, I admire your commitment. But try to place your thoughts and arguments on the ground not on the air.
I think Deje Selam could come to the point today. It is what we should emphasize. We have enough infos about the who's who and what in the patriarchate. So let us move on jotting our thoughts we have in mind which can help us see the shining EOTC in the region of infidels.

Anonymous said...

To the last anonymous,

You, yourself, need to put your arguments on the ground!! It is you who is rejecting what I wrote WITHOUT ANY SOLID REASON.

Point out a single "upsured" point of the "School of thought" of the people you just mentioned. And give me a reason why that particular school of thought is "upsured". Otherwise I will consider it as an insult towards the truth.

Remember, attacking the person will not be enough evidence to reject what the person says.

Berhanawit

qedamawi said...

ለብርሃናዊት
የብእር ተቃዋሚሽ አይደለሁም፤ነገር ግን ከመስመር እየወጣሽ ስለሆነ ጭራሽ ከመንገዱ ወጥተሽ ሌላ ነገር ውስጥ ከመግባትሽ በፊት፤ ቆም ብለሽ ራስሽን አድምጠሽ፡ እንዲሁም ሌሎችም ሊቃውንት የሚናገርትን ሰምተሽ፡ ከንቡረ እድ ኤርምያስ መጽሀፍት ውጪ ሌሎችም ቅዱሳት መጽሀፍት መርምረሽ የት ነው ያለሁት በማለት ራስሽን ጠይቂው። ለመሆኑ እህት ብርሃናዊት ጌታችና መድኃኒታችን ኢየሱስ ክርስቶስ ወደዚህ ምድር የመጣው ኢትዮጵያውያንን ብቻ ለማዳን ነው እንዴ? የእግዚአብሔር መንግስ የሚውርሱት ኢትዮጵያውያን ብቻ ናቸ እንዴ? የኢ/ኦ/ተ/ቤተክርስቲያን አማኞች የእግዚአብዜርን መንግስት የሚወርሱት የንቡረ እድ ኤርምያስና የአባ ተስፋ ሃሳብ ሲቀበሉ ብቻ ነው እንዴ? ለመሆኑ ጊታችንና መድሃኒታችን ኢየሱስ ክርስቶስ በመዋዕለ ስብከቱ እኔ የመጣሁት ኢትዮጵያውያንን ብቻ ለማዳን ነው፤ ብሎ አስተምሮዋል እንዴ?
እህት ብርሃናዊት አሃት አብያተ ክርስቲያናትን ባታንቋሽሺ መልካም ነው። ሁላችንም እናምናለን የኢትዮጵያ ቤተክርስቲያን ብሉ ከሃዲስ አጣምራ የያዘች ናት ሌሎቹ አሃት አብያተ ክርስቲያናት ግን ከተለያዩ አምልኮ የተመለሱ ስለሆኑ በሥራት እንለያያለን። አባ ሰላማ ከሳቴ ብርሃን ምን ልትዪው ነው?
ወደ መወያያው ነጥብ ልመለስና ለጥቅምቱ የቅዱስ ሲኖዶስ ምዕላተ ጉባኤ ከኛ ምን ይጠበቃል?
4. በአስተዳደ፣ በአካውትቲንግ እዲሁም በኮምፒዩተር ሳይንስ ሙያ ውስጥ የተሰማራን በተለይም በሰለጠነው ዓለም ያለን ሰዎች በአንድነትም ሆነ በግል ሙያዊ ጥናት አዘጋጅተን በጉባኤው ላይ ለሚሳተፉ ለብጹዓን አባቶች ብንሰጣቸው
5. አሁንም በድጋሚ ማፍያው/ጭለማን የመረጠው ቡድን ይቃወሙኛ ብሎ የሚያስባቸው ብጹዓን አባቶችን ለማጥፋት ወደ ኋላ ስለማይል ምእመኑ አስፈላጊውን ሁሉ ጥበቃ እዲያደርግላቸው ምክክር ቢደረግ
6. ብጹዓን አባቶች ለጉባኤው ከየ ሀገረ ስብከታቸው በሚሰባሰቡበት ጊዜ የተለመደው ማደሪያቸው/ ጠቅላይ ቤተክህነት ውስጥ ባያድሩና ህዝበ ክርስቲያኑ ማደሪያ ቦታ አዘጋጅቶ እስከ መጨረሻው ድረስ አስፈላጊውን ክትትል ሁሉ ቢያደርግላቸው
7. ከጨለማው/ከማፍያ ቡድን ጋር ተሰልፏል የተባለው የደህንነት አካላል ብጹዓን አባቶችን ወደ ጉባኤው እንዳይገቡ ሲከለክል ወይም ሲያግት ለምን አገትካቸው ማነው ያዘዘህ ብሎ መጠየቅና ለበላይ አካላት ወድያው ማሳወቅ የደህንነት መታወቂያ ብቻ አስይቶ አባቶችን ማገትም ሆነ ማንገላታት እንደማይችሉ መሟገት

Anonymous said...

ከላይ ለሌላኛው አስተያየት ሰጪ ስል እንደነበረው፡ የተጣመመ ነገር ይዘህ መጣህ ውድ Anonymous:: ከነሱም መሃል :-

1. እግዚአብሔር ኢትዮጵያውያንን ብቻ ሊያድን መጣ
2. የምንድነው የነ አባ ተስፋን ሃሳብ ስንቀበል ብቻ ነው
3. እሕት አብያተ ክርስቲያናትን አታንቁዋሺ

የሚሉ ሦስት ትልልቅ ስህተቶች ይገኙበታል፡፡

1. እግዚአብሔር ኢትዮጵያውያንን ብቻ ሊያድን መጣ የሚል በነዚህ ሰዎች መጽሐፍ ውስጥ የትኛውም ገጽ ላይ አልተጻፈም፡፡ ይልቁንም፡ ኢትዮጵያውያኑ በግልም በሃገርም ደረጃ ሊመሩበት የሚገባው ሥርዓት ከእግዚአብሔር ጋር ከዓለም መጀመርያ አንስቶ ባላቸው ለየት ያለ ግንኙነት ምክንያት፡ ከራሱ ከእግዚአብሔር ተሰጥቶዋቸዋልና፡ ሁሌም ያንን ካልተከተሉ በቀር፡ አባቶቻቸው ከእግዚአብሔር ጋር የተገባቡትን ቃል ኪዳን ስለሚያፈርሱ፡ እንደመንግሥትና እንደማህበረሰብ ያላቸው ነፃ ህልውና ይበተናል የሚል ነው፡፡ ያንንም በዓይናችን እያየን ነው፡፡ እየተበተንን አደለም ካልህ መቼም ግሩም ነው፡፡ በመጽሐፍ ቅዱስ የሬካባውያንን እና የእግዚአብሔርን ቃልኪዳን አንብበን ከሆነ፡ ሬካባውያን አባታቸው እንዳዘዛቸው በድንኩዋን ሊኖሩ መርጠው በዚያ ፀንተው ተገኝተዋል፡፡ ከሬካባውያን ሌላ የሆኑ ሕዝቦች ቤት ሰርተው ቢኖሩ ሃጥያት አይሆንባቸውም፡፡ ለሬካባውያን ግን ከቃልኪዳናቸው የተነሳ ሃጥያት ይሆንባቸዋል፡፡ ለኛም እንዲሁ ከእግዚአብሔር ጋር የተገባባነው፡ እነ ግብጽና እነሶርያ፡ እነአርመንና እነሕንድ የማይጠየቁበት፡ እኛ ግን ልንጠብቀው የሚገባን ሥርዓተ-ሃይማኖት፡ ሥርዓተ ትምህርት፡ ሥርዓተ መንግሥትና ሥርዓተ ክህነት አለን፡፡ ከሬካባውያን ጋር መኖርና ከነርሱ ጋር ሕብረት መመስረት የፈለገ የሬካባውያንን የኑሮ ግዴታ ተቀብሎ የመኖር ግዳጅ አለበት፡፡ እንደዚያው ሁሉ፡ እነ አባ ሰላማ በሕፃንነታቸው መጥተው ሕገ-እግዚአብሔርን የተማሩባትን ኢትዮጵያን ሥርኣቱዋን ተቀብለው “በተጋድሎ ኢትዮጵያዊ ሆኑ” እስኪባልላቸው ድረስ ፋና ሆነዋል፡፡ እናም፡ እውነተኛ መፍትሔ ከፈለግን በተሰጠን ሥርዓት - በዚያ እንመራ፡ ባዕድ የሆነውን ሥርዓት አንቀላቅል ነው፡፡ መመራት አንችልም አቃተን ወይም ድካማችን አሸነፈን ማለት አንድ ነገር ነው፡፡ ነገር ግን፡ ይህንን እነዳፈቀዱ ጠምዝዞ እየተረዱ የሌለ ትርጉም መስጠትና ማንቁዋሸሽ ተገቢ አደለም፡፡

2. የምንድንበት ሥርዓትም ሆነ ሃሳብ የሰዎቹ ሳይሆን የእግዚአብሔር ነው፡፡ ሰዎቹማ እንዳይረሳ እንኑርበት ነው ያሉት እንጂ አልፈጠሩትም፡፡

3. እህት አብያተ ክርስቲያናት ያልካቸው ደግሞ- የትኞቹ? እነዚህ… ሥላሴ በአካል አንድ ነው የሚሉትን ነው ወይስ ድንግል በጥንተ አብሶ ተወለደች የሚሉትን እነዚህ ተዋሕዶ ማለት ምን ማለት እንደሆነ ሲተነተንላቸው monophysism ነው የሚሉትን ነው ወይስ ወርቅና ብር ሲዘርፉ ኖረው ያለፉትን? እንኩዋን እህት ጎረቤትም ሆነውን ከኖሩ መልካም ነው፡፡ ጽድቁ ቀርቶ በቅጡ በኮነነኝ እንዲሉ፡ እህትነታቸው ቀርቶ መልካም ጎረቤት የሚሆኑን ጊዜ እንኩዋ እንደናፈቀን ነው የቀረው እንጂ አላገኘነውም፡፡ አሁንም በሰላዮቻቸውና በምልምሎቻቸው እያመሱን ነው፡፡

ስንቃወም ከአሳማኝ ምክንያት ጋር ይሁን፡፡ የምንቃወመውንም በጭፍን ከመቃወማችን በፊት ጠጋ ብለን እንመርምረው፡ እንረዳው፡፡ በስማ በለው በወሬ በወሬ እንቶኔ እንዲህ ነው እያልን አናንቁዋሽሽ፡፡ እንዲህ ሆነን እግዚአብሔር እንዴት ይሰማናል? ሙስሊሞች እኛ ስለ ሥላሴ ስናወራ፡ እነርሱ፡ ክርሰቲያኖች ሦስት አምላክ አለን ይላሉ ብለው ይተረጉሙታል፡፡ ያም ጠጋ ብለው ለመመርመር ካለመቻል የመጣ ስህተት ነው፡፡ እኛም ስለኢትዮጵያና ስለሃይማኖቱዋ የሚነግሩንን እነዚህን አባቶች ስንቃወም፡ እንደሙስሊሞቹ ሁሉ፡ ያሉትን ለጥጠንና ሌላ መልክ ሰጥተን እንዳይሆን መጠንቀቅ ያስፈልጋል፡፡

ብርሃናዊት

Anonymous said...

To Birhanawit;
I have read some of the books written by those three people you mentioned,Aleqa,Nibure Ed and Abba Tesfa. Even though I admire their zeleous and Ethiopianism, I didn't find a lot substaniated facts and at the same time I didn't see their arguments based on biblical facts. As you all know our EOC isn't based her doctrines on cosensus ideas of Ethiopian historians ,it is rather based on the manifestation of God's redemptive plan for human being.This manifestation got its directions and authority from the Bible and books which are Bible derivative. That was why the Ethiopian Eunich ,in Acts 8:26, said "Here is the water and I believe Jesus is the son of God and who will stop me from being baptised". No more no less, this is the base and foundation of our christian heritage and history. That is where we should establish our pride and identity.
If this is not the case, as Birhanawit is sounding to me, I think we are talking about different faith and inevitably we will be heading in to different coclusions. Please, Birhanawit and those of you who sounds her, first sort out ideology from faith and then we can talk about our EOC.
No offense to any body,
With great regards.
2. We must also begin our dialogue under the authority of biblical words and After establishing our orthodox faith on this corner stone we don't go to boast on circumcision, pork-meat or any

Anonymous said...

Anonymous,

It is very clear you didn't read the books. It gives no importance to "boasting" regarding circumcision and so on. It rather bases its argument on biblical words regarding the seven covenants which guide Ethiopians' lives from individual level to a country level. God's gov't under which Ethiopia was isn't a "historical consensus" rather it is a religious consensus between your forefathers and God which is based on biblical truth. If you think we shouldn't abide by things that are not written in detail in the bible, then;

- why do you use awald metsahift?
- why do you refer fetha Negest for marriage of appointment of bishops?
- why do you refer to Tamra Maryam, wudassie maryam and other books to understand the where abouts of Virgin Mary?
- Why do you bother about Axum as a holy place since it is not mentioned in the bible?
- Why do you accept and implement the decisions of the apostles and fathers at Nicean and Efeson congregation?

Are these historical consensus that have no biblical base? Can you accept one and reject the other from among the truths that your own fathers kept for you? Either you have to reject all or you have to accept all.

Just like that, What the Ethiopian fathers have kept and taught for thousands of years is not all written in the bible. Does that protect you from seeing in your own eyes that we are being punished for denying it? Or are you slowly being taken by the protestant philosophy which says "what is not written in the bible isn't true"?

I am sure you are willing to reconsider your thoughts.

God Bless you!

Berhanawit

Anonymous said...

Dear Sisters and Brothers let us comment on issues related to the title. We are here to write on what to do until the next synod. So let us generate ideas on this rather than fighing each other for our words.

If we are all seeking for improvement on church, we should contribute for having real synod.
If we have real synod, what ever is problem in the church administration, cannonical or dogmatic will be improved. If we don't have spritual synod, our church will not able to go forward as we wish.

Let God give us bright sprite.

The menafik who said the church has dogmatic problem, we don't want your comment here. we know who you are: u can directly contact me at christtewahedo@gmail.com

Anonymous said...

ወገኖቼ ዘመነ ምስቅልቅል ላይ ያለን በመሆናችን ሀሳባችን ሁሉ የተጣረዘ ነው ብርሃናዊት ከአጻጻፍሽ ለእምነትሽ በጣም ተቆርቁዋሪ ትመስያለሽ ግን አብነት እናደርጋቸው ዘንድ ከጠቀስሻቸው ሰዎች መካከል እንዱ ማለትም ንቡረ እድ ኤርምያስ የተባሉት ባልሳሳት ኢትዮጵያ የአለሙ መፋረጃ የሚለውን መጽሀፍ የጸፉት ናቸው እንኩዋን ለኢትዮጵያ ቤተ ክርስቲያን ምእመናን ሙሴ ሊሆኑ ቀርቶ ለእምነቱ ና ለሥርዓቱ ተቆርቌሪ የሆነ አባት በመጥፋቱ ነው እንጂ ለወገዙ የሚገባቸው ስው ናቸው እኝህ ሰው ኢትዮጵያ ውስጥ ባህር ዳር ላይ በሚገኝ አንድ ሆቴል ወስጥ እሳቸው ሰረኢ ቄስ ሆነው ሚስታቸውን ንፍቅ ቄስ አድርገው በሆቴል ውስጥ ቀድሰው ልጃቸው መሰለችኝ አግቢዋ እርስዋን አቁርበው መላ ባሕር ዳርን ጉድ እንዳሰኙት ሰምቻለሁ ይህ ብቻም አይደለም በጽሁፍ ያሰፈሩዋቸው እምነታቸውን ከእውነተኛው የተዋህዶ እምነት አንጻርስ በደንብ ገምግመሽዋል ? ምን አልባት ስም የማጠፋ መስሎ ከተሰማሽ በራስሽው መንገድ ማጣራት ትችያለሽ ሰውየውን ግን በመልክ አይቻቸው አላውቅም በዝና ስለሳቸው ከምሰማው በስተቀር አንቺ ቅድስተ እምነታችንን ይታደጋሉ ብለሽ ከምታምኝባቸው የተዋህዶ አርበኞች ዋና አድርገሽ ስላቀረብሻቸው ገርሞኝ ነው ምናልባት ይህ መረጃ እንዳልደረሰሽ ስለተጠራጠርኩ ነው ይህን እጽፍልሽ ዘንድ የተገደድኩት ዋናው መልእክቴ የቡተ ክርስቲያን ነጻ አውጭ ወልደ አብ ወልደ ማርያም እንጂ በተለይ በዚህ ዘመን ለምሳሌ የሚበቃ ምናልባት ለኤልያስ እንደተነገርው እኛ የማናውቃቸው እርሱ የሚያውቃቸው ካልሆኑ በስተቀር እንደው የስሜታችንን የተነፈሰልንን ሁሉ ጀግና አድርገን ባናቀርብ

Anonymous said...

There is no 7 covenants as such dear Birhanawit. We have only one and that is the new covenant promise which says if you eat and drink the body of christ you will live with me foreve and if you not you don't. That is all about the kidan we know from EOC doctrine. That is where I see you are differing on the basic teachings of the church.Of course there is no subsitute for the holy communion and you don't tell me that I have to do something else to satisfy my salvation except coming through the blood of our saviour Jesus Christ. Regarding awald I have said that Bible derivatives,eventhough there are some areas for correction, as it is being done for many yrs by our liquawint gubae.It takes time,God willing we will get there, if we are able to correct the current mess.
Regarding the holy places like axum, don't put words in to my mouth, I have no problems with historical places, but what I do stress is that Axum is great historical place not only because of the ark of the covenant more importantly, it is because of what is being celebrated on the ark of the covenant, that is," The Lord of the the ark of the covenant".Tamire mariam,wudase mariam...these all are derivatives of the bible and they are not in contradiction with the fundamental covenant I mentioned above. ESME EMFIRE KERSKI KONE MEDHANITEZEMEDN, KEFELENE NBILAE EMESTEHIWOT ZEWETU SIGAHU LEKIRISTOS WEDEMO KIBUR, WEDNSDAY'S WUDASEMARIAM.
No contradiction with the sole covenant.

Anonymous said...

ውድ አኖኒመስ፡

ስለ ንቡረ እድ ልጅ ጋብቻ ጉዳይ፡ እዚያው ተገኝተህ ያቀበልከን ዜና ቢሆን እንዴት ጥሩ ነበር! ቢሆንም በጭራሽ አይመስልም፡፡ ምክንያቱም፡ በድረ ገፃቸው ላይ፡ ጋብቻውን አስመልክቶ ሰዎችን ያስደነገጣቸውና ከሥርዓተ ቤተክርስቲያን የወጣ የመሰላቸው ጉዳይ ላይ ትንትን አድርገው አንድ በአንድ መረጃ ሲሰጡ፡ የባለቤታቸውን ሰራዒ ቄስነት የሚል ነገር አልጠቀሱም፡፡ በጋብቻ ሥርዓቱም ቅሬታ ያደረበት ግለሰብ፡ እንዲህ የሚል ነገር አልጠቀሰም፡፡ የጠቀሰው፡ በሆቴል ግቢ ባለች አንዲት ጎጆ ቤት ሥርዓተ ቅዳሴው መፈጸሙ እንዳስደነገጠው ብቻ ነው፡፡

እና የወሬ ሽውታ በደረሰህ ቁጥር ተደናግጠህ አስደንጋጭ መርዶ አታስመስለው፡፡ ለምን በአንዲት ጎጆ ቤት ተከናወነ ከሆነ ጥያቄህ፡ ከዚያ በባሰ መልኩ ብዙ ገለልተኛ አብያተ ክርስቲያናት፡ የአባ ጳውሎስ ወይም የአባ መርቆሬዎስ ስም ሲጠራ ላለመስማት፡ በመናፍቃን አዳራሽ ውስጥ ተከራይተው እየቀደሱ መሆኑን አልሰማህ እንደሆነ እንደዜና ዛሬ ልንገርህ፡፡ ያውም- አንዳንዶቹ ከየት እንደመጣ የማይታወቅ፤ ከዚህ በፊት የሃይማኖት ሕፀጽ ተገኝቶባቸው በተወገዙ ጳጳሳት ጭምር የተባረከ ታቦት እየተጠቀሙ መሆኑንም በዚህ አጋጣሚ ተረዳው፡፡ ከዚህ የመሰለ መጨመላለቅና ክብረ-ታቦትን ማሳነስ ይልቅ፡ እዚያው የጣና ባሕር ዳርቻ በተቀደሰው ሃይቅ ንፋስ ሽው እያለበትም ቢሆን በኢትዮጵያ ብሩክ አፈር ላይ እንደምንም ቀድሰው ማቁረባቸው አስደንግጦህ ከሆነ፡ አይዞህ፡ ነፍስህ መለስ ይበል! ይህን በመሰለ የውግዘትና የምንፍቅና ካንሰር ካህናቱን ሁሉ ባበላሸበት ዘመን ላይ፡ ሊያስደነግጥህ የሚገባ ብዙ ጉድ እያለ፡ ይህ ሊያስደነግጥህ አይገባም፡፡

እንዲያው አያደርጉትም እንጂ አድርገውትስ እንኩዋ ሴት ቀድሳ ቢሆን፡ ለመሆኑ ለምን እንደዚያ አደረጉ ብለህ እንኩዋ ጠይቀሃቸዋል? አንድ ሆኜ ከምቀድስና ምሥጢር ከሚፋለስ፡ እዬዬም ሲደላ ነውና አጠገቤ ያለ አንድ ክርስቲያን አብሮኝ የካህኑን ድርሻ ይቀበል ብለው ለጊዜው የታያቸው መፍትሔ ሆኖ ቢሆንስ? ለመሆኑ፡ የካህን ሚስት በጦርነትና ወይም በችግር ጊዜ ቤተክርስቲያንን መታደግ ቢያስፈልግና ሌላ ካህን ባይኖር፡ ከሌሎች አባወራዎች ይልቅ፡ መቅደስ ገብታ ታቦቱን ማውጣት የምትችለው እርሱዋ መሆኑዋን በሥርዓታችን አታውቀውም? ምናልባት ከዚያ ሁኔታ ጋር አነጻጽረው፡ በዚህ ዘመነ-መወጋገዝና ዘመነ-ምንፍቅና ከዚህ የማይሻል የለም ብለው ለዚያን ቀን እንዲያ ወስነው ቢሆንስ? ምክንያታቸውን ሰምተሃል? ያውም እውነት ሆኖ እንኩዋን ከተገኘ! እንደፈሪሳውያን የባሰውና የሚያንገበግበው ችግር እያለ፡ ዶግማውን ያፋለሱት ቆብ ጭነው እየባረኩህና እያቆረቡህ እያለ፡ ጣኦት አምላኪውና ጠንቁዋይ ቤት ሂያጁ አሐዱ አብ ቅዱስ እያሉ እያለ፡ አንዲት ክርስቲያን የካህን ሚስት እንደዚያ አደረገች ብለህ፡ አንገብጋቢውን ጉዳይ ሁሉ ገደል ልትከት መሞከርህ ፈሪሳዊ እንጂ ሌላ ምን ያስብልሃል? ያውም ይህ ሁሉ እኮ እውነት ሆኖ እንኩዋን ከተገኘ ነው! እስቲ ጠይቅና ተረዳ መጀመሪያ፡፡ ምክንያቱ ካላሳመነህና የተጣሰው ቀኖና ከተከበረው ቀኖና ይበልጣል ብለህ ካመንህ፡ ያን ጊዜ ለማውገዙ ትደርሳለህ፡፡


እሳቸውም ሆኑ ሌሎች ከሚናገሩት ሃሳብ ላይ፡ ይህ በዚህ ምክንያት ስህተት ነው፡ ይህ ልክ ነው የምትለው ነገር ካለ እዚያ ላይ አስተያየት ስጥ እንጂ፡ የግል ጉዳይ ውስጥ ገብተህ ጊዜህን አታባክን፡፡ አንተው ራስህ እንዳልከው፡ የቤተክርስቲያን ነፃ አውጪ ግለሰብ ሳይሆን የሃይማኖትና የሥርዓት ባለቤት መድሃኔዓለም ነውና፡ እኒህን መሰል አባቶች እያነሱት ስላለው ሃይማኖታዊና ሃገራዊ ቁምነገር በምን መልኩ ድርሻህን ተወጥተህ፡ መድሓኔ ዓለም ክርስቶስ ያዘነብንን የሥርዓተ-መንግሥታችንና ሥርዓተ ክህነታችንን ጉዳይ መልሶ እንዲስተካከል እንደምታደርግ በማሰብ፡ ራስህን በደንብ ማጠናከርና ጉዳዩን በደንብ መረዳቱ ላይ በርታ እልሃለሁ!

ብርሃናዊት

qedamawi said...

ወደ መወያያው ነጥብ እንመለስ እስቲ፤ ለጥቅምቱ የቅዱስ ሲኖዶስ ምዕላተ ጉባኤ ድረስ ምን እንሥራ? እኔም የታዩኝን ነጥቦች ልጨምርበት፦
5. በአስተዳደ፣ በአካውትቲንግ እዲሁም በኮምፒዩተር ሳይንስ ሙያ ውስጥ የተሰማራን በተለይም በሰለጠነው ዓለም ያለን ሰዎች በአንድነትም ሆነ በግል ሙያዊ ጥናት አዘጋጅተን በጉባኤው ላይ ለሚሳተፉ ለብጹዓን አባቶች ብንሰጣቸው
6. አሁንም በድጋሚ ማፍያው/ጭለማን የመረጠው ቡድን ይቃወሙኛ ብሎ የሚያስባቸው ብጹዓን አባቶችን ለማጥፋት ወደ ኋላ ስለማይል ምእመኑ አስፈላጊውን ሁሉ ጥበቃ እዲያደርግላቸው ምክክር ቢደረግ
7. ብጹዓን አባቶች ለጉባኤው ከየ ሀገረ ስብከታቸው በሚሰባሰቡበት ጊዜ የተለመደው ማደሪያቸው/ ጠቅላይ ቤተክህነት ውስጥ ባያድሩና ህዝበ ክርስቲያኑ ማደሪያ ቦታ አዘጋጅቶ እስከ መጨረሻው ድረስ አስፈላጊውን ክትትል ሁሉ ቢያደርግላቸው
8. ከጨለማው/ከማፍያ ቡድን ጋር ተሰልፏል የተባለው የደህንነት አካላል ብጹዓን አባቶችን ወደ ጉባኤው እንዳይገቡ ሲከለክል ወይም ሲያግት ለምን አገትካቸው ማነው ያዘዘህ ብሎ መጠየቅና ለበላይ አካላት ወድያው ማሳወቅ የደህንነት መታወቂያ ብቻ አስይቶ አባቶችን ማገትም ሆነ ማንገላታት እንደማይችሉ መሟገት

አቤል ዘቀዳማዊ

Anonymous said...

The the last anonymous,

Well, you celebrate the Ark of the covenant in Axum; right? What if the Ark was not in Axum? What if it was in Tana Qirqos? Does Axum still hold for you as holy place? I don't think it holds for you. But, to your surprise, actually it holds. Do you know why? The reason is because Axum is the symbol of the right way of governing Ethiopia- the combination of the Spiritual, the Public, and the governmental. The idea of the Kingdom is what makes Axum holy; and it is not only the Ark.

So, when you say Axum is holy solely because of the Ark, you are getting wrong. Because it represents an order more than that. And there is no "secular" and "spiritual" dualism in the Kingdom of Christ. There is only one governance and that is the governance of Christ. Axum represents that and that is the main reason which makes Axum Holy. In fact the reason the Ark was brought to Axum and not to other Holy places in Ethiopia is this very fact I just mentioned.

God freed Israel to give them a Godly Kingdom; but they refused and wanted the order of the government (a king) and the order of the religion (a prophet) separated. And right there, God reprimanded them and said "yenaqachihut enen newu" That is what we are exactly doing now. We have ignored God; and also our fathers and mothers who gave their lives for the preservation of God's governance on the land of Ethiopia.

So, focus on the real idea behind it- the Covenant and governance of the Kingdom of God; which can be done in Axum, Addis Ababa, Adama or whatever you like as long as the principles are right. And don't dwell on an uprooted protestant-like reasoning of "we celebrate the Lord of the Ark and not the Ark" kind of thinking.

Berhanawit

Anonymous said...

Are you not tired of replying.Are you all day looking to this Blog, Berhanwit?!

YeAwarew said...

Selam all:

The discussion point put forward by DejeSelam is “What can we do till “Tiqimt – EOTC Synod Meeting” ?
I have read almost all the comments so far and most are so far from it all. I don’t get it. Why do we like to argue on points that we already agree on?

If we have to discuss, let us make our points short and clear. Not a 3page comment. And as I have posted this on earlier occasions; if we have to make a point, let us not forget to come up with good solutions,too; those we (ourselves) rise to implement – put them to work. But if it to “discuss only” (talk)… we can talk till we drop with exhaustion … and that will not take us anywhere. “If you want to talk the talk, are you ready to walk the walk ?” indilu.

So, is there anything we can do to help our Church (the true fathers and all concerned groups in the work of the Church) to be more pleasing to God and fulfil Her calling? That is the ultimate and the most important of all, isn’t it ? Show us some good solutions we can put to work, and be realistic.

And if we have to start with some uniformity,Everyone! Would you please use some kind of a name (nick name, whatever!)? If you like to comment on someone else's opinion and want to see others comment on you, why do you have to hide behind "Anonymous?" Show some spine, leave a name!

Thank you !
Yiqoyen, May God protect His Church and the true Fathers !

YeAwarew

Anonymous said...

Oh...

I am not tired and I will not be tired on this issue my friend; until I find out the real reason why Ethiopian Orthodox Tewahedo Christians themselves are pushing away the truth that was held for milleniums on their land. Is that lack of understanding? The impact of protestant and Catholic brainwashing? The infiltration of heretics? Fear of government? or simply wickedness and hatrade towards their own fathers and scholars? I am just confused and I am trying to figure out.

Tell me if you know the reason. I will come back after few minutes!

Berhanawit

tad said...

Dear Birhanawit:
I would love to dream the utopia of what you suggest, but that is only a wishful thinking and as a matter of what I believe Biblically, the word, "The Lord of the ark of the covenat", except I used an english language, because I don't have the amharigna access, ZEYNEBIR LAELEKIRUBEL" is nothig to do with protestant.
If the ark of the covenant and the first EOC had not been in axum forget it, I would't celebrate axum for the paganic monuments errected yrs ago. I aapreciate the technological advancement of our forfathers and mothers, but not for religious purposes.
Now, I know why me and you are different and I think the people judge.




















































and I am not for your orthodoxy,

The protestant world don't believe in the true nature of the

Nisir said...

በብርሃናዊት እና በ anonymous መካካል የተደረገው ነው አይደለም የሐሳብ ልውውጥ ፤ነጥቦችን ተንትኖ የማስረዳት ጥረት ተቀራርበን ብንወያይ አንድ ሃሳብ ላይ መድረስ እንደምንችል፤ እውነቱን ከሐሰቱ ለመለየት እድሉን እንደሚሰጠን ያመለክታሉ።ይሁንና እውነታዎች ላይ ለመድረስ አንድ ለአንድ ከምናደርጋቸው ውይይቶች ባሻገር እጅግ በርካታ የተሪክ አሻራዎቻችን፤ እኛ የማናውቃቸው እግዚአብሔር የሚያውቋቸው አባቶች እናቶች፤ ቅዱሳን መጻህፍቶቻችን ፤አስተዋይ ወንድሞች እና እህቶች ሌሎችም ስላሉ አብረን መክረን ከሰራን እውነቱም መፍትሔውም እሩቅ አይደለም።
ለሁላችንም ግን አንድ ነገር እየተስተዋለ ማለትን እሻለሁ፡እስከ ጥቅምት ምን እናድርግ ለሚለው መፍትሔ ሁለት ዓይነት ሃሳቦች ይኖራሉ። አንዱ በአደባባይ ሊነገር የሚችል ሌላው ደግሞ የተዋህዶ ተከታዮች ብቻ በራቸውን ዘግተው እንደ አንድ ቤተሰብ የሚመክሩበት የመፍትሔ ሃሳብ ነው። ጥሩ ጥሩ ሃሳቦች ካለቦታቸው ሲነሱ ከጥቅማቸው ጉዳታቸው ወይም አደጋው ይብሳል። ለምን ብትሉ?? በዚህ ብሎግ ጠላትም ጭምር እያስመሰለ እየገባ አካሔዳችንን እያጠና ልፋታችን ውጤት እንዳያመጣ immunization develop እያደረገ ይመጣል ወይም መከላከያውን እያጠናከረ ይመጣል። ለዚህ ምሳሌ የክትባት አሰራር ነው። ክትባት የሚሰጠው በጣም የተዳከመውን ቫይረስ ወይም በሽታውን የሚያስከትለውን ነገር በሰውነት ውስጥ በመክተት ሰውነታችን ለዚያ የሚሆነውን ጠንካራ አቅም እንዲገነባ ማድረግ ሲሆን በዚህ ሁኔታ አስቀድሞ ተዳክሞ የገባው ቫይረስ ይጠፋና በምትኩ ወደፊት ጠንካራ ቫይረስ እንኳን ቢመጣ የማይደፈር መከላከያ ይገነባል ማለት ነው። የህክምና ሰው ስላልሆንኩ ሃሳቤን ብቻ ተረዱልኝ። ስለዚህ ያሉትን መፍሔዎች ሁሉ አንድም ሳይቀር እዚህ ካስቀመጣችሁ ጠላት እና ሰራዊቱ የጨለማው ወገን እየቀደመ ሜዳውን ገደል እያደረገ ስራችንን ያበዛዋል ጉዟችንን አድካሚ እና ረጅም ያደርገዋል የሚል ስጋት አለኝ። ለዚህ ነው እውነተኛ ኦርቶዶክሳውያን የሆናቸሁ ሁሉ ስለ እምነታችሁ ካላችሁ ቅናት ብቻ ሁሉንም እዚህ አታውጡት፤ ወይም እየመረጣችሁ እያስተዋላችሁ አድርጉት ያልኩት።
ሌላው ነጥቤ የግለሰቦችን ስም ብዙ ጊዜ አትጥቀሱ። አንደኛ የሰዎቹ ስም እዚህ መነሳቱ ከመፍትሔ ይልቅ አደጋን ይጋብዛል። ለቤተክርስቲያን የሚቆረቆሩ አያሌ ወገኖች አሉ በስም የሚታወቁ። ከእነዚህ ሰዎች ጋር አብሮ መምከር መመካከር እንጂ ስማቸውን መዘርዘር ፈተና እናበዛባቸዋለን። በተጨማሪም ስለ ሰዎች የምንሰጠውም ምስክርነት እያንዳንዳችን ካለን የመረጃ ውስንነት አንፃር የተሳሳተም ሊሆን የሚችልበት አጋጣሚ ሊፈጠር እንድሚችልም አንዘንጋ። ከሁሉም በላይ ደግሞ ቋሚ በሆኑ ገና በቁመተ ስጋ ከኛው መካከል በሚገኙ ሰዎችም ብዙም አንመካ እነርሱም ገና የፈተናውን ጉዞ አልጨረሱትምና። የዚህ ዓለምን ጉዞ ጨርሰው ወደአምላካቸው የሔዱትን የጸኑትን እያሰብን በምድር ደግሞ ከእኛ ጋር ካሉ በኑሮአቸው አርአያ ከሚሆኑን ወንድሞች እህቶች፤ አባቶች እና እናቶች ጋር አብረን ፤በህብረት በቅድስት ቤተ ክርስቲያን ውስጥ እየመከርን የተሻሉ የመፍትሔ ሃሳቦችን በተግባር ላይ እያዋልን መሔድ ይሻለናል እላለሁ ። ለአሁኑ በዚሁ ይብቃኝ።
ቸር ያሰማን

Anonymous said...

Oh my God!

I don't believe people are looking for a solution other than the solution itself!

Have we understood that we are not ready to repent? Most of us are not ready to repent. We believe what we are doing (undermining true Ethiopian Tewahedo fathers and denying the big truth) is right.

Guys, how are you going to pray for forgiveness and solution to your church and the Christian public, if you don't accept God's orders? Can a person who is denying the truth be forgiven? Can a person who is saying "there is no seven covenant in the bible and there is only one" be forgiven? Can a person who is denying that the true solution for Ethiopia is to re-establish its own spiritual system of governance be forgiven? Can a person who is accepting the bishophood of the "fathers" who are doing NOTHING to save their lambs from the hands of the wolf and secretly conspiring with wolves to finish the sheep be forgiven? (I am referring to almost all of them) Can a Christian who has accepted the silence of the bishops on the way the Government is inculcating the young with racism be forgiven?

What are you going to pray for guys? You say "let us pray and ask God's forgiveness" ... Forgiveness about what? We have denied the sins we are altogether committing against Ethiopia, and unless we REPENT CLEARLY about that, we are NOT going to be FORGIVEN. If there is any bible word that says “ለግመሉ ሳይሆን ለትንኙ ንስሓ ገብተህ የግመሉን ብትክድ፡ ግመሉም ጭምር ይቅር ይባልልሃል” …የሚል ቃል ካለ… please show me!

So, are you waiting something different for October? Oh come on....!

“እኛ በልቦናችን እስላማዊ ስቴትን ከተቀበልንና ካመንንበት ያንን እውን ማድረግ አላህ ይረዳናል” ብለው ያመኑት እስላሞች እንዴት በሃይማኖት በለጡን? ከኛ የሚጠበቀው እኮ፡ ከጠቀስኩዋቸው አባቶች እውነቱን ተረድቶ ንስሃ መግባት ነው፡፡ (ነው ወይስ ከሰው መማር ያሳፍረናል? ሰዎችን ተስፋ ማድረግ የለብንም ትላላችሁ፡ አሁን ተስፋ እያደረጋችሁት ያላችሁት “ብጹዓን አባቶች” ሰዎች አደሉም ወይ? ያውም ከአሳፋሪ ቸልተኝነታቸውና ምግባራቸው ጋር?) እናም እውነቱን ተረድተን ንስሓ እንግባ፡፡ ሌላው ሁሉ የእግዚአብሔር ድርሻ ነው፡፡ እርሱ ከፈለገ ጊዮርጊስንም ልኮ፡ ከፈለገ ራሱም ወርዶ፡ የኢትዮጵያን ጠላቶች ያጥፋቸው፤ የመናፍቃንንም አንደበት ይዝጋ፤ ከመናፍቃን ጋር የተባበሩትንም እንደሱስንዮስ አፋቸውን እየዘጋ ይቅጣና ይመልስ፡፡ እኛ ግን ንስሓ ልንገባበት የሚገባንና እያወቅን የምንክደው ጉዳይም ይህ የኢትዮጵያና የኢትዮጵያዊነት ጉዳይ ነው፡፡ ሌላው ሁሉ ከሰው ድካም የተነሳ የሚመጣ ሃጥያት ዱሮም የነበረ፡ ሁሌም የሚኖር ነው፡፡

Now I am getting tired and I may not be back. My off day is over... we will meet some other day.


With Love...!

Berhanawit

Anonymous said...

Birhanawite
God bless you!
Our generation has not yet repented for the crime it has committed against Ethiopia's true religion and way of leadership. We still are believing that philosophies such as democracy, economics, western education and the like are going to free us and our Church: and we don't want to be told about the blasphemy we have amounted towards Gods governmental order of Ethiopia.
The problem is, we dont know it properly, so we cant repent.
May god give us the true light! Amen!

Anonymous said...

I would like to thank Birhanawit very very very much for your briliant teachings and explanations!I have no more words to admire you may God bless you again and again!

ewnetu said...

http://www.thetruthfighter.net/

Anonymous said...

+++
Brihanwit,

You look as you have excellent skill and eagernes about the church. But I lost from your way of comminication, faith, hope, and respect (Titana??. Just add these in your commincation skill, you become super-woman

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)