July 29, 2009

በደብረ ሰላም መድኃኔዓለም የኢትዮጵያ ኦርቶዶክስ ተዋሕዶ ቤተ ክርስቲያን ሚኒያፖሊስ ሚኒሶታ በአስተዳደር ቦርዱና በአባቶች ካህናት የወጣ የአቋም መግለጫ


በስመ አብ ወወልድ ወመንፈስ ቅዱስ አሐዱ አምላክ አሜን!
ሐምሌ ፲፱/፳፻፩ ዓ.ም. (July 26, 2009)
በደብረ ሰላም መድኃኔዓለም የኢትዮጵያ ኦርቶዶክስ ተዋሕዶ ቤተ ክርስቲያን ሚኒያፖሊስ ሚኒሶታ በአስተዳደር ቦርዱና በአባቶች ካህናት የወጣ የአቋም መግለጫ፦
(Read in pdf here)

በገዛ ደሙ የዋጃትን የእግዚአብሔርን ቤተ ክርስቲያን ትጠብቋት ዘንድ መንፈስ ቅዱስ እናንተን ጳጳሳት አድርጎ ለሾመባት ለመንጋው ሁሉና ለራሳችሁ ተጠንቀቁሐዋ.፳፥፳፷
ይድረስ፦ ለኢትዮጵያ ኦርቶዶክስ ተዋሕዶ ቤተ ክርስቲያን እምነት ተከታይ በሙሉ።
ጉዳዩ፦ የቅዱስ ሲኖዶስ ሉዐላዊነት መከበር ስለሚገባው እና ስለ ቤተ ክርስቲያን አንድነት በተመለከተ።
መግቢያ፦

ደብረ ሰላም መድኃኔዓለም የኢትዮጵያ ኦርቶዶክስ ተዋሕዶ ቤተ ክርስቲያን በመባል የምትታወቀው ቅድስት ቤተ ክርስቲያናችን በሚኒያፖሊስ ሚኒሶታ ከተመሠረተችበት ጊዜ አንሥቶ እስከ ዛሬ ድረስ እጅግ ሊስተዋል የሚገባው ሥራ አከናውናለች፤ ወደፊትም ለማከናወን ተዘጋጅታለች። ቃላት ሊገልጸው፣ አንደበት ሊተርከው፣ ሕሊና ሊያሰላስለው፣ አእምሮ ሊያወጣውና ሊያወርደው ከሚችለው በላይ ለቅዱሳን አንድ ጊዜ ፈጽማ የተሰጠች እምነትን፣ በአምላካችን በጌታችንና በመድኃኒታችን በኢየሱስ ክርስቶስ ደም የተዋጀችውን፣ በነቢያትና በሐዋርያት መሠረትነት የታነጸችውን የኢትዮጵያ ኦርቶዶክስ ተዋሕዶ ቤተ ክርስቲያንን ሃይማኖትና ሥርዓት፣ ትውፊትና ቀኖናን በመቀበል፤ ለሃይማኖቷ ተቆርቋሪ፣ ለሥርዓቷ ተገዥ የሆኑ ካህናትና ሊቃውንተ ቤተ ክርስቲያንን፣ ዲያቆናትና መዘምራንን እንዲሁም ጠቅላላው ምእመንን በውስጧ በመያዝ ለተሠሩትም ሆነ ወደፊትም ለሚሠሩት አበይት ክንውኖች መሠረት መጣልዋ ከምንም በላይ ሊጠቀስና ሊዘከር የሚገባው አብይ ጉዳይ ነው።

በኢየሱስ ክርስቶስ ደም የተመሠረተቸውን እና ዋጋ የተከፈለባትን እምነት ከመናፍቃን እና ከከሀዲያን ጠብቀውና ተከላክለው በማቆየት ለእኛ ያስረከቡንን የሃይማኖት አባቶቻችንንና እናቶቻችንን አደራ ለመጠበቅና ለማስጠበቅ መዘጋጀት፤ የተቀበልነውንም ታላቅ አደራ ለተተኪው ትውልድ ለማስረከብ በሚኖረው ሒደት ብዙ ውጣ ውረድ፣ ብዙ ፈተና እና ድካም መኖሩ ሳይነገር የታወቀ ሳይታለም የተፈታ ነው። ሆኖም ግን የሃይማኖት መገለጫና ዋነኛው መንገድ በጠባቡ በር ማለፍ ስለሆነ ፈተናውን ተቀብሎ፣ መከራውን ችሎና ታግሦ የሰይጣንን ደባ እያፈራረሱ በድል መጓዝ አባቶቻችን ያለፉበት በመሆኑ እኛም በዚያው መንገድ ልናልፍ ግድ ነው። በመሆኑም ከቤተ ክርስቲያናችን ምሥረታ ጀምሮ በየትኛውም መልኩ የልዩነት ኅብረት ሳናደርግ የብፁዓን አባቶቻችንን ቡራኬ በመቀበል ዛሬ የደረስንበትን ሥፍራ ለማየት ችለናል።

መልእክት፦

እንደሚታወቀው የደብረ ሰላም መድኃኔዓለም የኢትዮጵያ ኦርቶዶክስ ተዋሕዶ ቤተ ክርስቲያን ጥር ፲፫ እና ጥር ፳ ፲፱፻፺፱ ዓ.ም በሰሜን አሜሪካ ዋሽንግተን ዲሲ እና በካናዳ ቶሮንቶ የጳጳሳት ሹመት ሲደረግ ቅዱስ ሲኖዶስ በአገራችን በኢትዮጵያ የለም ፤ መንበሩም የመንበሩም ጠባቂዎች በምድረ አሜሪካ ይገኛሉ፤ በማለት ሃይማኖታችንና ሥርዓታችን ከሚፈቅደው ውጪ ሕጋዊ ሲኖዶስ በስደት ያለው ነው በማለት በቅድስት አገር ኢትዮጵያ ሲኖዶስ እየተባለ የሚጠራ አካል እንደሌለ አድርገው በተነሡት ሰዎች ላይ ይህ ሁኔታ በተፈጸመ ማግስት ያለማንም አነሳሽነት ትክክለኛው መንገድ የትኛው እንደሆነ በመረዳት ጥር ፳፭/፲፱፻፺፱ ዓ.ም. ባወጣው አቋም ላይ ሲኖዶስ አንድ እንደሆነ፤ መንበሩም በቅድስት አገር ኢትዮጵያ እንደሆነ ለሕዝባችን አበክረን መግለጻችን የቅርብ ጊዜ ትውስታ ነው። በመልእክታችንም ሰዎች ይሰደዳሉ እንጂ አገር አይሰደድም፤ አገር እንደማይሰደድ ሁሉ መንበርና ሲኖዶስም አይሰደዱም፤ ስለዚህም እንዲህ ያለውን አካሄድ እንደ እምነታችን በፍጹም የማንቀበለው ነውበማለት መጥቀሳችን የቤተ ክርስቲያንን አንድነት ከማስጠበቅ አንፃር የበኩላችንን አደራ መወጣታችን እንደነበር ግልጽ ነው።
ቤተ ክርስቲያናችንም በቅድስት አገር ኢትዮጵያ የአስተዳደር ብልሹነት እንዳለ በመግለጽ በዚያው ቀንና ዓመተ ምሕረት ለቅዱስ ሲኖዶሱ መልእክቷን አስተላልፋለች። በመልእክቷም ቤተ ክርስቲያኒቱን በማስተዳደር ላይ የሚገኘው ቅዱስ ሲኖዶስ በተቀመጠበት ወንበር ማድረግ የሚገባውን ሳያደርግ ቀርቶ በቤተ ክርስቲያናችን ላይ የተለያዩ ፈተናዎች ሲቃጡ ዝም ብሎ ሁኔታዎችን በቸልተኝነት መመልከት አግባብ አይደለም። ታፍራና ተከብራ የኖረችውን የኢትዮጵያ ኦርቶዶክስ ተዋሕዶ ቤተ ክርስቲያንን አቅጣጫ አለመቃኘት ቸልተኛነት ነውና ሊታሰብበት ይገባል። በመሆኑም ፍትህ ያልሰፈነበት፣ የአስተዳደር ድክመት የሚታይበት፣ የቅዱስ ሲኖዶስ የበላይነት ያልተረጋገጠበት እና የቤተ ክርስቲያን ጉዳይ ቸል የተባለበት ሁኔታ በቅዱስ ሲኖዶስ ውስጥ እየተንሰራፋ እና እየተንጸባረቀ የመጣ በመሆኑ እርምት ሊወሰድበት ይገባዋል በማለት መልእክታችንን ማስተላለፋችን የሚታወስ ነው። በመጨረሻም የአስተዳደር ችግር ተወግዶ አስተማማኝ ሁኔታ ሲፈጠር በብቸኛና በአንድ ሲኖዶስ ሥር ታቅፈን እምነታችንን እንደምናራምድ ቃል ስንገባ ለቤተ ክርስቲያናችን መፍትሔ ከሚፈልጉ ጋር አብረን ተሰላፊ በመሆን ይህን መላ-ቅጡ የጠፋ አካሄድ ለአንዴና ለመጨረሻ ጊዜ ለማስወገድ እንሰለፋለን፤ የጅምራችን ስኬታማነት እና የሕልማችን ገሃድነት ቅርብም ባይሆን ሩቅ አይደለም በማለት ነበር።

ልዑል እግዚአብሔር ሁሉን በጊዜው ውብ አድርጎ ይሠራልና ትናንትና የቤተ ክርስቲያን ሉዐላዊነት ተደፍሯል፣ ሕገ ቤተ ክርስቲያን ተንቋል፣ ሥርዓተ ቤተ ክርስቲያን ፈርሷል፣ የቤተ ክርስቲያን አንድነት ጠፍቷል፣ የሲኖዶስ የበላይነት ተዘንግቷል፤ በማለት እናሰማው የነበረውን ድምጽና እየጮህን ያለውን ጩኸት ዛሬ በቅዱስ ሲኖዶስ አባላት መካከል ያሉ ብዙኻን ብፁዓን ጳጳሳት፤ በየአብያተ ክርስቲያኑ ያሉ ካህናትና ሊቃውንተ ቤተ ክርስቲያን፤ ዲያቆናትና ዘማርያን፣ እንዲሁም መላው ምእመናን የሚያስተጋቡት ሆኗል። ይህም ሁኔታ በአገር ውስጥም ሆነ በውጭ አገር ያሉትን የቤተ ክርስቲያኒቱን ልጆች መነጋገሪያ አጀንዳቸውን አንድ ብቻ አድርጎታል፤ ይኸውም የአስተዳደር በደል የሌለበት የሲኖዶስ የበላይነት ይከበር የሚል ነው።

ባለፉት ጥቂት ወራት ጀምሮ እጅግ ታሪካዊ የሆነው የቅዱስ ሲኖዶስ ጉባኤ ሞትም ሽረትም፣ ትግልም ሽንፈትም፣ ውደቀትም መነሣትም ከአገር ሸሽቶ ሳይሆን እዚሁ ባለንበት ሥፍራ ነው በማለት ቆርጠው በመነሣት የአስተዳደር በደል አለ፤ ያለ አግባብ የሚባክን የቤተ ክርስቲያን ገንዘብ አለ፤ ሁኔታዎች በቅዱስ ሲኖዶስ ሳይሆን የሚመሩት በፓትርያርኩ ብቻ ነው፤ ለቤተ ክርስቲያኒቱ ቀና የሆነ አመለካከት ያላቸው ሰዎች ሐሳብ ሲያቀርቡ ከቦታቸው እንዲነሡ ይደረጋሉ፤ ለእውነት የቆሙ ሰዎች ብዙ መከራ እየደረሰባቸው ይታያል፤ በማለት ድምጻቸውን አሰምተዋል። የዚህ የእውነት ድምጽ ግን የተነሡበትን ዓላማ እና እየተጓዙበት ያለውን መንገድ አልጋ በአልጋ አላደረገውም፤ ይልቁንም ይህንን በማለታቸው ማስፈራራትና ዛቻ እንዲሁም ድብደባ ደርሶባቸዋል። ከዚህም በተጨማሪ የስም ማጥፋት ዘመቻ እየተደረገባቸው መሆኑ ለሁላችን ገሐድ ሆኖ ተደምጧል። ቅዱስ ሲኖዶሱ የአንድ ነገድ መሰባሰቢያ፣ የዝምድና ሥራ የሚሠራበት ሥፍራ፣ ገንዘብ ያለአግባብ የሚባክንበት ቦታ፣ ለእድገት የሚቀርቡ ሐሳቦች ተዳፍነው የሚቀሩበት መስክ እየሆነ መጥቷልና ፍጹም ክርስቶሳዊ የሆነ ሥራ ይሠራበት የሚሉ ብፁዓን አባቶች ተነሥተዋል። ይህም በቆራጥነት የተነሡበት ዓላማቸው መክኖ እንዳይቀር፤ በውስጣቸው የተዳፈነው የእውነት መንፈስ በተለያዩ ፍርሀቶች እንዳይገታ፤ ለአባቶቻችን ልንጸልይ እና በሚያስፈልጋቸው ሁሉ ልንረዳቸው የሚያስፈልግበት ጊዜ አሁን መሆኑን ከመቼውም የበለጠ ልናስብበት ይገባል። እንደሚታወቀው ኢትዮጵያን ያህል አገር አና ኦርቶዶክስን ያህል ፍጹም እምነት የያዘች ቤተ ክርስቲያናችን ለአያሌ ዘመናት ለግብፅ እንደ አገረ ስብከት እየተሰጠች ቡራኬ ስትቀበል ኖራለች። የሃይማኖት መሪዎቿ ብቻ ሳይሆኑ የአገር መሪዎቿ ጭምር ኢትዮጵያ እራሷን ችላ የእራሷን ፓትርያርክ ልትሾም የሚያበቃትን ሲኖዶስ እንደ እምነት ቀዳማዊነቷ እንድታገኝ ሲሞክሩላትና ሲታገሉላት ኖረዋል። ይህ ጥያቄም መልስ ያገኘው የዛሬ ሃምሳ ዓመት በ፲፱፻፶፩ ዓ.ም. ነው። ኢትዮጵያ ለዘመናት ትመኘው የነበረውን የሲኖዶስ መንበር የያዘችውና ያገኘቸው በጾም በጸሎት እና ቆራጥ በሆኑ የሃይማኖት አባቶቿ እና እናቶቿ ለመሆኑ ጥርጥር የለውም። በእግራቸው ሲጓዙ በግብጽ በረሐ ወድቀው የቀሩት አባቶቻችን የደከሙበት የኢትዮጵያ ኦርቶዶክስ ተዋሕዶ ቤተ ክርስቲያን ሲኖዶስ የበላይነቱን ጠብቆ እንዲኖር እንጂ ቅዱስ ሲኖዶሱን የበታች አድርጎ በመቁጠር የሰዎችን ሉዐላዊነት ለማንጸባረቅ አለመሆኑ ግልጽ ነው።

ሲኖዶሱ ዘላለማዊ በመሆኑ እስከ መጨረሻው ይኖራል፤ ተሿሚዎቹ ግን አላፊዎች በመሆናቸው ከመጀመሪያው የኢትዮጵያ ፓትርያርክ ከብፁዕ ወቅዱስ አቡነ ባስልዮስ ጀምሮ እስከ ዛሬ አምስት ፓትርያርኮች ተሾመዋል። ቋሚና ዘላለማዊ የሆነውን መንበር የበላይነቱን ማስከበርና ማስጠበቅ የሁላችን ኃላፊነት በመሆኑ ዛሬም እንደ ትናንት የልዩነት ኅብረት ሳናደርግ ለአንድ ሲኖዶስ ህልው መሆን እስከ መጨረሻው እንታገላለን። ተቃውሟችን ከሰዎች ጋር ሳይሆን ሲኖዶሱን የበታች አድርጎ ከሚመለከተው አስተሳሰባቸው ጋር ነው። ምን ጊዜም ቢሆን የሲኖዶሱ የበላይነት በጥያቄ ውስጥ መግባት አይኖርበትም። አባቶቻችንና እናቶቻችን የደከሙበትና የሕይወት መሥዋዕት የከፈሉበት ቅዱስ ሲኖዶስ የበላይነቱ ተጠብቆ እንዲኖር እንጂ የአገር መሪ ሲቀየር አብሮ የሚቀየር ፓትርያርክ እንዲፈራበት አልነበረም። እዚህ ላይ በደንብ ትኩረት ሊሰጥበት የሚገባው አብይ ጉዳይ ቢኖር ሲኖዶስ ያለፓትርያርክ መኖር ይችላል፤ ፓትርያርክ ግን ያለሲኖዶስ መኖር አይችልም። ይህ ዓረፍተ ነገር ለሁላችን ግልጽ ከሆነ የቅዱስ ሲኖዶስ የበላይነትም አሻሚ የሌለው፤ በምንም ሁኔታ ለድርድር የሚቀርብም አይደለም።

ይህ እውነታ የገባቸው በዘመናት መካከል የተገኙ ቆራጥ አባቶች መከራ ቢመጣ እንወጣዋለን፤ ሞት ቢመጣ እንጋፈጠዋለን፤ የሲኖዶስ የበላይነት ይከበር፤ ሙስና ለአንዴም ለዘላለምም ይጥፋ፤ የኢትዮጵያ ኦርቶዶክስ ተዋሕዶ ቤተ ክርስቲያን ትደግና ትስፋፋ፤ በማለት ተነሥተዋልና ኦርቶዶክስ ተዋሕዶ ቤተ ክርስቲያናችንን እግዚአብሔር እንዲታደግልን በጸሎት፤ ሕሊናም ተሰጥቷናልና በማስተዋል እንድንመላለስ በቆራጥነት እንነሣ። ብፁዕ ወቅዱስ አቡነ ቴዎፍሎስ የፓትርያርክነትን ሥልጣን በተረከቡበት ጊዜ እንዲህ ሲሉ መልእክታቸውን አስተላልፈዋል፦ በዘመናት መካከል ወደ እምነታቸው ምንጭ ለመድረስ ወደ እስክንድርያ ወደ ኢየሩሳሌም ለመሄድ በምድረበዳ ወድቀው የቀሩ ኢትዮጵያውያን አሁን በዓፀደ ነፍስ ሆነው የዚህ ክብር ተቀባዮችና ተካፋዮች ናቸው። ይህ የብፁዕ ወቅዱስ አቡነ ቴዎፍሎስ ንግግር እንኳንስ በሕይወት ያለነውንና በዓፀደ ነፍስ ያሉትን ኢትዮጵያውያንን የክብር ተካፋይ እንደሚያደርጋቸው ሲያስረዳ አሁን ይህን ክብር ያለአግባብ ለመጠቀም እና የበላይነቱን ከማጉላት ይልቅ ገዢውን ተገዢ፣ መሪውን ተመሪ፣ ቋሚውን ጊዜያዊ አድርጎ ማቅረብ ከሥርዓት ውጪ መሆን ነው። በመጨረሻም ለረጅም ዓመታት እየታየ ያለውን ይህን የመለያየት መንፈስ ለአንዴና ለመጨረሻ ጊዜ ልዑል እግዚአብሔር ከእኛ ሊያስወግደው መንገድ እያሳየን በመሆኑ ለእውነት በእውነት ቆመው የቅዱስ ሲኖዶስ የበላይነትን ለማስከበር ከሚታገሉት ጋር አብረን እንሰለፍ። ይህ የሲኖዶስ የበላይነት ሲረጋገጥ እኛም ያለፉት ጥቂት ዓመታት ጥያቄአችን ይመለሳልና ለዚህ ትግል በጸሎትም በገንዘብም በእውቀትም የሚገባንን ያህል ድርሻችንን እንወጣ።

ማጠቃለያ፦

በደብረ ሰላም መድኃኔዓለም የኢትዮጵያ ኦርቶዶክስ ተዋሕዶ ቤተ ክርስቲያን ሚኒያፖሊስ ሚኒሶታ በአስተዳደር ቦርዱ እና በካህናተ ቤተ ክርስቲያን እንዲሁም በጠቅላላው ምእመን የወጣው ይህ የጋራ መግለጫ ከዚህ በታች በሰፈሩት ነጥቦች ላይ የተመሠረተ ነው።

፩- የኢትዮጵያ ኦርቶዶክስ ተዋሕዶ ቤተ ክርስቲያንን መንፈሳዊ እድገት ለማይሹትና በእኛም መለያየት የሚፈጠረውን አጋጣሚ ጠብቀው ለሚነሡ መናፍቃን ምንም ዓይነት መግቢያ ቀዳዳ ላለማበጀት በጽናት እና በቆራጥነት መቆማችንን ለማሳየትና ብሎም ቤተ ክርስቲያን በኛ ዘመን ፈተና ላይ ስትወድቅ አላፊ ለሆነ ጊዜያዊ ሥልጣን ብቻ የሚረባረቡትን የሥልጣን ሰዎች ድርጊታቸው ተገቢ አለመሆኑን አበክሮ ለመግለጽ ነው።

፪- የቤተ ክርስቲያን አደራችንንና የእምነት ድርሻችንን በተገቢው መንገድ ከመወጣት አኳያ ለተተኪው ትውልድ የተስተካከለ እና ወጥ የሆነ የአሠራር መንገድ ትቶ ለማለፍ፤ ተተኪው ትውልድም የአባቶቹን አርአያ በመከተል የታሪኩን ምንነት እና የሲኖዶስን ሁኔታ ጠንቅቆ እንዲያውቅ ለማትጋት ነው። በተለይም እንዲህ ያለው ሁኔታ ሲፈጠር ዝምታን ገንዘብ ከማድረግ ይልቅ እውነታው የቱ እንደሆነ በገሐድ በመናገር የሕሊና እረፍት ለማግኘትም ጭምር ነው።

፫- ለተፈጠረው ችግር መፍትሔ ሊያመጣ የሚቻልበትን መንገድ ማመቻቸት ከሁሉም የበለጠ በመሆኑ እንቆቅልሻችን እንዲፈታ የሲኖዶስ የበላይነት እንዲከበር ማስደረግን ቦታ በመስጠት ነው። ሁሉ ነገር እያለን የጎደለን ነገር ቢኖር ተከባብሮ መኖርና ፍቅር ማጣት በመሆኑ ሥርዓትን አስከብሮ እና ሃይማኖትን ጠብቆ ለመኖር ከወዲሁ ለመዘጋጀት በማሰብ ነው።

በመጨረሻም ይኼን የእውነትና የሰላም የደወል ጥሪ ያደመጣችሁ ካህናትና ሊቃውንተ ቤተ ክርስቲያን፣ ዲያቆናትና መዘምራን፣ እንዲሁም ጠቅላላ ሕዝበ ክርስቲያን ጸሎትን እና ልመናን ወደሚሰማ ወደ ልዑል እግዚአብሔር ልመናችሁን አቅርቡ። የእመቤታችን የቅድስት ድንግል ማርያም ምልጃ፣ የቅዱሳን ጸሎት እና የመላእክት ተራዳኢነት ቅድስት ቤተ ክርስቲያናችንን ይጠብቅልን፤ አብሳሪው መልአክ ቅዱስ ገብርኤል የሰላም የፍቅርና በአንድነት ለአንድነት መሥራትን ገንዘብ እንድናደርግ የተለመደ ብሥራቱን ያሰማን አሜን!!


ወ ስ ብ ሐ ት ለ እ ግ ዚ አ ብ ሔ ር!!

ደብረ ሰላም መድኃኔዓለም
የኢትዮጵያ ኦርቶዶክስ ተዋሕዶ ቤተ ክርስቲያን
ሚኒያፖሊስ ሚኒሶታ

ሚኒያፖሊስ ሚኒሶታ
ደጀ-ሰላም መዝሙር ደብረ ሰላም መድኃኔዓለም ኢትዮጵያ ኦርቶዶክስ ተዋሕዶ ቤተ ክርስቲያን
ሚኒያፖሊስ ሚኒሶታ (U.S.A.) www.debreselam.net
Debre Selam Medhanealem Ethiopian Orthodox Tewahedo Church 4401 Minnehaha Avenue South Minneapolis, Minnesota 55406
Tel. (612) 721‐1222 (U.S.A) www.debreselam.net Page 1
ሐምሌ ፲፱/፳፻፩ ዓ.ም. (July 26, 2009)

23 comments:

ewnetu said...

http://www.thetruthfighter.net/

Anonymous said...

ቤተ ክርስሪያን ምጽዳት ያለባት ከሚከተሉት ነገሮች ነው
1 ከዘረኝነት
2 ከሙስና
3 ከፖለቲካ
4 ከጥንቅዋዮች
5 ከሐሰት ትምህርቶች
6 ከልማዳዊ አምልኮዎች
እነዚህ ሁሉ የሥጋ ሥራዎች እንጂ የመንፈስ ቅዱስ ሥራዎች አይደሉም። የደብረ ሰላም መድኃኔዓለም ቤ/ክር ለሲኖዶስ ክብር ብቻ ሳይሆን ለግዚአብሔር ክብርም የቀና ይመስለኛል በጣም ጥሩ ሐሳብ ያለው መግለጫ ነው ያወጣው መቸም እግዚአብሔር ቤ/ክርስቲያናችንን ሊታደግ ያሰበ ይመስለኛል አሁን እንነሳ ይህ እንቅስቃሴ እንዳያመልተን በትኩሱ ለለውጥ እንታገል ።በቤተ ከርስቲያኒቱ የተሰገስጉ ጠንቅዋዮች ይውጡ ፤የሐሰት ትምህርቶች ይታረሙ ፤ጎጂ ባህሎች ይወገዱ፤ ብቻ ወቅቱ የንስሐ የመነቃቃት ወቅት ነውና እንንጠቀምበት።

Anonymous said...

እግዚአብሔር ይስጥልን ደብረ ሰላም ጥሩ የአቋም መግለጫ ነው፤ ልክ እንደ እናንተም ሌሎችም ቤተክርስቲያናት ድርሻቸውን ቢወጡ ብፁዓን አባቶቻችን ብቻቸውን እንዳልሆኑ ያውቃሉ ወደ ፊትም ለመቀጠል ያበረታቸዋል ያጠነክራቸዋል...በነገራችን ላይ ብዙ ጊዜ መግለጫ የሚያወጡ ቤተክርስቲያናት(ገለልተኛ?) ለምን ዝም አሉ???
እግዚአብሔር ቤተክርስቲያናችን እና ለእውነት የቆሙ አባቶቻችንን ይጠብቅልን። አሜን!

Senay said...

Thank Debre-Selam! We are expecting more of such statements from others too.

Dear Ewnetu or whatever why don't you start another blog where you can insult MK.In that way we may have a chance to comment of the so called "Dn..." and his true life.

Please let's try to give comments based on the agenda or the discussion point.Don't jump here and forth.

Senay.

ewnetu said...

የጠላታቸን ቢሆንም ጊዜዉ
ሃይሉ ቢጸናም ቢያስፈራም ግርማዉ
ዛሬም እኛው ነን እምናሸንፈዉ
ነገም እኛው ነን እማናሸንፈዉ


ዋናው ጣለታችን ዲያቢሎስ ነዉ እሱም እራሱን ማሀበረ ቅዱሳን እያለ በሚጠራው የግብጻውያን አሽከር ማህበር ውስጥ ሰርጎ ስለገባ ወገኔ ተባበርና ጸብል እናስጠምቃቸው
ከታሰሩ ወዲያ መፈራገጥ
ለመላላጥ ይባላል
ስለዚህ ዳንኤል ክስረትና አንተን መሳይ የተዋህዶ ግባቶ መሬት ቆፋሪዎች በቆፈራችሁላት ጉርጋድ ተገቡበታላችሁ

የምናመልከው አምላክ ከሁሉም ይበልጣል እና
ለማየት ያብቃችሁ


ዋናው የተዋህዶ ጠላት ሃሰተኛው "ማህበረ ቅዱሳን" ነው

አሁንም በሃገር ውስጥም በውጭም ያሉ እወነተኞቹ የተዋህዶ አባቶች እድሜአቸውን ያርዝምልን እንወዳቸዋለን አነድ ቀን ወደ ሰላም ይመታሉ ሁሉም አባቶቻችን ናቸው ጣለታቸን ግን ማ.ቅ ብቻ ነው

ይቆየን

Anonymous said...

ማህበረ ቅዱሳን ነበርኩ፣ አሁን አሁን ግን ነገሮችን ረጋ ብየ እንድመለከት እግዚአብሔር ረዳኝ
መጀመሪያ ለቅድስት ተዋህዶ እምነታችን ተቆርቋሪ ይመስሉኝ ነበር። ከሆኑ

አቡነ ጳውሎስ ነጭ ሲለብሱ እና ኑፋቄ ካሰሙ
አቡነ ገብርኤል ኑፋቄ ካስተማሩ
አለቃ አያሌው ስለ እመቤታችን ከተሳሳቱ
ብጹዕ አቡነ ጎርጎሪዎስ በመብል ሰው አይረክስም ሲሉ
ባህታዊ ገብረ መስቀል ሲያምታቱ
ለመን አይናገሩም አባ ወልደተንሳኤን እና ሌሎችን ብቻ አብዝቶ ማሳደድ ለምን?

አኑን ከባለ ጊዜ ጋር መሆንን እየመረጡ ደጀሰላምን እየነቀፉ ነው፡ ይህ እውነት ጥሩ አይደለም ለቤ/ክ አይጠቅምም፣

ewnetu said...

well Senay am really sorry i am not doing it intentionally since this blog is under MK they keep deleting the truth am just fighting for the truth i posted it everywhere i hope all is well with you

have a nice one

በነገራችን ላይ በምድረ አሜሪካ ልክ እንደሸቀጥ ቤት የተከፈተ ቤተ ክርስቲያን መሰል ሁሉ ቢንጫጫ ዋጋ የለውም መጀመሪያ መድሃኒአለነሞች በየትኛው ሲኖዶስ ስር ናችሁ ለኔ በአባ ገ/መድህን በሚመራው ስር ትመስሉኛላችሁ ስለዚህ ለመሆኑ ማን በሰጣችሁ ስልጣን ነው ይሄን ሁሉ የምትሉት ወይንስ እነ አሃዱ ተብዬ ካድሬዎች ስለሚፈራገጡ እነሱን እና ማቅን ለማስደሰት ነው

እወንተኞች ከሆናችሁ አባቶቻችንን አታወርዱ ወራዶች ሁሉም የኛ ናችወ አባ እገሌ ቃስ እገሌ ገለመሌ ዱባ ፍሬ

አቦ ደሞ አንዱ ደሞ ሌሎቻችሁም እነደዚሁ መግለጫ አውጡ አለ ሌባ የሌቦች መጀመሪያ ነህ

ጎበዝ የሆነ እውነተኛ የተዋህዶ ልጅ በአሁኑ ጊዜ ለመለያየት ሰያሆን ለመቀራረብ ለመጣላት ሳየሆን ለመታረቅ ለማበላሽት ሳየሆን ላማስተካከል የተገበረውን ታለቁን የአማልክተ አምላክን በአንድ ልብ ሆኖ መለመን እነጂ መግለጫ አወጡ አላወጡ ዋጋ የለውም አባቶችንን ከመከፋፈል ውጪ ስለዚህ አንባቢ አስተውል

ewnetu said...

Anonymous thank you soooooooooooooo much that's exactly what am trying to say abut "Maheber kidusan" አህያወን ፈርቶ ዳወላውነ አለ የአገሬ ሰው እስቲ እናያለን እነሱ ወስጥ የገባውን ሰይጣን እማ የተዋህዶ ጸበል ካላጸዳው ማንም አያጸዳውም እናም በሰላሙ ዘመን ሸውደውኝ አባል አርገውኝ ነበር እነደውም ዲሲ ነምኖረው ትዝ ባይለኝም ሚካኤል ቤተ ከርስቲያን ነበር የመዘገቡኝ

እግዚአብሔረ ይመስገን የእውነት አምላክ እውነትን ስላሳወቀኝ አመሰግነዋለሁ

ይቆየን

Anonymous said...

ይገርማል ማቅ ይገርማል ስንት ዘመን የሚያሰልች ድግግሞሽ ትምህርት፣ ህይወት አይሰጥ ነጻ አያወጣ ሁሌ አማላጅነት ትምህርታቸው ሰልችቶኝ ነበር (ላለቅስ ስል መታኝ) ነው የሆንኩት፣ አምታቾች። በሁለቱ ኪዳኖች መሀከል ያለውን ልዩነት እንዴት መለየት አቅቶኝ አባቶችን አሳደድኩ የእነሱ ዋና አቀንቃኝ በመሆኑን ስንቶችን አሳደድኩ። ህዝብ ሲጨፈጨፍ አይናገሩ ከባለግዜው ጋር የሚላዝኑ ሰዎች ሆነው አገኘናቸው። ሁሌ ዘለዋውያን እያነበበኩ ዕብራውያን ሳላነብ፣ ዘጽአት እያነበበክ ገላትያን ሳላይ በኦሪት ተሸፍኘ አዲሱን ውብ ኪዳን ሳልደርስ ስንት ዘመን ከ እነሱ ጋር አሳለፍኩ ወይኔ !! እግዚአብሔር መልካም ነው ለበጎ ይሆናል እንጅ የባከነ ጊዜ ነበር። ኢየሱስ የሚለውን ስሙን ፈርቸ እንዴ!!

ewnetu said...

አንባቢ አስተውል ማህበረ ቅዱሳን የሚባል ሰይጣን በተዋህዶ ቤተ ባይገባ ወየም ባይፈለፈል ኖሮ ዛሬ ፕሮቴስታንት እያልን የምናሳድዳቸው ባልተፈጡሩ ነበር ዋናው የማቅ አላማ ብተ ክርስቲያን ኢየሱስ የሚለውን ስም የመናፍቅ ነው እያለ እያስፈራራ እንዳትጠቀምበት ሲያረጋት ኖረ እድሜ ለተዋህዶ የቁርጥ ቀን አባቶች እወነቱም ወጣ ኢየሱስም አክሊሏ ሆነ እፈሩ አሁንም ለዘመኑ የቤታችን ወና መከራ ወናው አንደኛው ተጠያቂ እራሱን ማሀበረ ቅዱሳን እያለ በሃይማኖት ካባ ስውር ዳባ እየፈጸመ ያለው የግብጻውያን አሽከር ነው ልብ ያለወ ልብ ይበል እውነቱን ደግሞ እራሳችሁ መርምሩ
www.thetruthfighter.net

Anonymous said...

እውነቱ፡

ለምን ማህበረ ቅዱሳንን ከግብጻውያን ጋር እንደምታገናኛቸው አልገባኝም፡ ግብጻውያን እኮ እንደ ማቅ አመለካከት ተሀድሶ ናቸው፣ በኦርጋን ይዘምራሉ፤ እመቤታችን ጥንተ .. አለባት ይላሉ፣ በአዲስ ኪዳን በመብል ሰው አይረክስም ይላሉ፤ ነጠላ አይለብሱም፤ ቅዱስ ያሬድ ዜማ የላቸውም፤ ተቦት፤ ተአምረ ማርያም ወ.ዘ.ተ አይጠቀሙም እና ምን አመሳሰላቸው?

ሰናይ said...

ውድ 'እውነቱ' እባክህን አስተውል! በተቻለህ ሁሉ የቀረበውን አጀንዳ ተንተርሰህ ፍሬ ያለው ሃሳብ ለመስጠት ሞክር። ወደዚህና ወደዚህ በመዝለል ቁምነገር አይጨበጥም። ማርም ያለቦታው ይመራል። ስለ ማቅ ሃሳቦች ካሉህ አጀንዳ ሆነዉ እንድንወያይባቸው አርዕስት አስከፍት። ወንድሜ ይሄንን ያልኩት ሃሳብን ተቃውሜ ሳይሆን ያለቦታው መሆኑና በየቦታው ፖስት ማድረግህን ሳይ በዋናው ነጥብ ላይ እንዳንወያይ የምታደርግ ፈታኝ ትሆን ይሆን ብዬ ተጠራጠርኩ። የኔ ብቻ ጥርጣሬ እሆንን

ወንድሜ ቀይን አብዝተው ጥቁር ቢሉት ለይጠቁር ባንለፋስ?! አብ ያልተከለው ይነቀላል!

አምላከ ሆይ ሀገራችንን አስባት!! መደማመጥንም ስጠን!!

ሰናይ

Anonymous said...

Ds ebakachhu lebetkirstian gudaye becha yyazewune hasb eyayachhu btlqute. Y anonymous smu ewnetu ygebere smu dabelose yhonewu bandweqt yseytane kabawun endiawlk MK ngerotale msele k MK alewtam bloale. kserachewu tawukutalachhu. Betekirstiann ymiwedat bsme beterat enji tikikilegna YEOC telat nwu.
kdeberelibanose

ewnetu said...

በጽሁፌ ያዘናችሁ ሁሉ በጣም አድርጌ ይቅርታ እጠይቃችሁለሁ በየቦታውም ፖስት ያረኩበት ምክንያት ስለነበረኝ ነው እንጂ እናንተ የምትወያዩበትን ለማበላሸት አልነበረም ምንም ችግር የለም ስለ ጥሩ መንፈስ ግሳጼህን እቀበለዋለሁ ወንድሜ

ሌሌ ወንድሜ ደግሞ በዕርግጥ ከግብጻውያን ጋር አይገናኙም ግን በገንዘብ ቤተ ክርስቲያኗን እየሸጧት ስለሆነ ነው ሃሳብህ ገብቶኛል ለማስተካከል እሞክራለሁ

ይቆየን

Anonymous said...

እውነቱ ለተባለው ሰው ምክር አዘል ጽሑፍ፦
ቤተ ክርስቲያን ትከበር፤ የሲኖዶስ የበላይነት ይጠበቅ የሚል ጽሑፍ ስታይ ሊያስደስትህ በተገባ ነበር እንጂ ሊያስፎክርህ አይገባም ነበር። የምትለምኑትን አታውቁም ተብሎ የተጻፈው ለእንዳንተ ዓይነቱ ሐሳበ ሲሶ ሰው ደግሞ የምትቃወሙትን አታውቁም ተብሎ ይነገራል። እግዚአብሔር መልካም ነገርን ሊያደርግልን ነው፤ ቋንቋችንና መወያያ አጀንዳችን(አርእስተ ነገራችን) አንድ ዓይነት ሆኗል ማለት ሲገባህ በድንብርብር ጽሑፍህ ለመወያያ የቀረበው ርዕስ ሌላ አንተ የምታነሣው ሐሳብ ሌላ። እንደ ኢትዮጵያዊነቴ ለመመከር ከተዘጋጀህ ልመክርህ እፈልጋለሁ። ነገ በትልቅ ስብሰባ የመቀመጥ ዕድል ቢያጋጥምህ ወይንም ሐሳብህን የምትገልጽበት ሀነታ ቢመቻችልህ ከአርእስት ውጪ ወጥተህ እንዳትቀባጥር ለአንደበትህም ለአካሄድህም ልጓም ያስፈልግኻል። ከርእስ ውጪ አትውጣ። በሳል ጽሑፍ ካለህ ጊዜ ሰጥተህ እና የሰዎችን አእምሮ የሚለውጥ ጽሑፍ ጽፈህ ለውይይት ጋብዘን። በአንዲት ደቂቃ የመጣችልህን ጽሑፍ ወርውረህ እና በጥላቻ የተሞላ አስተሳሰብህን ተንፍሰህ ብትቀመጥ አንተን ብቻ አሞኝተህ ትቀመጣለህ። እኔ የምትለው ሁሉ ግራ የተጋባ ከአርእስቱ ጋር የማይሄድ ስለሆነ በግሌ በጣም አዝኜብኻለሁ። ምናልባት በየስብሰባው ላይ ሰዎች ሳይስማሙ የሚለያዩት የቀረበውን አጀንዳ ትተው ሌላ ሌላውን ሲቀባጥሩ ይሆን? አሁንም ይህን ጽሑፍ እያነበብክ መቼ አንብቤ ጨርሼ ለስድብ ልነሣ አትበል። ይኼ ለእኔ ነው የተነገረው ልማርበት ይገባኛል በል። አሁንም ከላይ ስለተገለጸው ጽሑፍ ብቻ አስተያየት ለመስጠት ሞክር። አሁን በመጨረሻው አካባቢ አንድ ሰው እንዲህ ያለ መልእክት አስተላልፎልኻልና ከዚህ ሐሳብ ጋር ደምረህ ተማርበት።

Anonymous said...

“ማህበረ ቅዱሳን ነበርኩ፣ አሁን አሁን ግን ነገሮችን ረጋ ብየ እንድመለከት እግዚአብሔር ረዳኝ
መጀመሪያ ለቅድስት ተዋህዶ እምነታችን ተቆርቋሪ ይመስሉኝ ነበር። ከሆኑ
አቡነ ጳውሎስ ነጭ ሲለብሱ እና ኑፋቄ ካሰሙ
አቡነ ገብርኤል ኑፋቄ ካስተማሩ
አለቃ አያሌው ስለ እመቤታችን ከተሳሳቱ
ብጹዕ አቡነ ጎርጎሪዎስ በመብል ሰው አይረክስም ሲሉ
ባህታዊ ገብረ መስቀል ሲያምታቱ
ለመን አይናገሩም አባ ወልደተንሳኤን እና ሌሎችን ብቻ አብዝቶ ማሳደድ ለምን?
አኑን ከባለ ጊዜ ጋር መሆንን እየመረጡ ደጀሰላምን እየነቀፉ ነው፡ ይህ እውነት ጥሩ አይደለም ለቤ/ክ አይጠቅምም፣”
ከላይ በጥቅስ ያስቀመጥሁት አንድ ግለሰብ የሰጠው አስተያየት ነው።ሐሳቡ በእኔ ግምት ውጥንቅጥ ነው። ጨለማውን ከብርሃን ጋር አንድ ሊያደርግ ይሞክራል። በአቡነ ጳውሎስ በአቡነ ገብርኤል ላይ ያለው ነገር በግልጽ ስህተት አለባቸው ተብለው በሲኖዶስ ታይቶ አስተያየት የተሰጠባቸው በመሆናቸው ልክ ነው።ደግሞ የአለቃ አያሌውና የአቡነ ጎርጎርዮስ ስህተት ምን ይሆን? ውድ አስተያየት ሰጭ ማህበረ ቅዱሳን ነበርሁ ብለህ አሁን እውነቱን አወቅሁ ማለትህ ደግሞ ያስገምተሃል።ማህበረ ቅዱሳን አንድ ማህበር እንጅ የሊቃውንንት ጉባኤ አይደለም ወይም ሲኖዶስ አይደለም። በአባባልህ ድሮ ኦርቶዶክስ ነበርሁ አሁን ጌታን አገኘሁት ከሚሉት ወገን ትመስላለህ። አሁን ጥያቄዬ የአለቃ አያሌው ስህተት ምን እንደሆነ እና የአቡነ ጎርጎርዮስ በመብል ሰው አይረክስምን አባባል ፈታ አድርግና አምጣው እና እንይህ።አለዚያ የእነ ‘መንፈስ ወረደብኝ’ ‘ጌታን በመስኮት አየሁት’ ፍርፈሪ ለቃሚነትህን ብቻ ነው የማየው።እንዲያ ከሆንህ ጊዜህን አታጥፋ እዚያው እመንደር መንፈስ ወረደብኝ እያልህ ተንፈራፈር።

YeAwarew said...

Dear Ewnetu:
I don’t really know and can’t understand what your fight is, as you claim it. You are all over the place. If you are trying to tell us Mahibere Qidusan is not a true defender of EOTC, show us your facts and evidence and make us understand. Otherwise, all you are doing is disconcerting the flow of comments on the above topic or “meglecha from Debre Selam Medhanealem EOTC” MN.
I think you are desperately seeking attention for your comments, and I tell you that can frustrate your readers and force them to never pay attention to your comments any more.

If you(Dear Ewnetu and the others who are ranting about MK) want to listen to some advice, you have more venues where you can express your facts and evidence, different EOTC forums, like “medrek forum”. So, how about that ?

Going back to the main topic – Isn’t DS M Church in Minnesota in the group that call themselves “independent” - “geleltegna”? Doesn’t that mean, they don’t care (get involved) in EOTC matters? That is what “geleltegna” means. Remember the famous “geleltegna” country Switzerland.
What do you guys think?

May God protect His Church and the true Fathers,

God bless,
YeAwarew

Anonymous said...

10,000lakes.

በመጀመርያ ትክክለኛ ስራ እናንተ ሠርታችሁል?ገለልተኛ ተብሎ ከሚንቀሳቀሱት አንዱ ማፈርያ እናንተ እኮ ናችሁ።እሲኪ (board) የሚለውን ቃል ሠበካ ጉባዔ በሉት የተዋሕዶን ቃል ተጠቀሙ

Anonymous said...

Well done debreselam!you are always for truth and our tewahedo church.You opposed those fathers who ordained bishops here in the US by breaking the church's canon.
Their action and objective of splitting our churh failed due to condeminations by true tewahedo churches such as debreselam of minnesota.Thus,undercover heretics like "ewunetu"-I call him "hasetu" desperately try to blame mk and true churches like ours.One thing is obevious;all of those people who one way or the other were supporting the present patriarch contributed to the situation where our church is found to be in at this saddest time of its history.But if all of us have taken a lesson of our action and inaction in the past,we should it now time to forward ideas as to how there will be a real change and reconcilation among our fathers as well as others so that once again tewahedo shines in our life,in our Ethiopia and all over the world.If we all work to that end it is really possible to attain it sooner than a lot of people think it might take.But, inorder this to happen, every undercover cadere and heretic need to repent and love both tewahedo and Ethiopia.These are the two main obstacles that our church has faced these days.With the help of GOD,I believe our church overcomes these testing times.

Anonymous said...

ደበረ ሰላም/መድሃኒአለሞች የአባ ገ/መድህን ሳትሆን ለማየሞተዉ ሲኖዶስ ና በክርሰቶስ ደም ለታነጸችዉ በተክርስቲያን ወገን ናት እንጂ ለሚሞተዉ ስጋ ለባሸ ና የበተክ/ን ስሪአት ከሚንድ ወገን አየደለችም.

DC said...

Two comments
1. The message from Debre Selam is well written and have some valid points
2. However, how can you comment on something you are not part of. For instance, a thief cannot accuse another thief for stealing or a liar cannot blame another liar for not telling the truth. In the same token; how can you (Debre Selam) say that you are standing besides the Synod when you are not abiding by the laws of the Synod. By you being Geletenia that makes you a lawbreaker. Therefore, if you are lawbreaker how can you accuse somebody else for doing the same thing that you are doing. As it is stated on James (Yacob) 2:10 “For whoever keeps the whole law and yet stumbles at just one point is guilty of breaking all of it “ The Law (Kale Awadi) clearly states a church CANNOT be Geletnia and if you break this law, as Saint James pointed out, you are Guilty of all. First you have to be part of the church canon before given “Yeakwam meglecha”. You have to fix your stand first before trying to fix the bigger picture. In addition, as it was mentioned on comment earlier, please do use “Sebeka Guabe” not “Board” – this is not a corporation; please let use the correct terminology

Yikoyen

YeAwarew said...

DC: I agree with you.
But there is one thing we (members under the mother Church) have to know,The "Geleltegna" and most "Tehadisso infested" (ye Aba Habte groups) so called "EOT" churches have to form a "Board" (Board of directors) because they don't have a higher body (hagere Sibket or Holy Synod like ours) to answer to, Qale -Awadi can't be applied there. They all have bylaws similar to corporations. That is the only way.
In case you didn't know.

Leke Nebiyat said...

Our main problem is those guys who have hidden ajenda on our Church they could be politicians or Menafekans.Why dont you leave alone our Church and Mk.AS leke Melaket KIdus Gebriel said Nekum Bebe Helawene Eskenerekebo Le Amelaken

Wesbhat Le Egziabher

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)