July 17, 2009

የሁለቱ ወር የቅ/ሲኖዶስ ውጣ ውረድ ሲጠቃለል፤ ሪፖርታዥ

(ደጀ ሰላም፤ ጁላይ 17/2009)

ከግንቦት 6/2001 ዓ.ም ጀምሮ ላለፉት ሁለት ወራት ሲተረማመስ የነበረው ጉባዔ በመጀመሪያ የተነሳበትን ጉዳይ ከግቡ ሳያደርስ፣ “በስውር እጅ” ድል አድራጊነት፣ በፓትርያርኩ የበላይነት ተጠናቋል። ለመሆኑ ችግሩ ከመጀመሪያው ምን እንደነበር ማንሳት ይገባል። ቤተ ክርስቲያን በተለይም በፓትርያርክ ጳውሎስ መንበረ ፕትርክና ከመቼውም ጊዜ በላይ ውድቀት ላይ እንደምትገኝ የቅ/ሲኖዶስ አባላት ተገንዝበዋል። መገንዘብ ብቻ ሳይሆን በዚህ ዓመት በአንድነት መናገርም ጀምረው ነበር። ችግሩ የተረዱ አባቶችም ለቅ/ሲኖዶስ ባቀረቡት ባለ 21 ገጽ ዶኩሜንት ችግሩን በዝርዝር አቅርበው ነበር። ይኸው የኢትዮጵያ ኦርቶዶክስ ተዋሕዶ ቤተ ክርስቲያን ዋና ዋና አንገብጋቢ ችግሮች እና መፍትሔዎች፦ ከፍተኛ ትኩረት የሚሻ” በሚል ርዕስ የቀረበው ዶኩሜንት በሚከተሉት ጉዳዮች ዙሪያ ያጠነጥናል።

1 ብፁዕ ወቅዱስ ፓትርያርኩ የሚፈጽሟቸው ስሕተቶች፣
(ይህም 23 ነጥቦችን ያዘለ ነው፤ እንደ አስፈላጊነቱ ወደፊት በዝርዝር እናቀርበዋለን፤)
2 ጠቅላይ ጽ/ቤቱን በተመለከተ አሉ ችግሮች (ባለ 9 ነጥብ ሐሳብ)፣
3 የችግሮቹ ማጠቃለያ፣
4 የአጭርና መካከለኛ ጊዜ የመፍትሔ ሐሳቦች፤

የነገሩን አካሄድ የተረዱት ፓትርያርኩ ጉዳዩን ለማኮላሸት “የነገሩ ጠንሳሽ” ናቸው ያሏቸውን ብፁዕ አቡነ ሳሙኤልን ከአዲስ አበባ ሀ/ስብከት በማንሳት በምትኩ በከፋፍለህ ግዛው ዘዴ ሀ/ስብከቱን ለአራት ጳጳሳት ሊሰጧቸው ቃል ገቡላቸው። ከነዚህም መካከል አንደኛው አቡነ ገብርኤል ናቸው። ይህንን እጅ መንሻ የተቀበሉት አቡነ ገብርኤል ዛሬ ጉባዔው እስከተፈጸመበት ዕለት ድረስ የቤት ሥራቸውን በትጋት ሲሰሩ ሰንብተዋል። ከዚህም ባሻገር የተነሳውን ነውጥ አቅጣጫ ለማስቀየር ፓትርያርኩ አዳዲስ ጳጳሳትን “መሾም እፈልጋለሁ” ብለው አቀረቡ። ሊሾሙ የተዘጋጁት “አባቶች” በአብዛኛው የእርሳቸው ጋሻ ጃግሬነታቸውን ገና ከጠዋቱ ያስመሰከሩ ናቸው። ቅ/ሲኖዶሱ ይህንን ሹመት አልቀበልም በማለት ላለፉት 17 ዓመታት ያላሳየውን ድፍረት አሳየና ፓትርያርኩንና “የማፊያውን ቡድን” አስደነገጠ። ማፊያው ቡድን በፍጥነት ወዲያዉኑ በመንቀሳቀስ ብፁዕ አቡነ ሳሙኤልን “የሚያዋርድ መጽሐፍ” ኣሳትሞ ማሰራጨት ጀመረ። የመጽሐፉ “ደራሲም” አዲስ መኪና ተሸለመ። መጽሐፉም በቤተ ክህነት ግቢ እና በመስኪድ አካባቢ በስፋት መሰራጨት ይዟል። ይህ መጽሐፍ እየተሰራጨ ሌላ መጽሐፍ እንዲዘጋጅ ተደረገ። አዲሱ መጽሐፍ የ10 ጳጳሳትን ስም ለማጥፋት የተዘጋጀ ሲሆን ከነዚህም አንደኛው ብፁዕ አቡነ እስጢፋኖስ ነበሩ። የመጽሐፉ ይዘት ለነዚህ አባቶች እንዲገለጽላቸው ከተደረገ በሁዋላ አፋቸውን ዘግተው እንዲቀመጡ ወይም የፓትርያርኩ ደጋፊዎች እንዲሆኑ ተደረጉ። አቡነ እስጢፋኖስም ይህንኑ ተቀብለው ሲኖዶሱን በማፍረስ ረዱ። ይህንን በማድረጋቸው የራሳቸውን “ጉድ” ለመደበቅ ቤተ ክርስቲያንን “ጉድ አደረጓት”። ቤተ ክርስቲያን በንስሐ ያጠበችላቸውን ሃጢአት ሰዎች ስላልረሱት እነርሱን ለማስደሰት ብለው “ይቅር” ያለቻቸውን ቤተ ክርስቲያን” አሳዘኗት። ያተረፉት ነገር ለጊዜው መጽሐፉ ታትሞ እንዳይሰራጭ ማድረግ ብቻ ነው።

ከዚአ ማፊያው ቡድን በአንድ በኩል፣ ፓትርያርኩ በአንድ በኩል በብፁዓን አባቶች ላይ ዘመቱባቸው። ስማቸውን ማጥፋት፣ ማስፈራራት፣ መዛት ቀጠሉ። እንዲያውም ፓትርያርኩ መስመር አልፈው “ሕገ ቤተ ክርስቲያንን አልቀበልም” ብለው የክህደት ቃል ተናገሩ። ለዚህ ቃላቸው ሳይገሰጹ፣ ሳይቀጡና ኢቅርታ ሳይጠይቁ፣ ማፊያው ቡድን አበውን ቤት በመሰባበር በርግጥም ዛቻው በቃላት ብቻ እንደማይገታ አሳየ። አባቶችም ማንም እንደማይደርስላቸው ካረጋገጡ በሁዋላ “እሺ እንደቃሎ ታዛዥ ነን” ብለው ለፓትርያርኩ እጃቸውን ሰጡ። በዚሁ ተጠናቀቀ። አዲስ ምዕራፍ ተጀመረ ማለቱ ይሻላል።

የሰውን አየነው አሁን የእግዚአብሔር የሥራ ጊዜ ይጀምራል። ሁሉም በቤተ ክርስቲያን የጭንቅ ቀን ተመዘነ። የቀለለው ቀለለ፤ የተዋረደው ተዋረደ። በዚህ ውስጥ ለቤተ ክርስቲያናቸው የቆሙት በሙሉ ዋጋ ከፋይ በሆነው አምላክ መመስገናቸው አይቀርም። ለሌሎቻችን ግን ይብላኝልን!!! ስለዚህ ተስፋ እንቁረጥ? “ምን ጳጳስ አለ?” ብለን በቀቢጸ ተስፋ ወደየቤታችን እንግባ፣ ወደ ኣለሙ እንሰማራ፣ ወደ መናፍቁ አዳራሽ እንሂድ፣ ከስደተኛው እንደመር? በጭራሽ!!!!! ቤተ ክርስቲያንን ለማገልገላችን ሰማዕትነትም ቢሆን እንቀበል ዘንድ መዘጋጀት ካለብን ጊዜው አሁን ነው። በተለይም በኢትዮጵያ ያሉ አበው፣ ወንድም እህቶች በሙሉ “የቅዱስ ሲኖዶስ ውሳኔ ነው” እየተባሉ የፓትርያርክ ጳውሎስንና የማፊያውን ውሳኔ እንዲቀበሉ ይገደዳሉ እምቢ ካሉም “መንግሰት ሰላም ለማስከበር” ደረታቸውን በጥይት፣ እጃቸውን በብረት፣ ጉልበታቸውን በእንብርክ ማድቀቁ አይቀርም። ምዕመናን ቤተ ክርስቲያናቸውን ለማዳን መነሣት ካለባቸው ጊዜው አሁን ነው። በመሸሽ፣ ከቤተ ክርስቲያን በመቅረት፣ ገለልተኛ ሆኛለሁ.ተሰድጃለሁ በማለት ሳይሆን ቤቱን እንዲያጸዳ አምላክን በመለመን የዘመናችን “ልዮናውያን” መታገል አለብን።

ዛሬ ቤተ ክህነታችን ያለበት ሁኔታ በ16ኛው መቶ ክፍለ ዘመን የካቶሊኮች ሁኔታ ጋር በጣም ተመሳሳይ ነው። በአባቶች በኩል ያለው ሥርዓት አልበኝነቱ፣ ገንዘብ ወዳድነቱ፣ እግዚአብሔርን አለመፍራቱ፣ ለምንኩስና ክብር አለመስጠቱ፣ ምዕመናንን አለመጠበቁ ወዘተ የዘመነ ሉተርን ካቶሊክ ቤተ ክርስቲያን ያስታውሰናል። ካቶሊክ ቤተ ክርስቲአን እንዲያ በብልግና በመበሻቀጧ ምን መጣባት? ሉተር ተነሳባት። እኛስ እግዚአብሔር በምን ይቀጣን ይሆን? በእስላሞች ሰይፍ? በመናፍቃን ወረራ? እርሱ ባለቤቱ ያውቃል። ለሃጢአታችን ግን ዋጋ ሳንከፍል አናመልጥም። ንስሐ እስካልገባን ድረስ። ዛሬ የቤተ ክርስቲያን መናገሻ የሆነውን ጠቅላይ ቤተ ክህነት ያስደፈሩት ፓትርያርክ እንደ አቡነ መርቆርዮስ እንኳን ዕድሜ ለንስሐ ሳያገኙ እንዳይቀሩ በጣም ያሰጋቸዋል። እግዚአብሔር የሰጣቸውን ዕድል አልጠቀም አሉ። 17 ዓመት ሙሉ ያዋረዷት ቤተ ክርስቲያን እንደ ደካማ ተቆጥራ በድል የወጡ መሰላቸው። የምጥ ጣር እንደሆነ ማን በነገራቸው። መቸም ይህንን ማን ይነግራቸዋል። እርሳቸውስ ምን ጆሮ አላቸውና። (“ነባዕነ ነባዕነ፤ ከመ ኢነባዕነ ኮነ፤ ጮኽነ ጮኽነ፣ እንዳልጮኽነ ሆነ” አለች አሉ ውሻ!!!)

ታሪክን የሚለውጥ አምላክ ቸር ወሬ ያሰማን፣
አሜን

15 comments:

Anonymous said...

I cried! May God look down to His people.

tad said...

Abba abraham is one of the 10 bishops.Is that why he kept quite?

qedamawi said...

እንግዲህ የዛሬው የቅዱስ ሲኖዶስ ውሳኔ የእናተው ዘገባ ካየሁ በኋላ፤ ከራሴ ጋር ብዙ ጥያቄዎች በማንሳት ተከራከርኩና ህገ ቤተክርስቲያንም ማገላበጥ ጀመርኩ ።
ከጥያቄዎችም መካከል
• የቅዱስ ሲኖዶስ አባላት የቤተክርስቲያኒቱን ህግ ያውቁታል ወይስ አያውቁትም ?
• የቅዱስ ሲኖዶስ አባላት ያለባቸው ኃላፊነትስ በትክክል ተረድተውታል ወይ?
• ከዚህ በኋላስ ሊቃነ ጳጳሳቱ በምን ሞራል ነው ልጆቻቸው መባረክ የሚችሉት?
• ለቤተክርስቲያኒቱ ህግና ስርዓርተ ተቆርቃሪዎች እውነተኞቹ ነገር ግን በቁጥር ትንሽ የሆኑት የቅዱስ ሲኖዶስ አባላት እንዴት ከህዝበ ክርስቲያኑ ጋር ሊገናኙ ይችላሉ?
እስቲ ቅዱስ ፓትርያርኩም ሆነ ብዙዎቹ የቅዱስ ሲኖዶስ አባላት የማይቀበሉት ህገ ቤተክርስቲያን ስለ ፓትርያርክ ስልጣንና ተግባር ምን ይላል? ለዚሁ ጥያቄ መልስ ለማግኘት በራሳቸው በቅዱስ ሲኖዶስ አባላት ተቀባይነት ያላገኘውን ህገ ቤተክርስቴያን ካነበብኩት ላካፍላችሁ
1. ፓትርያርክ ተጠሪነቱ ለቅዱስ ሲኖዶስ ነው (ህገ ቤተክርስቲያን 1991)
2. ፓትርያርክ የቅዱስ ሲኖዶስና የቋሚ ሲኖዶስ ስብሰባዎችን ይመራል
3. በቅዱስ ሲኖዶስ መመሪያ ለብፁዓን ጳጳሳት የሊቀ ጵጵስና መዓረግ ይሰጣል
4. ለታላላቅ ገዳማት አበ ምኔቶችና በሀገረ ስብከቱ ለተመረጡ ገዳማትና አድባራት አስተዳዳሪዎች የመዓረግ ስም ይሰጣል
5. ከቅዱስ ሲኖዶስ የተሰጡና የተላለፉ ሕጎች፤ ደንቦች፤መመሪያዎችና ልዩ ልዩ ውሳኔዎች በተግባር መዋላቸውን ይከታተላል
የፓትርያርክ ከስልጣን መውረድስ ህገ ቤተክርስቲያን ምን ይላል?
ፓትርያርኩ በኢትዮጵያ ኦርቶዶክስ ተዋህዶ ቤተክርስቲያን ላይ ከተሾመ በኋላ የተቀበለውን ኃላፊነት በመዘንጋት፦
• የኢትዮጵያ ኦርቶዶክስ ተዋህዶ ቤተክርስቲያንን ትምህርተ ሃይማኖት የሚያፋልስ፤ቀኖና ቤተክርስቲያንን የሚያስነቅፍ ተግባር ፈጽሞ ከተገኘ
• በፍትህ መንፈሳዊ አንቀጽ አምስት ከቁጥር 172 እስከ 208 በተደነገገው መሰረት በደለኛ ሆኖ ከተገኘ
• በኢ/ኦ/ተ/ቤተክርስቲያን ቅዱስ ሲኖዶስ በ1991 በወጣው ሕገ ቤተክርቲያን አንቀጽ 13 ንዑስ አንቀጽ ሰባት መሰረት በተሾመበት ቀን የገባው ቃለ መሐላ ያልጠበቀ እንደሆነ
በአጠቃላይ ታማኝነቱ፤መንፈሳዊነቱና አባትነቱ በካህናትና በምእመናን ዘንድ ተቀባይነት ያጣ ሆኖ ቤተክርስቲያንን የሚያስነቅፍ መሆኑ በትክክል ከተረጋገጠ ከስልጣኑ ይወርዳል። በሱ ምትክም ሌላ ተመርጦ ይሾማል። ፓትርያርክ እስኪሾም ግን ዐቃቤ መንበረ ፓትርያርክ ይመረጣል። የኢ/ኦ/ተ/ቤተክርስቲያን ቅዱስ ሲኖዶስ ያወጣው ሕገ ቤተክርስቲያን 1996 አንቀጽ 16
ሕገ ቢተክርስቲያን ይህ ሆኖ ሳለ የአሁኑ ፓትርያርክ ከላይ የተጠቀሱት ህጎች ሁሉ እያፈረሱ፤ እኛም እያየነቸው የቅዱስ ሲኖዶሱም አባላት እያዩዋቸው እስካሁን ድረስ በዝምታ ታልፈዋል። ከዚ በኋላስ መፍትሔው ምንድ ነው? ተስፋ ቆርጦ መተው ወይስ ከጥቂቶቹ ለሕገ ቤተክርስቲያን ተቆርቋሪ ብፁዓን ሊቃነ ጳጳሳት ጋራ አይዞዋችሁ እኛም ከጎናችሁ ነን በማለት መስራት? መልሱን ለውድ ደጀ ሰላማውያን/ት በመተው አንድ ነገር ግን ላሰምርበት እወዳለሁ የኢ/ኦ/ተ/ቤተክርስቲያን በፓትርያርክ ላይ ፓትርያርክ የሚል ህግም ደንብም የላትም።
እግዚአብሔር ተዋህዶ ሃይማኖታችን ይጠብቅልን!!! አሜን
አቤል ዘቀዳማዊ

Anonymous said...

"ጮህነ ጮህነ እንዳልጮህነ ሆንነ" ብለው ላንቃቸው አርሮ የተገፉትን የነ አለቃ አያሌውን፡ የነ ንቡረ እድ ኤርምያስን ቃል በጊዜው አልሰማንምና፡ አሁን ደግሞ እኛ የምንጮህበት ግን የማንሰማበት ጊዜ ነው፡፡ ሃገር የጋራ ሃይማኖት የግል የሚል በየትኛውም ዓለም የማይሰራበት ሕግ ተቀብለን የይሁዳውን አንበሳ ንቀን፡ በአባቶች ላይ "ነፍጠኛ፡ አጉል አርበኛ" እያልን ተሳልቀናልና፡ እግዚአብሔር እያስከፈለን ነው፡፡

አሁን አጋጣሚውን በመጠቀም "ሃገር የጋራ" እያለ፡ እሱ ግን እስላማዊ ሪፐብሊክ ሊያቁዋቁም ተዘጋጅቶ ያለ አረማዊና፡ ቫቲካን ሪፐብሊክ ሊያቁዋቁም የቁዋመጠ ተሃድሶ፡ እንዲሁም፡ ያሜሪካ ቡችላ መናፍቅ ሃገሪቱን ሊቃረጥ አሰፍስፎዋል፡፡ እውነትን ሳይናገሩ ሰማእትነት አይገኝም፡፡ መጀመርያ እውነትን ለራሳችን እንወቅ፡፡

Anonymous said...

"1 ብፁዕ ወቅዱስ ፓትርያርኩ የሚፈ
ጽሟቸው ስሕተቶች፣
(ይህም 23 ነጥቦችን ያዘለ ነው፤ እንደ አስፈላጊነቱ ወደፊት በዝርዝር እናቀር
በዋለን፤)"

ይህ፡ሰነድ፡በፒዴኤፍ፡ተሠርቶ፡ቢቀርብ፡እያ
ንዳንዳችን የተዋህዶ፡ልጆች፡ሊኖረንና፡እያጠ
ናን፡ልንወያይበት፥የወደፊቱን፡እርሚጃችንን፡
እንመዝንበት፡ዘንድ፡ያስችለናል።ዋነኛ፡ባለ፡
ጉዳዮቹም፡ስለሆንን፡ይገባናል!

አሁን፡ማን፡ይሙት፡ይህ፡ሰነድ፡አፅራረ፡ቤተ፡
ክርስቲያን፡እጅ፡አልገባም?

ስለዚህ፡ይህ «እንደ፡አስፈላጊነቱ» የሚል፡አነ
ጋገር ተወግዶ፥ሰነዱ፡በማስረጃነት፡እንዳለ፡ይ
ቅረብ!በተጨማሪም፡አውሬውን፡የተቋቋሙት፡
አባቶች፡ያሳለፏቸው፡ውሳኔዎች፡ሰነድ፡እንዳለ፡
በፒዴኤፍ፡ይቅረብ።የተዋህዶ፡ሕዝበ፡ክርስቲያ
ን፡በማወቅና፡በመረዳት፡ላይ፡ለተመሠረተ፡ተ
ጋድሎ፡መየጋጀት፡አለበት/አለብን!

የአቡነ፡ተክለ፡ሃይማኖት፡አምላክ፣አውሬውን፡
ለማሸነፍ፡ጽናዓቱንና፡ብርታቱን፡ያድለን!አሜን።

ዘደብረ፡ሊባኖስ፡ነኝ።

Anonymous said...

egziabhir bitun ytebek.egna besrachen eyeteketan new,senewakes snsedadeb,bite kersteyanen tten yekelina yekeli degafi senbabal,hega bite krstiyan teneka sayhon ekeli teneka snel,yhew yegara bitachnn awardn.lenegeru bite krstiyan zelalemawi nat egna eraschnen awardn.egziabhir yeker kalaln gena yemnkeflew bzu eda ale.beteley,bit kerstyan asadgan astemran ezih gadreschn behuwala yemntelachew sewoch bekel mewecha yadrgnat aglgayoch hulu.
EGZIABHIR YE BIT KERSTEYANEN TEFAT ENDAYASAYEN ENCHUH.

YeAwarew said...

Selam all:
What a sad conclusion. After all the menacing and the prosecution, the true fathers (I think) have given up. Who won’t. They are humans, like us. They must have felt alone surrounded by “woyanne dogs”.
I hope God intervenes, brings about the change we all seek.

Deje Selam: what can we (EOTC members abroad) do to re-start the change effort ? I am really scared for the fathers who stood against the “Woyanne” supported “members of the Synod”.

Some of my friends are suggesting why don’t we start a petition “for change”? If we can get enough members of EOTC to sign their names, we can deliver it to one of the True Fathers (say – Abune Qerlos or Abune Qewstos) to re-kindle the “revolution”.

May God protect His Church and the true fathers,
God bless,

YeAwarew

yenabute said...

Still we are talking about Mk, Tigre, ... This (Divid and rule) was their(Tehadiso and Menafikan also Ahizab) aim to win us.Please you guys wedelibonachin temelisen wede Amlak beanidinet enichuh. EGZIABHER YESIRA GIZE ALEW endale libeamlak Dawit, balenbet tsenten, kegna yemitebekewun eyaderegin Yersun gize entebik.

Anonymous said...

Etiyopi hagere min ladirglish lijoochish bezuna netsanet atash
-Andu le hoodu adiroo midirishin shete
-anduu ferii hoono qitriish tedefere
-Anduu menaafik hoon meqidessuun arekesee
-Anduu jegnaa hoonoo teftoo yeneberee taariik asmeles.
" imiyyee etiyoopia moonginesh telaala yemootelish wediqoo ye gedelesh belaa"
Amlak yaasibish, yaasiben
K MINISOTA.

Egzio Belu said...

To "ewnetu" and your brothers:-

We do understand why you "Tehadso" and "Protestants" hate Mahibere Kidusan" and the like. As far as I know in addition to its multidimensional services, MK is working hard to protect the church from "Menafikan". That is what I know about them (MKs).

If you are a true Orthodox christian, stop the division and pray! and pray! Stop and think about your spiritual life...and if possible pray so that the Almighty will lead our church on the right track.

Dingil Mariam Be Miljawa Betekrstiyanachinin Titebikilin

tad said...

It is not time for the blame game brothers and sisters. Let's be serious. We either lose our church or defend her once and for all from these hooligans and gangsters. Be MK, sunday school, laity, clergy,bishop(if there is one),independent,diaspora,in ethiopia, doesn't matter as long as we believe in the orthodox church we must demonstrate ourselves by behaving mature responsible, sensitive to each other not judgemental and forgiving.
The Israelites knocked down the walls of Jericho, because they shouted together.
Shout at once in prayer and strategy.
May God the Almighty lead us through this darkness.

Anonymous said...

http://www.ethiotube.net/video/4802/ETV-News--ETV-Reported-Ethiopian-Orthodox-Church-Resolved-Its-Internal-Split

tekle stepanos said...

ewnetu,
ዛሬ ፓሰተሮቸህ ወዴት ሄደዉብሀል? እዉነት እዉነት እልሀለሁ ቦታዉ ላንተ ተሰማሚ አደለም። እዛዉ ባዶ አዳራስ ክባዶዉ መንፈስ ጋራ ፓራራራ ካራራራ ሳራራራ ብትል እመክርሃለሁ መቼም አልታደልክም። ማህበረ ቅዱሳን ለከረ መናፈቅ ሁሉ እንክአ ስላምታ መልስ ሲሰት ጊዜዉን መሰዋእት ለማድረግ ባህሪዉ አYደለም። ማህበሩ ቤተ-እግዚአብሄርን ካንተ መሰሉ ባንዳ ሆዳም ለመከላከል ረድኤተ እግዚአብሄርን አጋዝ በማድረግ ሌት ተቀን Yባትታል። ማህበረ ቅዱሳን ስሙ ብቻ ለምን እንደሚአስፈራችሁ መልሱን ካንተ አልፈልግም። ችግራችንንም ራሳችን እንፈታዋለን,፣አልከበደንም SO BACK OFF YE NECH BUCHILA///አምላካችን Yህን ቀን በድል አዉታን.ድንግል አበርቺን ኣሚን//

YeAwarew said...

Selam all:

Mr Anonymous “menafiq 1”wrote:
“ የጳጳሳቱ አላማ የከቸፈበት ምክንያት በማሀበረ ቅዱሳን ችኮላ ነው
የጅብ ችኩል ቀንድ ይነክሳል እንደሚባለው አቡነ ቄርሎስን ሰብሳቢ
አቡነ ፊልጶስን እንደራሴ ማድረጉ ወያኔን ክፉኛ አስደንግጦታል ስልጣኔን እንደ ቅንጅት ጊዜ በግርግር ላጣ ነው የሚል ፍርሃት ሲያድርበት አባቶችን መሸርሸር ጀመረ ውጤቱም ይምናየው ሆነ
ማህበረ ቅዱሳን እንደራሴ ሆኖ ብቅ ያለው ለምንድን ነው?
እንደሚታወቀው ማህበረ ቅዱስን መንፈሳዊ አላማ የለውም ዋና አልማው ሥልጣን ነው ይህን አቅጣጫ ያሲያዙትም አቡነ ቴዎፍሎስን ያስገደለው የነ አቡነ ማቴዎስ ቡን ነው "ይህ ቡድን የተክለ ሃይማኖት መንበር የኛ ነው የሚል ግትር አቃም አለው እንካንስ የተክለ ሃይማኖት መንበር የይኮኖ አምላክ መንበርም የኛ ነው ይላል ይኩኖ አምላክ ንጉሥ የሆነው በተክለ ሃይማኖት ተንኮል መሆኑ ለማንም ግልጽ ነው ….”

Dear “Menafiq #1”:
Do you even know the history of EOTC ? Are you calling the great fathers of the Church ( Tekliye Abune, St Zer’a Ya’ekob) “Zeregna”, no wonder you are “wacko” menafiq ? At least most of your colleagues have respect for these fathers.

Things are getting weird, Deje Selamawiyan! a menafiq is commenting about a Church he has no idea about. Do you think anyone could believe your “yemender, yemenafiq adarash wore” ? We all know you hate MK ‘cause they are the ones who drove you out of the Church and crushed all your dreams of devouring the invaluable wealth, “wolves in sheep’s clothing” !

Please don’t waste our time. We all know who you are. Psycho Menafiq. You are appalling ! You make me sick.
Repent, get baptized and become a Christian, then at least your soul might have a chance of escaping the fire of hell. What an unbelievable creep!
You don’t even qualify to comment on our Church fathers.

May God protect His Church and the true fathers,
God bless,
YeAwarew

Egzio Belu said...

A Question/Comment for Dejeselam:-

Many of your active participants are non-orthodox christians....like Tehadso and Protestants (servants of the white). They are reflecting their hatred to our church fathers, like St. Teklehaimanot.

So please keep an eye on them....they are going off target. Saints are the backbones of our church.

They are using this opportunity to lash out our saints and who ever stands firmly to the church. This is what they always do in their empty halls (Menfes Kidus Belelebet Adarashachewu wust).

So please Dejeselam, as a moderator....take the appropriate actions. You should filter comments with hidden agendas.

-Be Kidusan, Tsadikan, Semaetat Amalajinet Enaminalen!

Ye Abune Teklehaymanot Amlak Ethiopian Yibark!

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)