July 13, 2009

ቅዱስ ሲኖዶስ በፓትርያርኩ ሰብሳቢነት እየተነጋገረ ነው

(ደጀ ሰላም፤ ጁላይ 13/2009)
ባለፈው ሳምንት በቅዱስ ሲኖዶሱና በቅዱስ ፓትርያርኩ መካከል በተነሣው አለመግባባት ሲታመስ የነበረው የቤተ ክርስቲያን አስተዳደር በመንግሥት አሸማጋይነት ከተረጋጋ በሁዋላ ዛሬ ሰኞ ጠዋት ስብሰባውን በድጋሚ ጀምሯል። የመንግሥት ባለሥልጣናት በመካከል ገብተው “ተዉ፣ ተዉ” ብለው ያረጋጓቸው ቅዱስ ፓትርያርኩና ብፁዓን አባቶች ዛሬ ሲገናኙ ስብሰባውን ማን ነው መምራት ያለበት የሚለው ጥያቄ ሳይነሳ ፓትርያርኩ ቦታቸውን መያዛቸው ታውቋል።
“ጉዳዩ ስለርስዎ አስተዳደራዊ ብልሹነት ስለሆነ እርስዎ መምራት የለቦትም” ያላቸው አንድም አባት ባለመገኘቱ የልብ ልብ የተሰማቸው ቅዱስነታቸው ስብሰባውን በፈለጉት መልክ ሲያስኬዱት አርፍደዋል ተብሏል። ይልቁንም ብፁዓን አባቶች ሲለምኗቸው፣ “በገጸ ምሕረታቸው” እንዲመለከቷቸው ሲለማመጧቸው ውለዋል ተብሏል።
ይህ በእንዲህ እንዳለ ችግሩን ይፋ ካወጡትና ለሕዝብና ለመንግሥት እንዲደርስ ካደረጉት ጉዳዮች መካከል የሆኑት የሥራ አስፈጻሚና የብፁዕ አቡነ ሳሙኤል ዕገዳ ደብዳቤዎች ጉዳይ ቢነሣም ቅዱስነታቸው ሁለቱንም ደብዳቤ አላነሣም በማለታቸው እንደጸኑ ምንጮቻችን ገልጸዋል። ቅዱስነታቸው በዛሬ ውሏቸው ምንም የልብም የምግባርም ለውጥ ሳያመጡ እንዲያውም በያዙት አቋም ጸንተው እንደተገኙ የታወቀ ሲሆን በሌሎቹ አባቶች በኩል ግን መፍረክረኩ መቀጠሉ ታውቋል። “የኢትዮጵያ ቤተ ክርስቲያን ሲኖዶስ አላት ማለት አይቻልም” ያሉ አንድ የቤተ ክርስቲያን አባት “ችግሩ የአቡነ ጳውሎስ ሳይሆን የጳጳሳቱ ነው። እርሳቸውማ አቋማቸውንና ፍላጎታቸውን እያስፈጸሙ ነው። ለቤተ ክርስቲያን መቆም ያቃታቸው ብፁዓን አባቶች ናቸው” ብለዋል።
ስብሰባው ዛሬ ከሰዓትም የቀጠለ ሲሆን በጠዋቱ መልክ ቀጥሎ ከፍጻሜ ከደረሰ ፓትርያርኩ በአሸናፊነት በመውጣት ከዚህ በፊት ከነበረው ወደ በለጠ አምባ-ገነን አስተዳደር እንደሚሸጋገሩ፣ ተቃዋሚዎቻቸውን በሙሉ አንድ በአንድ እንደሚመነጥሩ ተገምቷል።

20 comments:

Anonymous said...

+++

Egziabher Yawikal...

ደጀ ሰላም said...

አዎ፣ እርሱ ባለቤቱ ያውቃል።

Anonymous said...

እረ ቅዱስነታቸው ቅዱስ ናቸው አምባገነን አይባሉም ነውር ነው

YeAwarew said...

Do the fathers know that they have the support of most of the church followers ? Or that really doesn't matter, since they might be scared of...
Is there anything that we (in the diaspora)can do ?
Egziabher cher neger yaseman

YeAwarew

Anonymous said...

ይኼ ምን ጥርጥር አለው እግዚአብሔርማ እግዚአብሔር ነው፤ ሁሉን ያውቃል። ነጥቡ ግን እኛ ድርሻችንን እንወጣ ማለት ነው። ለመፍረድ አይደለም ግን እንደ አቅማችን በተለያየ ስብሰባ ብዙ ነገሮችን አሳልፈናል፤ በስብሰባ ወቅት ዝም ብሎ የሚነገረውን ሰምቶ መውጣት እና ቤት ሲደርሱ ማጉረምረም፤ እኔ እንዲህ ነበር ሐሳቤ እገሌ ግን አዝማሚያው ስላላማረኝ ምን ቸገረኝ ብዬ ትቸዋለሁ የሚባል ቋንቋ ከስብሰባ በኋላ የተለመደ ነው። ዛሬ በስብሰባ ላይ የተቀመጡት ብፁዓን አባቶች በቁጥር ከስድሣ አይብለጡ እንጂ የስድሣ ሚሊዮን ሕዝብ ድምፅ ነው ይዘው የተቀመጡት። በመሆኑም ያለፍርሐት መናገር አለባቸው እንጂ ታሪካዊ ስብሰባ ነው የተባለውን ታሪካዊ ሽንፈት አድርገው እንዳይወጡ እፈራለሁ። እኛ ድፍረት እንዲኖራቸው እንጸልይ ማለት መልካም ነው፤ አለበለዚያ ግን በዚህ ስብሰባ ላይ ድምፅ አጥፍቶ ሁሉን ይሁን ብሎ መውጣቱን እኔ ለእኔ አልደግፈውም። አጀንዳው ግልፅ እንደሆነ እርሱም የአስተዳደር በደል ነው ከተባለ ሁለቱን አንገብጋቢ ነጥቦች አልመለከትም በያዝኩት አቋም እጸናለሁ ላሉ ፓትርያርክ መልሱ ዝምታ እና ልምምጥ ከሆነ ስብሰባው ለምን አስፈለገ? በአጠቃላይ መልእክቴ የሚሆነው፦ እኛ የበኩላችንን እንወጣ እግዚአብሔርን ግን ሥራውን ይሥራ።
ይቆየን!

Anonymous said...

Bewnet Amlak yawekal.

Anonymous said...

it was what i expect. anyway Betekrstian enkua yegehanem dejoch enkua aychluatm. our church will win those evil groups of Aba Paulos relatvies and friends.

Anonymous said...

Thank u for the update...


Egziabher yawikal....

Anonymous said...

ተቃውሞውን ያነሱትና እነርሱን ሲከተሉ የነበሩ አባቶች፡ ከመንግሥት (ያው ከአቡነ ጳውሎስ) ውስጥ ለውስጥ የሆነ ዓይነት ማስፈራርያ የደረሳቸው ይመስላል፡፡ አብዛኞቻችን ያልተረዳነው የሚመስለኝ፡ አቡነ ጳውሎስ የኢህአዴግ ካድሬ ሳይሆኑ፡ ከኢህአዴግ ወሳኝ አካላት መሃል አንዱ መሆናቸው ነው፡፡ ሁኔታው እንደሚያሳየው፡ ሰውየው፡ በኢህአዴግ ውስጥ ወሳኝ ቦታ ሳይኖራቸው አይቀርም፡፡

አባቶች ባሁን ሰዓት ተቃውሞአቸውን ቢገልጡና ያለመተባበር መንፈስ ቢያሳዩ፡ የሚጠብቃቸውን ስለሚያውቁ ነው እየተለማመጡ ያለው፡፡ ምናልባት እስር ቤት መበስበስ ሁሉ ሊሆን ይችላል ዕጣቸው፡፡ ያንን ለመጋፈጥ ሰማዕትነትን ይፈልጋል፡፡ የእግዚአብሔር መንፈስ በዚህ ቀውጢ ጊዜ ነው ለሰዎች ሰማዕትነትን የምትሰጠው፡፡ ለተዋሕዶ ሃይማኖት የምትከፈል ሰማዕትነት ደግሞ ከእግዚአብሔር ካልተሰጠች በቀር ከየትም አትመጣም፡፡ የቅዱሳን አባቶችና እናቶች ታሪክ እንደሚያሳየን፡ የተዋሕዶ ሰማዕትነት የአባቶች ሳይሆን የእግዚአብሔር ፈቃድ ናት፡፡ ሰው ለብር፡ ለፍቅረኛው፡ ለወገኑ ወዘተ… ራሱን አሳልፎ ሊሰጥ ይችላላል፡፡ ለተዋሕዶ ግን በእግዚአብሔር መንፈስ ብቻ ነው በጥብአት ሊቆምላትና ራሱን አሳልፎ በፈቃዱ ሊሰጥላት የሚችለው፡፡

እናም፡ ዋናው ጥያቄ፡ እግዚአብሔር፡ በዚህ ወቅት በራሱ ላይ አደጋን ጋብዞ በሃይማኖታዊ ድፍረት ለርሱ እንዲቆምለት የመረጠው ሰማዕት ከብጹአን አባቶች መሃል አለው ወይ ነው፡፡ ከሰሞኑ አይተን የሌለ ሆኖ ከተገኘ፡ በእውነቱ አባቶቻችን ከእግዚአብሔር መንፈስ ርቀዋል ማለት ነው፡፡ ባይርቁ ኖሮ እግዚአብሔር በጥብአት ያቆማቸው ነበር፡፡ በነሱ አንጻር ደግሞ እኛም እንዲሁ ነን፡፡ ያው የነርሱ ልጆች አይደለን;

በእውኑ የእግዚአብሔርን መንፈስ በጽኑ መፈለግ ያለብን ወቅት ላይ ነን፡፡ ባሁን ሰዓት፡ ልትዳኘን የምትችለው እርሱዋ ብቻ ናት፡፡ የኢፌዴሪ መንግሥትም፡ ሕገ-መንገሥትም፡ ቃለ አዋዲም፡ የዓለም አብያተ ከርስቲያናት ሕብረትም የተባበሩት መንግሥታትም… ማንም ማን ቢሆን ሊዳኘን አይችልም፡፡ እኒህ ሁሉ ለእግዚአብሔር እውነት ሳይሆን፡ ለሰው ሠራሽ እውነት የቆሙ ናቸውና፡፡

Anonymous said...

Bartu ena tsaleyu baqerbe ken tamuren enetabeqe

simyelem said...

For reason we don't know yet, I am afraid our fathers are not able to defend themselves let alone the rest of the believers.
On the other hand followers of Tewahdo who live out of Ethiopia have no reason not to defend our church!!

Therefore, I think we should be able to get together and say NO!!

At least let our fathers know that we support them. They may come to an agreement to say no.

God Bless us all!!

Anonymous said...

ጉዳዩ በፕትሪያሪኩ አሸናፊነት ከተጠናቀቀ ገዳማዊያን ለሆኑ አባቶች የበቀል በትሩ አያስፈራቸውም ሆኖም ለቅምጥሎቹ ግን ሰማይ እንደሚደፋባቸው ምንም አይነት ጥርጥር የለውም።

በተለይ የበተክርስቲያን ፓራሳይት ለሆነው ለማህበረ ቅሉሳን ምንነት የሚገለጸበትና ማጭበርበሩ የሚያበቃበት ሰለሚሆን ዋጋው ቀላይ አይሆንም። ሆኖም ማህበሩ እንደ እስስት መልኩን መቀያየር የሚችል ስለሆነ መከረባበቱን ያሳየናል ብለን እንጠብቃለን

ይቆይየን

Anonymous said...

Anonymous,

Donot worry about Mahber Kidusan, since it established by will of God to save the church and the young in 21 centry, He will save them(MK). As wish of Abun Pawelos and pople like you , MK were disingrted befor long time, but not. Do you heard as Abun Pawlos took MK to court for the place which MK bought infront of Saint Mary church? In help of God the court decide for MK to continue the work. So all of you who have dilima about MK, pls pray for God to open your eyes. Let me tell you one thing if MK is not in the will God, why we worry about it. The owner of the house(God) will clean His house. But before we put our finger on some one , let us ask ouselves what I did for our Church.

MK go go you have long distance...

Anonymous said...

hello brothers and sisters in Christ

when i try to find the updated information on the on going turmoil in our church i found a bold news that says the Holy Synod has passed a decision that inhibits the patriarch Paulos from interfering administrational authority in the church. is that true? here is the link. http://awramba.com/?p=121

Anonymous said...

Dear the "last anonymous",
Would you please mention one by one how MK has become a parasite to our church and what you have done for the betterment of the church? I can not wait to read what you have done so far. If you want to know about MK, just call Sinday schools and village churchs in Ethiopia so that they will be able to explain to you.

Dear Dejeselam, I am a bit confused with the report that posted on http://www.ethioforum.org/wp/. It seems totaly opposite from what you have posted.

Anonymous said...

Anonymous(opposer to MK)
From where you are writting?(Dispora)? if so i will not tell you what the sunday school and 'village' church say. Instead if you get the chance go and ask them. you may get blessing when you visit(all your hate mind may get clean by blessed water and pray)

Anonymous said...

More than any enternal threat facing our church, the threat of Mahebere Kidusan, a 'cultist for profit organization' stands out as the most damaging. What ever the outcome the back bone of this organization must be shettered, and some of its innocent followers must be saved.

Anonymous said...

እዚህ ጋር መጥተው ስለማህበረ ቅዱሳን መጥፎ መጥፎውን የሚደሰኩሩ የፒሲ ፋኖዎቸን መጣጥፍ እንደማንበብ የሚያዝናናኝ ነገር አልተገኘም፡፡ ሂ!…ሂ!…ሂ!…. ብጹዓን አባቶቻችን አላስደስት ቢሉን እስቲ በነዚህ እንዝናና! እንዲህ ዓይነት ሰዎች ምን ዓይነት ሰዎች እንደሆኑ በግልም ጭምር ስለማውቃቸው፡ በዓይነ ሕሊናዬ እየሳልኩዋቸው፡ በሳቅ…!

እንደልባቸው፡ ይህንን ወጣት እየነዱ ወደ ፕሮቴስታንት መንደር ለመንዳት የሚያደርጉት ሙከራ የፈለጉትን ያህል ባለመሳካቱ፡ ቤተክርስቲያን ውስጥ ተሰግስገው፡ "ጌታዬ ዲያቢሎስ ሆይ! ማህበሩን በቻ አጥፋልኝ እንጂ ሌላውን ለኔ ተወው!" እያሉ ጨፍነው የሚለማመኑ፡ ከላይ ነጠላ የለበሱ፡ ከሥር የግሪክና የጀርመን ንቅሳት ተነቅሰው፡ የርዳታ ዶላራቸውን ሬሲት ደረት ኪሳቸው ውስጥ በጃቸው እየደባበሱ፡ ሶደሬ ላይ ቤት የሚሥሩትን ቤት በተስፋ እያዩ ምራቃቸውን የሚውጡ ዓለመኞች ናቸው፡፡ እኔ ልሙት! ማህበሩን እንደመብረቅ ከመፍራታቸው የተነሳ ስለማህበሩ አስተያየት ሲጥፉ እንኩዋ ለሳምንት ያህል ከዚያ በሁዋላ ቅዠታቸው አይለቃቸውም! ሂ ሂ ሂ ሂ! ወይ ማህበረ ቅዱሳን! ግራ ገብቶት ተሰባስቦ ምንተ ንግበር የሚል ከርታታ ኩታራ ሁሉ እንደትልቅ ጦር ተፈርቶ ስንቱን ያስቀባጥረዋል?

አይዞዋችሁ! ማህበሩ ፈርሶ ሳይሆን ዓላማውን ከግብ አድርሶ ከዛ በሁዋላ ይጠፋል፡፡ እንደናንተ ሂሳብ አያያዝ ቢሆን ኖሮ በስንት ሙስና ይከስስ ነበር- ማህበሩ፡፡ ሃ! ሃ! ሃ! ያውም ስንት ብር አገኘ፡ ስንት ብር በፕሮጀክት ላይ አፈሰሰ ሲባል እንኩዋ በግልጥ ሪፖርት ከማድረግ ውጭ ሌላ ወለም ዘለም የማያውቀው ማህበረ ቅዱሳን… ሂ ሂ ሂ!

Anonymous said...

እግዚአብሔር የማይደሰትበት፤ ቤተክርስቲያን የማትጠቀምበት ግርግር

ሰሞኑን ሀገር ቤት እየተደረገ ያለውን ‘‘የመፈንቅለ ፖትርያርክ‘‘ ሙከራ ሂደት በየእለቱ ከቅዱስ ሲኖዶስ መሰብሰቢያ አዳራሽ ‘‘በቀጥታ‘‘ በደጀ ሰላም ላይ በመከታተል ላይ እንገኛለን። ሁሉ ነገር ግልጽና ለሕዝብ ክፍት በሆነበት በአሜሪካን ሀገር እንኳ መንግስት በጣም አንገብጋቢ የሀገር ጉዳዮች ላይ ዝግ ስብሰባ እንደሚያደርግ ይታወቃል። በአንጻሩ የእኛ ሀገር የቅዱስ ሲኖዶስ ስብሰባ ፖትርያርክን ከስልጣን እስከማገድ የሚደርስ አጀንዳ ላይ እንኳ ሲነጋገር የስብሰባው ቃለጉባኤ ይዘት ሳይቀር ለሕዝብ ክፍት መሆኑ ዝርክርክነትን እንጂ ግልጽነት የሚያመለክት አይመስለኝም። ከጥቂት አመታት በፊት የቫቲካኑ ፖኘ አርፈው ተተኪያቸውን ለመምረጥ የተካሄደውን ስብሰባ ሂደት ለመከታተል በዓለም ላይ አሉ የሚባሉ የዜና አውታሮች ሁሉ ቢያነፈንፉ አንዲት ፍንጭ ሳያገኙ የቀሩት የካቶሊክ ቤተክርስቲያን ካርዲናሎች ከእኛ ጳጳሳት ይልቅ ምስጢር የመጠበቅ ብቃት ስላላቸው ነው።
ቤተክርስቲያንን የጠቀሙ መስሏቸው የቤተክርስቲያንን ገመና አደባባይ ላይ በማውጣት ላይ ያሉ እንደ ደጀሰላም ያሉ ድረ ገጾች እያደረጉ ያሉትን መለስ ብለው ቢገመግሙም መልካም ይመስለኛል። ለማንኛውም ከደጀሰላም ገፆች ላይ የምናነበውን እንደ እውነት በመውሰድ ⁄ምንም እንኳ ደጀሰላምም እንደማንኛውም የኢትዮጵያውያን የመገናኛ ብዙሃን ዜና ወይም መረጃ ሳይሆን የአዘጋጆቿን ምኞትና ፍላጐት የምታቀርብልን ቢሆንም ⁄ ጥቂት ሃሳቦችን ለመጠቆም፤
1. በእኔ ግምት ሰሞኑን እየሰማን ያለነው ዜና የጳጳሳት ሥልጣን ሽኩቻ ከመሆን ያለፈ ቁምነገር ያለው አይመስለኝም። ለምን ቢባል በቤተክርስቲያናችን ሙስና ⁄ዘረፋ ቢባል ይቀላል⁄ እና ኃላፊነት በአግባቡ አለመወጣት መንሰራፋቱ ይታወቃል። ይኸ ደግሞ ዛሬ የተከሰተ ሳይሆን ቤተክህነታችን ለዘመናት የተዘፈቀበት ነው። በቅርቡ በተደረገው የቅዱስ ሲኖዶስ ስብሰባ ይህ ጉዳይ መነሳቱና ውይይት መደረጉም ተገቢ ነው። ይሁንና በሲኖዶስ የተሰየመው የሊቃነ ጳጳሳት ኮሚቴ ይህንን ችግር በዝርዝር አጥንቶ የመፍትሔ ሃሳቦችን የሚጠቁም ሃሳብ ማቅረብ ሲኖርበት በተለመደው ግለሰቦችን የመኮነን ትውፊታችን ፖትርያርኩ ላይ ብቻ ትኩረት ማድረጉ ⁄ፖትርያርኩ ጥፋተኛ ሊሆኑ እንደሚችሉ ቢታመንም ⁄ ከመፍትሔነት ይልቅ ጉዳዩን ያወሳሰበው ይመስለኛል። ልብ እንድትሉልኝ የምፈልገው ፖትርያርኩ ጥፋተኛ አይደሉም አለማለቴን ነው። ነገር ግን ለቤተክርስቲያኒቷ ችግር እርሳቸውን ብቻ ተጠያቂ ማድረግ አግባብ አይመስለኝም።

2. ተጠያቂነት ያለበት ቤተክህነት እንዲኖረን ከተፈለገ የቤተክርስቲያኒቷን አስተዳደራዊ ብቃት ማሳደግና አሰራሩን ግልጽና ተጠያቂነት ያለው ማድረግ ያስፈልጋል። በየአህጉረ ስብከታቸው ያሉትን ካህናትና ምእመናን አስተባብረው ለመሥራት ምንም ብቃት የሌለው የጠቅላይ ቤተክህነታችን ሆነ የፖትርያርኩ ይሁንታ የማያስፈልጋቸው ሊቃነ ጳጳሳት ምን ያህል ኃላፊነታቸውን እየተወጡ ነው? ለምን? ብሎ መጠየቅ አግባብ ይመስለኛል።

3. በየአህጉረ ስብከታቸው ጥሩ የካህናትና የገንዘብ አስተዳደር መዘርጋት ያልቻሉ ሊቃነጳጳሳት ፖትርያርኩን ብቻ በመውቀስና በመክሰስ ቤተክርስቲያንን የሚጠቅሟት አይመስለኝም።

4. የገጠር አብያተ ክርስቲያናት ማስቀደሻ እያጡ ከምእመናን በተገኘ ገንዘብ የራሳቸው የተንጣለለ ቪላ ለማስገንባት የሚጥሩ መነኮሳት ሙስና እየሰሩ አይደለም?

ስለዚህ ተጠያቂነት ካስፈለገ መጠየቅ ያለበት ሁሉም ነው። ስለዚህ መፍትሔው እርስ በእርስ ከመጠላለፍ ይልቅ ለወደፊቱ የተሻለ አሰራር እንዴት ይዘርጋ? የአባቶች መንፈሳዊ ክብር ሳይነካ እነርሱም የተቀበሉትን ኃላፊነት ተረድተው ለመንጋው የሚራሩ እረኞች እንዲሆኑ ምን ማድረግ ይቻላል? ብሎ መወያየት እንጂ እርስ በእርስ መካሰስ ለቤተክርስቲያን የሚፈይደው ነገር የለም። የቤተክርስቲያኒቷ ችግር ለዘመናት የተጠራቀመ በመሆኑ በአንድ ሰሞን ግርግር ወይም ፖትርያርኩን ከሥልጣን በማውረድ ⁄ሥልጣናቸውን በመገደብ⁄ ብቻ የሚፈታ አይደለም። በእኔ ግምት ሰሞኑን እየተደረገ ባለው እግዚአብሔር የሚደሰትበት፤ ቤተክርስቲያንም የምትጠቀምበት አይመስለኝም። ለሁሉም የቤተክርስቲያን አምላክ ለሁላችንም ማስተዋሉን ያድለን።

Anonymous said...

እኔ ግን የሚገርመኝ ነገር ለምን ያልተጠየቅነውን እናወራለን ባሁኑ ሰአት ቤተክርስቲያናችን በጣም ችግር ውስጥ ወድቃ አኛ ግን ስለማህበረቅዱሳን ስለሌላ ማህበር እናወራለን አረ እንደው ይብቃን እባከችሁ እንንቃ በፀሎት ባንድነት እንበርታ እና ከኛ የሚጠበቅብንን
እንስራ እባካችሁ እኛ ባንድ ልብ ስንፅና ነው ጌታም የሚሰማን
በፀሎት እንበርታ
እግዚአብሄር ቤተክርስቲያናችንን ይጠብቅልን
አገራችንን ይጠብቅ
አሜን

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)