March 29, 2009

የመንግሥት ኃላፊዎችና ሠራተኞች የሃይማኖት ግጭትን በማባባስ ረገድ ሚና ነበራቸው

በሃይማኖታዊ ወገናዊነት” ኢሕአዴግ የመንግሥት ባለሥልጣናትን ወቀሰ
(ሪፖርተር)
Sunday, 29 March 2009
ኢሕአዴግ አንዳንድ የመንግሥት ኃላፊነዎችና ሠራተኞች የሃይማኖት ግጭትን በማባባስ ረገድ ሚና እንደበራቸው ይፋ አደረገ፡፡

የኢሕአዴግ ልሣን የሆነው አዲስ ራዕይ መፅሔት በየካቲት ወር ዕትሙ “ሃይማኖትን እንደሽፋን . . . የከሠሩ ፖለቲከኞች የወቅቱ ስልት” በሚል ርዕስ በወጣው ፅሁፍ ላይ እንደተመለከተው “ከሃይማኖት ተፅእኖ ነፃ መሆን ያለበትን መንግሥት የሃይማኖት መሳሪያ ለማድረግ በሚካሄደው ጥረት ሠለባ የሆኑ የመንግሥት አካላት መኖር ነው፡፡ አልፎ አልፎ እንደሚታየው በተለያዩ ደረጃዎች የሚገኙ አንዳንድ የመንግሥት ኃላፊነች በግላዊ እምነታቸውና በመንግሥት ኃላፊነታቸው መካከል ልዩነት ማድረግ ሲሳናቸው ይታያል” ይላል፡፡


“ሃይማኖት መንግሥታዊ አገልግሎትን ለዜጐችና ለሕዝብ ለመስጠት መስፈርት ሆኖ እንዲያገለግል ማድረግ በሕግ የተከለከለና የማይገባ ነው” የሚለው ልሣኑ ይሁን እንጂ ቀላል ባልሆነ ደረጃ ሃይማኖታዊ አምልኳቸው በመንግሥታዊ አገልግሎት አሰጣጣቸው ላይ ጣልቃ የሚገባባቸው የመንግሥት ሠራተኞችና ኃላፊዎች እየተበራከቱ እንደመጡ ያስረዳል፡፡

“የኦርቶዶክስ አማኝ ከንቲባ ሲሆን ለኦርቶዶክስ መሬት እንደልብ የሚሰጥበት፤ የፕሮቴስታንት አማኝ ለፕሮቴስታንት፣ የእስልምና እምነት ተከታዩ ደግሞ ለሙስሊም ሃይማኖት መሬት ቅድሚያ የሚሰጥባቸው አካሄዶች በአንዳንድ አካባቢዎች በግልፅ የታዩበት ሁኔታ አጋጥሟል” የሚለው አዲስ ራዕይ በዕለት ተዕለት የአገልግሎት አሰጣጥም ላይ የሕዝብን ችግር ከመፍታት ይልቅ ሃይማኖታዊ ወገናዊነትን ታሳቢ ያደረጉ እንቅስቃሴዎች የሚያካሂዱ የመንግሥት ኃላፊዎችና ሰራተኞች መኖራቸውን ያስረዳል፡፡

በመንግሥት ኃላፊዎችና ሠራተኞች የሚደረገውንም ይህንን ዓይነት አሠራር “ፍትህ አልባነትን ከማስከተሉም በላይ የከሠሩ ፖለቲከኞች ሃይማኖትን ሽፋን በማድረግ ግጭት ለመቀስቀስ የሚያደርጉትን ጥረት የሚያግዝ፣ የችግሩንም ትክክለኛ አፈታት የሚያወሳስብ ሆኖ ይገኛል” ይለዋል፡፡ ችግሩን በአፋጣኝ ለመፍታት የመንግሥት አካላት ሁሉ ሥራቸውን በሕገ መንግሥቱ መሠረት ብቻ መፈፀማቸው ማረጋገጥ እንደሚያስፈልግ ገልጿል፡፡



Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)