March 17, 2009

በመርካቶ አካባቢ ፓለቲካና ሃይማኖት ቀመስ ግጭት ተፈጠረ

በመርካቶ አካባቢ የተነሣ ግጭት ፓለቲካና ሃይማኖት ቀመስ ገጽታ ተላብሶ እንደሰነበተ የጀርመን ድምጽ ራዲዮ በሰኞ ማርች 16/2009 ዝግጅቱ ዘገበ። ካለፈው አርብ ጀምሮ እስከ እሑድ ድረስ ሚና በለዩ ወጣቶች መካከል በአዲስ ከተማ ክፍለ ከተማ በተነሣው በዚህ ግጭት ሁለት ሰዎች መሞታቸውም ታውቋል። በከተማው የተከሰተውን የውሃ መጥፋት ተከትሎ ውሃ ፍለጋ ወደ ሌላ ቀበሌ በሄዱ ወጣቶች መካከል በተቀሰቀሰው ጸብ ከደብረ አሚን ተ/ሃይማኖት ቤተ ክርስቲያን ቅዳሴ አስቀድሰው ይመለሱ የነበሩ ምእመናን “ለማገቻነት በመያዝ” በመሰለ አካሄድ ታጅቦም እንደነበር የሬዲዮው የአዲስ አበባ ሪፖርተር ታደሰ እንግዳው ዘግቧል።
ከቅርብ ጊዜ ወዲህ በመስፋፋት ላይ ያለው የዚህ ዓይነቱ እምነትን መሠረት ያደረገ ጸብ “በከፊል በመልካም አስተዳደር እጦት፣ በከፊልም በድህነትና ሥራ አጥነት” ምክንያት እንደሚባባስ የጠቀሰው ጋዜጠኛው የጥምቀት መውረጃ ቦታን ለመስጊድ መሥሪያነት በመስጠታቸው ግጭት ለመቀስቀስ ምክንያት ሆነዋል ያላቸውን የጎንደር ከተማ ባለሥልጣናት ተጠያቂ አድርጓል።

መንግሥት ይህንን የፖለቲካ ዓላማ ባላቸው ሰዎች የሚመራ ነው ያለውን ግጭት ለመስበር ቁርጠኛ መሆኑን በተደጋጋሚ የገለጸ ሲሆን በውጪው ዓለም የሚገኙ ሙስሊሞች በበኩላቸው የኦርቶዶክስ ቤተ ክርስቲያን እኛ ለመጨቆን ካላት የቆየ ፍላጎት የምትቀሰቅስብን ነው ሲሉ ይከሳሉ። ይህንንም ለመቃወም በመጪው አርብ ማርች 20/2009 ዋሺንግተን ዲሲ በሚገኘው የኢትዮጵያ ኤምባሲ ፊት ለፊት ሰላማዊ ሰልፍ ለማድረግ በዝግጅት ላይ ይገኛሉ። በዚህ በኩል ቤተ ክርስቲያን ሙስሊም ኢትዮጵያውያን ላይ ጥላቻ እንደሌላት ለማሳየት ወይም ጉዳ ን ለማስተባበል አስተያየት የሰጠ የኦርቶዶክስ ቤተ ክርስቲያን አባት ሊገኝ አልቻለም።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)