February 24, 2009

የሃይማኖት አባቶች የምክክር ስብሰባ አካሔዱ

አዳማ, የካቲት 16 ቀን 2001 (አዳማ) - ምእመናን የካበተ የመከባበርና የመቻቻል ባህላቸውን በማጠናከር ለሰላምና ለልማት አርአያ መሆን እንደሚገባቸው አዳማ ከተማ የሚገኙ የሃይማኖት አባቶች አስገነዘቡ። በከተማው የሚገኙ የኃይማኖት አባቶች ትናንት ባከሄዱት የምክክር ስብሰባ ላይ እንደገለጡት ኢትዮጵያ የእምነት ነፃነት የተከበረባትና ሁሉም የራሱን እምነት ጠብቆ በመቻቻል የሚኖርባት ሀገር ናት ብለዋል።

በሀገሪቱ ለዘመናት የቆየው የሀይማኖት መቻቻልና መከባበር ለሌሎች ሀገሮች መልካም ምሳሌ እንደሆነ ገልጠው ምእመናን ይህን መልካም ልምድ በማጎልበት በAንድነት መንፈስ ለሰላምና ለልማት መነሳት ይገባቸዋል ብለዋል፡፡ እንዲሁም ድህነትን ለማስወገድ መረባረብ ይጠበቅብናል ሲሉ አሳስበዋል። በኃይማኖት ሽፋን ድብቅ ፍላጎታቸውን ለማሳካት የሚፍጨረጨሩ ፀረ ሰላም ሃይሎችን እኩይ ተግባር በማክሸፍ ለልማት እንዲረባረቡ የሃይማኖት አባቶቹ አስገንዝበዋል። በህገ መንግሥቱ የተረጋገጠው የእምነት ነፃነት በጥቂት ግለሰቦች ስውር ደባ ሊሸረሸር Eንደማይችል Eንገነዘባለን ያሉት የኃይማኖት አባቶቹ፣ አንዱ የሌላውን ኃይማኖት በማክበር ተባብረን እንሠራለን ብለዋል።
የAዳማ ከተማ አስተዳድር ኦህዴድ ጽህፈት ቤት ኃላፊ አቶ ዘውዱ ማሞ ምእመናን በኃይማኖት ሽፋን ድብቅ ዓላማ ይዘው ፀረ- ሰላም እንቅስቃሴ የሚያካሂዱትን በማጋለጥ ለልማት ጠንክረው እንዲሠሩ ማሳሰባቸውን ዜናው ዘግቧል።

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)