January 27, 2009

በመስቀል አደባባይ የተዘጋጀው ታላቅ መንፈሳዊ ዝግጅት ተላለፈ

ታቦተ ጽዮን ወደ ኢትዮጵያ የመጣችበትን ቀን ለማክበር ብዙ ዝግጅት የተደረገበትና እሑድ ጥር 17/2001 ዓ.ም (ጃኑዋሪ 25/2009) ሊካሄድ ታቅዶ የነበረው ታላቅ ዝግጅት ላልተወሰነ ጊዜ መተላለፉ ተሰማ።
በመስቀል አደባባይ በተለያዩ ዝግጅቶች እንዲከበር መወሰኑን በቅዱስ ፓትርያርኩ በአቡነ ጳውሎስ ሳይቀር ጋዜጣው መግለጫ የተሰጠበት ይህ ዝግጅት በርካታ ሊቃውንተ ቤተ ክርስቲያንና ታዋቂ አርቲስቶች በሚሳተፉበት የታቦተ ጽዮንን ወደ ኢትዮጵያ አመጣጥ የሚያሳይ ትዕይንት የሚደምቅ እንደሚሆን የተነገረለት ነበር። ከዚያም በተጨማሪ የበዓሉ የክብር እንግዳ ከሚሆኑት ከፕሬዚዳንት ግርም ወ/ጊዮርጊስ ሌላ አምባሳደሮች፣ ቱሪስቶች እንዲሁም ጥሪ የተደረገላቸው ሌሎች እንግዶች ይገኙበታል ተብሎ የተጠበቀ ነበር። ይሁን እንጂ በምን ምክንያት እንደተከለከለ ባልታወቀ ሁኔታ ፕሮግራሙ መሰረዙ ታውቋል። ከዚህ በፊትም በዚሁ በመስቀል አደባባይ የእስራ ምዕቱን መምጣት አስመልክቶ ሊቀርብ የነበረና ከ100 ሺህ ብር በላይ የወጣበት ዝግጅት ምክንያቱ እስካሁንም በግልጽ ባልታወቅ የመንግሥት እገዳ መከልከሉ ይታወሳል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)