January 24, 2009

በጎንደር የክርስቲያን-ሙስሊም ግጭት ተከሰተ


(ጎንደር)፦ በጥምቀት ዕለትና በማግስቱ በቃና ዘገሊላ (ጥር 11 እና 12/ 2001 ዓ.ም) በጎንደር በክርስቲያኖችና በሙስሊሞች መካከል መነሣቱን ምእመናን ከአካባቢው ለደጀ ሰላም ብሎግ ገለፁ።
“ደጀ ሰላምን ያነጋገሩ የአካባቢው ክርስቲያኖች እንደተናገሩት “ለሃይማኖታችን ይፈሳል ደማችን፣ ኢትዮጵያ የክርስቲያን ደሴት ናት” ሲሉ የተደመጡ ክርስቲያኖች መንግሥት በአብያተ ክርስቲያናት አካባቢ ለሙስሊሞች ቦታ መስጠቱንም በጽኑ ተቃውመዋል። በመዝሙርና በዕንባ ምሬታቸው የገለፁት ክርስቲያኖች ከየት አካባቢ እንደተጀመረ ባልታወቀ የድንጋይ ውርወራ ተጠምደው እንደነበርም ለማወቅ ተችሏል። ይህንኑ ዘገባ የአሜሪካ ድምጽ ሬዲዮ ያረጋገጠው ቢሆንም ስለ ግጭቱ ሰፋ ያለ ዘገባ ሳይሰጥበት ቀርቷል።

በጎንደር የጥምቀትን በዓል በደመቀ ሥርዓት የማክበር ሃይማኖታዊና ባህላዊ ሥርዓት የተለመደ ሲሆን እንዲህ ዓይነቱ ከሙስሊሞች ጋር የሚደረግ እሰጥ አገባ ግን አዲስ መሆኑን የደጀ ሰላም ምንጮች ጠቁመዋል። ይህንን ተከትሎ መንግሥት መግለጫ ማውጣቱን መዘገባችን ይታወሳል።
በኢትዮጵያ በተለይም የኢሕአዴግ መንግሥት ሥልጣን ላይ ከወጣበት ከ1983 ዓ.ም ወዲህ በክርስቲያኖችና በሙስሊሞች መካከል የሚፈጸሙ ግጭቶች ከዓመት ዓመት የጨመሩ ሲሆን በ1999 ዓ.ም በጂማና አካባቢው በሚገኙ ክርስቲያኖች ላይ ጭፍጨፋ ከተፈጸመ ወዲህ ክርስቲያኑም ነገሩን በአጽንዖት መከታተል መጀመሩና ይህም ፍጥጫውን እያባባሰው እንደመጣ ለማወቅ ተችሏል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)