January 22, 2009

የኢትዮጵያ መንግሥት እየተስፋፋ የመጣውን የክርስትና -እስልምና ውጥረት በተመለከተ መግለጫ አወጣ

“በአሁኑ ጊዜ በአንዳንድ ግለሰቦችና ቡድኖች በሃይማኖቶች ሽፋን እየተካሄዱ ያሉትን ፀረ-ሕገ መንግሥት እንስቅቃሴዎችን በተመለከተ ከፌዴራል ጉዳዮች ሚኒስቴር የተሰጠ መግለጫ” በሚል ርእስ በመንግሥት መገናኛዎች የተላለፈው ይኸው መግለጫ እንደሚያመለክተው “በሀገሪቱ ሕዝቦች መካከል የነበረው ተቻችሎና ተከባብሮ የመኖር አኩሪ ባሕላቸው”አደጋ ላይ እየወደቀ መሆኑን አትቶዋል።
ቪዲዮውን ለመመልከት እዚህ ይጫኑ።

በኦርቶዶክስና በእስልምና ሃይማኖቶች መካከል ያሉ የሁለቱን እምነቶች ጥቅሞች የማይወክሉ ቡድኖችና ግለሰቦች በእምነቶቹ መካከል ያለውን የመቻቻልና የመከባበር መንፈስ እንዲሁም ሕገ-መንግሥቱን በሚቃረን መልኩ በመንቀሳቀስ ላይ ይገኛሉ” ብሎዋል። 1ኛ. የሌላውን እምነት የሚያጣጥሉ ጽሑፎችን ማውጣት፣ 2ኛ. አንዱ በሌላው የእምነት ሥፍራ ተገኝቶ መረበሽና መበጥበጥ፣ 3ኛ. በቡድን በመደራጀት በሌሎቹ የእምነት ቦታዎች አካባቢዎች በመገኘት ለጸብ በሚያነሳሳ መልኩ መንቀሳቀስ በምሳሌነት ሊጠቀሱ ተግባራት መሆናቸውን መግለጫው አንስቶዋል። ድርጊቶቹ መከሰት ከጀመሩ መቆየታቸውን ያልሸሸገው የመንግሥት መግለጫ መንግሥት ሁኔታዎቹ የሚረግቡበትን መንገድ ለመፈለግ ሲጥር መቆየቱን አንስቶ “ይህ የመንግሥት ጥረትና ፍላጎት ችግሩን በተፈለገው ደረጃ ሊያረግበው” እንዳልቻለ ተናግሮዋል። ይሁን እንጂ አብዛኛው ሙስሊምና ክርስቲአን የእነዚህ “ሕገ ወጥ ሃይሎችን ፍላጎት ባለመቀበሉ” ነገሩ ከቁጥጥር ውጪ ሴኢወጣ መቅረቱን፣ የመንግሥት ሙከራ ግን ብዙም ፍሬ እንዳላፈራ በግልጽ አስቀምጦዋል። “የመንግሥትና የሕዝቡ ጥረት እንደተጠበቀ ችግሩ ግን ሊገታ’” እንዳልቻለ ይልቁንም ከጊዜ ጊዜ እየጠነከረ በመሄዱ “ትልቅ የመነጋገሪያ ርዕሰ ጉዳይ” ለመሆን መብቃቱን፣ ችግሩ ካልተገታና በዚሁ እንዲቀጥል ከተፈቀደለት “በሕገ መንግሥቱ የተረጋጘጠው የእምነት ነጻነትና በሰላም ወጥቶ መግባት” አደጋ ላይ እንደሚወድቅ አስጠንቅቆዋል። “ስለዚህም መንግሥት ያለበትን ሕገ መንግሥቱን የማስከበር ግዴታ ለመወታጣትና ጸረ-ሕገ መንግሥት ሃይሎችን በቁጥጥር ሥር ለማዋል አስፈላጊውን ቅድመ ሁኔታ በማጠናቀቅ ላይ እንደሚገኝ ሪፖርት አድርጎዋል። “ዝግጅቱን ውጤታማ ለማድረግ ግን ሕዝቡና የእምነቱ መሪዎች እነዚህን ጸረ-ሕገ መንግሥት ሃይሎች እንዲያጋልጡ፣ ከጽንፈኞቹ የሚገጥማቸውን ትንኮሳ በትዕግስት እንዲያሳልፉና ለጸጥታ ሃይሎች ሪፖርት እንዲያደርጉ ጥሪ አድርጎዋል።
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)