January 2, 2009

ተዋሕዶ = ኢትዮጵያ: ኢትዮጵያ = ተዋሕዶ

Dear Dejeselamaweyan,
Selam all. Here you have an article contributed by our new blogger Berhanawit. We thank our sister for joining us in blogging for the Church, and about the Church. We invite other children of Tewahedo to join us.
Cher Were Yaseman,
amen.
+++
ተዋሕዶ = ኢትዮጵያ: ኢትዮጵያ = ተዋሕዶ
በግልጽ ለትውልዱ ያለፍርሓት ሊነገረው የሚገባ ሃቅ!

በኢትዮጵያ ኦርቶዶክሳዊት ተዋህዶ ቤተክርስቲያን ሰንበት ትምህርት ቤቶች ማደራጃ መምሪያ ማህበረ ቅዱሳንና በሌሎች ድረ-ገጾች ላይ በአክራሪ ሙስሊሞች የተፈጸመውን ቤተክርስቲያን ቅጽረ-ግቢ ጥሶ ገብቶ እስላማዊ አምልኮ ሥርዓት የመፈጸም ድርጊት አብዛኞቻችን አንብበናል: ወይም ከሌሎች ሰምተናል ብዬ እገምታለሁ:: ይህን ጽሁፍ እንድጽፍ ያስገደደኝ በቅርቡ www.cyberethiopia.com/warka4 ላይ በጉዳዩ ዙርያ የተለያዩ ተሳታፊዎች የጻፉትን አስተያየት ሳነብ ነው::

ብዙ የፕሮቴስታንትና የኦርቶዶክስ እምነት ተከታዮች አስተያየታቸው የሰጡ ሲሆን በፎረሙ ላይ እንደታዘብኩት ኦርቶዶክሳውያን ቤተክርስቲያናቸው ውስጥ እንዲህ ያለ ድርጊት ሲፈጸም ደስ እንደማይላቸው ቢገልጹም 'ለምን ሙስሊሙ ቤተመቅደስ ገብቶ የራሱን አምልኮ ፈጸመ" የሚለው ጥያቄ ግን መነሳቱን በራሱ አልወደዱትም:: ምክንያቱም:

"ጥያቄውን ማንሳትና ለውይይት ማቅረብ በራሱ ተቻችሎ መኖር የለመደውን የኢትዮጵያ ሙስሊምና ክርስቲያን መሀል የሚፈጠር 'ጸብ-ጫሪነት’ ነው”

ነበር ምላሻቸው::

የእስልምና እምነት ተከታዮች ግን በጉዳዩ አስተያየት ከመስጠት የታቀቡ ይመስላል:: ቢሆንም: በቀጥታም ሆነ በተዘዋዋሪ: በዝምታም ሆነ በቃል: በአክራሪ እስልምና አነሳሽነት የሚፈጸሙ ህገ-ወጥ ድርጊቶችንም ሆነ የሰው ንብረትና ሕይወት ላይ አደጋ የሚያደርሱ ጥቃቶች ላይ ያላቸው አመለካከት እንዲህ የሚል ድምጸት አለው:-

"እንዲህ አይነት ድርጊቶችን የሚያደርገው ከ CIA ጋር እጅና ጓንት የሆነው የክርስቲያኑ መንግሥት ነው:: በአክራሪነት ስም እስልምናን መዋጋት ሲፈልጉና የእስልምና እምነት ተከታዮች ቁጥር በፍጥነት በዓለማችን ላይ እየጨረ መምጣቱን ሲገነዘቡ: ራሳቸው የሆነ ጥቃት ያቀናብሩና 'አክራሪ እስላሞች ፈጸሙት' ብለው ስም ያጠፋሉ"

በማለት ይከሳሉ:: የአርሲንም ሆነ የጅማን: ወይም የሐረርና የጎንደሩን አይነት የሰው ህይወት መጥፋት ደረጃ የደረሰ ግጭት በእስልምና እምነት ተከታዮች መፈጸሙን አስመልክቶ ገፋ ያለ ጥያቄ ሲቀርብላቸው ሁለት ዓይነት ምላሾች የማቅረብ አዝማሚያ ይታይባቸዋል:-

1. እንዲህ ዓይነት ድርጊት ለመፈጸሙ ማስረጃ የለም:: ማስረጃ እስካላየሁ ድረስ አላምንም::

2. (ድርጊቱ መፈጸም አለመፈጸሙን ወደጎን በመተው) ...በታሪክ ውስጥ በሃይማኖት ስም ከፍተኛ እልቂት ያደረሰው ክርስትና ነው እንጂ እስልምና አይደለም:: ምሳሌ- የመስቀል ጦርነት......

በማለት ድርጊቱ እምብዛም ትኩረት ሊሰጠው የማይገባ የ"ክርስቲያን አክራሪዎች" ወይም እየተለየ የፖለቲካ ፍላጎት ያላቸው ወገኖች ሙስሊሙን ለማስወጋት የሚያደርጉት አድራጎት እንደሆነ ለማሳየት ይሞክራሉ::

በእስልምና እምነት ተከታዮች ይህ አመለካከት ቢያዝ የሚደንቅ አይደለም:: ምክንያቱም የእምነቱ ተከታዮች እንደመሆናቸው መጠን የሃይማኖታቸውን ስም መጠበቅና ክሶቹንም መከላከሉ ላይ ማተኮራቸው የማይቀር ነው:: ከዚህ ወጥቶ ባልተዛባና ባልተንጋደደ አእምሮ ሁሉን መርምሮ ትክክለኛ አስተያየት ለመስጠት እጅግ ብርቱና በራሱ ይሚቆም አእምሮ ያስፈልጋል::

ፕሮቴስታንቶች በድርጊቱ በእጅጉ የተደሰቱ ይመስላል:: ከሚሰጧቸው ምላሾች ብቻ ከተለያዩ ነጥቦች አንጻር ድርጊቱ እንዳስደሰታቸው መመልከት ይቻላል:: ከነዚህ ነጥብች መሃል ጥቂቶቹ:-

1. ድርጊቱ መፈጸሙ ቤተክርስቲያኗ መንፈሳዊ ኃይሏን እንዳጣች ያሳያል::

2. ቤተክርስቲያን እኛ ብቻ ሳንሆን ሌላው ወገንም ጠልቷታል: ስለሆነም ሽንፈቷን አምና መቀበል የምትደርስበት ደረጃ ላይ እየደረሰች ነው::

3. "ለምን ይህ ድርጊት በቅጽሬ ተፈጸመ" ብላ ክስ መመስረቷ በራስ መተማመን እንደጎደላት ያሳያል:: አጋጣሚውን ተጠቅሞ ሙስሊሙን የመስበክ ሥራ አለመሠራቱ የሐዋርያነት አገልግሎት በቤተክርስቲያኒቱ ትኩረት የማይሰጠው መሆኑን ያሳያል::

4. ቦታዬ ላይ መናፍቅ ጉባዔ አያካሂድበትም: አይቀበርበትም ስትል የነበረችው ቤተክርስቲያን አሁን የራሷ ቅጽር ግቢ በሌሎች ሲደፈር "በሠፈሩት ቁና መሠፈር አይቀርም: ለጌታም ጌታ አለው ሆኖባታል" የሚሉ አይነት አስተሳሰቦች ናቸው::


የበለጠ ያስገረመኝ: የሳበኝና እያንዳንዳችን ትኩረት ልንሰጥበትና ልናስብብበት ይገባል ብዬ የማምነው ግን በፕሮቴስታንት እምነት ተከታዮችም ይሁን በሌሎች የተሰጡትን አስተያየቶች ሳይሆን mainstream attitude የያዘ በሚመስለው የተማረው ኦርቶዶክሳዊ የሚሰጠው አስተያየት ላይ ነው:: በዚህ ሙስሊሙ በቅጽረ-ቤተክርስቲያን ገብቶ በመስገዱ ጉዳይ ላይ ብቻ ሳይሆን በሌሎች ሃይማኖታዊ ርዕሰ-ጉዳዮች ላይ በፎረሙ ከተደረጉ ውይይቶች በመነሳት ይህ ቡድን ያለው አመለካከት ምን እንደሆነ ለመታዘብ ያቅሜን ያህል ሞርክሬያለሁ:: እጅግ በጣም የሚገርመውና እኔንም በግሌ ያሳሰበኝ ጉዳይ ቤተክርስቲያን አዘውትረው ከሚመላለሱ ኦርቶዶክሳውያን ውጪ የሆኑ: ነገር ግን ኦርቶዶክስነታቸው ካልካዱ ብዙ የተማሩ ኢትዮጵያውያን ዘንድ ያለው አመለካከት ከፕሮቴስታንቶች ጋር አንድ አይነት የመሆን ዝንባሌ ማሳየቱ ነው::

እነዚህ ቡድኖች እነማን ናቸው? የበለጠ ገለጻ የሚያስፈልገው ይመስለኛል:-

1. እነዚህ ወገኖች በአእምሮዋቸው ያለችው ኢትዮጵያ "በነፍጠኛ/ፊዩዳል" አማራ ለረጅም ጊዜ ስትገዛ ቆይታ አሁን "የብሔር ብሔረ-ሰብን መብት አክብራ ነጻ የወጣችው" ኢትዮጵያ ናት:: ስለሆነም በደርግና በኢህአዴግ ዘመን በተቀናበረ መልኩ ስላለፉት የኢትዮጵያ ዘመናት አስከፊነትና ስለሕዝቧም አክራሪ ወግ አጥባቂነትና አላዋቂነት ሲማሩ የኖሩ ናቸው:: በአጭሩ የተሳከረ አካዳሚክስ ሰለባ ናቸው::

2. እነዚህ ወገኖች ከላይ በተጠቀሰው አመለካከታቸው ሳቢያ በአሁን ወቅት በኢትዮጵያ ቤተክርስቲያን ከሌሎች እምነቶች የሚደርስ ማንኛውም የቃላትም ሆነ የድርጊት ጥቃት ባለፉት ዘመናት ቤተክርስቲያኗ በሃገሪቱ ላይ የነበራትን "አላግባብ የሆነ የበላይነት" ማካካሻና የዞረውን ድምር ማብረጃ ሽሮ ፍትፍት ነው:: ስለሆነም ባሁን ጊዜ ከሌሎች የእምነት ድርጅቶች የሚደርስባትን ጥቃት ቤተክርስቲያኗ እንደፍጥርጥሯ ሆና ትወጣው እንጂ ለምን ይህ ሆነ ብላ የሕግ ከለላነትን መጠየቅ የለባትም የሚል አስተሳሰብ አላቸው:: እየደረሰ ያለው ጥቃት ቤተክርስቲያኗ በጨዋታውና በሃይማኖት ማስፋፋት ፉክክሩ ሜዳ ላይ ኳሱን በደንብ ተቆጣጥራ ለመጫወት ያላት የብቃት ማነስ ውጤት ስለሆነ “ወደሽ ከተደፋሽ ቢረግጡሽ አይክፋሽ" አይነት ሁኔታ ላይ ነው ያለችው- ችግሯ ይህ ነው: ብለው ያስባሉ::

3. እነዚህ ወገኖች ርዕዮተ-ዓለማቸው በሚገባ በቅርበት ቢጠናና ቢገመገም አብዛኞቹ የማርክሲዝም ሌኒኒዝም አመለካከት ተከታዮች ናቸው:: በእነዚህ ሰዎች ዘንድ ባህል: ማንነት: እምነት: ሃይማኖት: ወ ዘ ተ.... በቃላት ተከሽነው የሚቀርቡና የኪነጥበብ ማዋዣ የሆኑ ቅመሞች ከመሆን ያለፈ መሬት የሚነካ ትርጉም የላቸውም:: ስለሆነም ለነዚህ ሰዎች ዘለዓለማዊ ሕይወት: ተጋድሎ: ለእምነት የሚከፈል መሥዋዕትነት ወዘተ. በእያንዳንዱ እምነት ውስጥ ባሉ "አክራሪዎች" እና "ወግ አጥባቂዎች" የተፈጠሩ ሕዝብን የማጋጫ አስተሳሰቦች ናቸው:: ለነርሱ የመንፈሳዊነት መለኪያው ከሁሉ እምነቶችና አመለካከቶች ጋር ሊስማማ የሚችል አንድ የግል ፍልስፍና ለራስ አጽድቆ በራስ የሃይማኖት መመርያ በአእምሮአዊ (እውቀታዊ) ብቃት መኖር ነው:: በዚህ መመዘኛ ሲታይ የኢትዮጵያ ኦርቶዶክሳዊት ቤተክርስቲያንም ፈተናውን ትወድቃለች (መንፈሳዊት: ሕይወታዊት: አማናዊት እንጂ ሃሳባዊት: ፍልስፍናዊት: ወይም ጊዜውን ተከትላ አስተሳሰቦችን የምትፈጥር ዘመናዊት አይደለችማ?!) ስለሆነም እርሷም አስተሳሰቧን መለወጥ ይገባታል: ሁሉን ያቀፈ ተራማጅ እምነት ልትፈለስፍ ይገባታል- የሚል አስተሳሰብ አዳብረዋል::

4. እነዚህ ወገኖች በአብዛኛው የሚድያና የኪነጥበብና ዝንባሌ ያላቸው ናቸው:: ስለሆነም በሚድያና በኪነ-ጥበብ መልእክቶች ተጽዕኖ ሥር የማይወድቅ ምናልባት በገዳም ብቻውን የሚኖር ካልሆነ በቀር ሌላ ስለሌለ አብዛኛው እንደዕለት-ተለት ሕይወቱ ተዋሕዶን የማይኖረው (Non-practicing) ኦርቶዶክሳዊ ክፍል አስተሳሰቡ ምን እንደሆነ ሊያሳይ የሚያስችል ቡድን ነው:: እንደእኔ እንደእኔ በዚህ የአመለካከት ፈተና እያንዳንዱን ኢትዮጵያዊ screen ብናደርገው ስንት እንዲህ አይነት ቸልተኛ አመለካከት ያልቀላቀሉ ኦርቶዶክሳውያን እናገኛለን? ይህን ያህል ለማለት ይከብደኛል: ነገር ግን እርግጠኛ ነኝ- ከ43.5% ቢያንስ በግማሽ ያህል እንደሚያንስ:: የቀረው ተግባራዊ መንፈሳዊ ሕይወት የሚኖረው (practicing) ኦርቶዶክሳዊስ በዚህ አመለካከት ተተብትቦ ይሆን መንፈሳዊነቱ አላድግ ያለው?

5. የበለጠ አሳሳቢ የሚያደርገው ደግሞ በፖለቲካው መድረክ (በገዢው ፓርቲም ሆነ በተቃዋሚው ዘንድ) ቦታ ይዘው በብዛት የሚንቀሳቀሱት እነዚሁ ዓይነት አመለካከት ያላቸው ወገኖች መሆናቸው ነው:: የዘመኑ ፖለቲካ ከላይ እንደጠቀስነው አይነት ከሁሉ ጋር መስማማት የሚችል አስተሳሰብ ያዘለ አመለካከት ማዳበርን እንደዋንኛ የፖለቲካ ብቃት መገምገሚያ መሥፈርት አድርጎ ይመለከተዋል:: ነገር ግን በዘመናችን ርዕዮተ አለሟን ለሁሉም ሃይማኖቶች ወለል አድርጋ የከፈተች ሀገር አለች? በእውነቱ ሀገር የሁሉም እምነቶችና የሁሉም አይነት ፖለቲካዊ እሳቤዎች ቤት መሆን ትችላለች? ሀገር የማን መሆኗ መጀመርያ ሊበየን አይገባውም? ኢትዮጵያ የማናት? ኢትዮጵያን ማን ሰራት? ለዚህ ደፋር መልስ መስጠት ቤተክርስቲያኒቱ ካልቻለች ጥቂት አሥርት አመታትን አትዘልቅም:: በቤተክርስቲያኗ ጠንከር ያለ የማስተማር: የመረጃ ሥርጭትና የአካሄድ አብዮት ካልተደረገ በቀር በቀጣይነት በኢትዮጵያ ተንሰራፍቶ የምናየው ሥርዓት ከእስካሁኑ ማርክሲሳዊ አስተሳሰብ የተለየ ሆኖ ኢትዮጵያዊና መንፈሳዊ ሊሆን አይችልም:: ያለመንፈሳዊነቷ ኢትዮጵያ ምንም ከለላ የላትም:: ኢትዮጵያ ያለሃይማኖቷ ምንም ናት:: ቤተክርስቲያንን ከኢትዮጵያ: ኢትዮጵያን ከቤተክርስቲያን ነጥሎ መመልከት አደጋው ከላይ እንደጠቀስነው ያለ mainstream የምንፍቅና አስተሳሰብ በኦርቶዶክሳውያን አእምሮ ውስጥ ማሳደግ ነው::

ካሁን በኍላስ ከስህተታችን አንማርም?

ይቆየን!

4 comments:

Anonymous said...

I agree with much of what is mentioned in the above article. True! We have lost a generation for communism. We have lots of atheists in the name of "Orthodoxy"- whom the writer brhanawit referred to as "non-practicing". Actually the phrase "non-practicing" should be carefully used. It may mean those youngsters that greatly revere the Orthodox Church, and fight and speak out for her; but are far from day to day Christian life and form of worship such as Holy Communion.

But, the point is, the Church has to direct its energy towards children and the youth. Trying to teach and change the mind of the already materialist Derg-generation is of no fruit at this time. The church should have an organized teaching mechanism to the next generation.

Regarding the concept "Tewahedo=Ethiopia: Ethiopia=Tewahedo".... I don't know what to say. It is hard to define it that way. But it is not wise to ignore the point. Because others (politicians, Muslims, Protestants...) are defining Ethiopia in such a way that they can advance their agenda; and it may be legitimate to the Church to forward this definition into the minds of the coming generation. The importance lies on one question:-

"Can Protestants, Moslems and Orthdoxes have equal and balanced right in Ethiopia?" The other two (protestants and Moslems) are a little too oppressive and deceptive in their approach to make the possibility of having equal right in the country real. We are hearing a lot of trespassing these days. The trespassing is motivated by hidden beliefs such as "Ethiopia should be for Protestants" or "Ethiopia should be for Arabs". Should Tewahedo forward a counter definition? Probably Yes! If yes, then the time is now. If yes, then who should do that? Can our Church leaders do that? How sure are we that they themselves believe in Tewahedo=Ethiopia, Ethiopia-Tewahedo? If our church leaders cannot forward the definition, then who should?

Tough Question!

Worth discussing though!

Anonymous said...

This is one of the most dangerous and divisive ideology. Its very very dangerous to associating one religion or for that matter race to equate the whole country especially in a multi racial or multi religion countries like Ethiopia where no race or religious group is the majority (>50%). Its this kind of ideology which lead to blood shed in the Balkans ( former Yugoslavia) and RWANDA. Guys don't you get scared? If we give one religious group to own represent the whole country, what do you think the followers of the other religions do?

We have 2 and only 2 choices. One to disseminate fear and incite religious and ethnic conflict or preach peace full coexistence and rectifying the bad deeds. Remember if we are working for religious cause its peace and dialog which can lead us to success and salvation. Other than peaceful dialog no matter what we claim to be WE ARE JUST A BUNCH OF POLITICIANS, LOSERS or FANATICS who disguise in the name religion. Guys remember its was the "bishops" and other so called clergy who were facilitating the RWANDAN genocide. How do you think they gonna face GOD? Are they religious?? ????

Anonymous said...

Ethiopia is a country of various races, religions,cultures etc. Naming Ethiopia as a country of one religion is a dangerous and divisive way. Such fanatic extremists should be challenged in all platforms. He is trying portay Ethiopia is a country of one religion. He is arguing followers of other religions to be denied of basic human rights and to be treated as a second citizen in their home land.The person doesn't know how the modern Ethiopia is built. I would wonder wether the person knows how Ethiopia looks like a couple of centuries ago. The person cought up with the hangover of 'Ethiopia is an island of Christianity'. Such articles based on lies and make up histories should be rubished and if neccessary should be challenged in legal means.I believe the person is wouried of Orthodox christianity would disppear from the face of Ethiopia in less than a century. That is why he wrote something which doesn't hold water, full of lies, divisive and against constitution as well. Wether he likes it or not Ethiopia is a country of all religions. And all followers have equal rights. Full stop.

Anonymous said...

what made you think that what the writer wrote meant is followers of other religion should be denied basic rights? are 70 000 000 american catholics denied basic rights? No! But they can't change America to Vatican because America belongs to the protestants.

Ethiopia belongs to Orthodox idiology. Trying to change that has caused various troubles in the past both on Orthodoxes and others. If we learn from History, that is what we learn.

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)