December 23, 2008

ሙስሊሞች በኢትዮጵያ ቤተ ክርስቲያን ሤራ ቁጥራቸው እንደቀነሰ ገለጹ

(ዋሺንግተን ዲሲ)፦ በኢትዮጵያ ሁል ጊዜ የሚፈጠረውን የሙስሊሙን ኅብረተሰብ መብት የመግፈፍ ሁኔታ ለአንዴና ለመጨረሻው ለመቀልበስ ሙስሊሙ የፖለቲካ አመራሩን በውድም በግድም መውሰድ እንዳለበት ሙስሊም ምሁራን ገለጹ።
ፈርስት ሒጅራ የተባለና በዲሲና አካባቢው የሚዘጋጅ የእስልምና እምነት ማስተማሪያ ሬዲዮ ጣቢያ እሑድ ታህሳስ 13/2001 ዓ.ም (ዲሴምበር 21/2008) ባስተላለፈው የሙሉ ሰዓት ዝግጅቱ ላይ በ1999 ዓ.ም (2007) በተደረገው የሕዝብ ቆጠራ የሙስሊሙ ቁጥር ሆን እንደተቀነሰ የተገለጸ ሲሆን ይህም በኦርቶዶክስ ቤተ ክርስቲያንና በፕሮቴስታንቶች የተደረገ ሴራ አካል መሆኑን ተናጋሪዎቹ በግልጽ ተናግረዋል።
በስሜትና በቁጭት አነጋገር የተሞላው ይኸው ቃለ ምልልስ በተለይም “የመንግሥትን የሥልጣን መዘውር በመጨበጥ እያለን እንደሌለን ያደረጉን እነርሱ ናቸው” ባሉዋቸው በኦርቶዶክስና በፕሮቴስታንት እምነቶች ላይ ነቀፋ ሲያሰማ ውሎዋል። ቆጠራው 20 ሚሊዮን ሙስሊሞችን እያሉ እንደሌሉ በመቁጠር አልፎዋል ሲል በመንግሥት ላይም የትችት ናዳውን አውርዶዋል። ከቆጠራው በስተጀርባ አለ የተባለውን “ሤራ እንዲተነትኑና ሐቁን ለሕዝብ እንዲያሳውቁ” በሚል መንደርደሪያ የተጋበዙት እንግዶች መሐመድ ሐሰን ከጀርመን፣ አቶ አብዬ ከቤልጅየም፣ አቶ ሙሐባ ከስዊዲን እንዲሁም ዶ/ር ሰዒድ ሙሄና ዶ/ር ሐሰን ኡመር ከአሜሪካ መሆናቸው በፕሮግራሙ መግቢያ ተገልጾዋል።
+++++
ደጀ ሰላምም ቆጠራው በእምነት አንጻር ሲገመገም ምን እንደሚመስል ለመረዳት ያስችል ዘንድ በየክልሉ ያለውን ሥርጭት እንደሚከተለው ያቀርባል።

ክልል ኦርቶዶክስ % ፕሮቴስታንት % ካቶሊክ % ሙስሊም %
ትግራይ 96.7 0 0.3 2.9
አፋር 1.4 0.4 0 98.1
አማራ 83 0.1 0 16.8
ኦሮሚያ 27.5 17.8 0.5 49.9
ሶማሊ 0.1
(27 893) 0 0 99.1
ቤንሻንጉል ጉሙዝ 29.8 12.6 0.6 48.2
ደቡብ 17.8 56.7 2.5 14.2
ጋምቤላ 14 73.4 3.1 3.7
ሐረሪ 1.8 0.3 0 97.9
አዲስ አበባ 74.7 7.8 0.5 16.2
ድሬ ዳዋ 0.3 (87629) 0.1 0 99.5
ጠቅላላ 43.5 18.6 0.7 33.9
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)