September 10, 2008

በማኅበረ ቅዱሳን ላይ ዘመቻ??

የጠቅላይ ቤተ ክህነት ባለሥልጣን ከነአቡነ መርቆርዮስ ጋር በድብቅ በማበር ማኅበረ ቅዱሳን ላይ ዘመቻ መጀመራቸው ታወቀ፡፡ በአዲስ አበባ በሰንበት ት/ቤቶች መምሪያ ኃላፊነት ላይ የተቀመጡትና በድብቅ ግን ከነአቡነ መርቆርዮስ ጋር በመገናኘት እንቅስቃሴ ላይ የሚገኙት እኚሁ የመምሪያ ኃላፊ ለ13 ዓመታት በተለያዩ የአሜሪካ ግዛቶች ከኖሩ በኋላ ባልተሳካ-ጵጵስና-ፍለጋ-ጉዞ ወደ ኢትዮጵያ የገቡት አባ ሰረቀ ብርሃን ወልደ ሳሙኤል ናቸው፡፡

ውስጥ አዋቂ ምንጮች እንደገለጹት መነኩሴው እንዲህ ዓይነቱ ተግባር ላይ ለመሠመራት በቅርቡ ከአዲስ አበባ ወደ ዲሲ ሜትሮፖሊታን አካባቢ የሄዱ ሲሆን በይፋ ማኅበረ ቅዱሳን ላይ ዘመቻ ከመክፈታቸውም በተጨማሪ ከቤተ ክህነቱ ያመጧቸውን መረጃዎች ለተለያዩ ፓርቲዎችና ድረ ገጾች በማዳረስ ላይ ይገኛሉ፡፡ ከነዚህ መረጃዎች መካከል ማኅበሩ በቅዱስ ሲኖዶስ ዕውቅና ያገኘበትና ፓትርያርክ ጳውሎስን ጨምሮ የቅዱስ ሲኖዶስ አባላት የፈረሙበት መተዳደሪያ ደንብ በወንጀል ማስረጃነት ከቀረቡት አንደኛው መሆኑን http://www.ethiopianreview.com የተባለው ድረ ገጽ በሰፊው አስፍሯል፡፡

ግለሰቡ ለምን ወደዚህ ተግባር ሊገቡ እንደቻሉ የጠየቅናቸው እነዚሁ ለጉዳዩ ቅርበት ያላቸው ሰዎች እንደጠቆሙት መነኩሴው ከኢትዮጵያ በመናፍቅነታቸው ተባረው አሜሪካ ከመሸጉ የተሐድሶ አራማጆች ጋር ባላቸው የዓላማ አንድነት ምክንያት መሆኑን ይናገራሉ፡፡ ከሎስ አንጀለሱ ቀሲስ ተብሎ አሁን የተሾመው ፓስተር መላኩ ባወቀ እና ከአትላንታው ልዑለቃል አካሉ እንዲሁም ‹‹የአሳማ ሥጋ ብሉ፣ ትኋንም ቢሆን ካልቀፈፋችሁ ብሉ፣ በኦርጋን ብቻ ዘምሩ፣ ጫማ ሳታወልቁ ወደ ቤተ ክርስቲያን ግቡ›› የሚል ‹‹የምግብና የጤና ሳይንስ አስተማሪነት›› ከሚቃጣቸው ከነአባ ወልደ ትንሣኤ አያልነህ ጋር ኅብረት እንዳላቸው ታውቋል፡፡

ስለእኒሁ መነኩሴ ከአሜሪካ አወጣጥና ምክንያቱ፣ ምሥጢሩና ሰበቡ ወደፊት በሰፊው እናስነብባችኋለን፡፡
ቸር ወሬ ያሰማን፡፡

Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)