July 14, 2008

የግብጽ ኦርቶዶክስ ተዋሕዶ (ኮፕት) ክርስቲያኖች ኢትዮጵያውያን እንዲረዷቸው ጠየቁ


በግብጽ አክራሪ ሙስሊሞች ግፍ እየተፈጸመባቸው የሚገኙት የግብጽ ኦርቶዶክስ ተዋሕዶ (ኮፕት) ክርስቲያኖች ኢትዮጵያውያን ክርስቲያን ወገኖቻቸው እንዲረዷቸው ጠየቁ፡፡

ዛሬ እሑድ ሐምሌ 6 ቀን 2000 ዓ.ም (ጁላይ 13/2008) በዋሽንግተን ዲሲ የደብረ ሰላም ቅድስት ማርያም ቤተ ክርስቲያን በቀረበው በዚሁ የግብጻውያን ጥሪ መሠረት በተለይም በአክራሪዎቹ ከቅርብ ጊዜ ወዲህ እየተፋፋመ የመጣው ጭፍጨፋ ገደብ በማለፉ እና መንግሥታቸው ወንጀለኞቹን ለመቅጣት በሚያሳየው ዳተኝነት የበለጠ በመቸገራቸው የአሜሪካ መንግሥት ችግራቸውን ይመለከትላቸው ዘንድ ጥሪያቸውን ለማሰማት ባዘጋጁት ሰላማዊ ሰልፍ ላይ ኢትዮጵያውያን ወገኖቻቸውም እንዲገኙ ጥሪ አስተላልፈዋል፡፡

ጥሪው ለኢትዮያውያን ክርስቲኖች ግርታን መፍጠሩን ለመረዳት ችለናል፡፡ በዚህ ትውልድ ዘመን ግብጾች እንዲህ ዓይነት ጥያቄ አቅርበው ስለማያውቁ ብዙዎቹ ኢትዮጵያውያን ክርስቲያኖች ምን መልስ ሊሰጡ እንደሚችሉ ሲደናገሩ ተመልክተናል፡፡ አንዳንዶችም በኢየሩሳልም በሚገኘው የዴር ሱልጣን ገዳማችን ላይ ግብጾች የሚያደርስትን በደል በመመልከት ‹‹ይበላቸው፣ የራሳቸው ጉዳይ ነው፤ እኛ ምን አገባን›› ሲሉም ተሰምተዋል፡፡ ይህ ግን ታሪክን አለማወቅ፣ እምነትንም ካለማወቅ የሚመነጭ አስተያየት ነው ማለት ይቻላል፡፡ ግብጻውያን መከራ ላይ በሚወድቁበት ጊዜ ሁሉ ከችግር ይታደጓቸው የነበሩት ኢትዮጵያውያን አባቶቻችን ነበሩ፡፡ ዛሬም ይህ ትውልድ መሣሪያ አንስቶ፣ ፈረሱን ጭኖ፣ ካይሮ ድረስ ለመዝለቅ ባይችል እዚህ ዋይት ሐውስ ፊት ለፊት ሄዶ አጋርነት መግለጽ የሚከብድ መሆን የለበትም፡፡ ድግሞስ ‹‹ነግ በእኔ›› አይደለምን፡፡ ስለዚህ አብረናቸው እንውጣ፣ እንደግፋቸው፣ አምላካችን መከራውን ሁሉ ያቀልላቸው ዘንድ በጸሎት ልንረዳቸው ይገባናል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)