June 19, 2008

አርባ ምንጭ ከተማ ውስጥ ሰልፍ የወጡ ክርስቲያኖች ታሰሩ

ሪፖርተር ጋዜጣ
በታምሩ ጽጌ
በደቡብ ክልል አርባ ምንጭ ሲቀላ ከተማ ውስጥ የደብረ ሣህል ቅዱስ ገብርኤል አስተዳዳሪ የነበሩ አንድ መነኩሴ ወደ ሌላ ቦታ መቀየራቸውን በመቃወም በሚል ሰልፍ የወጡ ከ60 በላይ የሚሆኑ የክርስትና እምነት ተከታዮች መታሰራቸውን ምንጮች ገለፁ፡፡ የክልሉ ፖሊስ የታሰሩት አራት ብቻ ናቸው በማለት አስተባብሏል፡፡
የእምነት ተከታዮቹ ሰልፍ የወጡበትን ምክንያት ምንጮቻችን እንደገለፁት፣ አስተዳዳሪው ይሰሩበት በነበሩበት ቤተክርስቲያንና ይሰጡት በነበረው የሀይማኖት ትምህርት በኅብረተሰቡ ዘንድ ተቀባይነት በማግኘታቸው፣ ነገር ግን አስተዳዳሪው ወደ ሌላ ቤተክርስቲያን እንዲቀየሩ የሚመለከተው አካል ወስኖ በክልሉ ጳጳስ (አቡነ ኤልያስ) አማካኝነት ደብዳቤ ሲደርሳቸው፣ ደብዳቤውን በመቃወም መሆኑን ገልፀዋል፡፡

በርካታ የከተማው ነዋሪዎች የተቃውሞ ሰልፍ ሲወጡ፣ መጠነኛ ሁከት በመቀስቀሱ ከ60 በላይ ምዕመናን መታሰራቸውን ምንጮቹ ገልፀዋል፡፡

ኃላፊው ከቦታው እንዲነሱ የተወሰነው ከመጋቢት ወር 2000 ዓ.ም ጀምሮ መሆኑን የገለፁት ምንጮቹ፣ በወቅቱ ምዕመናኑ ሰልፍ ወጥተው ተቃውመው ስለነበር እስካሁን እንዲቆዩ ተደርጐ አሁን እንዲነሱ ቢደረግም ተመሳሳይ ሁኔታ መፈጠሩን ተናግረዋል፡፡

ሰኔ 6 ቀን 2000 ዓ.ም የጀመረው የምዕመናኑ ተቃውሞ እስከ ትናንት ሰኔ 10 ቀን 2000 ዓ.ም ድረስ መቀጠሉንም ምንጮቹ ተናግረዋል፡፡ የኢትዮጵያ ኦርቶዶክስ ተዋህዶ ቤተክርስቲያን የበላይ ኃላፊዎችን ስለ ጉዳዩ ጠይቀናቸው ችግሩን መስማታቸውንና ሁኔታው በማረጋጋት ላይ እንደሚገኙ ተናግረዋል፡፡

ፖሊስ ከጉዳዩ ጋር በተገናኘ የታሰሩት አራት ሰዎች ብቻ መሆናቸውን ገልፆ በአሁኑ ሰዓት ሁሉም ነገር ሰላም ነው በማለት አስተባብሏል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)