May 3, 2008

ስለ ቀድሞው ፓትርያርክ ጉዳይ ተጨማሪ መረጃ

ትናንት ሜይ 2/2008 ነገሩን እምቢልታ የተባለ የሀገር ውስጥ ጋዜጣ ከጠቆመበት ጊዜ ጀምሮ ትልቅ የመናገሪያ ርዕስ የሆነው የቀድሞው ፓትርያርክ ለዕርቅ መዘጋጀት ጉዳይ ነው፡፡

ደጀ ሰላም ስለ ነገሩ የተረዳችው ሐሙስ ሜይ 1/200 ቢሆንም ዜናው ከርዕስ ያለ የጠነከረ መረጃ ሊገኝበት ባለመቻሉ ለአንባቢ ዕይታ ለማብቃት መታቀብን መርጣለች፡፡ ነገር ግን አንድ ጊዜ ጉዳዩ ይፋ ከሆነ ድርድሩ ይብሰልም አይብሰልም ይህንን ጥሩ ዜና ጥላሸት የሚቀቡ ከመነሣታቸው በፊት ያለንን ለማካፈል ወደድን፡፡

ሁለቱም ፓትርያርኮች ለማስማማት ቀድሞም ብዙ ጥረቶች መደረጋቸው ይታወቃል፡፡ በሊቃነ ጳጳሳት ደረጃ 3 አባቶች የተወከሉበት ቡድን ወደ አሜሪካ መጥቶ የመጣበትን ግብ ሳይመታ የአሜሪካ ድምጽን በመሳሰሉ የሬዲዮ ጣቢያዎችና በሌሎችም መገናኛዎች ሐሳቡን አካፍሎ መመለሱ ይታወሳል፡፡ በስደት ላይ ያሉትን በመወከል ሊቀ ሥልጣናት ሀብተ ማርያም ወርቅነህ ሐሳብ ሲሰጡ ሰምተናል፡፡

ከዚያ በኋላ የተሰማው ዜና የቅንጅት መሪዎችን ሽምግለው አስፈትተዋል የተባሉ የሀገር ሽማግሌዎች ነገሩን መያዛቸውን የሚያስረዳው ነበር፡፡ ብዙም ሳይገፋ ብፁዕ ወቅዱስ አቡነ ጳውሎስ ፈቃደኛ አልሆኑም በተባለ ሰበብ ነገሩ ተዳፍኖ ቆይቷል፡፡ አሁን ደግሞ ውሎ አድሮ እነሆ ድርድሩ ፍሬ ለመያዝ የቀረበ የሚመስል ዜና እየተሰማ ነው፡፡

በቤተ ክህነት የሚገኙ የደጀ ሰላም ምንጮች ዜናው ብዙም አየር እንዳልመታው ጠቅሰው ብዙዎችም ለዜናው አዲስ መሆናቸውን ተናግረዋል፡፡ ጉዳዩ በምስጢር የተያዘ ሆኖ ይሁን ወይም መጀመሪያውኑም ሐሰት ይሁን ነገ ከነገ ወዲያ የሚታወቅ ይሆናል፡፡ የፕሮፌሰር ኤፍሬምና ወዳጆቻቸው ሽምግልና ፍሬ ካስገኘ ግን ለቤተ ክርስቲያን ታላቅ የምሥራች መሆኑ አይጠረጠርም፡፡
ተጨማሪ ማብራሪያ እንደደረሰን እናስነብባለን፡፡
ቸር ወሬ ያሰማን፣ አሜን፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)