April 16, 2008

ንዋየ ቅድሳትና ቅርሳ ቅርሶች ወደ አውስትራሊያ ሊላክ ሲል ተያዘ

Reporter (Addis Ababa): አንድ 20 ፊት ኮንቴነር ሙሉ የቤተክርስቲያን ንዋየ ቅድሳትና ባህላዊ እቃዎች በጅቡቲ በኩል ወደ አውስትራሊያ ሊላክ ሲል ጋላፊ ኬላ ላይ ተያዘ፡፡
በርካታ የብር መስቀሎች፣ ጸናጽል፣ የቤተክርስቲያን አልባሳት እንዲሁም ከእንጨት የተሰራ እንስራ፣ ጋን፣ ባሕላዊ ወንበሮችና መሰል የቅርስ እቃዎች ወደ አውስትራሊያ ሲላክ መጋቢት 20 ቀን 2000 ዓ.ም በኬላው የፍተሻ ሠራተኞች ተይዟል፡፡
እንዲህ አይነት የቅርስ እቃዎች በኬላው በኩል ወደ ውጭ ለመላክ ሲሞከር የመጀመሪያ ጊዜ መሆኑን ጠቁመዋል፡፡ አቶ ጌታሁን የጉምሩክ ባለሥልጣን ከኢትዮጵያ ቅርስ ጥናትና ጥበቃ ባለሥልጣን ጋር በ1996/97 በተፈራረመው የመግባቢያ ስምምነት መሰረት እንደዚህ አይነት እቃዎች በፖስታ አገልግሎት ድርጅትና በኤርፖርት በኩል በሕጋዊ መንገድ የሚላኩ መሆኑን ገልፀዋል፡፡ በየብስ መጓጓዣ ወደ ውጭ መላክ ስለመቻሉ የተገለፀ ነገር አለመኖሩን አብራርተዋል፡፡

በዚህም መሠረት እቃው በቁጥጥር ሥር ውሎ ለሚመለከተው አካል ማለትም ለኢትዮጵያ ቅርስ ጥናትና ጥበቃ ባለሥልጣን ለመላክ ዝግጅት መደረጉ ታውቀዋል፡፡ የእቃው ባለቤት የባንክ ፐርሚት (መፍቀጃ) ቢኖረውም፤ በስምምነቱ መሠረት እንዲህ ያለ እቃ ወደ ውጭ ስለመላኩ በግልጽ ባለመገለፁ በቁጥጥር ሥር ውሎ የማጣራት እርምጃ እንዲካሄድ መደረጉ ታውቀዋል፡፡

ጋላፊ በኢትዮጵያና በጅቡቲ ድንበር ላይ የሚገኝ በመሆኑ፣ ኤክስፖርት የሚደረግ እቃ ፍተሻ የሚደረገው ጋላፊ ላይ መሆኑንና እስከዛሬ በተደረገ ፍተሻ ንዋየ ቅዱሳንና የባህላዊ የቅርስ እቃዎች ተይዞ እንደማያውቅ አብራርተዋል፡፡ በዚህም ምክንያት ውሳኔውን የኢትዮጵያ ቅርስ ጥናትና ጥበቃ ባለሥልጣን እንዲወስን እቃው በወታደር ታጅቦ ወደ አዲስ አበባ እንደሚላክ ታውቀዋል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)