April 25, 2008

የስቅለት በዓል በመላ ኢትዮጵያ በሚገኙ አብያተክርስትያናት ተከብሮ ዋለ

አዲስ አበባ, ሚያዝያ 17 ቀን 2000 (አዲስ አበባ) -
የስቅለት በዓል በመላ ኢትዮጵያ በሚገኙ አብያተ ክርስትያናት በጸሎትና በስግደት ተከብሮ ዋለ፡፡
በተለይ አዲስ አበባ ከተማ በሚገኘው መንበረ ጸባኦት ቅድስት ሥላሴ ካቴድራል ብጹእ ወቅዱስ አቡነ ጳውሎስ ፓትርያርክ ርእሰ ሊቃነ ጳጳሳት ዘኢትዮጵያ፣ ሊቀነ ጳጳሳት፣ ብጹአን አባቶች፣ መነኮሳት፣ ካህናት፣ የሰንበት ትምህርት ቤት መዘምራን እና በሺዎች የሚቆጠር ምእመናን በተገኙበት በስግደትና በጸሎት በድምቀት ተከብሮ ውሏል፡፡


በሺዎች የሚቆጠሩ ምእመናን በተገኙበት ብጹእ ወቅዱስ አቡነ ጳውሎስ ኢየሱስ ክርስቶስ የሰውን ልጅ ለማዳን የሰው ሥጋ ለብሶ ሰው በመሆን ተሰቅሎ የሰውን ኃጢአት ያነፃበትና ከፍተኛ ስቃይ የተቀበለበት እለት መሆኑን ባሰሙት ንግግር አስታዉሰዋል፡፡


እየሱስ ክርስቶስ ራሱን ቀርቶ የሰውን ልጅ የማዳን ኃይል እያለው ኃይሉን ሳይጠቀም በዚህ እለት በሰቃዮቹ መከራን የተቀበለዉ ሰዎችን ለማዳንና መለኮታዊ አብነቱን እንዲከተሉ ጭምር እንደሆነና ሰዎች ለሰይጣን እኩይ ተግባራት እንዳይሸነፉና ማናቸዉንም ችግር በልባዊ እምነትና ጸሎት በመፍታት በጎ የማሰብን፣የመረዳዳትና የትእግስት ቅዱስ ባህልን እንዲከተሉ መንፈሳዊ ጥሪ ተደርጓል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)