አራት ጥንታውያን ገዳማት በእሳት አደጋ ሥር ወድቀዋል

. ዋልድባ፣ ዝቋላ፣ አሰቦትና የረር በዓታ ናቸው
በአሰቦት መንደድ የጀመረው እሳት ከቤተ ክርስቲያኑ በ500 ሜትር ርቀት ላይ እንደሚገኝ ማኅበረ ቅዱሳን ጋዜጠኞችን ምስክር ያደረገ አጭር ዘገባ ዛሬ ለንባብ በቅቷል፡፡ ትናንት ጉዳዩ በጻፍንበት ወቅት እሳቱን መከላከሉ እንዳልተጀመረ መግለጻችን ይታወሳል፡፡ ይህ በእንዲህ እንዳለ አንዳንድ የደጀ ሰላም ምንጮች እየነገሩን እንዳሉት ታዋቂው የዋልድባ ገዳም ላይም እሳት መነሣቱ ታውቋል፡፡
ነገር ግን በእርግጠኝነት መቼ፣ በምን ምክንያት የሚለውን ገና አላጣራንም፡፡ እንዳጣራን ነገሩን በዝርዝር እናቀርባለን፡፡
የዚህ ተመሳሳይ የቃጠሎ ሁኔታ ነገሩን አዲስ አድርጎታል፡፡ ሆን ተብሎ የሚደረግ ነገር ነው ወይስ በአጋጣሚ የሆነ የሚለው እረፍት የሚነሳ ነው፡፡ ገዳሞቻችን በተለያዩ ጊዜያት ጥቃት እንደሚደርስባቸውና በተለይም የኢትዮጵያ ቤተ ክርስቲያንን በሚጠሉ ሰዎች ዘንድ ገዳማት ጥሩ አመለካከት እንደሌላቸው እናውቃለን፡፡