March 4, 2008

የኢትዮጵያ ኦርቶዶክስ ተዋህዶ ቤተ ክርስቲያንን የረጅም ታሪክ ጉዞ የሚያንፀባርቅ ዓውደ ርዕይ ተከፈተ

አዲስ አበባ, የካቲት 24 ቀን 2000 (አዲስ አበባ) ENA - ማህበረ ቅዱሳን ያዘጋጀውና የኢትዮጵያ ኦርቶዶክስ ተዋህዶ ቤተ ክርስቲያንን የረጅም ታሪክ ጉዙ የሚያንፀባርቅ ዓውደ ርዕይ ዛሬ በኢግዚቢሽን ማዕከል ተከፈተ፡፡

በርካታ ሀዝብ የተገኘበትን ዓውደ ርዕይ የከፈቱት ብፁዕ ወቅዱስ አቡነ ጳውሎስ ፓትሪያርክ ርዕሰ ሊቃነ ጳጳሳት ዘኢትዮጵያና የዓለም አብያተ ክርስቲያናት ፕሬዚዳንት ናቸው፡፡ አባቶች በየዘመኑ ያጋጠማቸውን ዕንቅፋት በመቋቋም ከፍተኛ ዋጋ ያለው ቅርስ ትተውልን አልፈዋል ያሉት ፓትርያርኩ ወጣቶቹ ይህን ሰፊ ታሪክ ህዝቡ እንዲያውቀው የሚያደርጉት ጥረት ሊበረታታ ይገባዋል ብለዋል፡፡

ዓውደ ርዕዩ በዘጠኝ ከፍሎች የተከፈለ ሲሆን ቤተ ክርስቲያኒቱ በሥነ ፅሁፍ ዘርፍ ያበረከተችው አስተዋፅኦ፣ ኢትዮጵያ የራሷ ፊደል እንዲኖራት ቤተ ክርስቲያኒቱ ያደረገችው ጥረት፣ የኢትዮጵያ ቤተ ክርስቲያን መሠረተ ዕምነትና ሥርዓት፣ የቤተ ክርስቲያኗ ሐዋርያዊ ተልዕኮ በኢትዮጵያ፣ በአፍሪካና በዓለም አቀፍ ደረጃ ያለው ገፅታ፣ የኢትዮጵያ ዘመን አቆጣጠር የተመሠረተው በኢትዮጵያ ኦርቶዶክስ ተዋህዶ ቤተ ክርስቲያን መሆኑንና ሌሎችንም ያካትታል፡፡ በኢትዮጵያ ኦርቶዶክስ ተዋህዶ ቤተክርስቲያ የሰንበት ትምህርት ቤቶች ማደራጃ መምሪያ የማህበረ ቅዱሳን የእሥራ ምዕት በዓል ዝግጅት ዓቢይ ኮሚቴ ሰብሳቢ ዶክተር ሙሉጌታ ስዩም እንዳስታወቁት የዓውደ ርዕዩ ዓላማ የኢትዮጵያ ኦርቶዶክስ ተዋህዶ ቤተ ክርስቲያን በ2000 ዘመን ውስጥ በተለያዩ ዘርፎች ለኢትዮጵያ ያደረገችውን አስተዋኦ ማሳየትና ማስተዋወቅ ነው፡፡

እንዲሁም አዲሱ ትውልድ ከቤተ ክርስቲያኒቱ አስተዋፅኦ በመነሳት የአባቶቹን መልካም ሥራ አርአያ በማድረግ ለቤተ ክርስቲያኗ፣ ለኢትዮጵያ፣ ለአፍሪካና ለዓለም የሚጠቅም ሥራ እንዲሠራ የሚያነሳሳ መሆኑን ገልጸዋል፡፡

ዓውደ ርዕዩ ለ10 ቀናት የሚቆይ ሲሆን ከ60ሺ በላይ ህዝብ ይመለከተዋል ተብሎ ይጠበቃል፡፡ በዓውደ ርዕዩ መክፈቻ ላይ ብፁዓን ጳጳሳት፣ ከፍተኛ የመንግሥት ባለሥልጣናት፣ ታዋቂ ሰዎች፣ ጥሪ የተደረገላቸው ዕንግዶች፣ የማህበረ ቅዱሳን አባላትና በርካታ ቁጥር ያላቸው የህብረተሰብ ክፍሎች ተገኝተዋል፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)