February 7, 2008

በደብረ ሊባኖስ ገዳም የሚኖሩ መነኮሳት በአካባቢው ነዋሪዎች ተደበደቡ





The Reporter, Wednesday, 06 February 2008
በኢትዮጵያ ቀደምት በሆነው የደብረ ሊባኖስ ገዳም የሚኖሩ መነኮሳት በአካባቢው ነዋሪዎች እየተደበደቡና እየተፈናቀሉ መሆኑን ተናገሩ፡፡ ችግሩን ቤተክህነት ቢያውቀውም ላለፉት ሦስት ዓመታት ምንም አላደረገላቸውም፡፡ መነኮሳቱ ችግሩ የደረሰባቸው፣ የገዳሙ ክልል በሆነ ቦታ ላይ በአካባቢው የሚኖሩ አርሶ አደሮች ቤት እየሰሩ ከአዲስ አበባ ለሚሄዱ ባለሀብቶች ሸጡ፣ "ይኸ የገዳሙ ይዞታ ነው" ብለው ሲከለክሏቸው መሆኑን የገዳሙ አስተዳዳሪ ፀባትዬ መሐሪ ሀብቴ ለሪፖርተር ጋዜጣ ተናግረዋል፡፡
ዝርዝር ዜናውን ያንብቡ፡፡

................... የደጀ ሰላም አስተያየት....................



በደብረ ሊባኖስ ያሉ ገዳማውያን ድምጻቸውን የሚሰማ የቤተ ክህነት ባለሥልጣን አጥተው ከቤተ ክህነት ደጃፍ መፍሰሳቸውን ሪፖርተር ዘግቧል፡፡ በዚሁ ወቅት ግን ቅዱስ ፓርያርካችን ‹‹ከፍተኛ ተጋድሎና መስዋዕትነት የከፈሉ በመሆናቸው፣ ለቤተ ክርስቲያን ላበረከቱት አስተዋጽዖ የወርቅ ሽልማት እየተቀበሉ›› ነበር፡፡

ዜናው እንዳተተው ‹‹በኢትዮጵና በዓለም ላደረጉት የሰላም አስተዋፅኦ ለኦርቶዶክስ ቤተክርስቲያን እድገት ላሳዩት ተግባርና ሌሎችም መልካም ምግባሮች በአስተናባሪው ተደጋግሞ የተገለፀላቸው ብፅዕ ወቅዱስ አባ ጳውሎስ፣ ርዕሰ ሊቃነ ጳጳሳትና ፓትርያርክ ዘኢትዮጵያ፣ ከኢፌዴሪ ፕሬዚዳንት ግርማ ወልደ ጊዮርጊስ እጅ የወርቅ ሜዳሊያ ተሸልመዋል››፡፡

ለቤተ ክርስቲን ትልቅ ሥራ የሠራ አባት አቤት ሊሉ ከግቢው ውጪ የፈሰሱ ገዳማውያንን ሮሮ አይሰማም? ጆሮው የሚከፈተው የወርቅ መስቀል ለሚሸልሙት ብቻ ነው? የሚገርመው ደግሞ የሸላሚዎቹ ነው፡፡ ቤተ ክርስቲያን በውስጥ በውጪ እንዲህ ተሰቅዛ ተይዛ የእርሱ ወርቅ ለመግዛት መሽቀዳደም ያስገርማል፡፡ በእውነቱ ይህ ጊዜ የምንሞካካሽት ነውን? ኧረ ይሉኝታ ይኑራችሁ!!!
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)