January 10, 2008

በአሜሪካ የሚገኘው የኢትዮጵያ ኤምባሲ ክርስትና ሃይማኖትን ያንጸባርቃሉ ያላቸውን ወንበሮች በሙሉ ከኤምባሲው አነሣ

በአሜሪካ የሚገኘው የኢትዮጵያ ኤምባሲ ክርስትና ሃይማኖትን ያንጸባርቃሉ ያላቸውን ወንበሮች በሙሉ ከኤምባሲው አገልግሎት መስጫ አካባቢዎች ማንሣቱ ታወቀ፡፡

በኢትዮጵያ ቱሪዝም ድርጅት እየተሠሩ ባህላዊነታቸውን ጠብቀው የአገራችንን ማንነት የሚያስተዋውቁት የታሪክ መገለጫዎች በተለይም በአክራሪ ሙስሊሞች በኩል ነቀፋ እና ተጨቁነናል ለሚሉት አባባላቸው በምሳሌነት የሚጠቅሱት ነበር፡፡ መንግሥት ሙስሊሞችን በማባበል ፖሊሲው በመግፋት በአምባሳደር ሳሙኤል አሰፋ አጋፋሪነት ለጠቅላይ ሚኒስትር መለስ ባለፈው ሚያዚያ 1999 ዓ.ም ለጻፉት ደብዳቤ መልስ እየሰጠ ይመስላል፡፡ ጉብኝትም ማድረጋቸውን በደብዳቤያቸው ጠቅሰዋል፡፡

ምናልባትም ይህ ኤምባሲው የፈጸመው ድርጊት የመጀመሪያው ትንኮሳ ሊሆን ይችላል፡፡ ነገ የሚከተሉ ሌሎች ርምጃዎች መኖራቸውን እናውቃለን፡፡

አንዲት አገር የተለያዩ ሃይማኖታዊ ቅርሦች ይኖሯታል፡፡ ኢትዮጵያ በእግዚአብሔር ፈቃድ ዓለም ያደነቃቸው ክርስቲያናዊ ሀብቶች ባለቤት ልትሆን ችላለች፡፡ ይህ የማይታበል ሐቅ ነው፡፡ ይህንን የሺህ ዓመታት ታሪክ ለመሰረዝ መነሣት ምን ይባላል? ዛሬ ወንበሮቹን አነሡ ነገ ደግሞ ምን ሊያደርጉ ነው? እኛስ ዝም የምንለው እስከ መቼ ነው፡፡ በእውነቱ መንግሥት ሊያስብበት ይገባል፡፡ ‹‹አክራሪ ዲያስፖራዎች ናቸው›› ብሎ የክርስቲያኖችን ጥያቄና ስሜት ባይገፋው መልካም ነው፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)