November 16, 2006

የአሜሪካው ሲኖዶስ ጳጳሳት ለመሾም በዝግጅት ላይ ነው


- አባ ወልደ ትንሣኤ አያልነህ እና አባ ገብረ ሥላሴ አልተካተቱም
- የተመረጡት የተሹዋሚዎች ቁጥር ከ12 አያንስም

ከ1983 ዓ.ም የመንግሥት ለውጥ ወዲህና በአቡነ ጳውሎስ ሢመት ምክንያት በተነሣው አለመግባባት በአሜሪካ በስደት ላይ የሚገኙትን የቀድሞውን ፓትርያርክ ብጹዕ ወቅዱስ አቡነ መርቆርዮስን የያዙ ጳጳሳት ሌሎች ጳጳሳትን ለመሾም በዝግጅት ላይ መሆናቸው ተሰማ፡፡
የደጀ ሰላም ምንጮች እንደተናገሩት ከሆነ ጉዳዩ ያለቀለትና ተግባራዊ ለማድረግም የተቆረጠ ነው ብለዋል፡፡ እስከ ዛሬም ሲፈራ ነበረ የተባለውና በቤተ ክርስቲያኒቱ ውስጥ ያለውን ጊዜያዊ የአባቶች መለያየት ዘላቂ ያደርገዋል የተባለው ጳጳሳትን የመሾም ሐሳብ እስከዛሬም የነበረ ቢሆንም በብጹዕ ወቅዱስ አቡነ መርቆርዮስ እምቢታ የተንጠለጠለ ሐሳብ እንደነበረ ምንጮቻችን ገልጸውልናል፡፡ ይህ የፓትርያርኩ እምቢታና ‹‹ቤተ ክርስቲያኔን ለሌላ ችግር አላጋልጣትም›› የሚለው ሐሳባቸው እንዴት ሊቀየር እንደቻለ ግልጽ አልሆነም፡፡
አባ ወልደ ትንሣኤ በሹመቱ ያልተካተቱት በፓትርያርኩ ባለመፈለጋቸው እንደሆነ የገለጹት የ‹‹ደጀ ሰላም›› ምንጮች ምክንያታቸው ምናልባት አባ ወልደ ትንሣኤ በብዙዎች በሚነቀፉበት አንዳንድ ትምህርታቸው ሊሆን እንደሚችል ጠቁመዋል፡፡ አባ ወልደ ትንሣኤ ቤተ ክርስቲያን ጫማ አድርጋችሁ ግቡ፤ በፒያኖ ዘምሩ፤ የፈለጋችሁትን ብሉ በሚሉ ጥቃቅንና የጸጉር ስንጠቃ በሚሹ ስብከቶቻቸው በብዙዎች ዘንድ የነበራቸውን ክብር አጥተዋል ይላሉ አስተያየት ሰጪዎቹ፡፡ የአባ ገብረ ሥላሴም አለመመመረጥ ከአባ ወልደ ትንሣኤ ጋር ተመሳሳይ በሆነ ምክንያት ሳይሆን አይቀርም ተብሏል፡፡
(የተሹዋሚዎቹን ማንነት እንደደረሰን እናሳውቃለን፡፡ ይጠብቁን፡፡)
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)