November 21, 2006

ፖሊስ ጭፍጨፋውን የዘገቡ የጋዜጣ አዘጋጆችን ለምርመራ ጠራ

በጅማና ኢሉ አባ ቦራ አካባቢዎች አክራሪ የእስልምና ተከታዮች በክርስቲያኖችና አብያተ ክርስቲያናት ላይ ያደረሱትን ጭፍጨፋ የዘገቡ ሁለት የኢትዮጵያ ኦርቶዶክስ ተዋሕዶ ቤተ ክርስቲያን ጋዜጦች አዘጋጆችን ፖሊስ ለምርመራ ጠራ፡፡
ኆኅተ ጥበብ እና ስምዐ ጽድቅ የተሰኙትን ሁለት ጋዜጦች አዘጋጆች ለኅዳር 13 1999 ዓ.ም ለምርመራ የጠራው የአዲስ አበባ ፖሊስ ኮሚሽን ሲሆን ከዚህ በፊትም አዘጋጆቹን ለምርመራ ወስዷቸው እንደነበረ ለማወቅ ተችሏል፡፡

ፖሊስ ለምን አዘጋጆቹ ላይ ክትትልና ጥብቅ ምርመራ እንዳደረገ ግልጽ ባይሆንም ከጭፍጨፋው ዜና መውጣት ጋር ጉዳዩን በቪዲዮ ቀርፆ ካሠራጨው አካል ማንነት ጋርም የተገናኘ ሊሆነ እንደሚችል ተገምቷል፡፡
የዚህ የቪዲዮ ቅጂ በድረ ገጾች ላይ ከመውጣቱም በተጨማሪ በኢትዮጵያ ውስጥ በስፋት በመሠራጨቱ መንግሥት ነገሩን ለመቆጣጠር መነሣቱ ታውቋል፡፡ በሌላ በኩል ግን ‹‹ጉዳት የደረሰባቸው እስላሞች እንጂ ክርስቲያኖች አይደሉም፡፡›› የሚሉ ዜናዎችን በብዙ ፉከራዎች እያጀበ የሚያወጣ ‹‹አል ቅዱስ›› የተሠኘ ጋዜጣ ግን በይፋ እየተሰራጨ መሆኑን ለማወቅ ተችሏል፡፡ ፖሊስ እንዲህ ዓይነቱን ወገንተኝነት ለምን መያዝ እንደፈለገ ለጊዜው አልታወቀም፡፡
‹‹ኆኅተ ጥበብ›› የተሰኘው የአዲስ አበባ ሀገረ ስብከት ወርኃዊ ጋዜጣ ሲሆን ‹‹ስምዐ ጽድቅ›› ደግሞ በማኅበረ ቅዱሳን እየተዘጋጀ የሚወጣ ጋዜጣ ነው፡፡
Post a Comment

Blog Archive

የአቡነ ጳውሎስ "ሐውልተ ስምዕ"

ነጻ ፓትርያርክ ምርጫ ቢሆን ኖሮ ማንን ይመርጡ ነበር? እንበልና ሁሉም ነገር ሥርዓቱን ጠብቆ የተከናወነ የእጩዎች ምርጫ ቢሆን ኖሮ፣ አሁን የምናነሣቸው ጉድለቶች ባይኖሩ ኖሮ፣ 6ኛው ፓትርያርክ እንዲሆን የምትመርጡት ማንን ነበር? (ማሳሰቢያ፦ አሁን ያለው ክፍፍል እና የመንግሥት ተጽዕኖ ባይኖር ኖሮ ተብሎ የሚመለስ ጥያቄ ነው። የምን “ባይኖር ኖሮ ነው” የሚል አስተያየት ካለዎትም እናከብራለን።)